影片
以上资料只供参考，请与餐厅确认详情
相关文章
身體好返，第一時間當然要食好西喇！友人今次專誠帶我來食蒸氣海鮮，話試過幾次覺得唔錯，而且有職員協助烹煮，岩晒我呢d懶人😂青蟹多膏肥美，味道鮮甜😍我既大愛龍蝦唔算好大隻，勝在新鮮爽彈，肥美有蝦膏鮑魚火候控制得岩岩好，鮮嫩彈牙，好有口感青口同貝類都好新鮮，而且無沙，新鮮鮮甜，就連麻麻地貝類既我都覺得相當唔錯。另外仲有蠔同魚，同樣新鮮無腥味。蒸煮完海鮮既汁仲可以用來煮粥，一滴都唔好浪費。將芋頭粒、粟米、蔥粒同菜甫加入粥底煮滾，幾香幾鮮甜最後餐廳仲送咗每位客人一碗椰汁雪蛤甜品，清甜滋潤，好香椰汁味，有甜品既晚餐真係完美☺️整體食物質素同服務都幾好，值得推介
继续阅读
就到母親節，親戚又山長水遠過嚟香港玩。特登research左一間看似幾好嘅蒸氣火鍋同佢哋食。點知成餐食到不知所謂，貴得黎又唔值。<用餐時間長，等多過食>預約咗晚上時段用餐，八點準時入席，食完已經11點，足足3小時。餐廳環境又焗又迫，座位都坐得唔係好舒服，所以我哋食完食到個人都好攰好眼瞓。最後我哋仲要外賣菜籃同粥底，先可以11點走，如果食埋起碼12點。<食材overcooked>承上題，等多過食。分店員工人手明顯不足，都見到好忙，做到佢哋個個好攰好辛苦。食過其他蒸氣火鍋，會有張提示每樣食材所需的時間，可供客人自行處理。但係依度完全冇，必須要等到員工協助。食材Overcooked，完全唔係因為員工調校時間嘅問題，而係煮食時間過後仍要等一大段時間等員工過嚟開蓋先食得，喺焗嘅過程已經令到啲海鮮過熟。10道已有8道有依個問題，其餘就係刺身/丸，唔會過熟。我哋試過唔等員工，自己開蓋自己食，但係因為蓋擺放嘅位置有啲危險，所以我哋唔再敢自行處理。<員工人手不足>見到嗰日應該係爆場，員工只有四至五位。一開始坐低冇人落單，冇人介紹Menu。要我哋自己問先至介紹，催咗兩至三次先再落單。上咗咩，漏咗咩亦都冇人知，最後我哋自己影低Menu自己記低有冇漏上。原因過程中上錯咗道偏貴既食材，明白員工都係無心之失，最後食咗亦都負責任俾返錢。但價錢值唔值就有待商榷，一開頭話收我哋1200之後再入嚟又話收我哋900再之後又話收返來貨價(個$$就唔講了)，最後又話800，咁到底係明碼實價？定當我地水魚？不過都係因為員工不足嘅問題，希望老闆可以好好改善。<食材任佢講>如果有人想去試嘅話，我必須建議你當日再打去問清楚嗰日嘅食材。因為佢個Menu係有幾款食材俾你揀，但係當日去到佢會話食材今日唔靚，所以冇攞貨，其實任佢講。所以大家執生。不過值得一讚嘅係，食得出餐廳係海鮮部分既食材都真係好新鮮。員工都好努力協助，亦感受到佢地既歉意。但蟹黃青瓜啲蟹黃食到r哂頭，蟹黃咁既味，唔鮮㗎喎???不過6個人食，成咗$4800。自己諗下依個價錢值唔值得，如果依個價錢出邊一定有更好嘅餐廳，甚至唔使呢個價錢。
继续阅读
前排同朋友仔去食海鮮蒸氣鍋，大約一個月之前已經打去Book位。店員先將各樣餐具消毒，食物夾一共有兩個，一個夾生嘅海鮮，一個夾熟食物，幾細心。。同朋友仔點咗一個「尊貴海鮮套餐」，每人大約五百蚊。因為朋友仔升職加人工，所以豪一餐。。第一轉嘅海鮮嚟到了，賣相幾豐富，總共有五款：大赤蝦、珍珠蠔、大元貝、九孔鮑魚、野生青口。食海鮮蒸鍋，海鮮本身一定要新鮮。第一轉嘅五款海洋，整體鮮甜，而且蒸嘅時間都啱啱好，所以肉質唔會好韌。。最欣賞嘅菜式就係日本大元貝（Japanese Scallop），好大粒，一啖擺入口最滿足，塞滿晒成個口，啖啖肉，而且味道幾鮮甜。。第二轉嘅海鮮有三款：琵琶龍蝦、饅頭蟹、野生膏仔蟹。朋友仔好鐘意食蟹，整體來講，蟹肉都幾鮮甜，而且蟹膏幾多。。最後，店員會奉上海鮮粥，作為晚餐的尾聲。 粥底能嚐到海鮮嘅鮮甜，而且仲有芋頭、粟米、薑等配料，令海鮮粥味道更加豐富。
继续阅读
位於新蒲崗仁愛街50號地舖的蟹仙海鮮蒸氣鍋（仁愛街），主打用蒸氣鍋吃海鮮，用蒸氣去蒸熟海鮮，更能吃到海鮮本身的鮮味。因此，海鮮本身一定要夠新鮮，這間餐廳也頗為令人滿意。今次點了每位$419的尊貴海鮮套餐，加一後連醬油費，每人大約$500。。海鮮會由淡味吃至濃味，確保濃味海鮮不會蓋過淡味海鮮的味道。店員也勤快又熱心，當計時器鳴響時，也會把海鮮夾到食客的碟上。。第一批的海鮮上桌了，新鮮又豐盛。。～日本野生大赤蝦 （Japanese Wild Red Shrimp）赤蝦為刺身級的赤蝦，蝦肉味道彈牙又鮮甜，蝦頭的味道也頗為濃厚。。今頓晚膳特意點了一壺清甜的竹蔗茅根，解暑又解渴。。～台灣九孔鮑魚 （Taiwan Abalone）鮑魚蒸得剛剛熟，肉質不會過韌，咬不開。而且事先已將內臟去除，頗為貼心。。～韓國斧山珍珠蠔 （Korea Baby Oyster）珍珠蠔已清洗乾淨，肉質飽滿，味道鮮甜。筆者在這頓晚餐也沒有點太多醬油，想品嘗海鮮最原始的鮮味。。~日本大元貝 （Japanese Scallop）大元貝的口感相當紥實，而且尺寸巨大，吃起來滿足又過癮。順便一提，餐廳提供一個小抽屜，可以將所有吃完的貝殼丟到小抽屜內，乾淨又方便。。～大西洋野生青口 （Atlantic Mussels ）野生青口的肉質也是頗為飽滿，選材新鮮，能嚐到少許海水的味道，仿如在海邊與朋友一邊嬉水，一邊漫步。。～野生琵琶龍蝦 （Wild Lute Lobster）琵琶龍蝦比一般的龍蝦更為厚肉，而且肉質更為鮮甜。。～太平洋饅頭蟹 （Pacific Ocean Box Crab）饅頭蟹蒸得剛剛熟，肉質鮮嫩。這款蟹主要棲息地為深海區域，繁殖期間才會去淺水區域。。～野生膏仔蟹（Wild crab）膏仔蟹的蟹膏頗為飽滿，但整體味道正正常常，不算十分突出。
继续阅读
高質海鮮蒸鍋😉😉之前食過一間海鮮唔新鮮嘅蒸鍋，朋友推介有幾間分店的蟹仙海鮮蒸氣鍋舖頭，價錢唔算好貴，亦唔算特別平，但嘢食就好高質😗😗日本野生大赤蝦，店員話大赤蝦平時係食刺身先會食赤蝦，但係蒸過後，肉質更爽，味道鮮甜大西洋野生青口青口勁大隻🤩🤩🤩店員提醒我哋，青口唔需要加任何調味料，因為本身有海水已經比較鹹，咬一口，好似置身喺海洋入面😚😚😚龍蝦都好正！蟹🦀️大大隻，肉質柔嫩😗😗鮑魚雖然細細粒，但係都好好食☺️☺️有機蔬菜籃有多款時令蔬菜🥬，清一清腸胃😗😗仲有個海鮮粥，吸收晒所有海星的精華，就算飽都要食多兩碗，簡直係完美的結局值得一提嘅係，店員會全程幫我哋蒸同夾餸，可以唔洗落手🤪🤪🤪
继续阅读