蜀客 (已結業)

那天很多人，所以只能編配水吧的座位。雖然位置麻麻地未能睇到窗外的美景。但係都影響唔到食物嘅質素。辣子雞同埋酸菜魚都非常美味可口。員工雖然都非常忙碌但係都非常細心友善。喜歡食川菜的都可以試下。

K11 Musea多好嘢食，真係係人都知，我以為多數都係西餐了得，但係原來呢度都有一間好出名嘅川菜，本身我以為呢間餐廳係打邊爐，但係原來佢係食川菜小菜的，今次就同朋友一齊嚟食囉位於較高樓層嘅佢，門面都幾有裝橫，係得呢度嘅，確實都係有一種高級嘅感覺我個人食呢啲新嘅餐廳，最鍾意就係叫套餐，因為唔需要自己煩，唔使逐樣諗食啲乜，所以我同朋友都揀咗套餐A，因為相對比較適合我哋，而且套餐內容都已經好豐富，基本上都已經好充足坐低之後，當然黎一壺茶先啦，我哋揀嘅係鐵觀音，水滾茶香，一路飲住等我哋嘅川菜嚟啦等緊啲川菜嚟嘅時候，我哋環顧四周，望到有一邊係窗口位位置，可以望住維港，今次冇被安排坐呢度，真係有啲可惜，如果望住維港，一路食川菜，箇中感覺應該真係冇得頂第一個先來嘅係鮮拆魚蓉羹，雖然我唔係好知乜嘢叫拆魚，但係佢呢個羹，飲落好舒服，當中好似包括翠玉瓜粒喺入面，大量先魚肉包含在內，飲落都幾有口感呢三個都係好好味嘅頭盤小食，分別係燒椒金錢肚，蒜汁秋葵琴 及 香菜拌豆乾，淨係睇到呢度，其實都見到佢整體嘅份量都已經好多我個人就覺得呢個秋葵最好食，因為蒜汁非常香濃，滲透每一條秋葵之餘，秋葵亦都非常有口感，林林地

我同朋友近年都愛上咗食辣🌶，特別係麻辣，所以會專登搜羅邊度有川菜餐廳。呢日喺某App見到位於尖沙咀K11 Musea嘅「蜀客」有提供訂枱優惠😜，晚上八點半入座可享五折，咁鬼抵就一於試吓。餐廳環境好有氣派，燈光昏暗，部份座位望到海景🌃，而且呢度好似仲有包廂同室外區添。雖然成個格局好似好高檔咁，但食物定價其實唔係想像中咁貴，即使原價計算都一樣。水煮牛肉(半價$234)，餐廳現時做緊限時優惠🈹，凡八點半後入座，可以以半價點選酸菜桂魚(原價$428)或水煮肥牛(原價$468)。原價我覺得有少許貴，但半價後即刻變得抵食。水煮牛超大鍋，如果配飯食，四個人都夠呢。我本身擔心水煮菜式會好辣😳，皆因眼見紅湯上面佈滿辣椒籽，不過出奇地佢係多麻少辣，辣度介乎於微辣至小辣之間，並加入大量炒香咗嘅地道四川香料同花椒辣椒，令到味道好香濃，而又易入口。🥩牛肉採用咗美國安格斯肥牛，質素唔錯，肥瘦適中，肉質嫩滑多汁，牛味濃郁。另外，底部仲配以煙煙韌韌嘅粗薯粉同埋爽脆油麥菜一同索味，口感層次進一步提升。乾鍋手撕包菜($168)，佢比我嘅感覺其實即係回鍋肉，而食落其實亦都似🤣。包菜係指椰菜，以手撕成小片，配以芹菜同辣椒一齊

本來想去試一下感覺超值的午市3人套餐。最後竟然去左食晚餐我估大部份人去食川菜都會點酸菜魚或者水煮菜式。我都唔例外。首先我覺得酸菜魚的湯,可以再多點花椒的香味去平衡酸菜的咸味。另外，主角桂花魚的肉出奇地唔滑，是切得太厚的原故嗎？還是煮太久呢？因為份量頗多，然後點的其他菜式基本上同時間出現，所以酸菜魚食了一半就涼了。如果用微火熱著比較好同時上菜的有兩個前菜，蒜泥白肉同埋鲜椒海鮮滙。兩個冷盤都比較出色。海鮮滙係當晚我最like的菜色。簡單的辣椒加醬油就幫小海鲜提鲜。而白肉質地滑而搭配的醬料都好惹味，就係蒜味有點不足。最後一道菜乾煸四季豆，都炒得幾香口，唔會太咸。就是有點貴最後點了冰粉，老實講冇乜特別，又唔凍又唔覺得解辣。。後話：其實服務唔錯（會自動加茶)，餐廳裝潢都幾靚，又有維港景。不過臨走前好似見到不速之客在玻璃牆上百葉簾上走過，都是眼不見為乾淨

首次到蜀客食酸菜魚，進入餐廳，就望到一個維港夜景，當天沒有煙霞，所以特別美麗。當天點了酸菜桂魚，鮮椒海鮮匯，胡椒牛肉，宮保雞丁，甜品擂沙湯丸。酸菜桂魚肉質好滑，口感一流，湯底沒有味精，食完沒有口乾；美中不足，酸菜過酸，有少少扣分，不過還是推薦大家。鮮椒海鮮匯一般般，雖然店員推薦。胡椒牛肉，肉嫩，配碟芽菜有驚喜，好新鮮，給我清晒，我朋友都大讚。宮保雞丁送飯一流，一口一口雞丁連飯扒進口，好野味，停唔到口。擂沙湯丸不試，也不可惜，沒有什麼特別。雖然有靚夜景，但因為枱跟枱中間，沒有間隔，所以比較嘈吵。可能加上屏風，會擋到餐廳較中間位置，看不到夜景吧。K11 吃晚飯，人均消費600左右，想再食有質素川菜，我會再去。

開喺k11 musea 入面嘅餐廳應該都唔錯。今日嚟咗呢間餐廳食川菜，價錢唔係話特別平，但8:30後原來酸菜桂魚同水煮肥牛都有半價，咁又幾平，下次再食過。鮮椒海鮮匯個人覺得係今餐最好食嘅餸之一，入面有大蝦、小章魚、帶子等海鮮。個汁唔會太鹹，落咗少少滾香咗嘅熱油，上面加咗切碎左嘅葱同埋辣椒。幾款海鮮點咗汁好開胃，而且都好彈牙爽口。香辣雞軟骨辣就唔係好辣，個外皮炸得鬆脆，雞軟骨大大粒，令到人食唔停口呀。糖醋里脊肉其實就係咕嚕肉，酸酸甜甜，肉質唔會太實，不過不失啦。乾鍋茶樹菇好有鑊氣嘅一道餸，乾辣椒、葱同肉碎做陪襯，令到茶樹菇炒得好入味，送飯一流。香煎蓮藕餅覺得呢個蓮藕餅都幾有心思，因為佢嘅餡係夾住喺兩片蓮藕中間，蓮藕切到薄薄地，感覺都幾精緻。估唔到有Cocktail飲係signature cocktail ($108)酒精味唔係好濃 好啱女仔飲為晚餐畫上完美句號

今晚首選去咗尖東一間川菜館，餐廳叫做＂蜀客＂主打的是新派四川菜，餐廳環境好清雅，侍應招待我們坐低，開始點菜，點左腰果蝦仁，蝦仁配腰果，兩樣都爽口匹配。瑤柱豆苗蟹粉，瑤柱絲煙煙銀銀的，和豆苗的嫩滑，首選是麻辣鍋，鍋內有好多香料，包括有八角，草果，蔥花，芫荽，紅椒，花椒油，材料有牛百葉，餐肉，大豆芽，牛肉，豆粉皮材料十足，紅色的麻辣油，睇見都非常酲胃，一道好有代表性的川菜，椒鹽豆腐，正正方方的小豆腐，經過走油後加，淋上少許醬汁，豆腐味十足而外皮脆皮。香煎蓮藕，藕片釀豬肉煎香，藕片好有咬口爽脆，杏香蝦球，大蝦先走油，加上杏仁碎灑在上面和調製過的醬汁，再配上新鮮青瓜，絕好的配搭，加甜品，薑汁湯圓，和豆腐花，加上露台外的維港夜色伴隨，加上食物質素非常到位，值得再次光顧。

K11 Musea 開了許久了，就是一直沒有時間好好逛逛，經過這間蜀客被其新穎裝橫吸引。新派風格之餘茶具和字畫古式古香，兩者配搭顯出心思。幸運被安排玻璃位可以欣賞海景。選了午市酸菜魚3人套餐，有四川口水雞、香辣桂花魚骹、酸菜桂魚、鮮炒時蔬、擔擔麵、豆腐花。1. 前菜炸黃豆黃豆非常脆香，微咸容易入口，充滿了北方的風味，欲罷不能，和女兒一粒一粒吃個不停。2. 四川口水雞蜀菜必食之一。自家製的麻辣醬微辣中帶點麻，嫩滑路香脆花生帶來美妙口感。3. 酸菜桂花魚點菜時侍應見女兒比較少，提議減辣非常貼心。酸菜酸酸甜甜味道剛剛好的，桂花魚嫩而鮮，當然少不了的是脆溜的芽菜和那彈牙的冬粉。女兒異常喜愛，特別是冬粉，吃光後還想要，真誇張！4. 香辣桂花魚骹上菜被辣椒份量嚇了一跳，女兒立刻耍手不吃，膽粗粗試一口，辣得要求喝口水但可以接受，魚骹外脆內嫩，好吃。5. 擔擔麵吃完辣魚骹後擔擔麵顯得清淡😂6. 黃糖豆腐花自家制夠嫩溜。加上黃糖好好吃，充滿了黃豆的香味，女兒至愛，吃了2大碗。

朋友知道我最愛酸菜桂魚，每晚8:30後有半價優惠（酸菜桂魚 及 水煮肥牛），另外Openrice 都有半價套餐，半價可以望到海景食精緻川菜，都無理由唔試大家都知K11 Musea一向級數有返咁上下，餐廳入到去一派高級中菜館格局，貫徹K11 Musea氣派，待應殷勤有禮貌，詳細介紹菜式飯前飯後可到優美酒吧喝酒飲返杯都幾疏孚酸菜桂魚片 桂魚片已起骨，一條魚骨都沒有，大大塊魚片，仲非常嫩滑，原來用左兩斤半重大桂魚！再加入萵筍、豆芽和粉條，都幾飽肚又健康酸泡菜同平日食到有唔同，原來四川出產，湯底可以形容一滴油都無，湯入口麻、酸、鮮、甜平衡，唔會好辣，當湯飲都無問題鮮拆魚肉羹 魚肉羹入口鮮甜，魚肉片片新鮮，食完無口乾，完全唔覺有味精干鍋鱔魚干鍋鱔魚好香口而不膩，有花椒麻，辣椒既香，入口又香又麻，非常惹味蒜泥白肉白肉唔會肥，同平時食到唔同，但又唔會鞋口。入口不會太辣，非常惹味乾鍋手斯包菜手斯包菜係一道好惹味炒椰菜，加入花椒、辣椒、蒜，仲食到少少美極，炒得香口又唔會太咸太油餐廳環境又靚，仲有無敵海景下食到川菜，而侍應會主動幫手加茶加熱水，服務一流，的確值得表揚Menu

之前係openrice見到蜀客精選套餐做半價就買黎試下，打電話預先book左星期六夜晚同女朋友去食。餐廳裝潢優雅，侍應服務態度良好，好快就上左前菜。蒜泥白肉幾滑，加埋啲醬汁辣辣地咁幾好食。鮮椒海鮮滙八爪魚爽口彈牙新鮮有口感。鮮椒黑木耳酸酸地好開胃！之後就上瑤柱海鮮豆花羹，材料好足，味道鮮甜。主菜酸菜桂魚，桂花魚鮮嫩無骨，無腥味，酸菜酸咸度適中，湯底少少辣，整體質素非常高！蔥爆鮮蝦球，蝦都幾大隻，爽口彈牙，加埋大蔥去爆炒好惹味。宮保雞丁，好多乾辣椒，雞同腰果都充滿辣椒香味！燴炒花椰菜，椰菜花爽脆唔會太淋，夠曬鑊氣。主食回鍋肉炒飯，唔會炒到好油，飯粒粒分明。甜品四川冰粉，食完辣的主食之後食冰涼的冰粉簡直透心涼，跟配料花生碎、葡萄乾味道非常夾！雖然每樣菜式的份量都唔多，但整體食完兩個人都已經夠曬飽，好評！下次有機會會就幫襯的。

睇左食評知道呢度d 服務麻麻地，已經有心理準備，由點菜開始就體驗到😰 同待應講我地要4人份量既 「經濟套餐（2位起）」，侍應就話我地4個人叫2人餐會唔夠食。我地再解釋即係要2個2餐，佢叫我地叫4個2人餐，黑人問號左一輪先成功溝通到。。。❤️酸菜桂魚 桂魚d肉都幾滑，加埋冬粉酸菜，唔錯唔錯🧡宮保雞丁 炒得都幾香幾惹味，睇落好多辣椒但食落只係微微辣💛金錢牛肚 蒜汁秋葵 香菜拌豆乾 全部都幾開胃，味道又唔錯既前菜套餐仲有魚蓉羹，蔥爆鮮蝦球，炒菜，擔擔麵，芝麻湯圓，真係超級飽！整體味道都唔錯，不過炒小菜全部都好油。。。勝在有個靚靚維港景，可惜服務同價錢完全唔成正比，侍應長期狀況外咁，溝通成本好高，要有定心理準備先好去食😂

尋日睇早場戲之後，一行三人打算找中午飯吃。（三個都未食早餐）一出戲院門口即刻見到呢間餐廳。有三人套餐非常之經濟，平均每人$100多d左右。 計埋小吃及茶位，每人140,比預期貴dd...anyway,都係合理。(重點慳返唔少腳骨力及時間）前菜：好似係炸黃豆及甜甜地嘅蠶豆，很難食，要收$25☹️😢第一碟菜 ：口水雞，份量只係一本size，大約只有六件，有啲少，但味度都幾好食。啲雞幾滑，而且個麻辣醬都幾好食。第二碟菜：酸菜桂花魚，湯底有泡椒，味道開胃，最啱我鍾意食辣嘅人，啲肉非常新鮮，而且薯粉非常好咬，好有口感，酸菜及芽菜都非常好食，我仲飲咗一碗湯添……😜第三碟菜：擔擔麵，一小碗，味道一般，基本上冇乜汁，乾到爆，於是我加咗一啲酸菜魚嘅汁入去，好食好多。第四碟菜：辣椒炸魚鮫，啲魚鮫好細粒，都以為係炸雞軟骨😂，味道還可以，但炸得唔夠鬆脆好多辣椒一齊炒，但沒有辣味。甜品：豆腐花，而且仲係非常之滑，好好食，而且仲係暖！服務：呢度嘅服務員都唔錯，我哋三個人想坐近啲窗口可以望一望維景景色，佢哋都有安排近啲嘅座位。而且喺門口問完嗰個套餐之後佢已經即刻幫我哋落咗order，非常讚讚！而且添茶嘅速度非常之快，

8月份生日飯開始了. 今年朋友BOOK咗K11 Musea 蜀客. 係食川菜的. 環境及格局超正. 餐廳外面可以望都維港夜景.好吸睛. 而我係第一次去K11 Musea, 一入到去覺得自己成個大鄉里咁. 真係好靚呀!職員安排我地入座後, 就望望餐牌. 餐牌上有好多不同菜式, 有套餐, 亦有散叫. 最吸引就係8點半後酸菜桂花魚及水煮肥牛半價，好鬼抵酸菜桂魚$428桂魚的魚肉冇骨，厚厚的一片, ， 而且魚肉非常非常滑溜。酸辣程度非常合當，再有少少麻的感覺。但不失魚的鮮味。仲有酸菜、萵筍、豆芽又腍. 薯粉又彈牙。黃湯燉花膠 $188/位仲有一道菜係好有驚喜同埋要讚嘅就係黃湯燉花膠。湯又香又濃。花膠軟滑又厚實， 口感一流，湯香濃得來又唔油膩，非常滿足感。雲腿菜芯燉花膠 $188/位另外仲叫咗雲腿菜芯燉花膠，呢款湯就比較清，好有菜味。花膠亦都係軟滑又厚實。椒鹽豆腐粒 $88細細粒, 豆腐又滑又脆蒜泥白肉 $98賣相非常吸引，一片片白肉上鋪上特製醬汁， 配上少少油麵。醬汁有少少麻辣， 配搭非常好。成都擔擔麵 $48/位細細碗，  麵質唔錯 ，  不過一定要撈得好勻食，  因為麵係冇味道的，必須要效

之前曾經食過呢度嘅食晚飯，印象好好，無論味道定環境都好掂，係食過嘅川菜餐廳之中性價比最高，所以今次約朋友來尖沙嘴呢邊食飯就特意揀左來呢度食。今次我哋坐窗邊望海嘅位置 。雖然對著個窗，但都唔會好熱。呢度嘅店員招呼好好，經常主動斟茶。我地叫左個店員推介、星期一至五先有嘅精選午市酸菜魚套餐，$298兩至三位，性價比好高，我地對所有菜式都十分滿意，同我第一次來食嘅水準一樣！唔洗等好耐就上咗第一道菜，冷盤口水雞， 有別於一般餐廳食嘅，呢碟口水雞除咗有辣油辣椒，仲特別加左花生醬，食起來味道更豐富，並唔係千篇一律嘅麻辣味，每件雞肉都好嫩滑，水準好高！套餐包兩個成都擔擔麵，加入麻醬、肉碎、花生、香蔥拌勻，味道剛剛好，唔會太重口味，麵條都好彈牙爽口！酸菜桂花魚秘制酸菜所熬成嘅湯底，酸中帶點辛辣，裡面除左魚，仲有好多芽菜、酸菜，每塊桂花魚片都無骨好易入口，嚐起來有魚嘅鮮味之餘，口感亦都非常爽滑！香辣桂花魚鮫香脆外皮內裏係滑嫩嘅桂花魚鮫，以乾辣椒炒過後更為惹味。炒白菜係咁多濃味菜式之中點都要有返個清淡嘅炒菜去中和下！紅糖糍粑微煎過嘅粑沾滿糖粉，再點上香甜嘅紅糖糖漿，煙煙韌韌，非常好食，一定要試嘅甜品！

今日同朋友去咗 k11 musea到食晚餐呢間 食川菜嘅餐廳叫蜀客 餐廳有勁大個落地玻璃可以欣賞維港夜景 如果想坐窗邊就記得預先book位啦 燈光昏暗真係十分有情調 中餐廳黎講好少見干鍋鱔魚 鱔魚夠新鮮肉質彈牙 魚味濃郁同時帶點淡淡嘅孜然味酸菜桂魚 同樣係海鮮類味道相對冇咁濃郁 酸菜味酸酸地 可以帶出桂花魚嘅鮮甜 魚肉非常滑溜而且已經起骨食用方便 下面仲有好多紅薯寬粉分量驚人香酥冰梅骨 冰梅骨用咗五花肉嘅排骨 食落非常有層次 外面炸得脆卜卜然後包裹住酸梅醬 酸酸甜甜一啲都唔油膩頭抽乾炒牛河 分量都幾大 河粉炒得夠乾身 入味得嚟又夠滑四川冰粉 冰冰涼涼解辣一流紅糖糍粑 外皮炸得脆卜卜入面煙煙靭靭 再淋上黃豆粉點埋紅糖漿 絕配啊