影片
港铁石门站 C 出口, 步行约2分钟
继续阅读
电话号码
26176176
营业时间
今日营业
12:00 - 21:00
星期一至日
12:00 - 21:00
以上资料只供参考，请与餐厅确认详情
小芋圓奶茶係呢間店嘅推介都用新鮮嘅芋頭去磨成蓉，質感好滑順，口感濃郁，好香甜！啲芋圓都係現場手工製作，佢加入少少椰漿去提味，令芋圓更有層次感。啲芋圓嘅大小都啱啱好，仲會加入少少糖漿去煮，令佢哋更加有咬口。而奶茶方面，佢有綠茶、烏龍茶和伯爵茶做選擇，而我選擇烏龍茶，底夠香濃，色澤濃郁。用烏龍茶做底，令甜度同茶味融合得啱啱好，夠濃郁但唔會過甜，仲要有啲茶香味，而喺裝飾上，佢係奶茶上面灑少少茶葉粉，令杯奶茶睇起嚟色澤更好，令人有種開胃嘅感覺。
继续阅读
茶飲算快手 鍾意香港既一間茶飲店重點係 蜂后點解無蜂蜜飲品？？？何來蜂望著個menu同一般茶飲店差唔多 都簡左陣叫左杯檸檬愛玉 底色係透明 可能走甜整體都係酸味 唔太多層次除左飲品 有熟食 魚蛋燒賣夜繽紛應該會有下次 畢竟石門而家都唔多茶飲店1期裡面 繼入麵唔做之後 就更加少之又少商場裡面應該可以做獨市 宜把握地理優勢 保持食物品質 門面透明度搞 都好難偷懶店員服務態度都唔錯 會主動詢問確認亦會幫忙插飲管 話紙飲管比起以往難插不過飲落個飲管霉到 都ok！
继续阅读
係石門返工，由蜂后開張到宜家，都keep住成日買手搖飲，因為佢地d手搖比附近其他手搖店有特色（最鍾意飲乳酪鮮奶系列🩷） ，佢地D糖水都唔錯，小丸子好好咬🩷今日放完飯，去左買蘋果冰醋，本身包椰果個冰醋夏天飲好舒服🤤但我自己本身麻麻地椰果因為見加料區上面，椰果同寒天波波都係$5就試下問收銀姨姨 ，可唔可以椰果轉寒天波波佢話唔得，咁我就話「咁可唔可以走椰果 ， 加$5 要寒天」之後後面沖野飲果位後生少少嘅女店員（染藍色頭髮）我估應該係老闆啲屋企人細妹家姐果類啦🤔好燥底嗌出黎「唔得呀，唔可以轉呀」姨姨解釋比佢聽我想加錢要寒天繼續好燥底 「唔得呀，唔可以加野，淨係可以走椰果」個姨姨都好似覺得佢好燥😂「哎呀，得啦」問我照唔照要椰果，佢話有椰果好飲啲我廢事姨姨比佢鵝，就照嗌要椰果，咩都唔洗改其實成間鋪其他人都好好，收銀姨姨、有個白淨啲紅髮嘅女店員、仲有一個好後生嘅女店員，態度語氣都好好，好nice唯獨藍髮呢位店員，次次去買，佢心情都係好燥底😅語氣好掘，平時離遠見到係佢收銀，我就會唔買🥴我後尾繼續諗，點解唔可以加寒天，又唔係熱飲可能係因為果醋（？如果果醋唔可以加其他料，其實可以寫返係menu上🙂（芋泥都有寫明有咩系列先加得啦🤨）你唔講我點知呢？我自問都好有禮貌，平心靜氣問，唔洗咁燥底嘅🙂
继续阅读
上星期同小朋友去咗石門玩，經過蜂后見到有好多唔同既手搖飲品，就決定去試下啦～我地買咗兩杯野飲，士多啤梨🍓乳酪同芋泥麻糬牛奶🥛，職員同我地講d野飲同麻糬都係即做，要等十分鐘，好期待呀🫶🏼士多啤梨🍓乳酪真係唔錯，飲落好香士多啤梨味，同乳酪好夾，酸酸甜甜好好味😋而芋泥麻糬牛奶既芋泥都幾綿密，而且分量都幾多，不過麻糬好軟身，口感麻麻唔推介🤫除咗野飲，仲有甜品，夜晚仲見到有小食食，經過都可以一試
继续阅读
今次係第二次幫襯京瑞廣場一期既蜂后，兩次都係飲紫米乳酪牛奶 走甜 少冰😳兩次幫襯味道、水準都一樣咁好，一啲都唔甜，有牛奶同乳酪既香味😆 紫米煮得好好，軟糯得嚟又唔會一舊舊咁，咬落去唔會有糖水味或者假甜👍🏻另間舖頭既店員都好nice，兩次幫襯態度都好好，好有禮貌😳如果經過石門，想飲啲特別又開胃既飲品，可以試下蜂后👍🏻👍🏻👍🏻👍🏻如果係鐘意食紫米既話，就更加推薦試下呢杯飲品！😳👍🏻
继续阅读