袁記雲餃

营业中

休息中

袁記雲餃（袁記）主打雲呑同餃子，袁記雲餃是我吃過廣東最好吃的雲吞和餃子啦，肉餡豐富，肉質緊實，滿口的肉香味兒。袁記雲餃 （袁記）主打係雲呑同餃子，重點是無論餃子或云呑， 都有多款味道可作選擇，而且整體味道係不會差得去邊 。 今天來，發覺裝修了，感覺上整潔咗好多。人龍依然 都係這麼多。 食物方面有餃子套裝從HK$70 -80. 包括餃子、配菜或小食及飲品 ，有粟米鮮肉餃有韭菜鮮肉餃揀有白菜鮮肉餃揀。其實係香港都路便宜， 又唔算好食

平時很常到這家餃子店買回家煮，這次在筲箕灣這家店舖發現還能堂食，就立刻坐下試試～ 由於我們太喜歡吃餃子雲吞了，兩個人點了1大份餃子和2份雲吞，吃完立刻重了3斤😭 但真的挺好吃，餃子的皮不厚，裡面的餡料也足，咬下去會有些湯汁流出來。雲吞也好吃，皮夠薄之餘餡料也多，我們叫了玉米鮮肉和紫菜鮮肉。肉挺大一塊，然後不少玉米和海苔在裡面。它份量真的很足，說實話我吃的一半已經飽了，剩下都是男朋友吃完的🤣🤣。另外它有好幾種煮法，有廣式湯煮，白灼，花生醬撈，蒜蓉撈等等。這次想試試原汁原味，所以都是湯煮和白灼。下次就試試撈的煮法，當然，下次不會點這麼多了🥲

今日經過鋪頭，本來打算外賣八方雲集兩份，見呢間賣有薺菜餃，因本人由細到大都喜歡食上海薺菜雲吞，所以見到薺菜就算唔係雲吞係水餃，都決定外賣回家慢慢嘆。回到家點知食落覺得怪怪哋，連一啲薺菜味都無，雖然係綠菜，但完全無薺菜一丁點兒的味道，所以立即打電話去鋪頭打算問清楚，如果俾錯就即刻去換。點知打了三次想問清楚有無俾錯，無人聽電話，只轉去錄音，因住得都有十分鐘路程，又吐餓，於是食完整份算了。之後反正落街，就索性再去鋪頭打算親自問清楚個明白，因由細食到大嘅味道無可能唔認得，點知門口阿姐耍我，話呢隻薺菜係另一款，唔係乜乜色果隻！算，唯有以後不再幫襯。唔知佢老闆見到呢篇文章諗乜。

韭菜餃加花生醬幹拌韭菜餃同花生醬紅油好夾 好好食 韭菜味道唔會好重 食完成個口都係韭菜味同埋韭菜餃食落唔會好沙 感覺用料都係新鮮！！上湯齋麵原本打算食清淡啲 預咗叫一碗齋面會冇味 結果係睇落好似好單調 食落唔單調 麵同湯都好有味道同唔係死咸死咸 係啱啱好有韌道嘅面加鮮甜嘅湯味 套餐：玉米鮮肉餃 豆漿 時菜玉米餃嘅玉米麵係鮮甜 咬落去麵係粒粒鮮甜 而肉嘅味道唔會太重同太咸 搶咗玉米嘅鮮甜 佢碗湯都係飲落好鮮甜 唔似係味精落好多 食食下發現有一粒餃子係唔同 應該係佢嘅冬菇馬蹄鮮肉餃 食到馬蹄好爽口 而且冬菇唔會好重味搶咗肉嘅味道！豆漿暖暖地 飲落有甜味但唔會太甜時菜普普通通嘅烚菜心 豉油 同少少蒜係面頭 聞落好香感覺上食嘅嘢都係用鮮甜同唔重味去形容 加上佢啲餃子幾新鮮製造 餃子皮係新鮮嘅 睇得出一定唔會係想溶癡住其他嘢咁 而且有透明玻璃睇到員工做嘢 食物都係即叫即整！

🎈環境乾淨、光猛、舒服、企理是第一個感覺。不單即叫即煮，還即叫即包，.👇簡單木枱櫈，每枱有紙巾供應。.👇自助水、自助調味區.👇紅油、蒜👇芫茜、葱👇豉油、香醋、紅醋.🎈餐牌.下午茶送飲品。餐牌最大特點是不同的拌麵法，有紅油、花生醬、葱香等做法.🎈食物.香菇木耳鮮肉餃 12隻 $52 (10隻 $45)我當時沒有看到可以選不同的拌醬，下次再試。.水餃大大粒好實淨足料，原本以為好餓叫了12粒，結果食到第7、8粒已好飽。所有都是即叫即包再即煮，絕對新鮮，好足份量同材料。足料多饀多肉，無肥肉，推介。

記得2個月前媽媽無意經過睇到佢有花生醬撈餃子,從此以後就變成我地兩母女既最愛😋本身我自己唔太鍾意湯餃, 但係煎餃又好熱氣。所以袁記呢個乾拌選擇就好perfect😍佢45蚊有10隻餃子, 對一般女仔黎講一定夠飽。而我自己都會再加杯熱豆漿 (跟餐就8蚊一杯), 加埋53蚊一餐算平😜

返工諗唔到食咩，又唔想食咁heavy，今日一於食個餃子外賣做lunch😂 呢間餃子店都試過幾次，主打現包現煮🥟 幸稱係中國超過3000分店😂 無考究過係咪真，好食就得啦👏🏻.餃子有6款，我自己偏愛韭菜鮮肉餃 ($52/12粒)，韭菜味好香，不過鐘唔鐘意陣味都係睇個人😂 餃子幾飽滿唔易散，菜既份量都算多👍🏻 同事就要左粟米鮮肉餃 ($52/12粒)，粟米好清甜係幾好食👏🏻.餃子可以要幾種做法，有鮮湯、蒜撈、剁椒撈等等，今日想食清啲就要左白灼，其實再加醋同辣椒油都已經夠味好食😁 怕唔夠飽仲可以加多個麵，但上次加完麵爭啲食唔晒🤣

筲箕灣連鎖手工餃子店 呢次繼續掃筲箕灣區 喺呢一區都幾多餃子店 自從上次覺得天花板不再之後 繼續試試新野 希望搵到驚喜.今次試呢間 店面寫住有3000間分店香港都有幾間分店 門口有一大個餃子櫃可以見到姐姐手工包唔同口味 餃子同雲吞口味選擇都幾多今次試試比較普通嘅 ⭐️粟米鮮肉餃$45 10粒同埋同埋比較少見嘅 ⭐️鮮蝦蟹子雲吞$65 10粒再加多$8 加麵 有得揀雲吞麵同拉麵姐姐店員 好熱心咁推介拉麵 .⭐️鮮蝦蟹子雲吞 值得一讚 比較特別👍🏻每粒都食大量蟹子 咬落少少卜卜口感👌🏻蝦肉佔大概3份1 都爽口 其他係豬肉👍🏻拉麵 唔錯 比較粗身同彈牙👎🏻酸辣湯最底有少少酸菜 所以同樣有少少酸味係底👎🏻湯底不值一提 麻辣同酸辣都超級淡 算伏😧.⭐️粟米鮮肉餃 中規中矩 每間餃子店都會有嘅口味值得一講嘅係 佢哋餃子皮算厚？適中？明顯感受到 即使 點夾 點打卡 都唔會驚夾穿佢可圈可點 就睇返你個人鍾唔鍾意.整體呢間 買外賣餃都ok 但如果叫湯會中伏定價方面呢區算貴 容易搵到更好選擇.#hkfunfoodrecord窮遊香港#hkfunfoodrecord_筲箕灣.#袁記雲餃 (筲箕灣)地址：筲箕灣筲箕

筲箕灣道不少餃子店等等。路過呢間，綠色黃色木色裝潢，以為去了素食店。鋪面裝修新乾淨。而且有專門調料區域。因為我個人重口味，見到呢個立即入店。調料有蒜蓉，有香辣油，而且提供浙江醋以及香醋。座作為餃子愛好者。呢啲已經算系助攻得分。可惜無麻油。🤣我覺得自己要求好似火鍋調料咁，但佢呢度已經好過一般店噶火鍋調料。再睇睇餐牌，有不同口味調製。花生醬，紅油，剁椒，蒜香。🤣再加自己調料。迫不及待。我哋點了兩份不同的，即叫即整。等了大概5-6分鐘。新鮮熱辣。每份下面還有芽菜鋪墊。雖然餃子皮口感比較厚，但不影響入口感覺。實在足夠味道讓我停不下口。🤣因為我係食醬為主。值得再來。

到午餐時間，行過被簡潔的店內和門外看到有員工即時不停新鮮包制餃子的畫面吸引而入去了～餃子和雲吞分別有六款口味，可以自行選擇喜歡的，或者叫一款全家福，便有齊6款的餃子/雲吞，而今次我是吃白菜鮮肉餃和冬菇馬蹄餃，因為我沒有特別要求，所以佢直接放湯送上（後來才發現有分可以乾撈四款😅）碗很大，餃子卻很細隻，應該係迎合一個一口的食法，湯頭係典型雲吞麵湯的味道…白菜鮮肉餡比較實淨，肉係鮮但菜肉味不算突出😅冬菇馬蹄就微微冬菇味馬蹄就比較突出爽甜，而兩條伴菜也很新鮮～個人覺得，做一個餃子size，如果內餡的味道不太突出特別，會感覺很普通平淡🥸⋯⋯或者可能就是因為這樣才有另外乾撈食法原因吧！

上星期去了筲箕灣剪頭髮，在這之前要自己一個吃午餐。剛好路經這間 袁記雲餃，應該是新開不久的。看到是現場即包餃子和雲吞就有興趣試試看，而且環境都幾明亮和寬敞。🥣 雲吞套餐 ($68) - 套餐包括細份雲吞 + 涼菜 ＋ 飲品。價錢最貴的不能選之外，其他的都可以選。細份雲吞有12粒，我選了紫菜鮮肉雲吞。覺得有點細隻，餡料也不算飽滿，味道倒是還好。涼菜選口感脆爽的裙帶菜，這個倒是很大碟。另外跟餐的凍檸茶都幾大杯。

對比一般香港賣開既雲吞價錢貴得多，雲吞皮厚，舊肉細，size似平時食個 d小雲吞，仲散開，但價錢比正常雲吞仲貴，湯底一般，醬料要自己行出去櫃台取。唯一好係環境舒服坐得舒適冷氣夠