蛋香烘焙 (已結業)

香港小食之中，雞蛋仔都算係佼佼者，亦都冇乜人未食過，除咗童年回憶之外，亦係好多人嘅至愛😍呢間蛋香烘焙，竟然選擇喺深水埗呢邊落腳，獨沽一味，售賣此類小食，位置亦唔算太旺，其實都算幾大膽😅除咗雞蛋仔，當然仲有夾餅，呢兩樣嘢好似兩兄弟咁，通常會並存，佢加入左幾種不同嘅味道供選擇，強調即叫即製，要耐心等候😬跟餐可以配佢哋嘅自家製飲品，有隱形檸檬水、檸檬茶、薏米水、羅漢果、菊花茶和紫背天葵等等，套餐價係$25-27元🤗我淨係Order左一個原味雞蛋仔$16元試下，留意到佢製作是非常專心，用鬧鐘計算時間，和風乾表面，拎上手是熱辣辣的👍🏻外觀色澤甘黃平均，入口蛋香味夠，而且外面脆的情度很理想，相信是經過反覆實驗，真正的外脆內軟，非常有質素，這底雞蛋仔絕對令人感受到製作者的用心，很讚👍🏻

以前住美國想食雞蛋仔嘅話一定會去唐人街但質素真係會令人慘不忍睹疏氣不特止，仲要油淋淋食落似pop cake可能鬼仔性格啦～總之好難食本身都鍾意食雞蛋仔嘅細細粒，anytime啪一底都唔會好飽呢間 #蛋香烘焙 嘅雞蛋仔粒粒飽滿，外層又脆內層唔係空心型，反而食落有煙韌口感（食食吓有d似大埔昌運果間）不過呢度蛋香再出d...好食嘅～跟住見到有自家制檸檬汁我好愛檸檬🍋所以試咗一樽（咳咳咳咳⋯）好甜，自己再溝水，好飲返d...

昨天我和朋友經過深水埗營盤街，飄出香烘雞蛋仔味道，就被此味道吸引，一看門口招牌《蛋香烘焙》眼見櫃前有多款味道，突破傳統雞蛋仔做法，我就嚐試叫“紐西蘭低脂芝士雞蛋仔”等咗3分鐘新鮮香烘雞蛋仔出爐，食了第一粒我和朋友嗌了一聲出嚟，好特別超好味，本人食過同區多間都不及《蛋香烘焙》此店製作，真材實料，蛋味香濃，芝士奇清香入口，真心要讚，要俾100分

深水埗呢間新開的雞蛋仔非常有驚喜，全部即叫即做，我哋12點經過，剛剛好開門，唔使等，即刻買幾底唔同味試！原味，必食，外脆內軟又有蛋香，粒粒飽滿，好耐未食過咁高質的雞蛋仔！我最愛格仔餅，即焗，超厚超鬆軟，好足料，老闆一啲都唔慳花生醬和練奶！好好食阿仔叫咗朱古力雞蛋仔，估唔到又幾好食，唔會太甜又有溶溶地的朱古力，好快就ko曬最後試埋芝士雞蛋仔，我幾鐘意，好香唔漏由於即焗關係，係要俾少少耐性等，但值得嘅，下次去深水埗再幫襯過！

香港人從來都是這樣， 永遠 適應環境， 喜歡求變。 蛋香烘焙的老闆， 本來是做旅遊領隊， 但為了你想自己 鑽研 雞蛋仔的做法， 做出高水準的雞蛋仔， 這就是香港人的精神。 就這一點 Ben爺常讚賞!但是Ben爺也不是隨便評分的。 這裏 所 用嚟做雞蛋仔的工具， 都是屬於專門， 並不是便宜貨。 由於熱度夠所以能做到外脆內軟的效果， 做完之後還要用冷風機吹大概十秒鐘左右， 太多年沒有濕潤的感覺， 所以一切都要拿捏得非常準確。要體驗香港人的精神， 就要嚟幫襯這一間店。 一底 原味雞蛋仔新鮮滾熱辣才賣16元，是非常超值。

係深水埗行過，見到有間新開雞蛋仔鋪。又見有啲肚餓。。決定試下呢間係即叫即整，唔怕會凍，等大概3-4分鐘到熱辣辣雞蛋仔係最好食試左綠茶味，同榛子醬格仔餅棒子醬格仔餅以為食完會好濟，但食完又唔會，甜度岩岩好。綠茶雞蛋仔又香綠茶味下次要試埋芝士雞蛋仔聽老闆娘講黎緊會有肉鬆味雞蛋仔，都好期待另外鋪頭仲有賣自家制飲品，有薏米水，檸檬汁，檸檬茶，仲有啲唔記得叫咩名。試左檸檬茶，唔太甜，又唔太酸。絕對可以試下。絕對有下次，希望呢間鋪頭keep到甘好食

昨天與太太去了深水埗工作，在午餐前又有些肚餓，路經這間雞蛋仔叫蛋香烘培！心想這一間鋪頭就是只賣雞蛋仔，怎麼能維持呢？要知道現在的租金那麼貴，而且鋪頭買的價格亦不高。本想抱住犧牲的態度是試一試。結果出來的效果，喜出望外，今次是了一個叫做紐西蘭低脂芝士雞蛋仔，味道好，而且軟熟脆口！絕對對得起這個價錢！見到還有很多特別味道，下次路過時，再試試其他口味！btw 老闆娘好nice,好好人，好落力介紹每款雞蛋仔！

前晚經過深水埗見到間鋪好多人等緊,行過去睇下開左間咩鋪,原來係賣香港人小食嘅雞蛋仔同夾餅鋪頭心思思見咁多人等☺我都買左一底原味雞蛋仔試下落完單見到老闆即刻去廚房整,見佢地係開放式廚房,可以見到d雞蛋仔同夾餅點整等左3分鐘左右原味雞蛋仔就係我面前一拎上手熱辣辣,好香蛋味同好脆,一d都唔馬虎老闆娘仲介紹我下次可以食粒粒朱古力雞蛋仔同自家製嘅嘢飲,有隱形檸檬茶同薏米水,黎緊夏天一定要試下下次一定會再幫襯

新開嘅蛋香烘焙有好多不同味道選擇!老闆同老闆娘笑容超好!仲耐心介紹每一款口味!今次特別試左芝士味,朱古力味仲有綠茶紅豆!各樣既雞蛋仔仲要熱辣辣新鮮出爐!下次都會繼續幫襯!

今日去探朋友仔，經過好香。。。原來係雞蛋仔呀…個仔見到即係叫買。佢都有好多味道，本來想要個 綠茶紅豆味，但仔又想要朱古力。。。又就晚飯無理由買兩個架，個仔話不如要 綠茶朱古力, 我話人哋冇呢個味呀. 老闆娘聽到，話小朋友你咁有創意試下整畀你啦😂 太好啦一次過滿足我哋兩個。 老闆娘你真係好好人呀!好足料好好味， 仲好香蛋味添呀。 朋友話原來佢係新開冇耐㗎，食過幾次幾好食， 重話我哋咁識食。

唔使老遠去炮台山了，昨天經過見到，食咗紐約芝士味同紅豆綠茶，好香又脆，蛋味又香濃，一試難忘。還有原味，朱古力味，黑芝麻味...聽老闆說遲D還會有更多新口味添，好期待