蠔王 (已結業)

店員服務好。好細心，聽到我地細線聲講左句風口位有小小凍，就熄左部冷氣。環境衛生好。食物方面好食同新鮮。老闊皇講聖誕節就到，想班學生有能力食再聖誕餐，所以推出比以往聖誕餐既一半價錢既餐，希望有能力食到。

此店已經成為老婆豬豬的飯堂之一！餐湯配牛扒，就是老婆豬豬必吃的吧！基本可選擇『紅』『白』餐湯，兩者都好飲，要注意的就是平時老婆豬豬都唔會飲完一份餐湯，此店的餐湯就是極小數例外的！而牛扒方面，肥沈我同老婆豬豬都食得比較『生』而又唔太中意牛扒被『那』得太過火（唔識寫個『那』字），此店之牛扒的處理算得上是合格有多（對不起，我不想形容得太多啊），美味可口啊！如果以平時返工日子來說，這樣的一份牛扒午餐也實在是太棒了！值得推介！

食物 環境 服務 都一流抵讚餐湯夠熱 餐包都好味生蠔夠新鮮 美味 西冷好冧多肉汁 羊鞍 燒焗得好香 唔乾 心太軟好味 手字都很靚 😘😘感謝🙏** 埋單時 只是輕輕詢問了職員一句 想要匙扣，想不到晚上會接到餐廳來電回覆 嚟緊有匙扣返 可以留2個給我。真的有心😃多謝。值得大力不停懲罰

午餐$115已經可以食到牛扒/羊架set👍🏻👍🏻👍🏻真係好抵食!!!仲有好creamy好濃郁嘅蘑菇湯同埋熱辣辣嘅麵包及飲品。牛扒同羊架好juicy好濃味，就咁加海鹽已經好好食，牛扒更有用炭火烤過嘅香味，真係好少地方做到!!聽講豬扒都會咁做去增添風味，搞到下次好想去再試！最後加$35要多個好邪惡嘅心太軟☺️啲朱古力醬好濃郁!! 真係食唔停!!加埋雲呢拿雪糕都好夾💕大家不妨一試! (訂位就更穩陣喇)

呢間餐廳晚市最好book位 當晚都有好多人諗住walk-in但因為餐廳一早full booking所以好多都失望而回🤧.講返間餐廳先餐廳主打西式料理 都可以話係一間扒房🥩食物性價比高今次嗌咗肉眼扒($148)同羊架($138)set dinner😚.肉眼扒份量好大 都幾厚身我叫嘅係三成熟 可惜佢出到嚟有六七成熟🤨但係整體來講都幾滿意畢竟價錢合理 唔可以用高級餐廳水準去衡量🤧最好味係個薯蓉😆好creamy 唔會太膩😍.羊架亦都做得出色🐑好淋 食落有入口即溶嘅感覺👍🏻呢個價錢來講我覺得相當唔錯😚最貼心嘅係佢另外為我地提供一隻空嘅碟碟上已經灑咗少少鹽同黑椒用嚟點牛肉或者羊肉😆感覺專業👍🏻.餐廳老闆都好隨和 會同你傾吓計佢哋嘅龍蝦湯更加熬左兩日先賣絕對值得一試👍🏻📍 Oyster King 蠔王 (大埔)大埔安慈路2號八號花園地下4號舖

今日晏就同媽咪一齊懲罰左一間餐廳。一入到去，原來已經full booking哂, 但老闆好好人照叫我地入去食，食完個main course後, 為食既我仲想食多個甜品，但驚阻住之後book 左枱既客人，就問老闆可唔可以加單，老闆好窩心咁答當然可以，仲叫我地慢慢食🤗🤗講返食物質素，又係另一個驚喜，無論牛扒定羊扒，啲肉都好Juicy, 而羊扒一啲都唔騷，牛扒就俾到我一口即溶既感覺，喜歡既話，可以點啲海鹽再食，令到味道再提升多一點。其實依間餐廳係專食生蠔，餐枱上既餐紙都好仔細咁介紹左唔同蠔既特性，依點又反映左老闆專業既一面。總括而言，食物質素高，服務又好好，連性價比都一流，下次一定會再幫襯，試下啲生蠔。香港人，加油💪

在大埔，幾乎很難找到一家能吃蠔的餐廳。這家店，只需要200多元，便能享受龍蝦湯、蠔、一個主菜、同埋甜品心太軟。我叫咗一份羊，水中花生蠔、龍蝦湯同埋心太軟。龍蝦湯非常甜，聽老闆講，佢哋係用蝦殼、其他海鮮、連埋龍蝦一齊報，所以先煲到咁甜嘅湯。另外，羊非常好吃，沒有騷味，蠔也非常新鮮，有海水味。至於份甜品，心太軟，外脆內熱朱古力味非常濃厚。

日期：8月18日人數：3人又到左週末，全家人又去大埔搵嘢食。今次搵在一間係八號花園的西餐廳食lunch。呢間餐廳顧名思義係主打食蠔嘅，但其實西餐set lunch都好有水準。一家三口分別叫左牛扒、豬扒同羊架。首先係餐湯同埋麵包。湯係蘑菇湯，非常熱，而且好好飲。黑糖麵包好熱好軟熟，味道媲美某個美國餐廳品牌。牛扒我哋叫咗七成熟，燒得好有味道，配合少少海鹽，非常好食。豬扒同羊架本身都係好貨色，煎起身都色香味俱全。午餐期間其實仲可以以$60加配2隻是日生蠔，但係我哋太飽所以冇叫到。餐廳嘅環境優雅，坐得舒服，人流唔多，所以好寧靜。服務好貼心，老闆會仔細講解每一道主菜，又會主動介紹餐廳。呢間餐廳嘅生意明顯唔及旁邊嘅快餐茶餐廳，係因為餐廳唔係求求其其有d肉有d菜蛋白質澱粉質撈撈埋埋打個白汁茄汁黑椒汁甘撐得你懵口懵面米lui返去返工返學返廠返寫字樓。正所謂一分錢一分貨，餐廳嘅標價係合理嘅。

在大埔吃西餐的選擇其實不多。自從在Olive 遇上未熟雞翼後就不敢再去，Beans不是不好，但份量細兼要坐矮梳化不舒服。星期六午來到K車總站759轉入去的Oyster King. 不用等位，靜靜地吃個午餐。這間餐廳聽說一兩年前轉了手，現在仍是做西餐。以前（大概三四年前）來過，那時這間餐廳很hard sell的，所以怕了。現在沒有這樣sell嘢了，可以安心來了。周打海鮮湯很好味，餐包暖暖的，甜甜的，非常有心（現在很多餐廳的餐包是冷冷硬硬的啊！）炭燒牛排不錯，很香，煎的剛好；有「根」，但百二蚊一份的午餐，算物有所值的吧。同樣份量同樣質素，在沙田要二字頭吧（仲要等位，仲要催你交枱，環境仲好嘈好迫）杯咖啡都不錯。

細佬就住沙田,素來都喜歡食蠔,今日入黎大埔搵朋友咁岩見到間蠔王改名咁串,就入去試下間餐廳出面擺左d menu俾客睇想講行過老實見到價錢已經唔吸引入去試埋仲要無乜驚喜,味道普普通通囉需知今時今日蠔周街都有得食,仲要幾平都有好老實真係唔會俾咁既價錢特登入大埔食

朋友生日話食呢間，佢之前話食過覺得ok,而且佢想食生蠔，所以選擇左呢間幫佢慶祝。到去都幾full,呢度好多枱都係慶祝生日一枱唱完生日歌，另一枱隔一陣又唱搞到呢度好似專開生日會咁⋯一坐低就order咗個生蠔拼盤，$398有5款唔同嘅生蠔共10隻，但係就唔太新鮮，本來對大埔區少有的選擇有期待，但試完好失望。然後食左老闆推介既蒜蓉包，蒜蓉包係有個焗蒜頭比你食，但係焗得好燶，完全食唔到。Set Dinner 都多選擇 豬、牛、 羊 都試，三個都得，但係份量太細，食完好似冇野落肚另外係甜品，心太軟焗到變心太硬，真係麻麻地食物基本上都唔太欣賞，所以應該試一次夠喇。呢個價錢有太多其他選擇

好耐之前黎過Lee間餐廳，環境舒服的，食物也不錯，接著來過兩三次，但自從有次食了塊肉眼有點燶、有點苦後，好耐冇來了。(現在轉左廚師)今日原本太太諗住同我再祝生日，食好d，但同太太收工遲左，累了，沒有出大埔，但又想食西餐，行下行下，經過附近(貪近)便入去試多一次🙈。入左去之後，先知，之前的伙記接手左間鋪，做左老闆😱😱，也轉了個大廚🌟。我對老闆是有d印象的，因為之前佢做伙記已經很有禮貌，今次見佢，也完全沒有老闆的架子，仲好有誠意咁推介左幾款生蠔。其中，Namibia同埋Pieiade Poget真係好好食。(加埋跟蠔餐，一共食左7隻蠔）之後，老闆又推介左白酒煮大蜆，這個比之前食的青口好食太多了(忘記影相)，好鮮味，好正主菜，我點了一份羊扒餐(跟蠔餐)，太太點了一份鱈魚餐：先上的兩個蘑菇湯味道好高檔(忘記影相)，感覺飲緊之前貴價法國餐廳的湯。熱烘烘的餐包(應該是焦糖味)，真係好夾我的主菜是7成熟的羊扒，原本已經很不差😊但，點埋海鹽又是另一新感覺好特別。主菜好食好似好應該，但最抵讚的是平時吃一口便掃埋一邊的配菜也很好食，材料雖然普普通通，但真係食得出誠意，特別是果幾粒茄子至於我太太食的鱈魚扒餐

之前見到報導所以聞名一試，老闆幾熱情，食物質素不錯，我們點了一個蠔拼盤，兩份牛扒，蠔好新鮮，扒都整得幾juicy . 唯獨是8點開始多人，老闆踢晒腳有點冧檔，希望佢快尐請到人幫手

Oysters fresh.Pork steak surprisingly JUICY and TENDER. The real tenderness really shocked me because it was the first time in almost 20 years I ate juicy pork chop ( last time in an old lical canteen near Soho). The apple tart gave the dinner a beautiful full stop! 😁

當提議到這裡食西餐，總是被覺得好貴的感覺。但畢竟朋友生日，就決定去食好西事實，價錢屬正常，最主要食物質素 - 蠔是餐廳主打，每種蠔都有唔同味道，但本人基本唔識分，總之好食就得。驚喜係 pasta 相當唔錯， 尤其是 好似係 黑松露 濶面。Set Dinner 都唔媽虎, 豬，牛， 羊 都試，三個都得， 建議加配 一個小飯係更好。加上自家制薑汁雪糕作完美句號。PS. 我第二次去，order 18oz 安格斯牛，覺得差左d, 無牛味，希望改進。總括來講，Oyster King 都係我在大埔西餐的心水選擇。