蛋記

营业中

休息中

真係由細食到大，全港第一格仔餅。如果你鍾意脆口感，你就會好鍾意。但係如果你鍾意好有咬口嘅時間，呢間未必係你第一選擇。不過我就鍾意食好脆嘅，所以我好鍾意食。😂😂😂

太安樓掃街已經好少食格仔餅，因為坊間D格仔餅得個厚字，餅身又軟，冇蛋味，同埋D練奶花生醬溝到好稀，當食嘅時候D汁垂直流晒係袋底，已經放棄格仔餅好耐咁啱見到蛋記有幾個人排隊，又試吓佢嘅格仔餅（$22）等咗大概15分鐘有得食，心諗睇點解格仔餅🧇咁薄，係咪咁慳料，食第一啖完全明白咁薄有原因，外脆內軟，有D蛋味，仲有D牛油花生醬練奶唔會好稀，每啖格仔餅都有醬料，好好食食完即時追加雞蛋仔，想試吓特別D，叫咗芝士雞蛋仔（$28），又係15分鐘左右有得食，雞蛋仔都係外脆內軟，係好食嘅，但係食唔到芝士味！總括嚟講係好食嘅😊

見到長期都要排隊既雞蛋仔🧇身為雞蛋仔鐵粉 當然要排一排試一試新鮮出爐熱辣辣 佢粒粒都脹卜卜 外脆內軟既外皮同入面軟綿綿既蛋糕質感完全符合雞蛋仔標準而且$22 我覺得對得住個價錢高分⭐️⭐️⭐️⭐️⭐️

📍Hong Kong📍#ami港島綫 #蛋記 #太安樓唔知道大家中意食雞蛋仔多啲定格仔餅🧇多啲呢？貪心既Ami仔就兩種都中意食🤪今次帶大家黎到太安樓好出名既蛋記，次次經過都有條龍仔係，等我黎試下佢係唔係真係咁好食先。今次試個格仔餅先，相比其他格仔餅🧇黎講佢比較遜色小小，有小小失望。😖個蛋漿無乜蛋味，整個餅都比較薄。另外，醬個部分唔平均比較少，主要都係係中間個到。同行朋友都表示味道不及以前，以前食既蛋漿好香蛋味。😖同店宜家仲有賣長洲糯米糍，但當日食得太多野所以無買到黎試，都見幾多人買，下次再試。但對於雞蛋仔同格仔餅🧇黎講就比較一般，食過有更多更好食。下次再介紹比大家都係係東區的！唔知大家估唔到邊間呢？🤭______________________________
💰價錢: HKD $22😋味道: ❤️❤️🖤🖤🖤📍地址: 西灣河筲箕灣道57-87號太安樓地下A3B舖#hongkong#hkfoodie#hkig#foodgasm#foodphotography#hkfoodblogger #hongkong

朋友好推薦依間雞蛋仔，話黎親都要食，佢話平時好多人排隊。今日好好彩冇咩人等，行一圈就有得拎。————————————♥————————————- - - - - - - - - - - - - - - - - - - - - - - - - - - - - - - - - - ♥️ 原味雞蛋仔 $20有兩款口味選擇芝士/原味，見第一次食就試左原味先，蛋味唔算濃郁但又未去到完全冇蛋味，熱辣辣食都還好味，凍左就淋哂，好似霆鋒個雞蛋仔咁😆。- - - - - - - - - - - - - - - - - - - - - - - - - - - - - - - - - - ————————————♥————————————

太安樓兩間雞蛋仔中人流較多的一間，經已開設二十多年，累積很多熟客，數年前只賣雞蛋仔和格仔餅，疫情後加賣長洲糯米糍。食物都是即點即製，雖然製作地方簡陋，不過沒有擺放很多道具，所以仍給我清潔的感覺。他們所用的蛋漿較小，令雞蛋仔變薄，裡面空氣會多一些。最初熱騰騰時吃因為蛋香薄弱顯得味道不足。當後面溫度降下來，蛋香消失便更容易吃出蛋味。我喜歡這種做法，吃完不會太飽，印象又不至太重。不過網上評價差別很大，相信是食客的食用喜好不同吧。

太安樓一向都係美食天堂，每次黎我都會幫襯呢間蛋記❤佢既雞蛋仔同格仔餅都超出色💯雞蛋仔整好之後會用風扇吹到脆一脆先俾你😎而格仔餅都係脆的！🤩係其他地方真係好小食到脆既格仔餅‼️每次都會叫多醬，真係好正😚而家雞蛋仔同格仔餅都係$20一底☺️即叫即做！冇得輸👍/📌太安樓雞蛋仔西灣河筲箕灣道57-87號太安樓地下A3B舖/😋食物質素：8.5/10🍽️用餐環境：5/10💰性價比：8.5/10👣回頭率：8.5/10

🤍 太安樓蛋記 🤍🧇格仔餅🧇 💰$20即叫即整 拎上手仲熱辣辣🤤外脆內軟仲有蛋香味🥰唯一缺點係覺得唔夠醬！下次要叫佢多花生醬同煉奶！🤤🤤🧇雞蛋仔🧇 💰$20都係即叫即整不過一定要趁熱食 耐咗就會淋晒👀格仔餅出色啲～大家去太安樓一定要試吓！！！

🍴原味雞蛋仔 $20 (5/10)即叫即整，好脆身，但咬落比較空心，唔係蛋糕質感，入面比較濕，冇乜味，蛋味較淡，真心好一般🤣推薦指數: 2/10好一般，唔需要排隊買嚟食，太安樓咁多好嘢食可以買其他，另一間雞蛋仔都好食啲😅

西灣河美食攻略 2021年9月 雞蛋仔名店 蛋記 雞蛋仔新鮮即造即焗,比客之前仲會吹風更香脆香港地道街頭小食 魚蛋燒賣仲有格仔餅雞蛋仔!!太安樓呢間街坊雞蛋仔店諗要雞蛋仔好定格仔餅好呢?當然就係2樣都食啦~自從阿蘇推介過雞蛋仔後 咁多年都要排隊十分鐘以上呢!熱辣辣的雞蛋仔同格仔餅就係好食!金黃色既外衣,做到外脆內軟,一口咬下香甜既蛋味,口感豐富!食完令人很滿足唯一就係水準不穩定,有時人太多會無咁脆唔夠時間吹風機評分7/10消費$40蛋記雞蛋仔地址： 西灣河筲箕灣道57-87號太安樓

太安樓係港島人嘅掃街天堂，比去旺角、荃灣更近，而且檔檔都價錢便宜，次次都可以飽住咁走！所以太安樓長期都人來人往，當中不乏街坊熟客，以及來自九龍新界嘅食客！呢度有各式各樣嘅小食店，每次過嚟都花多眼亂🤭 今次就過咗嚟食雞蛋仔！見到呢間有阿蘇推薦，即刻想試吓睇吓伏唔伏😂店面都算乾淨企理嘅，雞蛋仔同格仔餅都係即叫即整，大多數食客都係叫格仔餅，而我就想試吓個雞蛋仔，等咗5分鐘左右雞蛋仔已到手！❤️ 雞蛋仔 $18色澤上唔多討好，趁熱食都尚算外脆內軟，雞蛋仔中間唔係完全實心，有蛋糕嘅口感。蛋味就唔算濃，反而鹹味同牛油味較濃，食幾嚿已經覺得鹹同口乾要飲水😗好食度：⭐️ (1/5)餐廳推薦度：⭐️✨(1.5/5)我覺得呢間就唔係一定要過嚟食，味道一般，食完唔會想下次再食多次嘅感覺！不過我見好多熟客都有幫襯，蛋記嘅雞蛋仔同格仔餅相信係唔少街坊嘅童年回憶😉

做完gym為咗想多少少運動量一於喺太古行番筲箕灣。途中經過太安樓不如順便獎勵下自己😏見到蛋記見冇乜人排隊，不如買個雞蛋仔當晚飯前嘅treat！呢間蛋記係陪住我成長嘅小店，由我小學學完琴爺爺買俾我$6/底到而家$18/底，已經係十年八載前嘅2倍價錢📈冇幫襯一排，而家蛋記已經用上印有自己店名嘅紙袋，例牌紙袋上嘅小孔令熱辣辣雞蛋仔散熱，唔怕會淋過毛巾🤪==============================原味雞蛋仔 $18外層香脆，內層蛋糕佔雞蛋仔約三分之二，係我鍾意香脆軟熟兼容嘅口感～美不中足係比較乾身同蛋味唔夠，食落味道仲有少少苦，可能因為梳打粉嘅份量多咗嘅關係🤨其實食得蛋記就預左冇得同東大街嘅低調高手/ 媽咪雞蛋仔/ 北角雞蛋仔比較，因為今次唔單單食雞蛋仔嘅味道，食緊嘅係滿滿嘅兒時回憶。希望五年、十年後蛋記仲會繼續係太安樓，等我可以分享我嘅兒時回憶俾我未來嘅仔女👴🏻👵🏼

太安樓係東區想掃街既好地方，佢唔只多款，仲價錢平民。想飽d可以食個熱狗，車仔麵，食個海南雞飯，粥品或者糯米飯； 口痕 可以食下雞蛋仔，魚蛋，手抓餅。。。今晚大概八點鐘先嚟到，又係嗰啲少少飽，唔太想食嘢，但係又想食啲嘢好矛盾嘅時刻。喺度行咗兩個圈食咗串魚蛋之後好想食返大雞蛋仔。呢度有兩檔雞蛋仔都好出名，就真係好睇你鍾意比較厚，定係比較脆，比較香，定比較有蛋味。我就比較鍾意蛋記，佢唔單止有過外國傳媒嘅報道亦都有阿蘇嘅認證。今晚比較晏所以只需要等一個人就到我啦。已經大概一至到兩年冇食過，入口嗰下所有感覺返曬嚟，比較薄身同埋脆。我講多次佢係比較脆，大家請留意蛋記雞蛋仔唔係嗰種中間好厚你咬落去啖啖蛋糕咁嘅雞蛋仔。佢係脆既😂😂我鍾意佢即叫即整熱辣辣。雖然熱得滯放唔落口，但係冇鬧市街頭一早整好放喺度畀你，上手淨係得暖嗰種好好多。好多人都話個仔整得畀媽媽好，食過好幾次我大致上認同呢個說法。但係如果講最好食既雞蛋仔，個人覺得一定係筲箕灣地鐵站附近嘅x調高手。如果去開太安樓又人多 你可以兩間都試哂架

平時去開媽咪雞蛋仔都要$40一底，咁啱行過太安樓，諗住見到如果係老闆娘，就應該唔會買，尤其是睇完近排啲食評。點知好好彩係哥哥仔開檔，二話不說就放低$20 ，等待時候並沒有其他人所說的5分鐘那麼長，我行了一個圈回來已經準備好，還有不少人仍在排隊。這個價錢來說，算為超值，街上的普通魚蛋鋪的難食雞蛋仔也需要20多元。薄脆既餅底加上少量的煉奶、花生醬，牛油，一夾下去便慢慢融為一體好味道，最適合下午茶時段和太安樓掃街首選。不會太甜膩或太過飽肚。

$18一底雞蛋仔，價錢正常佢嘅雞蛋仔係即叫即整，加上嗰日無乜人，要由頭起個爐，所以都等左一陣。雞蛋仔的確係外脆內軟，但入面個質感係比較空氣感，而唔係綿密嗰種；加上個蛋漿其實都有少少稀，無乜蛋同牛油香，作為飯後甜品就幾好唔會太heavy，但就可能唔係expect 嗰種，可能作為格仔餅會夾啲。