影片
港铁铜锣湾站 D4 出口, 步行约6分钟
继续阅读
营业时间
星期一至日
12:00 - 15:00
18:00 - 23:30
以上资料只供参考，请与餐厅确认详情
不想不想還是寫了我平生第一次網上公開評論，因服務態度真的很差劣，不得不把這次經歷公開。下午餐廳確定訂位時祗是問了是否要預留毛蟹，我已覺奇怪，因之前訂位時已問了不需要預定，有貨的，但沒所謂就先說要吧。 晚上到了餐廳坐下時(因太太早到已攞位)發覺祗是安排了普通座位，我跟「餐廳經理」說訂位時是要鐵板燒的，為何會有如此安排，他直說:「師父今晚甩底沒有上班我也沒辦法，全店得一個師父現在已做到踢哂腳，給你坐鐵板燒枱亦沒有師父在你面前煮，現在安排你坐的位已經很好.........」; 接下來到拿餐牌時「餐廳經理」沒有任何交代，祗是再重申問是否要毛蟹.....我餐牌還沒有看要我如何回答呢?! 迷底終於解開了......在點菜時差不多一半鐵牌燒牛肉的套餐都沒有，「餐廳經理」祗是直說:「供應商比唔到貨我地都控制唔到......」，我隨即質問他為何下午打電話給我時不跟我說?!「餐廳經理」祗是像政府高官口吻般重覆之前的說話，我當場發火質疑他今天情人節那麼特別的日子(猶其是餐廳賺錢的日子)不可能下午都不知道沒有貨，是否要騙我到餐廳讓我沒辦法轉地方? 「餐廳經理」即時面紅+啞口無言，但隨後又加口:「那你自己諗諗要不要轉地方.....」這「餐廳經理」對著顧客(不僅是我，對著其他的食客亦一樣)祗有輕佻的態度，整個過程沒有說過一句對不起，而這種瞞騙的手法及差劣的態度完全離哂大譜，更厲害的是連炸薯條那麼簡單的食物都說沒有貨，我聽到鄰桌點菜時幾乎一半要的東西都沒有，另一桌則投訴蒜頭煮焦了，還有一桌點了東西很久都沒到，再三催促祗是來了個火爐，要煮的食物不知跑到那裹去，真的懷疑這餐廳是否預備今天之後就關門大吉。食物呢.....以這個價錢來說祗是普通，完全沒有「抵」和驚喜，加埋這樣的服務態度，我諗唔到原因會再黎!
继续阅读
去完日本 仲係好掛住蟹宴所以搵埋個buddy 去試下呢間一入到去 感覺好似身處於日本一樣 裝潢好細緻 好舒服餐牌好多野選 眼花撩亂最後我地決定叫一人前再加少少野一人前包：好足料呀！！好新鮮：）點埋個醋 個鮮味出曬黎！好似食緊旦咁 好滑好正呀！ 如果多兩條就更好啦！點少少左面果埋野 好好食！ 唔油一人前仲有2-3樣唔記得影 整體都好滿意呀另外仲叫左：海膽蟹蓋煲仔飯有少少失望 以為飯入面有蟹肉原來只係蓋上果部分同埋飯身偏乾下次會試其他蟹膏薯條蟹膏味都好出 食食下都好飽 都可以叫黎試下值得一讚佢哋嘅服務態度好好成日都會留意到我地幾時要加熱茶即使傾到好夜 佢哋都冇趕我地走環境都好適合少人或一大班人去聚會 有機會都會再返嚟食
继续阅读
今次去食蟹，呢間叫得自己做「蟹家」，相信質素唔會錯得去邊，所以都幾期待，除左食蟹，仲有鐵板燒。餐廳內外佢對住維港海景，不過當然唔係張張都係Window seat，今次分唔到對住海景既枱比我地，但我想講餐廳好大。食物選擇十分之多選擇，亦有set揀，不過今日我地都係散叫試下。黃金壽司 $168價錢都唔平，$168其實得3款，分別係三文魚子、中拖羅蓉同埋海膽，而最底有6卷青瓜壽司。雖然唔平，不過份量其實都唔算少，三文魚子多到滿瀉，同埋真係好新鮮，三文魚子一咬魚油溢出，而且鮮甜。至於中拖羅蓉都係有份量有好多，質素正常。本身我就唔係好食到海膽，唔係好中意佢既口感同味道，但呢款我都食到而且覺得唔錯，做頭盤唔錯。海膽蟹蓋煲仔飯 $130黎得「蟹家」就緊係要食蟹，見到呢個幾得意，港式煲仔飯加上蟹蓋，成個蟹蓋除左蟹膏之外，仲有蟹籽、蟹肉同海膽，撈落飯食，本身飯已經有淡淡蟹味同蟹肉，至撈埋蟹籽海膽，每啖飯都好有鮮味，加上飯底夠乾身，粒粒分明，性價比超高！蟹扒燒 $198另外再點多個都係蟹既，呢個係用鐵板爐挫住上菜，有5-6條蟹腳再加2隻蟹鉗，仲會附上蟹膏牛油，鐵板熱哂就可以加啲蟹膏牛油上去，好香，亦令蟹肉多股牛油油香更惹味，不過蟹肉就比較老，同埋落多牛油會好。餐廳食物都好新鮮，質素都唔錯，如果係蟹迷可以黎試下，今次冇食到鐵板燒話唔到大家知好唔好食，但佢既黃金壽司同海膽蟹蓋煲仔飯真係幾唔錯。
继续阅读
前幾日已經訂定枱五人去食lunch，去到門口冇人企喺出面，我地準備行入去時啱啱有個店員行過，但並唔係行近我哋，而係直接隔2米距離大叫有冇訂位...我地每人點左一個套餐（$380-$580），當時係星期日12點半左右，餐廳唔係滿座，但上菜速度非常慢，每一道食完之後隔起碼10分鐘先再上另一道，而且套餐上菜時唔順序，成餐飯食咗超過兩個鐘。最令人氣憤嘅係店員服務態度極度惡劣，點餐同喺門口大叫嘅係同一位男店員，點餐時態度唔耐煩，上菜係將啲碟大力放喺枱面，另一位女店員亦同樣大力上菜。嘗試問女店員放低嘅菜式係屬於咩套餐，一係就咁答蟹餐，但三種套餐都有蟹根本分唔出，一係就用價錢區分，就咁答你380/480/580，最後我哋要拎返個餐牌自己對下啲菜式...食到中段差啲想拍枱走人，個女店員收返燒生蠔個炭爐嘅時候唔專心，佢啱啱拎起隔離枱就叫佢，佢即刻放返低，就咁企喺我哋張六人枱嘅中間向隔離枱大叫「下」，跟住就行去拎筷子俾人，轉頭再返嚟收野每隻手拎一個炭爐，但眼並唔係望住個炭爐，結果其中一個爐連埋啲蠔殻啲汁同個鐵絲網跌咗落去我屋企人個袋度！！！跟住佢又放返低兩個炭爐喺度執地下啲嘢，呢個時候另一個應該係高級啲嘅店員行埋黎幫手同叫佢俾啲濕紙巾我哋抹左先。全程個女店員係一句對唔住都冇講過，最後仲要堅持係每隻手攞住一個炭爐走我哋後尾嗰幾道菜已經冇心機食，雖然之後個女店員冇再出現，但其他店員嘅態度仍然惡劣，我叫左幾次加茶店員係冇回應，到佢拎茶黎架先知原來佢聽到，上菜仍然係大力放喺枱面。最後我哋問吓套餐係咪有跟餐茶，個高級啲嘅店員就話餐冇跟不過可以送。其實我唔明白一間餐廳倒瀉野喺客人度都要收+1服務費係咩玩法，仲要我問個高級啲店員嘅時候佢係話冇得唔收，已經送咗餐茶俾你，最多送埋甜品俾你，我哋啲餐茶甜品都幾貴... 仲要話可以叫返之前倒瀉野嘅女店員出嚟道歉... 仲要係我自己提出洗衫嘅錢要問佢哋拎返，佢先話咁我遲啲可以俾返張單佢地claim... 我想話呢間餐廳嘅服務真係難以形容咁差，所謂送嘅餐茶係我哋問套餐有冇嘅時候先送，而且倒瀉野嗰個人應該一早就道歉啦，仲要我提出先話叫返佢出嚟，根本毫無歉意啲食物只能夠話係唔難食，但係絕對唔值呢個價錢，加上咁嘅服務，冇可能再去
继续阅读
結婚週年紀念日，原先諗住買餸係屋企兩口子打邊爐慶祝就算，晏晝就出銅鑼灣行下街，幫bb添置新衫先~一落車就見到sogo巴士站嗰度有間寫住食蟹嘅又係日本餐廳，老公就提議不如唔打邊爐改食蟹啦～咁我話如果食蟹嘅話不如去世貿間蟹家啦…因為上年朋友生日食過一次，我覺得幾好，可以再去，所以就當日打去book位，remark想坐窗口位，因為可以望海景，當然店員都係答盡量，唔肯定一定有，去到嗰時當然係冇窗口位坐，可能訂窗口位嘅客人早過我哋訂呢🙂～坐低即刻叫兩三款小食食住先，再慢慢睇下個餐牌，再決定食咩餐~見到佢有個蟹餐$3990，但要3人以上先可以order,另外又有個2人毛蟹餐就$1200，但我唔想食毛蟹，所以最後叫咗個和牛餐，見入面都有啲蟹件，再另外散叫幾樣食物，點知就係個餐有啲中伏😅😅不過除咗個餐外，其他嘢都好好食，加上殷勤嘅服務，我哋大致上都滿意嘅~到臨走時老公都仲話下次嚟一定要叫隻毛蟹食，我個人覺得$800隻毛蟹，仲要咁細隻唔係太抵食😏
继续阅读