蟹點

营业中

休息中

朋友建議放假去行山，欣賞美麗風景後，然後再安排去鴨脷洲食招牌菜白胡椒炒蟹。原來這間店除了招牌菜之餘，這裡的坐位很舒適，室外寬闊開揚，室內舒適舒服，非常整潔，並不像一般的熟食街市。白胡椒炒大肉蟹，1斤半的大肉蟹，大大隻，非常多肉新鮮，肉質彈牙爽口，鮮甜美味，用鐵板上菜，淋上香噴噴的白胡椒汁，非常冶味，配洋蔥特別甜。脆皮BB鴿，BB鴿肉質鮮嫩，外皮脆，內裡仍保持嫩滑，連骨都非常軟，味道剛剛好。椒鹽白飯魚，外面的粉醬炸得很鬆脆，不太油膩，放耐了仍然鬆脆，非常好。馬拉盞炒通菜，馬拉盞味道香濃，通菜很新鮮，味道很好。

聽人講係自助式既餐廳，就決定去體驗下，係類似熟食中心，晏就時間去就有點心食，要自己加水，同出去拎野食，燒賣、腸粉個D都係同出面個店員講，佢就遞俾你，你就放落個盤度，食物質素一般，係勝在可以自助式行出去睇到d點心咩樣。

天氣開始涼涼地嘅時候，朋友就約我行山，仲話行完山之後可以有好嘢食，惠食嘅我就聽到有好嘢食就即應承咗。到咗出發當日先知原來係行鴨脷洲嘅玉桂山，嚟得鴨脷洲我就即刻諗起之前食過間好好食嘅泰國餐廳，朋友就話估啱一半係有泰國菜食。終於行完個山可以食嘢，朋友帶我嚟到一個超陌生得來又有熟悉嘅感覺就係鴨脷洲邨，人生真係第一次嚟呢條邨，不過呢條邨就好似細個時住過嘅屋邨，呢種邨而家係越嚟越少。一路行仲以為朋友玩嘢帶我去街市嘅熟食檔求其食，原來入到街市有架𨋢上平台，一上到平台就發現到有我鍾意嘅海鮮，睇到流晒口水！睇完餐單一輪，就揀咗隻白胡椒炒蟹、孖寶嘅咖哩炒花甲皇&馬拉盞炒通菜、蒜蓉包同冬瓜盅。冬瓜盅雖然做緊特價，但竟然係大大個盅，開頭仲想叫多個泰式乾炒海鮮河，但啱啱個盅嚟到時即刻截住朋友叫佢唔好落單，否則我諗要搵多兩個朋友嚟一齊食。冬瓜盅入面都幾多配料，除一般嘅肉之外，仲有帶子、蟹肉同蟹柳。味道都幾清甜。咖哩炒花甲嘅花甲皇果然係皇，每一隻都好大隻，仲好鮮甜；而我哋仲為咗個咖哩汁仲叫咗份蒜蓉包嚟一齊食。馬拉盞炒通菜未食都已經覺得好夠鑊氣，超香馬拉盞嘅味，食落仲更加無得頂，超香濃嘅味道，配飯食真係一流！最後係

自從港鐵南港島線通車後，交通方便左，所以決定同朋友去挑戰位於鴨脷洲嘅玉桂山。行完山之後決定去就近嘅鴨脷洲西邨街市。一去到街市，就見到好大張海報一坐電梯上去就見到間餐廳。一入到門口就見到一個大魚缸，魚缸裏面嘅海鮮非常生猛。熟食市場翻新後，整潔企理，而且座位寬敞，啱晒我哋呢啲行完山嘅人，可以坐得舒舒服服。菜式種類好多，坐低嘅時候見到啲蟹啱啱送來，隻隻都好大隻，所以決定叫返個炒蟹。咖喱炒蟹（大蟹）蟹肉原汁原味，肉汁鮮甜，蟹鉗啖啖肉，包上了咖喱醬汁，入口極之惹味。拳頭咁大嘅蟹鉗。蒜蓉包表面鋪滿蒜蓉，充滿蒜蓉香氣。蒜蓉包配上咖喱汁、蟹膏，味道配合得天衣無縫。招牌脆皮咕嚕肉外層香脆包上甜酸醬，肉質爽口軟嫩，菠蘿分開上，凍冰冰清甜多汁，甜酸開胃。

放假天氣好同屋企人行山，當然又要食番餐好嘅，妹妹介紹鴨脷洲《蟹點》。店內環境好闊落，空間感好夠，以地中海藍色設計為主題。原本一心諗住嚟食蟹，不過昨天啲蟹賣曬今日下午一兩點啲蟹未返貨，改食龍蝦，有驚喜呢！鐵板薑蔥澳洲龍蝦~大概有一斤多啲嘅份量，上湯薑蔥鐵板上，超級香噴噴，連隔離枱食客都忍唔住問我哋食咩，賣相都好吸引，大大嚿龍蝦啖啖肉，好新鮮，勁爽口，師傅先將龍蝦泡油，然後用薑蔥炆一陣就已經好入味，正！泰式船麵(海南雞)~可以揀河粉、金邊粉、米粉，多款配料任君選擇，好喜歡船麵甜甜地嘅湯底，推介食河粉或金邊粉，海南雞嘅份量都好多，件件好肉，肉質軟滑，配料嘅白蘿蔔好甜，炆得好淋。椒鹽白飯魚~熱辣辣，剛剛炸起，條條炸到脆卜卜，價錢好相宜。跟餐有飲品，可以揀泰式奶茶~這個茶味比港式奶茶香濃，如果多啲奶可能會更美味。另外叫多個青檸冰~唔會好甜，味道清新。

當日差唔多八點去到餐廳，都仲坐滿人，好誇張呀😳餐廳都挺大，有啲大排檔feel，但有冷氣，環境比大排檔企理好多。菜式亦多，打冷小炒，海鮮，泰國菜式乜都有😋🦀白糊椒炒蟹 $598好大隻蟹呀呀呀，端上嘅時候服務員會淋上白糊椒汁，白糊椒汁流到熱騰騰嘅鐵板上，頓時發岀吱吱声，香氣四溢，不過真係要小心啲油彈岀燙到呀。隻蟹好新鮮，啖啖肉，蟹肉一絲絲的😍，鮮甜無比，白糊椒汁帶少少辣，惹味醒胃，和蟹嘅鮮味好夾，唔怪得好多枱客都有點，勁讚🦢豉椒鵝腸 $88鵝腸連三色椒一齊炒，份量勁多，鵝腸食極都仲有☺️，好爽口，食落又唔韌，唔會好似食橡筋咁，仲有啲肥膏黐住條鵝腸，味道更加甘香，🤤🍮西米糕拼千層糕 $38千層糕原來係熱食嘅，口感煙韌，兩者味道都唔錯，好有椰香味，又唔會太甜，唔太飽都要食埋個甜品先夠開心。咁開心，點都要叫番枝凍啤cheer 下，用碗飲幾有風味😚

朋友帶我到西村街市的蟹點，想不到是在一個現代的冷氣街市樓上。環境光猛整潔氣氛熱鬧，幾乎每枱也點了炒蟹，我們也不要錯過吧！多位服務員都是熱情又親切的，這次用餐體驗十分滿意。薑蔥炒蟹 $598 以鐵板上，足有斤半重的薑蔥炒肉蟹，大量的薑蔥和蟹香散發於空氣中，蟹肉很清甜和飽滿，原以為份量太多，想不到最後被我倆清了碟。豉油王炒麵 $78 炒香的洋蔥、韮黃、青蔥和白芝麻，令豉油王幼麵線更添美味。哈爾濱啤酒 啤酒味不重，味道帶甜，加上冰凍的戰鬥碗，淡淡透心涼。

呢兩年冇得去旅行，多咗時間留在香港，所以多左發掘香港嘅好地方。朋友提議去鴨脷洲玉桂山行山，我就當然負責尋找美食。無意之中起YouTube 見到有個YouTuber Stephen Leung 介紹鴨脷洲食蟹，我同朋友本身都好喜歡食海鮮，而鴨脷洲又起海附近，相信海鮮應該唔差，就決定去完玉桂山行山就去食海鮮！玉桂山嘅風景好靚，所以被稱為港島南神秘花園！行完山我哋急不及待去到鴨脷洲西邨街市蟹點食海鮮！地點都好方便，就是海怡半島地鐵站行前少少！雖然係起鴨脷洲西邨街市，但是內裏環境比我想像中乾淨得多，又新淨，又有冷氣，同時又保持街市熱鬧的氣氛！上菜速度十分快招牌白胡椒蟹（大蟹)$598做咗功課，見到好多人都推介嚟呢度要食蟹，而白胡椒蟹就是招牌菜白胡椒蟹是用鐵板奉上的，可以保持溫度，上菜後，侍應會即場倒上白胡椒汁，因為鐵板的熱力遇上白胡椒汁，會發出吱吱的聲音，而香味亦會更加濃烈！這隻蟹很大隻，一隻蟹已經沾滿了整個鐵板。蟹好夠份量，好實肉，每一啖都係厚厚的蟹肉！白胡椒汁好味，但不會搶過蟹肉的鮮味，兩者好夾，令我想起之前在新加坡食的白胡椒蟹，同樣出色！椒鹽鮮魷$98鴨脷洲呢個多海鮮食嘅地方，點可以只叫

最近的天氣不太好，幸好還有一天太陽出來了，我和朋友一同去行山，完成過後，成功到達了鴨脷洲邨，在這裏一同吃飯，朋友推薦這間泰粵菜，混合泰國語粵菜兩種風格的菜式。環境方面，還算不錯，座位寬闊，冷氣充足，最喜愛這裏更有特價優惠，可以挑選特價的美食，只選一項，已經十分滿足。生菜包，喜愛它的味道，酸酸辣辣，最重要不肥膩，肥瘦比例適中，真是不錯， 加上生菜，爽脆可口。白胡椒炒蟹，鐵板奉上，鑊氣十足，加上海鮮，新鮮又美味，清洗乾淨，肉蟹就是這樣的吸引。蒜蓉包，配搭胡椒蟹的醬汁，又成了一道佳餚。

今天與好友行完玉桂山後順道到鴨脷洲吃午飯，她帶我來到西邨街市1樓的「蟹點」。進入這個室內街市後，我們便乘坐電梯上樓，非常方便。餐廳有分戶內和戶外座位，環境寬敞，光明潔亮，提供各式各樣的廣東菜、泰國菜和打冷潮菜等；除了餐牌外，兩旁也掛著不同菜式的相片可供參考，食物全是即叫即做。食物種類實在太多，我們都是以小食、主菜、飲品和甜品順序點選。脆皮BB鴿首先是脆皮BB鴿，熱騰騰的，外脆內軟多汁，沾上少許淮鹽更提升了味道，真是不錯的小食。椒鹽白飯魚長條白飯魚沾上脆槳炸至金黃色，火喉剛好，非常鬆脆，加上椒鹽和喼汁是最佳配搭。上湯龍蝦加伊麵原本好友介紹這裡的招牌菜式白胡椒炒蟹，但這款菜式實在是受歡迎，並已售罄。於是我們決定改為上湯龍蝦🦞加伊麵底，誰知份量也很大，烹調功夫了得，新鮮的龍蝦肉質彈牙，味道濃郁，加上幼滑的伊麵，美味又非常滿足。薄荷荔枝梳打用上新鮮的荔枝果肉和鮮嫩的薄荷葉，有著鮮甜又清新的口味。菠蘿青檸梳打同樣以新鮮菠蘿和青檸混和，味道清甜，冰涼解渴。芒果糯米飯鮮甜芒果配以黑白兩色的糯米飯，加上甜絲絲的椰漿，口感軟糯，帶著香氣十足的芒果和椰香一起品嚐，是我最喜愛的甜品之一。今次真係要多謝好友帶

平時黃竹坑返工，周圍無啖好食，今日就決定搭巴士去遠少少搵食，咁啱上咗架去鴨脷洲嘅巴士，落車隔離就有個西邨街市，大大個招牌寫住蟹點，見到就諗住上去試試。夏日熱辣辣熱辣辣好熱好熱！一入去有陣冷氣涼風真係身心舒暢，環境比想像中乾淨好多，空間都好大，無諗過街市都有咁舒適嘅環境。食物選擇方面有港式炒粉麵蒸飯，同時都有泰國菜揀，睇啲牆紙招牌夜晚仲有潮州打冷添，食物種類好豐富。我同朋友分別叫咗海南雞飯同泰國船麵，海南雞大大份，仲有雞髀位，油飯仲有啲香茅粒，食落非常香口。泰國船麵揀咗牛肉湯底，十分之濃味，配安格斯牛肉魚蛋同海鮮，份量啱啱好，下次可以再encore。另外叫咗杯泰式奶茶同椰汁冰，椰汁冰好好飲，夏天飲真係透心涼，泰式奶茶味道都不俗。發掘咗新大陸之後，下次一定會再嚟試其他嘢，發現呢間餐廳真係沙漠中嘅綠洲。

最近喺YouTube見到有KOL介紹就嚟試吓睇吓得唔得先早一天訂枱，訂星期六6:00pm已經話full晒星期六當天中午收到電話話有客人退枱竟然候補有位位置在街市上面, 外內環境感覺清潔乾淨天氣真是很熱! 先來幾杯凍飲龍眼冰, 好多龍眼肉芒果沙冰, 好重芒果味, 真材實料鹹柑桔梳打, 流流地 , 鹹金吉醬加梳打水豉椒蟶子王, 惹味但肉質有點靭沙嗲豬和雞, 好好味, BBQ 味得來肉質嫩滑椒鹽鮮魷, 好新鮮只是未到不足薑蔥龍蝦, 很少吃這個烹調方法煮龍蝦清蒸東星班, 肉質嫩又鮮甜馬拉盞炒通菜冬陰功海鮮湯,好重料味道較酸菠蘿咕嚕肉, 咕嚕肉外脆內帶點肥, 口感味道一流泰式炒金邊粉, 淨係上枱賣相都一流總括來說, 很適合一大班人來飯聚餐牌上菜式選擇很多很多有海鮮,中菜,泰菜,潮州菜未到整體不錯, 價錢合理

蟹點 (鴨脷洲) 南區嘅朋友仔好幸福！街市嘅餐廳都可以咁有驚喜！呢一間餐廳係位於鴨脷洲街市樓上 如果揸車嘅朋友食完仲可以免費泊車添🫶🏻 如果搭地鐵都非常方便！餐牌種類非常之多 而且非常適合一大班人一齊食飯！招牌白胡椒蟹 係用鐵板上的 見到都好吸引不過今次冇點到🫠▫️咖喱軟殼蟹(3隻) $168性價比極高 咖喱汁用嚟撈飯或者配蒜蓉包/薄餅都非常好味！重點係非常惹味 一啲都唔辣！▫️招牌脆皮咕嚕肉 $88呢個價錢真係好抵食 而且分量十足 甜甜酸酸都非常脆口！另外仲有少少菠蘿做 side dish so yummy!!▫️金沙鮮魷 $108呢個都答應我一定要叫！因為真係好好食！好香脆 食到停唔到口😵‍💫▫️泰式串燒 蓮藕馬蹄煎肉餅有對比之下 呢兩款就麻麻哋 建議大家可以試吓其他嘢！▫️飲品方面 椰青 芒果沙冰兩款都好推薦！椰青大大個 飲極都仲有🫶🏻📍 蟹點 (鴨脷洲)鴨脷洲鴨脷洲橋道322號西邨街市1樓

今早與閨蜜行完玉桂山，約三時許到達鴨脷洲，又累又餓，她提議去鴨脷洲西村街市內一間餐廳用膳，起初我以為只是服務下午茶套餐的普通餐廳，坐下看見牆上的廣告牌及手上的菜單才發現有很多東南亞不同種類的食物，營業時間11：00至16：30 及晚上17：30 至23：00 供應，我非常雀躍地選了脆皮BB鴿，閨蜜愛吃蟹，她亦點了一款薑蔥炒蟹 ，再加一款原個椰青海皇焗飯 。最快來了原個椰青海皇焗飯，大而厚肉的青囗非常鮮味，蝦又爽口彈牙，椰子切成絲滙入飯裡，清甜又有咬感；繼續來了一款薑蔥炒蟹，熱氣騰騰的蟹肉肉質厚味鮮甜，用薑蔥炒實在提升了它的美味， 令你看見也流口水😋😋最後來了我最愛的脆皮BB鴿， 熱辣辣的乳鴿加上皮脆香口肉亦很嫩滑，令我忙過不了，吃過不停，真的多謝閨蜜的好介紹😋🤗 離開時更看見平台的雅座，很寬敞舒適。

放假日天氣咁好，約朋友一齊去行山，做做運動望望風景人都精神一點。行完山落返海怡半島附近有個舊屋村，在新式街市留上原來有間戶外露天座位的小菜館，望望餐牌原來都有幾多選擇，有中式小炒、泰式美食、潮州鹵水等等，而且仲有多款海鮮美食，消耗了很多體力，一定要食餐好開心下。【鹹檸七】行完山一定要飲返杯汽水補充一下水分，鹹檸檬加七喜，真係消暑解渴，化痰潤喉。【泰式奶茶】茶底色澤均勻，味道雖然不算太濃，但又不算太甜，甜度適中，這個可不妨再試。【椒鹽鮮魷】外層薄脆，酥化而不油膩，椒鹽味道又恰到好處，用上新鮮彈牙的魷魚，食落Q彈鮮甜。【招牌脆皮咕嚕肉】咕嚕肉外皮超酥脆，雖然加了酸甜汁快炒，但依舊保持鬆脆口感，肉嫩多汁，食落仲有點爽口感覺，酸甜開胃，令人胃口大開。這個值得推介。【避風塘炒辣蟹】(大蟹）我真係好少食避風塘炒蟹，到最後有叫到黎試下，一來到超大隻的肉蟹，勁多肉，又有獲氣，味道方面真不錯，帶花椒香味，仲帶點麻，非常惹味，這個真係第一次食到咁好食又惹味既避風塘炒辣蟹。讚!!這個地方又有露天座位，可以下次涼少少既時候再去。