影片
电话号码
91368016
57903967 (WhatsApp)
付款方式
以上资料只供参考，请与餐厅确认详情
聖誕節有好多聚會，亦都因為節日氣氛要食好啲，咁早排食過呢間蒸海鮮，所以唔諗啦直接揀返呢間，順便帶朋友試下。海鮮套餐真係好豐富，最鍾意就係有專人負責蒸，唔洗驚唔識較時間同熱親隻手。職員話海鮮由淡味食到濃味，所以蒸的次序都有講究，有職員搞掂就唔洗煩。韓國釜山鳗魚好新鮮又高質，同平時餐廳食嗰啲淋好哂汁擺左成日嗰啲完全唔同，真係有驚喜。北海道鳳趾蠔亦係一樣好新穎嘅食材，朋友都話未聽過，朋友其實麻麻地食蠔，話覺得腥，但呢款蠔只得海水的鮮味而唔會腥。罕有藻食綠膏蟹，職員話有啲客想訂貨都未必有，因為唔係想訂就訂到，一人半隻已經非常夠，因為真係好多膏，蟹蓋都係，而且蟹拑同蟹腳都有好多肉，綠膏帶回甘甜味。野生琵琶龍蝦啖啖肉，非常新鮮，肉質爽口彈牙。有機蔬菜，近年個個都講求健康，聽到有機呢2個字已經覺得好吸引，蔬菜好新鮮，唔老，粟米冇渣。呢晚嘅精華就係吸收哂海鮮精華的粥，職員會問我地要不要菜脯和蔥，我地全部都要，非常美味。我地亦額外點左竹蔗茅根雪梨，冬天飲夠哂滋潤。
继续阅读
鯉魚門以海鮮聞名，附近鯉魚門燈塔更加是拍攝日落的好地方，今日雖然天陰陰，坐在「蟹仙海鮮蒸氣石碢」店裡面，仍然可以欣賞到靚絕的海景🌊店家經營海鮮進口超過40年，所以海鮮質量有保證，除了食材新鮮之外，餐廳採用了石鍋，由專業店員即場蒸煮，火候剛好，不加調味，原汁原味 更健康美味👍餐牌有多款套餐可供選擇，豐儉由人。我和朋友點了尊貴海鮮套餐$449/位，已經包括了10款時令海鮮/蔬菜1.罕有大黃奄蟹，肉質鮮味多膏，仲要係重皮蟹，實在太幸運🥳2.野生琵琶龍蝦，屬於龍蝦科的一種， 肉質鮮嫩，比龍蝦還要甜。3.韓國釜山鰻魚，將原汁原味的味道發揮到極致☺️，我喜歡不加任何醬汁，朋友就或喜歡點wasabi撈鼓油，兩種食法都好正。4.台灣九孔鮑魚，唔算大隻，但口感彈牙，味道鮮甜。5.大西洋野生青口，最環保的海產😆，充滿海洋的味道6.加拿大野生海虎蝦，蒸煮時擺成心形圖案❤味道爽甜7.韓國釜山珍珠蠔，非常飽滿，脹卜卜 肥嘟嘟，蠔味十足8.黃金翡翠螺，彈牙有嚼勁，螺味濃9.蟹黃大元貝，本身已經好鮮味，再加大量蟹膏，超正～10.有機蔬菜籃，新鮮又清甜除了海鮮/蔬菜，套餐還包括了粥和椰汁燉雪燕。 溫馨提示：粥底正是所有海鮮嘅精華所在，再飽也不能錯過🤣
继续阅读
聽朋友講今時今日嘅鯉魚門海鮮已經非常抵食，所以就約左朋友去試吓有幾抵？蟹仙位於三家村碼頭佢哋本身係經營超過40年的海鮮供應商，所有套餐主打全海鮮，同坊間唔同嘅係佢哋搜羅各國優質嘅海鮮。優質海鮮的要求：來源地、新鮮度、標準大小、不受污染等等……不同國家的海鮮如：澳洲龍蝦、波士頓龍蝦、蘇格蘭大蟶子、 韓國大元貝、韓國釜山鰻魚、台灣九孔鮑魚等等……海鮮每日空運到港。🍴尊貴海鮮套餐$449pp罕有大黃奄蟹🦀野生琵琶龍蝦🦞韓國釜山鰻魚🐟台灣九孔鮑魚大西洋野三青口加拿大野生海虎蝦🦐韓國釜山珍珠蠔🦪黃金翡翠螺蟹黃大元貝有機蔬菜籃🥬今晚負責我們這張枱的，就是這間店的店長May姐。May姐詳細講解海鮮來源，再講解蒸海鮮每個過程都由他們服務團隊負責的，因為每款海鮮掌控蒸時間不同。介紹完之後May姐就開始蒸第一道海鮮，我問May姐調味應如何配搭呢？她回答我「清蒸」，新鮮優質的海鮮不用加任何調味料，因為咁先可以食到海鮮嘅原汁原味，健康又養生。個人特別推介➡️台灣九孔鮑魚~Q彈鮮嫩韓國釜山珍珠蠔~漲卜卜，鮮甜無窮蟹黃大元貝~蟹黃鮮味滿滿整體來說，一個字「鮮」食完十道菜後，鍋底內有乾坤，就是粟米淮山豬骨粥，May姐問：「你哋要唔要蔥同蒜撈埋落粥？」，我答：「梗係要😋，我喜歡多蔥。」我特別喜歡最後煮出來的粥，濃郁綿密，帶海鮮的甜味。甜品：椰汁燉雪燕超清潤又滋陰這間是我暫時食過CP值最高的蒸氣海鮮。服務員好專業和熱情，幫我哋解答問題，令用餐體驗更佳。仲有好多我未食過嘅海鮮呀，一定要嚟再食，支持留港消費。#香港#美食#小店#鯉魚門#蟹仙#海鮮蒸氣石鍋
继续阅读
再次到訪另一間蟹仙呢間既蒸海鮮的確有一定水準保證。揀左南非紅寶石孔雀鮑魚二人套餐一共十三款食物既套餐，有齊晒各種海鮮，龍蝦鮑魚蟹蝦生蠔元貝甲殼類。店家會安排由淡至濃食起，亦唔需要額外既調味，完全食到食材本身鮮味。加拿大野生虎蝦肉質彈牙，蝦頭有好香蝦膏味，但略嫌細隻。韓國釜山鰻魚，肉質厚實，店員提議點wasabi 豉油，幾有新鮮感。孔雀鮑魚係三頭，手掌咁大，鮑魚切片上，唔需要調味都食到甜味。野生膏仔蟹，如果當日好彩既，仲會有機會食到綠膏蟹。而膏仔蟹蟹膏非常多，蟹肉亦鮮美，岩晒鐘意食蟹既朋友。三款唔同既甲殼類，青口，刀貝蚌，蟹黃大元貝，每樣都食得出新鮮甜味。之後將全部海鮮既精華煮成粥底，鮮味十足。餐廳整體服務友善，唔需要自己郁手處理。海鮮整體發揮到水準。
继续阅读
食海鮮第一時間諗起鯉魚門，而蒸海鮮睇得出餐廳對自己本身食材有一定信心😍海景加埋新鮮海鮮南非紅寶石孔雀鮑魚二人套餐龍蝦鮑魚蟹蝦生蠔元貝樣樣有齊，一共十三款食物，岩晒貪心為食既我地。食海鮮由淡至濃食起，店員細心咁幫我地處理，令我地可以好好享受食物。加拿大野生虎蝦大隻彈牙，蝦頭有好香蝦膏味👍🏻第一次食釜山鰻魚，肉質厚實彈牙，點wasabi 豉油，又幾夾喎🍻之後一次過食幾款唔同既甲殼類，青口，刀貝蚌，蟹黃大元貝，每樣都食得出新鮮甜味🥰重頭戲就係個孔雀鮑魚同蟹，鮑魚係超級大隻！店員好細心切片，爽口彈牙，完全唔需要點調味料😋膏仔蟹樣非常多膏，蟹肉係一梳梳。最後食埋雞件同牛肉，再煮埋個粥底，用一碗海鮮粥完美咁收尾💯
继续阅读