蠔魔 (已搬遷) 新店位置

2020.02.29 (星期六）Lunch覓食！🈶️工作🈶️收入可以盡綿力香港經濟！已是第二次到Oyster’s More 九龍城食Lunch 😋我喜愛黑白階磚，整體裝修cozy 簡潔 ! Lunch Menu ➕$78由湯改為鵝肝！味道很好。附麵包，可惜無湯呢！ 主菜 ：炭燒美國豬扒配薯菜!主厨🈶️料到，豬扒恰到好處，驚喜位係薯蓉，大家試試吧！咖啡，夠熱，只可惜奶是不熱的。希望可以改善！ Remarks : 1️⃣ 10%服務費2️⃣ 疫症期間週六午市，生意都不錯！

我班食蠔嘅朋友，成日心思思間唔中就會再嚟九龍城蠔魔食下生蠔，貪佢出品夠新鮮，價錢亦都好公道！通常我哋嗌完套餐之後都會另外再叫多兩三打，侍應就會介紹當日新鮮出品，亦會由淡味到濃味，教我地順序食！生蠔新鮮甜美，海水味濃郁晚餐燒羊架，嫩滑到不得了期待下一次再度來臨

今天午餐食豪dd, 我同同事們去了九龍城光顧蠔魔！聽講這間西餐廳口碑不錯，而且食物也很好味，我們就姑且一試！一踏入餐廳，不是有很多檯客，餐廳環境很寧靜，裝修優雅，給我們很舒適的感覺！ 我點了一個set lunch: 炭燒美國豬扒配意粉！首先來了一客雜菜湯及麵包，味道不錯！ 之後主菜都來了！豬扒很有肉汁，煎成金黃色，肉質很好吃， 而且有很多配菜， 很好的賣相同配搭！最後再來一杯餐飲，為豐富的午餐畫上句號！午餐豪不起，下次晚餐來試試蠔！

又是找食物時候今天覺得好累於是決定座車回到家附近沿途看到想食的便進去找不到就回家直接睡好了不過我條為食天線怎可能放過我下車後走啊走發現了一家好低調的餐廳不是因為門外的餐牌還以為這是一家spa褐色的落地窗簾把大門旁整塊玻璃都蓋上了只剩下小小的門店內擺設裝修大方簡單讓人感覺很舒服先點個是日餐湯上枱時陣陣濃郁南瓜清香配著麥餐包和一塊牛油之後是凱撤沙律🥗裡面有火腿，芝士，野菜如果想要三文魚或雞肉需要另外追加的再來一份西班牙鐵板乳豬🐷豬皮好脆，肉理所當然很香但跟西班牙乳豬有別西班牙那隻豬是入口化的非常鬆軟而這裡的豬肉厚比較厚和略略有點乾身但也是一隻好豬但。。有在下最討厭的骨。。。。。。😦以在下的食量這當然是不夠的但由於今天真的好累好累店裡也只剩在下一位客人還是早點乖乖回家休息好了。。。

定期會和好友鄧sir吃午餐。最常往的地方，一定是就近工作地點附近的九龍城....若情況許可，通常我們都會去吃潮菜。但今天想改變一下，去嚐一頓西餐....來到這間叫"蠔魔"的店子，吃蠔本應是一件十分正常之事，但午市沒得點，可以揀的大多是正常例牌的意粉及飯....套餐的前奏，又係例牌端來一碗粟米忌亷湯。之不過這看似行貨的東西，入口卻相當濃稠creamy，洒上湯面的麵包粒crunton又係脆卜卜的。以往在其他地方一喝到忌亷湯，小弟總是求求其其敷衍喝兩啖就算，但這一次我卻將之喝至碗底朝天....主食隨便點了一塊燒豬扒再配薯蓉吃....扒說是炭燒的，但食落卻不太感受得到。肉不算韌亦煎得香口，味也醃得足，收貨；薯蓉也幼滑，但牛油味及香就稍嫌未夠班....近來胃口麻麻，就光叫吃這一味，再加埋湯，就足以令我撐著肚子離開....

今日突然想食扒，收工就同媽咪去左九龍城一帶想搵下d西餐食！跟住行過呢到就見到蠔魔！見餐廳格局都幾簡潔就決定食佢啦！ 我地叫左2個set dinner 加蒜蓉包個蒜頭係高溫焗嫁，林林地食完唔會有口臭加埋麵包好好味，仲有個忌廉湯都好好飲！牛扒到啦！因為有左關係就叫左well done但完全唔覺得好韌，因為佢牛扒係炭燒嫁， 好重炭燒味一d都唔馬虎！唯一係d蔬菜整得唔夠熟，有一陣草搞味到左甜品就叫左佢地好出名ga青蘋果批配雪糕，味道好好青蘋果片好薄，配合得好好

SET LUNCH 選擇不少, 價錢由$73至$188不等, 有前菜, 主菜, 飲品。首先黎左個暖餐包, 同連鎖西餐廳個黑糖包差不多, 都幾好味今日要左普通餐湯, 菜湯較酸, 但都OK。主菜要左香煎石斑魚配意粉($75),魚柳煎得香脆, 不過OVERALL 略嫌細份, 個汁有D香料味, 似似地Salsa sauce, 酸酸甜甜都幾開胃, 好食!!總括黎講, set lunch 性價比唔錯, 食物質素高, 不過大食既人就唔建議食魚另外煎豬排果d都好似幾好食!

呢間舖喺我屋企附近一直留意到呢一間蠔魔好耐因為前身都係開咗食肆每一間都做唔夠超過一年呢間每一次經過我都見到人有幾枱客喺度食緊有陣時都會full場所以令到我想知試下本身想食澳洲蠔但係侍應話咁啱嗰日唔太新鮮所以推介一隻叫做西非蠔我試咁我就order咗半打一半好食一半麻麻地貨源唔太穩定但都好食過十蚊一隻嗰啲侍應對蠔知識都算專業同埋張餐紙都有介紹曬所有蠔嘅特別之處煎魚都幾好食個皮就好脆肉質就好鮮嫩而佢用咗呢一個方法煎都好聰明因為佢淨係煎脆一邊魚皮 魚肉就可以保持鮮味 下次會再試下其他蠔

有一次，約朋友到九龍城Jungle吃西餐，朋友説找不到，我還以為食肆結業了。今天，我和Honey特意找(因為之前光顧過幾次，覺得不錯)，原來，只是改了店名，叫Oyster More。裡面無論是裝修、餐牌上的選擇和菜式，完全跟之前叫Jungle的時候，一模一樣，甚至連waiter也沒有改過。今天我們特意找這食肆，是因為Honey記得這裡的龍蝦湯好飲。看看菜牌，同樣+$25，可以將餐湯轉龍蝦湯。Honey喜歡龍蝦湯，因為龍蝦湯底很濃郁，使用龍蝦頭龍蝦殼淆成的香濃湯底。而且，湯裡亦有不少龍蝦肉，真材實料！我就選擇餐湯，餐湯也有兩款，雜菜湯和忌廉湯。我就選了粟米忌廉湯。忌廉湯也是真材實料，非常濃稠，並不是用粟粉開成的濃稠，而是真正如一整罐罐頭一樣的分量，認真重成本。而且，餐包也非常好味！軟熟又熱辣辣。主菜方面，我選了雞球忌廉汁意粉。這個忌廉汁和粟米忌廉湯一樣，彷彿將一整罐忌廉白湯造成汁，非常香濃。雞球也不少，也嫩滑。裡面有三色椒和洋蔥，同樣是這一句：真材實料。Honey就選了燒春雞。燒春雞非常嫩滑，配薯蓉。這食肆，收費並不貴(因為真材實料)。而且，人不太多，是一個在九龍城吃泰菜以外的另類選擇。

系九龍城附近，突然想食肉又唔想好大分量，時間差不多十點，保險起見打左電話過去問左先，巨地話我地十點半前到都可以整比我地食，於是即刻撲過去。一坐底，巨就 recommend左個酒煮白蜆比我，話新到，十分新鮮。因為之前系度食過幾次，所以絕對相信巨，唔使諗就要左一分。跟著要左個蠔餐羊鞍set，七成熟。頭盤兩只生蠔。未食已經聞到蠔獨有既鮮味。呢度啲蠔一直系水準之肉，未失望過。不過太為食，唔記得影相。羊鞍，上到來小小血水，兩件，都幾厚身好肉地。表面烤到小小焦，好香口，肉裡粉紅，一切就斷，完全唔會韌，對於我呢啲刀工麻麻既食客來講，真系貼心到入肉。正。差點唔記得講餐飽同湯，例牌系蘑菇忌廉湯啦，其實就冇乜好講，但系都要提下既系巨既服務，個圓頭哥哥見我地兩個人叫一個餐，竟然好貼心地問我地要唔要分兩盅上，我地當然十分開心話好啦。上到來，啲湯滾熱辣，我至中意啲野滾熱，好似自己個廚房煮出來即刻上臺，趁熱食既感覺。好感動。餐飽系麥皮餐飽，細細粒，都系熱的，呢樣已經讓我好開心。至愛啲甜品:朱古力心太軟，加二十幾文就有得食，價錢十分sweet，出面隨便都要加45以上先有。最正就系呢度啲甜品都系自己廚房出品，餅身同流

蠔款式多及齊，夠凍同新鮮。點選幾種蠔會用心排次序(淡至濃味)。而Menu 精簡介紹各種蠔品種及味道。焗田螺可一試。意粉算硬身，汁夠味亦唔太濃。甜品味道可以及接受，價錢唔算貴。正體可以一試，環境清靜，價錢合理。

無得輸.......由店員替我們落order😋由淺入深.....蠔既新鮮度非筆墨可以形容，好鮮味....檸檬也沒有落....到主菜，六乘肉眼，火喉剛好，輕微血水，正！甜品有意外驚喜😍😍超好味，濃味岩到好處，粟子芝士餅配合得天衣無縫

同朋友👧約食飯 無訂枱沖入去好彩有張後坐枱 安定咗我地兩位 👧 👧不過一開始唔係好識叫 應該點叫啲蠔嚟食呢因為過往都係人哋叫比我食 ❤好彩自己知要咩口味 起初老板好忙 唔得閒招呼我哋 所以自己好大膽咁跟住個餐牌嘅 味道提示嚟 order 都無選擇錯誤食到自己想食嘅味道 跟著點咗 一個 🍕 一客 pasta後嚟老板得閒就問我哋啲食物ok嗎果時同老板講 係朋友介紹嚟食 好彩有位如果唔係就錯過 咗一間好味嘅餐廳喇老板見我哋無試到佢哋嘅海鮮特意 送我哋兩隻硯 嘩 好清甜當時好飽 好後悔無叫 老板 我哋會再返嚟食過嘅 你要等我呀

星期六下午喺九龍城, 人流少, 好多餐廳都好想試, 揀咗間門面幾靚嘅蠔魔. 幾十蚊有個set lunch要加一, 有包有湯有野飲. 個包幾特別, 因為有少少甜的, 好軟, 好香. 2種餐湯都好濃郁, 好味. Main 叫咗個炭燒豬扒, 好香炭燒味, 係有骨豬扒, 正! juicy 嫩口, 賣相味道都一流. 不過D意粉真係少咗D... 另一個叫咗煎魚柳, 呢個就麻麻哋, 個魚柳肉質ok, 不過煎唔夠, 入面連微暖都講不上, 外面就白雪雪, 而且調味唔夠. 本來係第二種魚柳, 佢話冇哂就改石斑... 可能係未解凍好. Overall 環境ok, 不過喺九龍城咁多比較下,$80 一個lunch 可以有很多更好的choice. 有待改善. 不過叫得蠔魔下次會想嚟試蠔 ，希望會有surprise

因為餐廳名字而愛上這家食店一直都鍾意食生蠔，但食嚟食去都係嗰幾種，當在元朗遇上蠔魔，才發現原來仲有咁多款蠔架之前只會去元朗食，因為近我嘛今次去咗九龍城，雖然同一集團，但食物都有啲分別！當然生蠔一樣咁新鮮同好食啦今次同奶奶、姑奶一行五人，先嚟我必食嘅Namibia、Gillardeau，再加咗隻Fleur Des Eaux。奶奶唔鍾意海水味重，所以納米比亞好啱佢，佢仲要話好鮮又好食。隻隻都肥嘟嘟，口感超爽滑。Gillardeau就為人熟悉，味道鮮甜，肉質結實有彈性。Fleur Des Eaux又名水中花，其實我唔知點解佢叫水中花，但又係因為佢個名所以叫呢個比前兩款海水味重，細滑清新，都唔錯。每人食咗三隻後唔夠喉再叫咗Zeeland Pearl同Ostra RegalZeeland Pearl蠔身稍為大集肥美飽滿，肉質微脆，帶點層次感的甜味。海水咸味適中，蠔味很好。本來姑奶話呢隻最好食，但當食埋下一隻就……Ostra Regal係侍應介紹，肉質厚身肥美，味道豐厚。海水味適中（對我嚟講）， after-taste留在口中很久。講完生蠔就到其他食物，因為我兩間都食過，容許我為大家講下兩間分別，