蠔灘 (已結業)

食石燒牛medium 起跳，自己切片燒想食嘅熟度。明白嘅。枱上每人一套餐具有匙羹有刀有叉，但把到係鈍到乜都切唔到。好辛苦先找到個侍應….. 搵極都無人，叫佢換把利d嘅刀，佢用好奇怪嘅眼光望住我，好似我唔識切扒咁！原來有剧扒刀囉，失覺晒。呢把先叫刀先切到片。 👎🏻👎🏻👎🏻👎🏻 其實大家樂見你剧扒都識執把利刀啦⋯⋯ 然後牛質真係極一般，叫入到口唔un係「拿」過。牛味就真心無。叫做有石燒玩下幾得意。跟餐有自助餐湯同沙律… 明明見早幾日食家分享有甜品可以加，有$10蠔可試。以上嘅今天都沒有，原因係今日過渡期餐牌未出得切所以無得做。👎🏻😓仲有，張兒童high chair係爛架，可唔可以維修一下先見人或者唔好用！阿侍應話可以唔用塊板，其實人食飯係咪都要一張飯枱呀⋯⋯ 不知所謂！！總結，無下次。

好耐冇嚟香港仔，發現咗間好正嘅西餐，仲有好多海鮮，餐廳名叫蠔灘，咁就梗係要試吓呢度嘅生蠔啦！生蠔大大隻又肥美，海水味重之餘，仲好新鮮，啖啖都係鮮味！加埋醬汁又係另一番味道，記得落埋檸檬。仲叫咗碳燒牛肉，牛味濃郁之餘，熟到可以自己調整，燒一陣啱啱好，容易切開。仲會放喺舊石版上面，擺盤都特別靚呀！另外仲有石板燒比目魚同虎蝦，兩樣都好新鮮，調味唔會過鹹，份量又足夠！個餐仲會包埋沙律同埋餐湯，一定會夠飽啊！

聽朋友介紹香港仔有間食蠔嘅地方竟然做緊優惠十蚊一隻蠔🤩 放假即刻嚟遠征香港仔試一試先🤣餐廳環境設計到好似一隻船咁，一面係落地玻璃，另一面窗口位就好似船嘅窗口咁一樣都睇到街景，都幾特別🤣精選生蠔$120 十二隻今日嘅精選生蠔係南非生蠔，食落好重海水味，亦都好滑🥰 唯一就係有少少蠔殼碎跌咗落肉度😂石燒M6和牛腹午餐 $118呢度原來除咗生蠔，仲有石燒牛肉！上碟一刻超級吸引！熱辣辣嘅石頭燒住牛肉，慢慢切開再將牛肉做一條條，將兩邊輕輕一煎就食得，中間仲保持粉嫩😋牛肉油脂飽滿，非常吸引🤤 呢個餐仲配：自助無限添飲餐湯、無限添食白飯、同埋無限添食沙律😂 蜜糖烤雞翼$78味道正常用，嚟做小食係一個唔錯嘅選擇🤣

女朋友係南區人，已經嚟過呢一間座落香港仔多年嘅Oystime無數咁多次，所以就俾女朋友拉咗我過嚟食，亦都真係冇另我失望。👍🏻嚟到呢一度一定係食佢嘅$10蠔，一坐低先黎一打！今日係黎自法國嘅生蠔，size適中，海水味偏濃，而且隻隻飽滿鮮甜🥰其實除咗$10蠔，出面仲有不下於8款黎自世界各地嘅生蠔。另外叫左$138虎蝦龍蝦汁扁意粉，熟成質素都唔錯，2大隻新鮮虎蝦燒得好靚仔，調味亦夠，彈牙，用叉拮就甩殼，下次要試埋女朋友推薦嘅卡邦尼年糕😂

今日夜晚同阿媽嚟到香港仔嘅呢一間餐廳佢有$10嘅生蠔 即刻俾佢吸引咗生蠔我哋總共叫咗12隻全部都非常之新鮮而且唔會腥我覺得仲有啲鮮甜味添喺香港仔真係非常之少有嘅生蠔餐廳呀除此之外我哋仲叫咗個蜂蜜雞翼個雞翼煮得啱啱好同個蜂蜜嘅醬汁好夾之後我哋仲叫咗個卡邦尼意粉個醬汁非常之creamy有煙肉 令到成個卡邦尼意粉好香至於意粉呢嘅口感亦都非常之適中唔會太淋亦都唔會太硬之後我哋仲叫咗個黑松露意大利飯黑松露嘅香氣真係好正再配合埋呢個意大利飯真係正到爆

朋友生日，咁啱佢住呢頭，就睇下呢頭有咩好嘢食👀朋友話想食pizza但又唔想食連鎖店，咁啱睇到呢間有pizza食（仲要有最鍾意嘅芝士 🧀 ）就上咗去食雖然話間舖無乜打卡位，但環境幾清靜，幾啱大家傾下計見間嘢主打Oyster，仲有成個area開蠔就忍唔住嗌咗最抵食嘅10蚊蠔嚟試下🤓雖然10蚊點都無可能好厚肉，但味道尚算唔錯😗 幾creamy得嚟又唔會有殼今日𠴱款好似係愛爾蘭蠔，有啲海水味又唔會話腥🥰 （見其他人叫啲貴少少嘅好大隻，下次嚟可以試下佢🤓）白酒配生蠔，都係一種好享受啊！然後我地想食pizza又嗌咗個四重芝士pizza，唔同cheese嘅味夾得嚟又幾香濃🤤 同埋佢拉絲效果一流，個批又好脆（好邪惡🤤🤤🧀食完個cheese pizza都飽啦，之後嗌咗個心太軟。朱古力都幾濃郁同軟心，一敲流哂啲心出嚟食都食唔切🤣 配埋雲呢嗱雪糕就襯絕啦整體而言，呢間嘢好啱朋友、情侶食飯慶祝👀 係大家慢慢傾計嘅好選擇，但有老人家嘅話就要注意下，因為上餐廳條路啲樓梯都有啲難行😣

最近聽朋友講，有間西餐廳有$10一隻蠔食，身為「只食生蠔，不食熟蠔」嘅我當然都好有興趣啦😋，於是就同朋友抱住試伏嘅心態去試吓佢係咪真係咁高CP值啦🤣我哋揀咗呢隻來自南非嘅Saldanha Bay生蠔，估唔到每一隻都幾大隻啵😋 以呢個size嚟講，$10絕對係超級抵食😎 生蠔嘅肉質偏軟滑，但蠔味就唔算話好重，有淡淡嘅海水味！如果你係食蠔初哥，或者好似我咁唔係成日食同好有要求，呢款蠔絕對啱你🤪除咗食蠔，主食我哋嗌咗個risotto，份量唔少，入面有好多唔同嘅配料：露荀、蘑菇、蟹肉絲、芝士碎等等🤙🏻 蟹膏味唔算特別出，但勝在夠creamy，芝士仲做到拉絲嘅感覺😛，一啖接一啖咁，好快就比我哋清咗！而呢個薄餅係店員推介嘅，估唔到都幾有驚喜☺️ 睇佢個樣平平無奇咁，但入面啲芝士十分多，再配埋甜甜地嘅BBQ醬，呢個無得輸😎 不過佢話烤雞，但啲雞唔多覺有烤過，有少少美中不足🤔🔸 奇異果梳打 $38奇異果梳打真係第一次飲，飲落梳打味較重，味道偏酸，鍾意飲酸嘢嘅人可以一試👍🏻🔸 蜂蜜柚子茶 $32正正常常，柚子味可以再濃郁啲，但柚子茶就無咩太大講究🤣總括而言，呢間餐廳食生蠔真係勁抵食！一開始見到呢個價錢，仲

我已經好一段時間未入過香港仔了，因今早有工事入開嚟就相約住係香港仔中心嘅朋友一齊食午飯🥣，她知我鍾意食生蠔，專登帶我去「Oystime」蠔吧餐廳🍴原來最近推出每日一款每隻$10精選生蠔special promotions，真不能錯過，另外，餐廳🍴嘅石燒套餐都係我至愛😍😍石燒套歺已包括歺湯，沙律菜，白飯及飲品，小店嘅石燒牛扒供應以一成熟（Rare)為基本生熟度，由客人自行在石板上調配生熟程度，牛扒在熱石板上滋滋聲真係好吸引👍👍愛爾蘭Harty一打 $120每日一款精選生蠔🦪，只需要十元一隻，性價比極高，今日精選係出於愛爾蘭嘅Harty ，味道媲美法國蠔，蠔身肥厚嫩滑，中等海水味、清甜、味道均衡⚖，帶點清香青瓜味餘韻，簡單加点檸檬汁或者cocktail sauce提鮮，已經好好味😍😍澳洲M6和牛腹 $118大理石花紋澳洲和牛肉質上肥而不膩 ，肉質鮮嫩多汁，牛味濃郁😋😋美國prime牛肩胛肉眼 $108Prime Grade 為美國牛肉最高級別, 油花以美國牛肉中最為豐富，牛肩胛肉眼，肉質特別嫩滑, 味道亦濃厚😋😋

聞說呢度「蠔灘」最出名係生蠔，吸引左我黎試吓，朋友唔食，所以由我獨享😛。環境有點幽暗，都幾適合談天說地，坐得都舒服，座位間都好濶落。Carlingford愛爾蘭生蠔@$10蠔肉新鮮爽口，不太咸，最鍾意佢冇泥味，加上少少檸檬汁同蕃茄汁已經好好味，絕對好食過酒店自助餐果啲。餐廳既細心位係預先加多刀係蠔肉度，令人容易叉起，讚👍🏻烤蜜糖雞翼 $78雞翼本身有醃過既味道，所以食落好好味，有埋蜜糖點綴更好味😋咬落去有脆身感，滿足食慾☺️黑松露野菌意大利飯 $108飯雖然係硬身，但沒有未熟感，忌廉汁好杰，味道較濃，但係我鍾意❤️。黑松露味道剛好，因為我覺得太濃就會有gas 味，但佢好適中👍🏻好立克脆脆奶昔 $48我以為有一粒粒脆脆鋪面，但原來係脆片，雖然有少少失望，但唔緊要啦！見杯飲品好飲加返啲分啦😉香蕉朱古力奶昔 $48朱古力控表示很喜歡💕

呢間餐廳離遠都見到佢嘅巨大招牌，但就見唔到餐廳嘅面貌，好神秘，皆因要經過招牌隔離條樓梯才到達，私人度極高。南非蠔 $120/盤 (12隻)當晚主角當然係「蠔」啦，每晚嘅品種都唔一樣，今晚剛好是南非蠔，是我喜愛蠔嘅產地。果然，味帶甜甜地，沒有鐵鏽味，啱我心水。意式焗肉丸 $98一上枱以為係焗飯，因為份量大唔似係前菜size，而且有濃濃嘅醬汁同芝士焗面，配菜亦不少如蘑菇、紅椒、洋蔥等，相當有誠意。不得不讚呢道菜是相當熱辣辣，加分。蒜蓉包 $38 雖然是簡單的前菜，但擺碟都不馬虎，份量亦不少，配肉丸一齊食簡直perfect match! 黑松露野菌意大利飯 $108食第一啖，感到絕對足料，落黑松露相當重手，相當濃郁，而且忌廉味亦重，啱晒一眾喜好濃味人士，飯粒帶點點硬身，很好不會變做燴飯。最後亦要讚讚餐廳服務很好，由招待、落單，非常有禮，亦耐心解答問題，亦會主動refill熱水。

適逢星期六，我又同朋友仔去覓食今次黎到港島偏僻之地：香港仔尋找美食雖然附近冇就近既地鐵站，但係係港島都多巴士可以到，餐廳門口大大個招牌寫住oystime，好容易辨認。餐廳環境方面，呢度都算大同闊落，座位都坐得好舒適，仲會放啲韓文歌，感覺都幾relax。生蠔🦪生蠔好新鮮，而且算幾肥美，加埋cocktail source食味道再提升一個層次。石燒和牛扒🥩牛扒都幾juicy，牛肉又唔會太韌好難咬，用鐵板煎到邊邊有小小焦脆，食落幾香口。巴馬火腿🍗火腿肉有dd鹹，但同蜜瓜一齊食就中和左鹹味，配埋沙律菜，就剛剛好。服務態度呢間餐廳服務態度好好，一入去經理就好熱情咁招呼，店員都好有禮貌介紹餐牌同食物，值得一讚。

#生蠔十蚊一隻‼️雖然有消費券在手 仍然想食得精明 以前幫襯過香港仔呢間蠔吧 今日舊地重遊 為嘅係每日精選生蠔 每隻$10咋😍-🦪Garbhann嘉文生蠔 $10/隻每日精選生蠔來源地日日唔同 今日食紐西蘭進口生蠔 初入口有海水鹹度 然後回甘甜味明顯 肉質肥厚 多汁又爽滑-🥩石燒M6和牛腹 $118/午市套餐牛腹油花分佈均勻 最適合石燒 油脂遇熱燒到啪啪聲 油香四溢香噴噴 食入口牛味濃 肉汁夠 仲有油脂甘香👍👍 午市套餐好抵食 包自助沙律吧 餐湯餐飲同白飯-🥘蟹膏燴意大利飯 $138飯粒濕潤 煙韌而有口感 每粒飯吸收豐腴蟹膏同滑溜溶芝士 材料組合邪惡但係好食😈 一於食完先算啦😚 -🥤香蕉朱古力奶昔 $48用成隻香蕉加朱古力奶攪拌而成 口感creamy 自問鍾意甜食 但我覺得味道太甜😭-📍#Oys•Time香港仔南寧街13-23號香港仔中心第一期1樓2號舖

點解今日會山長水遠嚟到香港仔食蠔🦪 因為住香港仔嘅朋友極力推介有間超抵食蠔餐廳 我又點可以執輸 二話不說即刻揸車入嚟一探究竟OYSTIME餐廳喺大街超易搵路 見到餐廳招牌 行樓梯直上就到達 餐廳環境氣氛好有情調 座位寬敞舒適 飲住酒嘆生蠔真喺好Chill🍸。是日精選生蠔(HK$10/1隻)餐廳推出每日一款精選生蠔優惠 今日是法國生蠔 HKD$10 一隻😲完全想不到生蠔價錢可以這麼貼地 而且生蠔非常新鮮 味道比較清甜 不重海水味 簡單以檸檬汁提鮮🍋已經容易入口 質地尚算肥美🤤。秘製烤美國全雞(HKD$248)熱辣辣嘅烤雞🐔 一上枱已經聞到香噴噴份量極大 超大隻 大滿足😍雞胸肉位置尚欠嫩滑 但不算乾柴至於雞腿位置外皮帶點脆口 鎖住大量肉汁 入口亦算嫩滑 伴碟有車里茄和棉滑細密牛油忌廉薯蓉 旁邊還有燒汁提供。整體而言 除左地點對於我嚟講較為偏遠 OYSTIME 非常適合鍾意嘆酒食蠔 傾計吹水嘅朋友大家不妨約埋三五知己 一齊嚟Chill下🍹。食物:7/10價錢:7.5/10環境:8.5/10。蠔灘香港仔南寧街13-23號香港仔中心第一期1樓2號舖

香港仔比我嘅第一印象就係海鮮，但其實平時真係無乜機會走入黎，要搭地鐵過黎嘅其中一個方法就係喺利東落車轉街渡過河。雖然過程都有啲長不過係值得嘅，呢間餐廳Oystime喺裝修上面都落咗唔少心機，有門口入到餐廳成件事就好似上緊郵輪咁樣。🌟愛爾蘭生蠔 $120 ($10/隻)食落好creamy帶咗淡淡海水味，而且係即叫即開，唔係半放嘅生蠔，比較衛生。🌟BBQ蘑菇烤雞薄餅 $158新鮮熱辣上枱，薄餅底勁脆，上面嘅材料都配合得好好。🌟炸啤酒味薯條(黑松露) $68雖然唔係好食到啤酒味，但黑松露味都好香。

和朋友一齊去生蠔慶生一開始不知如何入手，朋友問左個女店員，對方勁有耐性詳細講解，每隻生蠔特色。因為我們當中有女仔不吃生蠔，女店員更特別推介炸麻糬，當點得太多時，女店員也特別提醒怕我們食唔完。最後點了四個國家的生蠔再加串燒併盤，燒物勁香和橈得剛剛好，生蠔更加鮮味和海水味濃郁（在食生蠔前女店員會走過來講解食那一個產地先）。就算店員全黑和黃色口罩，當同桌有人高談闊論暴徒曾經帶來的恐懼，女店員依然招呼周到，即得低讚！真心會再幫襯