影片
港铁鰂鱼涌站 A 出口, 步行约3分钟
继续阅读
电话号码
55955662 (signal/whatsapp)
营业时间
星期一至日
11:30 - 20:30
以上资料只供参考，请与餐厅确认详情
同同事去鰂魚涌食個靚飯， 早d出門口去試蝦麵店， 同事已經食過話好食。 好彩早去到， 1見到門口有人排隊，好彩係買外賣， 堂食我地直入。因為我未試過所以就叫左最classic個個黎試，80蚊包小食同麵， 仲有野飲， 真係好平。蝦肉肉片麵摻摻：個湯一開始我冇為意咁辣， 咳左幾下。但個湯底係好濃海鮮味， 有唔少切半既蝦肉， 個摻摻唔算太掛汁， 但都已經好好味， 食唔停口。小食我叫左個馬拉盞通菜，不過不失。但外面食飯好多時都要加16蚊先有菜， lee到實在太良心。好值得再回頭， 亦難怪咁多笑面正評
继续阅读
作為東南亞之鬼 喇沙一直都係肥Glor心目中嘅Top 3 不過喺香港食喇沙嘅經歷係唔係咁好......最近知道位於鰂魚涌嘅蝦麵店搬咗去新鋪 多咗堂食位 於是肥Glor就即刻狗衝去試！新舖位於海光街轉角小巷位置 有水牌同喺舊舖附近 所以唔難搵👍🏻·SS4 咖喱喇沙湯底海鮮摻摻麵 $82見到有得揀摻摻 即刻心心眼左 好似翻左去hawker center食咁🙌🏻雖然喺我心目中喇沙只值少過5蚊坡紙 但香港嘅喇沙平均都係賣到$80-100 所以$82都不意外啦！味道都頗有驚喜 湯頭濃稠 咖喱味同椰香味都夠濃郁 蝦味同香料味亦好香濃美味～米粉+油麵都勁有咬口！美中不足嘅喺唔夠辣 只係微辣水平 可以重手啲🙌🏻值得一讚嘅係蝦身已預先剝殼 好細心！青口同魷魚等海鮮正常發揮 豆卜同魚蛋索盡喇沙汁 唔錯唔錯～·SS2 辣味蝦湯底蝦肉肉骨摻摻麵 $98冇想像中咁辣 湯底都頗惹味 兩條新鮮肉排離哂骨之餘仲好腍身 蝦我覺得喇沙嗰隻好食啲～雖然係辣味但食完都唔會有一種喉嚨好乾嘅感覺 反而係成個人暖左 好舒服！·青檸梳打 $18本身叫嚟係預左要解辣 但我地食完兩碗麵都係飲左一半左右 所以我覺得唔嗌都得！#𝙛𝙚𝙞𝙜𝙡𝙤𝙧_𝙚𝙖𝙩📍 蝦麵店 (海光街) (鰂魚涌)鰂魚涌海光街7-9號龍景大廈地下5C號舖
继续阅读
之前一路都好想試舊舖頭，點知食唔切佢就已經搬咗入去大啲嘅舖面。新舖頭入邊光好多，以前個舖位太細又黑，就算想試都係諗住買外賣，但係新舖頭可以坐多好多人，雖然啲枱都係細，同埋要坐高枱，但係放工時間係冇乜人，而且佢哋8:30就last order。以前冇食過蝦麵，以為會好似喇沙咁重口味，但係間舖頭做得甜甜地，唔會好剌激，夜晚食完都唔會口渴。套餐包一碗麵，雖然碗麵有啲細碗，但係個套餐仲有一個小食加一杯嘢飲，性價比算係咁。面底揀咗老闆娘推介嘅摻摻，全米粉又好寡，全油面又好肥，每樣一半可以一啖食到兩種棉質嘅粗幼同埋軟硬度，啱啱好。
继续阅读
好耐冇同朋友夜晚出去食飯，上網睇咗呢間麵店。好耐都冇試過所以決定試吓，去到海光街，行到去街尾先搵到。一入到去老闆已經好有善，朋友着白色衫佢仲比條餐巾佢遮住。我哋一坐低叫咗三個麵，唔使好耐就馬上上咗菜。喇沙湯底好濃，非常rich加埋啲魚片一齊食，真係好好食。朋友食嘅辣味蝦湯同埋豬骨湯都好正雖然個豬骨湯比較鹹，但係個味好濃郁。絕對會返轉頭再食，聽老闆講佢哋會再開分店，好期待佢再開多啲分店咁就可以周圍去食。
继续阅读
係附近返工 lunch hour附近餐廳都好多人排隊 唯獨呢間仲有位 加上係良心小店 幫過好多同路人 就決定試試! 結果有驚喜!! 入到去有部自助點餐機 係自己點餐 所以好方便~我最後叫左蝦肉雞絲麵 然後要辣味蝦湯底🦐 麵底就要摻摻😋 (之前無聽過摻摻🤭 見佢好似好特別所以就叫左嚟試🤣 係米粉溝油麵) 雖然餐牌上有兩個辣椒同埋湯底睇落好紅🙈 但食落唔算好辣 個湯底好有驚喜! 除左好重蝦味之外仲好鮮甜 微微嘅辣味亦增加左成個湯嘅層次 睇得出真係用真材實料去熬湯😍😍 至於麵 雞絲 蝦肉都正正常常 不過不失 整體黎講係幾推介👍🏼 雖然價錢唔係特別平 但質素唔錯~ 希望可以有多啲人支持🙈
继续阅读