蝦棧 (已搬遷) 新店位置

見到網上好多好評價👍🏿，心思思自己又想去試下😋。旺角一直沿花園街走到盡頭，掛滿燈籠🏮係門口，沒有特別嘅裝潢，亦無吸引嘅餐牌，看來係行實力路線。點咗招牌「奶油蝦煲🦐」實在不得了，大頭蝦一係滿滿的蝦耔、一係爆哂嘅蝦膏，好新鮮而家奶油香，好正😋！另外點咗「冰震魷魚🦑」、「醉雞卷」，都係不過不失，其實賣的是台灣料理，雖然無話係正宗，但見到係用心製作，食得好滿意🤡。門口有水缸養住大頭蝦，絕對放心👍🏿

星期日晩上的蝦棧, 食客不多, 這讓我和我的朋友享受一個甚為寧靜的晚餐. 蝦棧以蝦命名, 自然也以蝦的菜式作主打. 這裡的蝦應該是從店面的水缸拿起即煮吧! (笑) 蝦肉彈牙而且鮮味十足, 廚師在煮之前在背後𠝹一刀, 令其更容易在食之前被取出. 蝦以胡椒煮成, 微辛的味道進入蝦肉之中, 甚為惹味.其他菜式也做得不錯, 像是上湯煮蜆的蜆肉厚滿而沒有沙, 又或是醉雞卷的酒香味豐盈但不刺鼻. 唯一不滿的是雞煲的雞肉煮得有點老, 味道也有點柔和, 只能説雞煲本身不是台菜的料理, 而這裡說自己是台菜餐廳吧! 不正宗地處理自然可以理解的.

這食店的位置有點不顯眼，雖在太子最多食店的花園街，卻在比較近偏靜的界限街方向。由太子地鐵站A出口，在運動場道直落到花園街，向左走不遠處便會見到。不知不覺開業已接近二年，看著它由寂寂無名到越來越多熟客幫襯，箇中的努力實是不容置疑；知道老闆對飲食的堅持，盡可能做到十全十美，自然食得安心又放心。鮮活的大頭蝦、鱸魚是這裡的特色，也是吸客的主食。還有在港少見到的台灣樽裝啤酒及台式飲料。看過餐牌，選擇了其中幾樣食物。湯餃($68)～這是餐牌外食品，皮薄餡靚，鰹魚湯㡳清甜，開胃又好味，在這悶熱的天氣下吃，至為適合。葱抓餅($28)～新鮮熱騰騰出爐，葱油香氣總是非常誘人，煙韌香脆，又怎忍得了口。火焰雪山焗鮮魚($198)～鱸魚剛剛還在魚缸內暢泳，現已變成卓上美食；魚身上放上一層厚厚的粗鹽，淋上威士忌後再燒，火焰立時爆起，當然是「相機食先」啦；魚肉新鮮嫩滑，味美可口，連一向怕吃多骨魚的我，也吃得舔舔脷。老闆娘母親是正宗台灣人，所以食品保持一定台灣風味，是不可多得的食店，也是我們的飯堂。蝦棧地址: 太子花園街233-235號偉雄大廈地下A舖電話: 28277728

之前曾吃過2次，今晚再次幫襯，水準依然，沒有令我失望。香辣手撕雞，辣度適中，雞肉嫩滑。麻辣臭豆腐，揣上桌時臭味不會很濃烈，吃時放近鼻子嗅才嗅出味道，豆腐香滑有豆香，鴨血嫩滑，腐皮爽口。(唔記得影相)樹子冰菜，樹子微酸的味道和冰菜綿潤爽脆口感非常合配。魯肉麵，魯肉做得很好，沒有油膩感覺。黑椒墨魚刈包，第一次食墨魚餡的刈包，而且出乎預料整隻墨魚上，墨魚做得很出色，十分爽口彈牙多汁。另外仲有幾種味道的墨魚刈包可選擇。桂花蕃薯芋圓，台灣糖水的標誌，難有突破，但選料實在，蕃薯軟熟綿密沒有渣，芋圓煙靭有咬口，不是麵粉口感，糖水甜度適中，有淡淡桂花香，份量十足。

同朋友好夜先去附近食晚餐，佢地揀左間台式野，開得幾夜，就黎試下。10點左右入到黎，無客人，但台式餐廳出面有酒樓魚缸我都係第一次見，入到黎先知呢間野主打新鮮海鮮。我地無叫到海鮮，叫左啲台式啲既野食。不過打開menu, 見到個餐錢比普通台灣野貴少少，原本都有少少但食完係真係好食既，都值呢個價。第一次食醉雞卷，真係幾好食既，啲肉唔鞋，酒味好均勻，好清新。呢個豬耳係麻辣既，鍾意食辣既好岩。另外叫左個抄羽衣甘藍，朋友話好多人推介，我都係第一次聽好多人推介抄菜，但都點左黎試。自己本身好鍾意羽衣甘藍，不過食開生既。根據過去經驗，生食獨特既菜，熟左都係一個悲劇。但呢碟野應該只係用豉油..？黎炒，真係好好味😱 佢無生食個種味道，係另一款菜既感覺，好難形容，總之黎呢度一定要試。主食就叫左滷肉飯同拌麵。唔錯。為左個菜我會再返黎。

見評價咁好，上黎試吓！點失大失所望，呢間應該真係我食過最唔正宗而又最貴嘅台灣嘢！黎得呢度，蝦煲一定必嗌，我地嗌咗個奶油蝦煲。蝦的確係新鮮嘅，煲底加洋蔥，再加甜甜的嘅奶油汁，整體係夾嘅！但認真，如果連招牌都唔好食，邊對得起佢個價錢！之後嘅麻辣臭豆腐，碗上，78蚊碗，但得多半碗，本身個碗已經唔大，貴咗d🤔🤔🤔可能係港版改良咗，唔係台灣果d咁臭咁辣，好唔好食就見仁見智啦！炸豆腐，係好食嘅，外脆內軟，配埋d醬，好夾！係成餐飯我最滿意嘅一樣嘢食！醉雞卷，中意食醉xx嘅朋友仔應該幾中意呢個，佢醉得係好食嘅，酒味適中，又幫手起埋骨，啖啖肉擺落口！主食叫咗肉餅同鹵肉飯！真心眼都突埋！肉餅每粒，無錯，係要用粒黎形容，應該得正常女仔1/4隻手咁大，但唯番平均10蚊粒🧐🧐🧐🧐鹵肉飯肉碎少到連飯都撈唔匀，都算，畀d汁都好呀，汁都無，幾乎除咗頭兩三啖，之後係食白飯！咁嘅價錢，食d咁嘅鹵肉飯，我寧願去遠d去番程班長！最尾叫咗個煮螺，不過不知，係好食嘅！總括黎講，可一不可再！台灣嘢，但台灣嘢食唔正宗之余，價錢略嫌離譜！可能老闆擺晒所有心機係d蝦度！無可厚非，你鋪頭名都叫蝦棧 ！但講番轉頭，d嘢食你擺得係餐牌，就應該

早前途經太子酒吧街嘅時候發現咗呢度有一間台式小店 但當時餐廳已滿座 所以我就約咗第二日再同朋友黎食最吸引我去呢間餐廳一試嘅 係佢各式各樣的蝦煲！有奶油蝦、檸檬辣蝦、避風塘蝦等等。。。我就選擇咗奶油蝦煲！呢度選用嘅似乎係大頭蝦 個人就唔係太鍾意呢款蝦 膏比較少 蝦肉爽但唔夠鮮 但佢嘅醬汁的而且確可以提升到鹹味 奶油非常濃郁 啖啖肉都佈港奶油香 最鍾意嘅係佢啲洋蔥煮到非常軟 吸晒啲醬汁😋另外仲想推介嘅係佢嘅醉雞捲 拆晒骨 啖啖飲 做前菜或者餸飯都好適合 花雕酒嘅香氣真係好吸引👏🏻我仲叫咗一個台式拌麵同埋滷肉飯 我就比較喜歡台式拌麵 香辣好味🧡好想再次嚟到呢間餐廳試埋其他口味嘅蝦煲！！！

今時今日最低消費個感覺真係唔係幾過穩，但如果食物ok都可以接受概，兩大兩細，食左胡椒蝦$188（6隻）麻辣臭豆付$78，雞翼餃子4隻$98，魯肉飯$58，手㧓餅$28，新竹米粉$20，柚子汁冰菜$98，仙草芋圓（$38），黑木耳xxx糖水$38共$708胡椒蝦：蝦新鮮，但只有蝦無任何配料，唔夠干身，亦唔入味，同台灣食比較真係要求太高麻辣臭豆付：圖有鴨血，但原來只有三小片，係食刀工，頭付係台灣果隻，不過有D實，入唔倒味，有7-8舊豆付，唔臭，唔算辣雞翼餃子：雞翼連半隻雞中翼只叫做一隻餃子，好細隻，新鮮炸但無番炸，好油，味普通魯肉飯：唔係每粒魯肉都有少少肥羔果隻，比較適合香港人，味道唔錯手㧓餅：可以，係一塊薄薄果種，唔係手㧓好鬆果種，唔好以為係翡翠拉麵嗰種手㧓餅米粉：好味，係新竹果種，好幼冰菜：正常，不過唔係冰上仙草芋圓：我非常失望，仙草ok，芋圓極難食，硬硬硬，唔彈牙，仲只有6，7粒，我咬左幾下吐番出尼，淨食仙草黑木耳糖水：唔知咩尼，但唔好味裝修唔錯，但總括尼講份量真係小，亦唔係去台灣食果種味，無下次。

太子一帶特色小店林立頗多臥虎藏龍小店早前經過一間以食蝦作招徠的食店覺得很特別因為一般都不會有食蝦的專門店門口放滿一個個養蝦的魚缸蝦很新鮮的感覺 水質也良好小店裝修新穎但廚藝功夫老到點了招牌奶油蝦一試從未試過奶油配蝦的配搭奶油顯得蝦的肉質更滑甜甜的吃了一隻就停不了也點了黑蒜油雞煲要讚一讚他們汁料的調味很家庭式的感覺 沒有味精 吃得舒服而且雞也很新鮮另外新鮮的東風螺白灼就可以家鄉米粉也不錯總括來說就是給我一種家的感覺衛生小品用心自家製作PS:還有台式飲料呢！

附近返工 見到好似幾好既台灣野睡見夜晚唔平 但晏晝又ok ga wo叫左蔥油雞好滑 個豉油都唔會好鹹之後叫左個肥仔既豬油飯唔係到到有得食 都係童年回憶黎架haha5-60蚊 性價憶高

小小的一間店，但裝修得有台灣感覺，乾淨舒適。服務員誠懇有禮，叫了1支台灣啤，不但給我們雪凍了的杯，而且把酒放在冰桶中保存，幫客人添酒，好貼心。食物方面，每款都很有水準。醉雞卷有很香的花雕酒味😋。麻辣臭豆腐雖然不及台灣的臭，但乜很野味。 胡椒蝦煲，好香辣鮮味，蝦好多蝦膏，正! 麻醬小魚伴秋葵清清地，可以幫助解辣。火焰雪山焗鱸魚，上枱時在鹽面點火再燒下，魚味更香和嫩滑😋😋。魯肉炒新竹米粉，好香好味。煎餅味道ok。食完仲送甜品，粉圓涼粉，唔太甜，。伴菜仲用上貴價的雨衣金蘭。每道菜都好美味，值得推介，下次再食，試下其他菜😋😋。

行街見到好大張banner 介紹呢間蝦棧.. 見d餸好似幾特別.. 仲有奶油蝦（自從係沙巴食過就念念不忘😭）情意結驅使下就入左去食lu麻辣雲耳 好似譚仔o既味道，但佢少d辣椒籽，小妹喜歡💕清涼荔枝梳打（含酒精）幾清涼但略嫌細杯，好似幾啖就飲晒🙈奶油蝦重頭戲來啦.. 呢隻奶油味同沙巴食過的不同，但一樣會令人食不停口，蝦唔算大隻但尚算新鮮啦.. 好似係泰國d大頭蝦.. 洋蔥又淋又入味.. 正啊冰鎮墨魚鬚配Wasabi同我想像o既口感完全唔一樣，一d都唔un.. 軟身.. 感覺好得意.. 點埋wasabi 就perfect la台式蔥油雞（半隻）聽聞係限量.. 成日都賣斷.. 所以即管一試.. 嘩.. 好香炸蒜味.. 雞又滑 唔太肥.. 撈飯一流蒜蓉高麗菜 冇咩印象😂

A really nice, clean and friendly place ... with the freshest shrimps we have had for years. A small but well executed menu. For a change (in Hong Kong) the service was great! Also it’s very nice to eat in here as the atmosphere is relaxed and not to noisy. You should try it... you wouldn’t be disappointed.

在網上搜尋食店，見它的食評不錯，所以隨緣一試。進店老闆有說是日晚餐的枱已預約滿，但若我們要，必須在一小後還枱，我們也就答應了。 坐下後，我們迅速點了羽衣甘藍、火焰雪山焗鮮魚，聽老闆講解完新菜墨魚鬚刈包，也就決定一試。 先來墨魚鬚刈包，我們選了胡椒味。光看外表，肥美的墨魚夾於白雪雪的包子內，賣相也挺吸引。用刀叉切細墨魚再連包一起吃，會吃到墨魚十分彈牙爽口，真的很新鮮，包子做到鬆軟，配合得剛剛好，但如果不能吃辣的就不要點胡椒味，這會帶點香辣。 接着是羽衣甘藍，這菜做得青翠爽口，清新而不油膩，再加上幾顆紅枸杞作點綴，更顯健康。 最後來火焰雪山焗鮮魚，只見魚身上鋪滿了厚厚的粗鹽，老闆小心翼翼地準備用具，在我們面前點燃了火，火光熊熊，將魚身上的鹽熔化，令魚的鮮味再度提升。接着老闆以純熟的手法將魚皮剖開，我們就可以品嚐了！雖然有的位置味道會較鹹，但整體魚肉鮮嫩，配上這店特制的醬汁，真的非常美味！ 本想時間差不多，打算結帳，老闆還誠意拳拳地詢問我們要不要試試台式甜品鮮草芋圓番薯（凍），還建議可以分享吃，我們也就同意了。芋圓煙韌，清甜可

叫左個三杯蝦，188蚊得幾只蝦，味道一般般，中曬伏，完全唔值哩個價，起碼有個粉絲或者菜做墊底都好d啊，叫個鹵水叉燒，食唔倒鹵水味，另外個個一口豆腐，其實係豆腐卜，空心既，又比人呃左，食左四樣野，420蚊，仲要得五成飽。