蟹點

营业中

休息中

*💭蟹點🦀自南港島線開通後也沒有坐過，今天才遲遲發現海怡半島港鐵站附近有間專吃海鮮而且性價比超高的食店😍即便是平日亦非常熱鬧。招牌白胡椒蟹🦀餐廳必點招牌菜😍蟹有一斤半重，店員淋上白胡椒汁時沙沙作響，煙霧彌漫，香氣撲鼻🥰蟹肉什多而且超大隻🤤餐廳有另外附上手套和圍裙，非常貼心☺️換上手套後可以大快朵頤😋每件蟹肉都滲著白胡椒香味，令人一口接一口的停不了🤤蟹鉗超大隻，蟹殼有事先敲開，所以非常容易便能拆開，肉量超多，啖啖肉😍蒜蓉粉絲蒸蟶子蟶子很大隻😍而且足足有四隻，鮮甜美味😋用上蒜蓉和粉絲去蒸，蟶子鮮味和蒜蓉香都滲入了粉絲，每啖粉絲都很滋味🤤生蝦刺身🦐餐廳除了提供粵菜外也有泰式菜😍生蝦蝦肉彈牙新鮮，醬汁有魚露，還帶點香辣味道，酸酸辣辣令人吃過不停😋串燒六串我們點了豬牛雞各兩串，配上香口沙嗲醬，令味道昇華😋串燒肉厚，份量絕不欺場👍🏻滷水鵝腸想不到餐廳也有潮州打冷😍點了很久沒吃的滷水鵝腸，鵝腸鹵得入味😋食落爽口彈牙☺️椰青🥥椰青十分大個😍椰青水非常清甜，很適合在炎炎夏日裡享用🥰椰青內裡的椰子肉超多超厚，可以用另外附上的匙羹舀起享用😋珍多冰椰汁味超香超重🤤而且材料很足，有很多綠豆粉條😋蟹點的菜式多得令人眼

一直都好少會去南區個邊，問朋友有咩介紹先知道西邨街市有唔少嘢食，地下個層大部分都係啲小食店，二樓就有間小炒店，幾新淨又大間，所以就去咗試下！🤣見到menu先知原來有好多唔同嘅菜式，泰菜、潮州菜、港式小炒都有，真係超級多選擇🤩.燒魷魚 $88馬拉盞炒通菜 $78滷水鵝片 $168黑胡椒炒蟹 $498豉椒炒蜆 $98珍多冰 $38椰青 $48.見到有燒魷魚就忍唔住叫，燒得唔算太燶但好香，口感一啲都唔韌，好軟熟，唔係啲你咬極都咬唔開嘅魷魚！加埋佢泰式酸辣汁，好惹味🔥炒通菜份量都幾多，味道好夠，食得出係即炒，有鑊氣👍🏻滷水鵝片大推呀👍🏻👍🏻👍🏻份量超級多！好多時其他餐廳都會用好多豆腐舖係底，但係佢除咗面個啲鵝片之外，下面個層重有一大半鵝肉😍😍😍鵝片好淋又入味！配菜有啲豆腐同花生🥜！全部都好味😋😋😋主角嚟啦🤩🤩🤩蟹🦀見到好多人都有叫蟹食，咁難得嚟到緊係要試下！今次叫咗黑胡椒炒蟹，黑胡椒味幾香唔好辣，應該大眾都會食到！隻蟹好大隻，特別係隻蟹鉗，有成隻手掌咁大😍😍😍啖啖肉！隻蟹整得啱啱好，有醬汁嘅味道又唔會蓋曬蟹原本嘅味，重食到蟹嘅鮮甜味👍🏻👍🏻大排檔必食嘅炒蜆🤣🤣 味道夠，過足口癮！飲品要咗椰青同

鴨脷洲西邨街市被翻新後有新搞作, 街市分為兩層, 地下層有街市、熟食, 餐廳「蟹點」就佔據了二樓整層。主打中菜同泰菜, 亦歡迎食客係下層街市買海鮮上黎比餐廳代煮 (需付加工費)。翻新後嘅熟食市場, 對比傳統街市整潔企理得多。餐牌分兩個, 分別為中菜同泰菜, 款式選擇多, 【招牌白胡椒蟹】HK$498 大大隻蟹放於熱辣辣鐵板上上檯, 店員再即時淋上白胡椒汁, 霧煙更散發著好重嘅白胡椒香。蟹被拖過油, 鎖住了原汁原味嘅鮮甜蟹肉肉汁, 外層更平均包上了甜甜白胡椒醬汁, 入口極之惹味。隻蟹都幾厚肉, 不是水汪汪質素, 尤其大蟹鉗, 啖啖肉, 超滿足!【脆皮炸大腸】HK$68炸大腸外皮酥脆甘香, 內裡唔會太肥, 切成一段段, 令口感唔會太韌【豉椒鵝腸】HK$98鵝腸好爽, 有淡淡鵝酥味, 食得出唔係用雞腸充當。炒得有穫氣, 茨汁很有豉椒香, 惹味得黎唔會過鹹。【紅燒脆皮 bb 鴿】HK$58size雖然細隻, 絕對可以用皮脆肉嫩黎形容, 肉質超juicy, 好少可食到肉嫩嘅乳鴿。而且入味, 唔需要再額外調味, 已經好正!【招牌脆皮咕嚕肉】HK$88每粒咕嚕肉外層都包上了甜酸醬汁, 炸皮不厚仍然香

今日長途跋涉去到鴨脷洲西街街市，為的是去吃我最喜愛的胡椒蟹，好開心呀！雖然是街市大牌檔，但光猛濶落，冷氣充足，而且整齊乾淨，令人感覺舒服自在。餐牌選擇甚豐，除了有鑊氣小炒外，各式中菜，泰菜和潮式小菜一應俱備。杏汁燉白肺$188~份量好大，足6-8人飲用。配料亦十分充足， 有半隻雞，雞腳十多隻，白肺，瘦肉，排骨，大量杏仁，所以湯頭非常濃郁鮮甜，杏味香濃，火喉十足，好滋潤好好味。招牌白胡椒蟹(大蟹)$498~隻蟹十分大隻，用鐵板上，店員即時淋上白胡椒汁，金不換，洋葱和白胡椒的香味四溢， 令人垂涎欲滴，好想快D食呀！蟹的肉質結實，白雪雪一梳梳啖啖肉，鮮甜美味，好正呀！椒鹽鮮魷$98~黎到大排檔，點可以唔叫番個椒鹽鮮魷？魷魚好新鮮好彈牙， 加上適量的椒鹽更加滋味。鵝片三拼$208( 墨魚，紅腸，鵝片)~鵝片肉質爽實，滷水味香濃，墨魚爽脆，紅腸細腻柔韌， 還有大量鹵水豆腐和芽菜墊底，整體不錯。芒果沙冰$42~ 芒果味濃郁，仲有粒粒新鮮芒果肉， 清甜冰涼，十分涼快。

去完海洋公園玩左成日就喺附近順便搵餐廳食晚飯呢間餐廳有海鮮、小炒、潮式、泰式咁多款式，咁就揀左呢間黎試下餐廳環境幾光猛同幾闊落，坐得幾舒服龍蝦做緊特價$398仲送埋伊麵，就嗌黎試下龍蝦好大隻，肉質好爽口，食到鮮甜味伊麵吸左啲龍蝦汁好香另外叫左金沙鮮魷，鮮魷幾爽口食到粒粒鹹蛋黃醬汁，特別惹味仲叫左碟百灼海生蝦，蝦肉就正正常常想食啲泰式野，就叫左飛天炒通菜通菜配埋少少辣好好食最後叫左碟豉椒鵝腸，鵝腸份量都多豉椒炒野最啱用黎送酒整體食物水準唔錯同埋選擇好多，啱哂一大班人去食

蟹點有多款菜式，小炒，中菜，泰菜，海鮮等等，見餐廳既賣點之一係炒蟹，有4-5款做法，我地簡左黑胡椒炒蟹，鑊氣非常又夠熱辣辣，大大隻蟹，蟹既肉質夠新鮮鮮味，黑胡椒既香滲到蟹肉，黑胡椒微微既香辣感！有提鮮既感覺，蟹鉗大大隻又厚肉，果皮蒸八頭南非鮑魚 ,質數好高，新鮮與否高下立見，夠爽彈又夠鮮，果皮香陣陣滲出，非常突色。脆皮咕嚕肉，同個名一樣，真係非常脆皮，咬落去仲卜卜聲，甜酸汁味道非常好。簡直係咕嚕肉既靈魂所在！粉漿唔會過厚，豬肉夠嫩，而旁邊既菠蘿亦值得一讚，幾香甜又好味！菠蘿海鮮炒飯，配料好多，蝦，青口，魷魚，肉鬆，提子乾，腰果等，口感層次夠豐富，又係好夠鑊氣既炒飯，大大份都唔使$100 ,超值

上次食過海怡半岛［蟹點］念念難忘，今日又來幫襯。上湯龍蝦伊麵：好大一盆，龍蝦好大舊，龍蝦鮮甜Q彈。把經過上湯烹調的龍蝦放在伊麵之上，龍蝦的鮮甜汁液流入伊麵，令伊麵都充滿海鮮的滋味。滷水鵝片：鵝片肉質結實，肥瘦適中而且味道帶有滷水的香味。酸菜蘿蔔海班仔：魚大概有一斤左右，魚片鮮嫩微酸辣好開胃，湯底香濃惹味，就係蘿蔔爛小小唔夠脆。串燒：雞肉、豬肉、牛肉各2串，雞肉嫩滑，豬肉肥而不膩，牛肉肉質緊密肥嫩。串串份量不少，配上醬汁味道很棒。仲有好多菜式冇試，再穩個時間來

今日放工同同事喺附近食飯佢介紹左佢屋企附近嘅一間室內大排檔一齊食夏天食大排檔最辛苦就係無冷氣呢度就有強勁冷氣咁就可以開心享受大排檔嘅鑊氣小炒！呢度仲有樣好唔止得中式小菜仲有泰式食物同海鮮！！我地二話不說揀晒最想食嘅野～滷水雜拼呢度嘅雜拼好大碟種類好多有鵝片，腩片，豬耳，豬腸，紅腸，豆腐每一樣都好入味仲要份量都好多添！豉椒炒蜆蜆肉都多爽口無沙豉椒味濃唔辣～蒜蓉粉絲蒸扇貝扇貝好鮮甜蒸得啱啱好粟米魚肚羮勁大碗粟米鮮甜夠濃稠滑溜飛天通菜呢個菜正醬汁辣辣地好惹味蝦醬炒飯用大鑊炒出黎勁香又大碟又足料米粒爽身無乜油好食！

呢輪特別多送別好友，朋友話去英國前想食D 大排檔feel 嘅餐廳，比我search 倒原來鴨脷洲西邨街市嘅蟹點，好出名食胡椒蟹，仲同時有泰國菜粵菜同潮洲菜！咁多選擇一於去試下啦！ 餐廳都好大，座位濶落人流都幾多！點左有蟹嘅菜式仲有圍裙同即棄手套提供！又幾細心！招牌白胡椒蟹 $498 名不虛傳嘅招牌白胡椒蟹，超巨型嘅蟹大約有一斤重，原隻放喺鐵板上枱，店員立即淋上白胡椒醬汁！吱吱聲又超級香！難怪枱枱都點蟹！醬汁非常惹味，香辣而唔油膩，包著啖啖鮮甜肥美嘅蟹肉真係超！級！好！味！推介！ 👍👍👍👍 👍  🌶️泰式：金不換炒花甲 $98 金不換同花甲原來好夾！配料同香料特多，花甲新鮮爽甜！值得一試呢個組合！ 🦑 潮洲菜：鵝件併墨魚 $168 見倒有潮州菜立即想食鵝！鵝肉滷得好入味，鵝肉香濃軟嫩，肥瘦適中而且份量非常多！墨魚爽口彈牙！雖然係點雙併原來下面仲有豆腐同花生!🍜粵菜：豉油皇炒麵 $78 去親大排檔必點豉油皇炒麵 ！最容易嘅菜式最考功夫！豉油味香，炒麵乾身唔油膩，呢度嘅炒麵簡直滿分💯

大家想食之前，可以參考埋常用的社交平台內的食評，就會同意我呢個食評係一個老實的食評。這兒是屬於連鎖中式酒家集團譽宴集團主席名下的一間街市內大排檔形式的餐廳。本來今日好開心，諗住見到openrice咁多好評，就去試下呢間街市內的人氣店。誰不知食到一肚氣。等位等左30分鐘，完全無一個有系統嘅等位制度，啲侍應完全唔得閒理排緊隊嘅客人。到有檯埋單，啲侍應要掛住上菜執檯，根本門口等位無可能。等左差唔多成個鐘，晚上7點45分，終於有位。叫左碟炒馬拉盞炒芥蘭，但係黎非常之怪味，一啲都冇馬拉盞嘅味道，只係得辣字，味精亦好重。叫左一碟子豬肉同雞肉嘅串燒，跟住我地就等左超過30分鐘，同店員追嘢食嘅時候，就發現原來落錯單，串燒落左蒜蓉包，咁佢地就再幫我地落單。再等多30 分鐘其他嘢食嚟齊之後竟然發現豬肉串燒啲豬肉，入面喺生的，因為出面有層醬睇唔到。咁我就攞左串生豬肉嘅串燒，去比錢嗰度家姐話佢聽，佢就即刻拎走我串生豬肉嘅串燒，然後就叫廚方再整歌俾我，毀屍滅跡。。。外皮好脆, 咕嚕肉粉同豬肉一咬就散, 應該是冰鮮豬肉。菠蘿都幾慳功夫, 另上唔駛炒~總括黎講, 呢間係集團式經營的酒樓, 價錢亦是酒樓價。食物不是出

蟹點我地一家三口去食，知道星期日間間都爆滿，呢度都唔例外，我地9點左右先埋位，知佢係C 類型餐廳，收12點，唔洗趕頭趕命。叫左3樣嘢食，兩杯飲品。唔知係咪星期日關係，出品好參差。1。豉椒炒蟶子（4隻 ） $168 味道方面處合格，但吊詭之處係有5個蟶子殼墊底，但蟶子用就得三隻。2。泰式無骨海南雞半隻 $108 半隻雞係正常味嘅，用芥蘭墊底，個汁都算幾好。3。上湯澳洲焗龍蝦伊麵底 $438 今晚戲肉黎！老實講寫呢個食評都係因為呢碟餸。以澳洲龍蝦黎講，價錢可以話係抵食，但除咗抵食要有好多因素加埋，先至叫做性價比高。呢碟係後加既，當時大約9:30左右，見到後面老細或者餐館負責人已經準備緊宵夜，大約四五碟咁上曬，可能導致碟龍蝦超過半小時以上都未上到。到了上菜時，賣相都唔錯既，但當用筷子夾落去時，個伊麵好似糊仔咁，又碎又淋。不過都算，就當個伊麵係配菜，同時個龍蝦係Over cooked 得幾緊要，好鞋同冇味道。但之後發生最大最大既問題，太座竟然系個伊麵度，食到香口膠 ！ 我當時立即搵後面果三個負責人或老闆，佢地望一眼就話肯定唔會係，我立刻用雙手的手指公及食指揸住，再分開比佢地睇，佢話

有時出街同親戚朋友食飯, 由於大家對食物嘅喜好都唔同, 都會為左去邊度食飯而苦惱。咁啱喺openrice見到呢間位於鴨脷洲西邨街市既蟹點, 佢地標榜有多種唔同類型嘅菜式 (分別有海鮮, 粵菜, 潮州菜, 泰菜, 鑊氣小炒等等) , 一於過黎試下先。香煎牙帶魚 $55- hubby係潮州人，見到有潮式香煎牙帶魚，即刻話一定要叫 ! 牙帶魚表皮煎到脆卜卜，內裏魚肉嫩滑軟淋，味道咸香惹味, 係一道非常傳統既潮州菜。招牌白胡椒蟹 (大蟹) $498 - 胡椒蟹好大隻用鐵板上, 一上枱就聞到香氣四溢, 而蟹肉結實飽滿，鮮甜多汁，蟹鉗勁多肉，係必點嘅招牌菜。 店家仲會附上即棄手套, 圍裙同食蟹工具, 真係好貼心。蒜蓉粉絲蒸蟶子 4隻 $168  - 蟶子好大隻又新鮮, 味道鮮甜, 簡單地用上粉絲同蒜蓉一齊蒸, 而粉絲仲吸收哂蟶子同醬汁既鮮甜味, 真係勁滿足。金銀蒜蝦乾蒸勝瓜$88- 夏天當然要食返當造嘅瓜類，今次我哋就點咗勝瓜，勝瓜好爽甜無渣，配上蟲草花同蝦乾蝦米一齊蒸好惹味香口之餘, 同時又食到勝瓜既爽甜, 成個餸菜既配搭都非常好。泰式鹽燒烏頭 $138- 鹽燒烏頭用泰式嘅方法整，有好香嘅香茅味

今日同朋友入開鴨利州見到街市上面有間蟹點幾正就入左去試下，環境都幾乾淨有大排檔full蟹既口味有好多，我地就叫左白胡椒蟹鐵板上，隻蟹超大隻，個鉗仲大過枝匙淋埋d汁落去，炸炸聲勁香勁正啖啖蟹肉食得超爽黃金蝦，勁多咸蛋黃，味道超濃，而且可以連殼食勁方便，依家仲做緊特價，一碟十隻左右，都係38蚊，必點！！！咸魚炒介蘭勁有鑊氣，仲有粒粒咸魚超香佢呢度除左中式野之外，仲有泰式同潮州野我地就叫左個青木瓜沙律，好爽脆，不過略嫌個味淡左少少不過我地就問佢拎多個泰式醬汁倒落去，正！！仲叫左條鹽燒烏頭估唔到咁大條，而且d肉又唔會老又係啖啖肉，味道好夠食呢熱氣野緊係要飲番個椰青勁滿足，抬住個肚走侍應態度好好，有求必應而且食蟹仲有提供埋手套，同d工具，好貼心不過個度都好爆場，我地8點左右先去度有部份菜式已經冇晒，要轉食其他野不過味道都係好正所以想去食真係要早少少去

蟹點鴨脷洲鴨脷洲橋道322號西邨街市1樓朋友喺鴨脷洲返工，為咗就佢決定喺附近食下野，今次我哋去咗鴨脷洲熟食市場呢邊嘅蟹點試吓，貪佢係大排檔得來又有冷氣，好似唔錯餐牌選擇非常之多，除咗有中菜，潮州菜，連泰國菜都有，款式仲要有成十幾頁，我哋就算每樣菜諗住叫少少，都揀咗好耐先揀到食咩鐵板薑蔥焗生蠔 $188鐵板一上到黎咋渣聲，冇諗過啲蠔會咁大粒！隻隻號都好飽滿，同埋出面嘅炸漿好香脆，餐廳比好多薑片同埋大蔥去炒，非常惹味黑椒薯仔牛柳粒 $108牛柳粒軟稔，蜜糖同埋黑椒味撈埋非常夾，薯仔外脆內軟，Size一啖一口啱啱好，另外仲加咗啲三色椒令到冇咁漏，超開胃呀潮州肉碎蠔仔粥 $88呢碗粥夠四個人食有餘，份量好多，粥底好香味，而且食得出冇落過味精，加埋蠔仔既鮮味停唔到口，最正就係面上有芫荽，再加埋胡椒粉食正泰式咖喱軟殼蟹 $188本身見佢做開大排檔，真係諗唔到原來有泰國廚師喺度煮餸，呢款泰式軟殼蟹好有泰國風味，咖哩汁調味得好好，而且新鮮炸好就拎上菜，個底仲有三色椒同洋蔥，撈飯食一流滷水鵝片 $168見到唔少人點咗滷水鵝片，所以我哋都點埋一份，鵝片厚薄均勻，好香鵝味，個底仲有滷水豆腐，大豆芽同埋花生，

今日去海怡半島行街，夜晚搵住附近朋友介紹醫肚地方，因為真係唔熟附近有咩好食。最後朋友介紹左呢間蟹點，話好多選擇，保證冇介紹錯。事實果然如此，看見餐牌又有中餐潮州菜粵菜、海鮮、又有泰國菜都係我既最愛。餐廳非常寬敞，坐又好舒適。侍應俾左兩本餐牌，哇然一聲， 非一般的餐廳，選擇超多，樣樣都好想食，可惜得兩個人兩個位，叫極有限。最後兩人叫左四樣菜式。1. 潮洲滷水鵝片，份量超級多，接近半隻份量，鵝片切得好均勻，片片大小相近，鵝皮簿也不肥，一口咬落，充滿肉汁亦非常入味，鵝片底有數塊豆腐加少量芽菜，這是我食過最好味的滷水鵝片。2. 金沙鮮魷： 平時黃金鮮蝦記食得多，今次第一次試金沙鮮魷，在家很難煮到的菜很，賣相十分吸引，一塊塊金黃色，咬落熱辣辣份外香脆，簿簿的外層炸粉被金黃色的蛋黃包住，香味可口，鮮魷也十分彈牙新鮮，果然冇叫錯，十分推介必食。3. 招牌白胡椒炒蟹：餐廳叫蟹點，冇可能不叫隻蟹試下，選了白胡椒煮法，炒到熱辣辣的肉蟹放在鐵板上，侍應倒上一碗白胡椒汁，煙霧彌漫，一陣香氣撲鼻，趁熱食，蟹肉一梳梳啖啖肉，十分新鮮彈牙，白胡椒汁微辣但完全不會蓋住蟹肉的鮮味，今我點憶起曾經去新加坡食過白胡椒炒蟹，