蝦麵店 (海光街) (已搬遷) 新店位置

同同事去鰂魚涌食個靚飯， 早d出門口去試蝦麵店， 同事已經食過話好食。 好彩早去到， 1見到門口有人排隊，好彩係買外賣， 堂食我地直入。因為我未試過所以就叫左最classic個個黎試，80蚊包小食同麵， 仲有野飲， 真係好平。蝦肉肉片麵摻摻：個湯一開始我冇為意咁辣， 咳左幾下。但個湯底係好濃海鮮味， 有唔少切半既蝦肉， 個摻摻唔算太掛汁， 但都已經好好味， 食唔停口。小食我叫左個馬拉盞通菜，不過不失。但外面食飯好多時都要加16蚊先有菜， lee到實在太良心。好值得再回頭， 亦難怪咁多笑面正評

作為東南亞之鬼 喇沙一直都係肥Glor心目中嘅Top 3 不過喺香港食喇沙嘅經歷係唔係咁好......最近知道位於鰂魚涌嘅蝦麵店搬咗去新鋪 多咗堂食位 於是肥Glor就即刻狗衝去試！新舖位於海光街轉角小巷位置 有水牌同喺舊舖附近 所以唔難搵👍🏻·SS4 咖喱喇沙湯底海鮮摻摻麵 $82見到有得揀摻摻 即刻心心眼左 好似翻左去hawker center食咁🙌🏻雖然喺我心目中喇沙只值少過5蚊坡紙 但香港嘅喇沙平均都係賣到$80-100 所以$82都不意外啦！味道都頗有驚喜 湯頭濃稠 咖喱味同椰香味都夠濃郁 蝦味同香料味亦好香濃美味～米粉+油麵都勁有咬口！美中不足嘅喺唔夠辣 只係微辣水平 可以重手啲🙌🏻值得一讚嘅係蝦身已預先剝殼 好細心！青口同魷魚等海鮮正常發揮 豆卜同魚蛋索盡喇沙汁 唔錯唔錯～·SS2 辣味蝦湯底蝦肉肉骨摻摻麵 $98冇想像中咁辣 湯底都頗惹味 兩條新鮮肉排離哂骨之餘仲好腍身 蝦我覺得喇沙嗰隻好食啲～雖然係辣味但食完都唔會有一種喉嚨好乾嘅感覺 反而係成個人暖左 好舒服！·青檸梳打 $18本身叫嚟係預左要解辣 但我地食完兩碗麵都係飲左一半左右 所以我覺得唔嗌都得！#𝙛𝙚𝙞𝙜𝙡𝙤

之前一路都好想試舊舖頭，點知食唔切佢就已經搬咗入去大啲嘅舖面。新舖頭入邊光好多，以前個舖位太細又黑，就算想試都係諗住買外賣，但係新舖頭可以坐多好多人，雖然啲枱都係細，同埋要坐高枱，但係放工時間係冇乜人，而且佢哋8:30就last order。以前冇食過蝦麵，以為會好似喇沙咁重口味，但係間舖頭做得甜甜地，唔會好剌激，夜晚食完都唔會口渴。套餐包一碗麵，雖然碗麵有啲細碗，但係個套餐仲有一個小食加一杯嘢飲，性價比算係咁。面底揀咗老闆娘推介嘅摻摻，全米粉又好寡，全油面又好肥，每樣一半可以一啖食到兩種棉質嘅粗幼同埋軟硬度，啱啱好。

好耐冇同朋友夜晚出去食飯，上網睇咗呢間麵店。好耐都冇試過所以決定試吓，去到海光街，行到去街尾先搵到。一入到去老闆已經好有善，朋友着白色衫佢仲比條餐巾佢遮住。我哋一坐低叫咗三個麵，唔使好耐就馬上上咗菜。喇沙湯底好濃，非常rich加埋啲魚片一齊食，真係好好食。朋友食嘅辣味蝦湯同埋豬骨湯都好正雖然個豬骨湯比較鹹，但係個味好濃郁。絕對會返轉頭再食，聽老闆講佢哋會再開分店，好期待佢再開多啲分店咁就可以周圍去食。

係附近返工 lunch hour附近餐廳都好多人排隊 唯獨呢間仲有位 加上係良心小店 幫過好多同路人 就決定試試! 結果有驚喜!! 入到去有部自助點餐機 係自己點餐 所以好方便~我最後叫左蝦肉雞絲麵 然後要辣味蝦湯底🦐 麵底就要摻摻😋 (之前無聽過摻摻🤭 見佢好似好特別所以就叫左嚟試🤣 係米粉溝油麵) 雖然餐牌上有兩個辣椒同埋湯底睇落好紅🙈 但食落唔算好辣 個湯底好有驚喜! 除左好重蝦味之外仲好鮮甜 微微嘅辣味亦增加左成個湯嘅層次 睇得出真係用真材實料去熬湯😍😍 至於麵 雞絲 蝦肉都正正常常 不過不失 整體黎講係幾推介👍🏼 雖然價錢唔係特別平 但質素唔錯~ 希望可以有多啲人支持🙈

聽講呢間喇沙麵好岀名，住得遠都跑過黎試下。燒賣係黃嘅，呢間喇沙都係黃嘅，所以要撐下場。點左個海鮮喇沙湯河，有好多餸，包括有海蝦、魷魚、青口、蟹柳、豆卜。好驚喜嘅一個位，就係佢啲海鮮係真係新鮮。青口都食到鮮甜嘅味道，而唔係急凍嘅味道，哈佢哋用咗海蝦都係非常之鮮甜，仲要幫你剝埋個蝦殼。🥰🥰🥰唔知係咪刻意呢，我覺得嗰個喇沙味唔係特別濃郁，諗緊係咪佢唔想搶咗海鮮嘅鮮味。但係我自己就比較鍾意食蘇媽嗰種嘅濃郁嘢味！🤨🤨🤨另一個驚喜位，就係佢啲魚皮真係好爽脆，放落碗湯度會炸炸聲！正！青檸梳打就普普通通幾好飲啦😊

嗌咗一個蝦湯油麵，以為會好辣但係其實一啲都唔辣。店舖唔大但係坐得幾闊落，而且入邊裝修好靚好有特色。Their shrimp broth is surprisingly good. Then mentioned that the broth is spicy but it actually isn’t spicy at all. Highly recommend this restaurant.

店細細，店內點餐自助，蝦肉豬肉片辣湯摻摻，配有大量炸蒜粒，湯底清無乜油，真係吃出蝦的甜味。雖叫辣湯，其實只是微辣帶鮮甜。摻摻是米粉溝油麵，都爽滑。蝦肉細細，還可。豬肉片就比較嚡，一般吧！下次不防試吓其他配料。海鮮喇沙湯油麵，濃湯有椰汁味，海鮮有青口、蝦、豆卜、蟹柳、魷魚、腐角等，愛較重口味的應會喜歡的。脆脆魚皮，值得一讚，薄脆爽，浸魚皮吸湯時可聽到清脆的 「肋肋」聲，好吃得很。青檸梳打，無冰的，微甜，唔會越飲越淡。

🤤鰂魚涌海光街一帶有唔少食店，🦐蝦麵店雖然店舖細，座位唔多，但佢既蝦麵幾特別，所以幫襯左幾次😏♥️亦係良心店鋪，設飯卷一齊支封同路人，特別係有需要既年輕人有咖喱叻沙湯底、辣味蝦湯、豬骨雞湯底、同福建滷麵等等比你揀🦐海鮮辣味蝦湯底 $76睇見個湯咁深色，以為好辣好油好咸，😳但飲落竟然有種清甜味。平時出街食麵盡量避免飲到啲湯，怕有味精，😋但呢度既蝦湯又鮮甜加少少辣，係精華～除左個湯出色，🤩都好足料，有好多海鮮，大蝦、魷魚翼、青口、腐角、蟹柳，底下仲有菜～🌊有時出街食既海鮮湯麵，啲肉梅曬，但呢間唔會，食落真係幾滿足😊

1️⃣ 蝦肉魚片麵 (辣味蝦湯) $63 (7/10)蝦湯一黎就好香濃，一睇就知好足料咁煲咗好耐😚魚片有大概5片，但有大概2-3隻切咗一半嘅蝦，好足粒😍揀咗摻摻(油麵加米粉)，識落更加有馬拉風情❤️ Pooh平時食呢類型濃湯，都好鍾意加豆卜 (+$8)，會好入味😚 雖然係另加，但都比左6-8個半粒😱 唯一可惜嘅係湯底一啲都唔辣，對於鍾意食辣野嘅人黎講會有啲失望🥺2️⃣ 蝦肉魷魚翼麵 (辣味蝦湯) $72 (7/10)Olaf見魷魚翼咁特別，就揀咗哩款🥳 呢款一樣又係有幾隻蝦，配埋蝦湯啱晒👍🏻而魷魚翼有大概6片，非常爽口彈牙🥰 Olaf都係揀咗摻摻麵底，好多麵，食完超級飽肚🤣雖然呢碗都係冇乜辣味，但有啲炸蒜頭可以可吊下味，不過如果多啲辣味就好了🥺📍 蝦麵店  鰂魚涌 : 海光街7-9號龍景大廈地下5C號舖銅鑼灣 : 軒尼斯道500號希慎廣場11樓1109號舖灣仔 : 蘭杜街2號麗都大廈4號地舖荃灣 : 楊屋道1號荃新天地一期1樓108及110號舖

海鮮蝦麵 加配白胡椒肉骨 豆卜 （$109）⠀最出名緊係馬來西亞蝦麵聞名，湯底好香濃，好有心機熬製多個小時，味道好難忘。麵底可以選 合併米粉同油麵，吸收左湯底精華 。 ⠀⠀🍤本身包括有大蝦、青口、大量蟹柳 同埋 魷魚圈，大蝦保留頭殼，亦已經剝左殼，好貼心。白胡椒肉骨唔平,雖然得一件,可能喇沙味會掩蓋胡椒味, 但係肉質都唔錯 。 豆卜係必食因為好容易吸收湯底味道。⠀⠀😋仲有辣湯味都好受歡迎。價錢雖然唔平，但性價比極高，可以再回味。鰂魚涌店係自助機點餐好方便，只接受卡類付款，上網見到各分店或有唔同，荃灣可能會較多選擇，亦有分店限定一人套餐/下午茶都好吸引，央多士同更多其他配料好正。⠀如果你想睇更多美食/優惠，記得 follow  IG @hker_chillcheese ,你嘅支持對小編嚟講係缺一不可。

今晚收工揸車路過太古坊，諗起之前有間食喇沙店好早關門，就去拜訪下。餐牌食品款式唔多，只有三款喇沙湯底加魚丸貢丸魚片水尤等配菜，另有油菜炸魚皮等。兩公婆好簡單點左魚丸魚片摻摻及貢丸魚片摻摻加豆卜，都係咖喱喇沙湯底，另要一份炸魚皮。喇沙湯入口蝦味濃厚，加上淡淡咖喱味，配上魚丸魚片，再一口索滿濃厚湯汁既豆卜(所以要加豆卜)，就係家鄉風味十足既喇沙(本人家鄉係馬來亞)，難怪此店只專心做喇沙，滿足了。此外炸魚片都有驚喜，脆脆魚皮沾喇沙湯，另有一番風味，家鄉冇既。

自從公司搬了後就好少再去鰂魚涌了 ... 但其實海光街還有很多餐廳我仍然未吃過!! 就像這次去的這間主打馬來西亞式湯麵，有3款的湯底便是。既然是第一次來到，當然要試他的辣味蝦湯底!menu 標示了兩隻辣椒 ... 所以有點擔心會否太辣 .. 但發現可以選小辣辣味蝦湯底海鮮麵 ($76) - 我覺得不特地點少辣也可 ...因為吃落覺得那微辣近乎到吃不出辣味 ... 倒是蝦味很濃郁，喝起來頗鮮甜，相較下聞起來的味道更香。海鮮的話有大蝦、青口、魷魚，另外還有腐角和蟹柳！蝦的肉質飽滿有彈性，其他的都不錯，只是不算很特別。麵類的話可以選的有四種，還有摻摻 (ºωº)我當然是揀油麵加米粉~口感和掛湯剛好，吃起來才過癮嘛朋友點的跟我的湯底一樣，但沒有減辣~可見湯底的顏色有明顯的分別。脆脆魚皮 ($20) - 香脆可口，浸了湯吃更滋味。

而家好多公司都陸陸續續回復正常返工, 所以lunchtime 出外食飯嘅人都多返好多.有時避免等位, 我同同事都會叫外賣自取.蝦麵店嘅外賣真心俾到少少驚喜我.就算係外賣, 佢個賣相都係好靚, D餸排得好整齊.外賣佢係湯一個碗, 麵同餸一個碗, 分開裝的, 所以唔驚攞到返公司個麵會淋晒.依碗係我叫嘅 蝦肉墨魚丸麵(辣味蝦湯底) HK$63.麵底可以揀油麵、米粉、河粉、檬粉、摻摻(油麵mix米粉).今次我係揀咗油麵, 因為想飽肚D.個麵嘅份量都幾多, 食完我係覺得勁飽.加咗湯之後就係咁樣.麵底可以揀油麵、米粉、河粉、檬粉、摻摻(油麵mix米粉).今次我係揀咗油麵, 因為想飽肚D.個麵嘅份量都幾多, 食完我係覺得勁飽.另外, 個湯又係值得一讚嘅.一打開個蓋就已經聞到勁香.雖然個湯隻色勁紅, 又有好多辣椒碎, 但食落係冇想像中咁辣.佢嘅少少辣, 令到個麵更加惹味.D餸嘅味道都唔錯.蝦雖然唔係原隻, 但食落口感都幾實, 唔會霉.墨魚丸幾彈牙同埋真係有味, 唔會一舊粉咁.真心推介.整體來講, 蝦肉墨魚丸麵(辣味蝦湯底)真係好好食.不論係湯底、麵定係餸, 味道都唔錯.就算係外賣都唔馬虎, keep到

蝦麵店門口已經貼滿唔少報道，睇黎好似口碑不錯，於是決定午膳時間黎試試佢😇牆身上有不少舊時檳城照片👉🏿👈🏿鋪面很細，座位都安排得比較逼，係逼既情況下仲要顧客走出門口用電子機落單其實真係會有點混亂，因為門口通道已經得窄了，建議外賣才自助落單去避免這種情況啦🤔🤗餸既選擇唔太多，大多重覆，但湯底有有辣味蝦湯，咖喱喇沙湯底，豬骨雞湯底，岩唔食同食得辣既朋友海鮮麵 辣味蝦湯底 $76👍要讚既係，🐟海鮮料好豐富下，有大蝦，魷魚翼，青口，腐角同蟹柳，再配啲菜，幾足料湯底好濃郁，無睇落咁辣，有啲甜味，而且開胃，好夾油麵可以掛湯🥰