蟹點

营业中

休息中

和女朋友去一個平時少去的地方吃晚餐，就是去鴨脷洲，吃馳名白胡椒蟹。餐廳内部裝修是以航海為主題，環境寬濶，二人可坐大枱，店員有禮。招牌白胡椒蟹(大蟹)498元，蟹的重量約一斤半，十分巨型。白胡椒蟹是用鐡板盛載，一來有助保持溫度，二來有助散發香氣，三來有吱吱聲響。蟹肉肥美鮮甜，醬汁惹味，配料是包括白胡椒、紫洋蔥和川椒葉等，味道層次豐富，色香味俱全。招牌脆皮咕嚕肉88元，新鮮菠蘿伴碟，賣相美麗，咕嚕肉肥瘦合適，皮脆肉軟，肉汁豐富，酸味和甜味均恰到好處。泰式炸蝦餅原價78元，特價38元，蝦餅外層香脆，內層彈牙，沾一點酸辣醬，十分滋味。椒絲腐乳炒通菜78元，份量足，通菜剛剛熟，顏色翠綠，醬汁味道正常。總結：環境寬濶，食物美味。

天氣凍凍地就好想食打冷，今晚嚟到鴨脷洲西村街市一樓嘅食肆，呢度裝修好有特色，而且非常乾淨無街市的臭味。餐牌價錢大眾化，約100多元就有一碟！香脆蠔餅，打冷必點！食落去每啖都咬到蠔仔，好落本！蒜蓉粉絲元貝(四隻)，蒜蓉炒過再蒸，粉絲索晒蒜蓉的精華，配飯一流！金沙黃金蝦，蝦廚師已經處理過去頭去腳，再炸到連殻都可以食埋。金沙即是鹹蛋黃，少許鹹香更加惹味！芒果糯米飯，食完主菜梗係要食甜品，嚟到打冷店叫到泰國菜甜品好神奇，但個人好鐘意食！呢度嘅芒果糯米飯同泰國店食到嘅一樣，值得一讚！潮式蠔仔肉碎粥，好大窩，足夠4-6人食，蠔仔份量非常多，性價比一流！

生日去海洋公園，之後6點幾去哩度食飯，叫左幾碟，食唔曬要打包，兩大一小！冬瓜湯好正，清清地，圖中幾碟送也是非常合格，個西瓜冰係食中菜也可以叫到，好特別，蠔餅皮脆蠔也好味大隻，已經plan緊幾時再去.........

偶然於鴨脷洲附近工作，得知附近有一間非常不錯的餐廳，於是便和朋友想約到來試一試。今次來到的是距離海怡半島地鐵站5分鐘路程的蟹點泰粵小炒王。顧名思義是泰國菜與粵菜都有得食的餐廳。來到蟹點，必然要試一試他的蟹，今次就叫咗泰國風味的一個孖寶套餐，咖喱軟殼蟹配馬拉盞炒通菜，剛上菜就聞到一陣陣咖喱香味，大量的椰汁令到整個菜充滿椰香，軟殼蟹亦炸得非常乾身，總共有三隻軟殼蟹，認真抵食。跟餐亦配上蒜蓉包，配上椰香濃郁的咖喱，亦是非常不錯的配搭。另一個主食便是店員大力推介的原隻脆皮炸豬手，這個真心大力推薦，可以算是食過的炸豬手裏面的三甲。炸豬手的表皮脆口而不會過硬，皮後的脂肪亦非常煙靭，豬手的肉非常嫩口，實在是一碟豬手三種口感，配上特製的酸辣汁，令人久吃不覺膩。海鮮方面還有豉椒炒蟶子王，大大隻的蟶子非常新鮮，難得連伴碟的青紅椒亦非常鮮甜，連配菜的挑選都非常認真，完全感受到蟹點力求完美的想法。最後食小炒當然要配上凍啤酒，蟹點還有提供集傳統飲酒和打卡於一身的戰鬥碗，認真夠潮！

朋友住海怡半島，今晚去了她屋企附近食晚飯，自從有了地鐵，去海怡半島就方便多了。這間店舖叫蟹點，當然要叫蟹食，叫了招牌白胡椒蟹$498，餐牌上見到有隻辣椒🌶️，應該就係辣，不過服務員話個汁可以分開上😋隻蟹非常大隻，只落了三份一的汁，不是很辣，我覺得蟹肉新鮮而且很惹味👍蝦膏啫啫唐生菜煲$78，份量很多，而且又爽又入味，熱辣辣食更好味。另外叫一個菠蘿海鮮炒飯$98，炒飯上面鋪滿腰果，又有提子菠蘿，炒得又夠香。甜品叫了千層糕拼西米糕$38，軟綿綿，不是太甜。

日日食生日飯食到肥咗幾個碼🙈今次一班buddy請食生日飯揀咗間冇雷公咁遠嘅餐廳😅喺鴨脷洲喎大佬其實揸車都係十幾分鐘姐😂唔好睇佢位置咁偏遠但係啲嘢超好食🤭仲要係平靚正嗰隻好搞笑佢分泰菜同中菜兩個Menu😆👍🏻白胡椒蟹&薑蔥蟹（$498）叫咗兩種唔同口味嘅蟹隻蟹超大隻肉質爽嫩👍🏻不過白胡椒蟹冇乜白胡椒味😆👍🏻招牌脆皮咕嚕肉（$88）我係咕嚕肉嘅fans呢隻咕嚕肉皮脆肉厚唔會成舊肥豬肉或者炸粉成尺厚十級推介😋👍🏻蝦膏啫啫唐生菜煲（$78）呢個菜好難難食😂👌🏻鵝件三併（$188）呢碟我一件都冇食到，因為對呢啲滷水拼盤嘅物體麻麻地😅👍🏻蝦乾金銀蒜蟲草花蒸勝瓜（$78）蒸勝瓜清清地幾好食蝦乾都幾大隻蟲草花略嫌少咗啲👌🏻酸菜蘿蔔海斑仔（$188）其實佢係一個酸菜魚不過我食開酸菜魚都鍾意食桂花魚因為滑啲斑嘅肉質會實啲同鞋啲🤭但係佢嘅味道係唔錯嘅👍🏻原隻脆皮炸豬手（$128）真正皮脆肉嫩略嫌肥膏多咗少少👍🏻咖喱炒虎蝦($238)呢個點蒜蓉包真係冇得頂呢度晚晚都爆曬棚記得提前book位啊

My families and I went to a restaurant called "Crab point"(蟹點) located in1/F, APIER, 322 Ap Lei Chau Bridge Road, Ap Lei Chau(鴨脷洲鴨脷洲橋道322號西邨街市1樓)Customers can order both chinese cantonesr cuisine and Thai cuisine.Have the best of the both worlds!!"Grilled beef skewers in Thai style"泰式沙嗲牛肉串燒HKD$98/6 skewers 串..The beef is moist and tender!!..Nice seasoning and lovely smoky flavour!!..Pairing with satay sauce...Delish yet value for money!..Generous portion!!"Salted yolk shrimp"金沙黃金蝦HKD$48..The shr

今日由親戚帶路，去左屋企附近嘅街市食小炒！估唔到屋邨街市有咁好食嘅中泰fusion菜今日係星期一夜晚，見到full house就知道去岩餐廳有齊中式&泰式menu不過實在花多眼亂，揀左好一陣子先決定到食乜！咖喱軟殼蟹先嚟個泰式口味嘅！咖喱汁比較稠身，用嚟沾蒜蓉包食一流咖哩味好香，再有少少嘅椰奶香，不會太多，岩岩好，每整體好有層次！軟殼蟹又夠香脆完全唔會好油膩！金沙黃金蝦哇呢碟黃金蝦 只係$38咋！勁抵食仲有成10隻添。雖然價錢咁抵，但一啲都唔hea，蝦隻實淨而爽口，每隻蝦都沾滿咸蛋黃非常惹味！除咗黃金蝦$38之外，仲有幾款都好抵！鐵板黑椒豬手呢個非常之有睇頭好大碟，同埋香味四溢，吸引埋隔離檯嘅食客！豬手肉質好軟腍，筋位完全唔韌，食嘅時候仲好有彈性，勁好食泰式酸辣鳳爪酸辣味啱啱好，醃得好入味不過鳳爪可以再淋啲會更好！泰式炒芥蘭味道不錯，不過芡汁多左啲！食泰國菜一定要飲椰青！椰青肉好易起，好軟滑

家人訂了此飯店食生日晚飯，我哋訂17位(分3張枱)，訂位時店員話需分時段，如訂6:15pm，需8:15pm便要還枱，我哋絕對理解食店節日前後食店係想做多幾轉生意，所以我哋都ok嘅!訂枱時職員又話可以來料加，需加一服務費。我哋當晚準時到達，也買了5款海鮮拎去加工，另外叫多7款餸，起初每款叫2碟，後來再加多一碟，初初都係正常速度上咗7個餸，之後等了起碼有20分鐘以上都仲未有其他餸嚟，我們同侍應講，當然話跟跟啦!但仍然再等都還未到，大約7:45左右才到第7個餸，跟著最後3個餸都都陸續嚟埋，當時已經到了8:05，幫我哋落單的侍應仲好似皇恩浩蕩咁同我哋講最多比你哋食到8:15便需要交枱喇!我哋即刻忍唔住話係你哋遲上菜，食都要時間啦!無理由仲催我哋快啲交枱呀!佢仲要話佢哋更喺先做自己啲菜先啦!即時話來料加工係唔會同時間順序處理的，如做不到不應話可做加工菜，安排處理完全不妥當。仲要有一款餸每枱叫咗一碟，但只嚟咗一碟，到我哋埋單時check單，發現佢哋無嚟的兩碟餸照計數，佢哋無扣減，同佢哋講噃啦!雖然有減返，但佢哋態度好差囉!仲大大聲囉! 還有我家人把淨餘的食物打包回家食時發現蟹拑裏還有橡筋未清理好便

住南區既我都幾常黎蟹點食飯，鍾意佢選擇多又抵食，今晚同屋企人又黎幫襯👍🏻.呢間餐廳既餐牌選擇好多，成10幾頁餐牌慢慢擇，主打潮州菜、海鮮、泰菜都有，仲可以帶自來海鮮🦞俾餐廳加工，費用都唔貴。.是日特價$398「上湯焗澳洲龍蝦」約1斤4兩 配伊面底(原價$538) ，價錢幾吸引，澳洲龍蝦多肉夠實，同平時波士頓龍蝦爭好遠，所以雖然價錢貴啲，但肉厚好多👍🏻伊麵較幼身更有咬勁，芡汁唔會太多，更食到鮮味。.🍴鵝片併墨魚 配芽菜豆腐花生底 $188潮州野都幾出色，鵝片併墨魚份量多，鵝片皮薄肉嫩，用上陳年滷水汁夠入味，切得夠薄片；墨魚爽口彈牙😍.🍴泰式馬拉盞炒通菜 $78叫左個泰式炒通菜，有鑊氣夠香口，泰國通菜夠幼身好嫩。.🍴鐵板黑椒牛仔骨 $108鐵板滋滋聲，牛仔骨厚薄岩岩好，黑椒味好入味，加上大量洋蔥同青椒更惹味。.飲品都抵飲，好似椰青 $48、藍妹 $32同Hoegarden $38👍🏻 岩晒一家人一齊食😌

好喜歡食新加坡出名既胡椒蟹，原來喺香港都有好食既白胡椒蟹。招牌白胡椒蟹 : 呢個係大蟹，大啲既仲有特大蟹，但已經好大隻，2個食都好夠。隻蟹鉗啖淡肉，size有我隻手咁大，肉質彈牙，好鮮甜，好新鮮。見唔到一粒粒既白胡椒蟹，但個醬汁就好香白胡椒味，少少辣，好惹味，同新加坡既胡椒蟹有得比!金沙黃金蝦 :蝦都炸到外面金黃脆口，蝦肉新鮮爽口，蛋黃醬味道啱啱好唔會太咸。蒜蓉炒芥蘭 : 好太碟，夠鑊氣，芥蘭炒到爽脆。菠蘿海鮮炒飯 : 好多配料，蝦、魷魚、臘腸、腰果等等，飯粒粒金黃，味道唔錯!最後叫多個椰青，夠凍又夠甜，消暑又解渴。雖然餐廳唔喺市區，但食過就知值得，價錢仲好合理。

蟹點（鴨脷洲）朋友約食飯聚會，去左鴨脷洲食小菜，傾計食飯❤️❤️招牌白胡椒蟹$498胡椒蟹賣相好吸引，用鐵板上菜，蟹肉大大份，食落啖啖肉， 仲要好惹味😍😍😍蟹肉新鮮，多肉蛋彈牙，推介👍👍泰式大蝦沙律$98大蝦沙律🥗酸酸辣辣甜甜， 大蝦好新鮮，量多😍😍開胃菜，正👍韭菜豬紅$55入面有大量豬紅，豬紅好入味，韭菜加埋豬紅係絕配，係潮式打冷菜必食😙😙鐵板黑椒牛仔骨$108呢個小菜都係鐵板上， 熱辣辣，好啱夏天食😋😋， 仲有我最愛嘅牛仔骨，濃味，好夠鑊氣，好食😆😆西蘭花炒帶子$128西蘭花加埋蒜蓉炒，好香口，帶子仲有大大粒，係好食嘅帶子🤩🤩晚餐一定要叫啲菜先正😘😘青檸冰$32🍸🍹青檸冰酸酸甜甜，解渴好飲🍹地址：鴨脷洲鴨脷洲橋道322號西邨街市1樓整體評分：5/5味道：5/5環境：4/5抵食：5/5

今日同阿媽去左海怡半島探親戚晚飯就帶左我地去呢區既餐廳試下店舖光鮮寬敞，坐得舒服餐牌非常多選擇，有分海鮮，粵菜，潮州菜，泰菜實有適合你既菜式————海鮮—————-酥炸生蠔一碟有成5大粒，每粒都好巨大蠔身厚實飽滿，好新鮮炸到外脆內軟，口感好好椒鹽鮮魷呢碟菜雖然常見，但煮得好既唔多而蟹點就做得出色炸粉岩岩好，無過多食落口感爽口，停唔到蒜蓉粉絲蒸元貝元貝好新鮮，配上蒜蓉將鮮味將提升到另一層次推薦！————-粵菜—————招牌脆皮咕嚕肉咕嚕肉成日食，但脆皮真係第一次好神奇，個口感好特別外脆內軟，係我最喜愛既口感肉味香濃順德煎焗雞呢道菜好香，店員未上菜就聞到店家用煎焗方式將雞既香迫哂出黎雞肉嫩滑，好惹味！————潮州菜————滷水腩片腩片入味軟淋食到停唔到！———-泰菜————咖哩軟殼蟹咖哩濃郁香甜配上炸到香脆既軟殼蟹非常惹味泰式炸蝦餅蝦餅足料肉質實在真係啖啖肉貨真價實，抵食！椰青，菠蘿青檸梳打椰青清甜新鮮梳打酸酸甜甜，好開胃！

晚上七點幾來到位於鴨脷洲西邨街市的蟹點，已經座無虛席。等了數分鐘入座，仍然陸續有人等位，十分旺場，非常熱鬧。餐廳食物多元化而且菜式又多，有中菜，海鮮，泰菜同埋潮洲菜，真係梗有一款啱你食。雖然人多，但上菜都唔慢，店員仲好貼心，我哋點完黑胡椒炒蟹後，即送來一次性圍裙和手套，有禮又殷勤。黑胡椒炒蟹：蟹膏唔算多，但蟹肉鮮味結實和豐厚，夠晒新鮮。蟹鉗大大隻，咬落啖啖肉，用黑胡椒炒，味道突出，滋味無窮。大蝦沙律：大蝦非常彈牙，好似冬陰公嘅味道，辣得嚟好惹味。滷汁掌翼：傳統潮式菜，掌翼都幾入味，喜歡掌翼可以一試。金銀蛋肉崧浸翡翠苗：上枱時仲滾緊，熱辣辣。湯底係用白胡椒熬製，非常特別。平時食泰國嘢，我通常都會叫芒果沙冰，今次試吓菠蘿沙冰，感覺好fresh, 又解渴。

今日朋友約我去海怡半島Prada outlet 行吓，順便喺附近搵食，佢話鴨脷洲街市翻新左冇幾耐，好似有好多嘢食，於是就去探索一吓！一直以為佢講嘅係鴨脷洲大街個街巿，原來佢帶咗我去西邨街市，街巿前身係點我真係唔知，不過翻新咗之後裡面除咗有新鮮嘅食材賣，仲預留一部份賣小食，種類都算多，樓上有間叫蟹點嘅食肆，朋友見到隻蟹就話要試店內冷氣充足，大排檔的格局，突然令我想起新加坡🇸🇬食客都係附近街坊，氣氛非常熱鬧點完餐侍應好快送上圍裙同手套，俾我哋一陣食蟹時用泰式爆炸蟹，用炸蒜、香茅、辣椒同咖喱葉等材料炸蟹，隻蟹都幾大隻，味道好惹味，越食越辣炸蝦餅味道都可以，可惜唔夠彈牙泰式炒芥蘭，叫咗少辣，但都幾辣吓其實間鋪仲有其他粵菜同埋潮州菜食，食物選擇多，不過我哋今次主要食泰國菜，食咗3樣嘢$719，貴唔貴就見仁見智喇！