影片
营业时间
今日营业
10:00 - 23:30
星期一至日
10:00 - 23:30
以上资料只供参考，请与餐厅确认详情
食家推介
對於唔鍾意食飯嘅我嚟講，餃子係一個飽得嚟又冇碳水嘅最佳選擇。聽講呢間內地嘅餃子猛店嚟咗香港，主打即叫即包即煮，最得意嘅係你可以望住佢包，成個環境乾淨企，睇得開心食得放心。喺進入正題之前，我見到佢呢度都有我最鍾意嘅魚皮，佢呢個魚皮係好正宗，超爽脆，再加埋個滕椒麻辣味，香多過辣，連平時食唔到辣嘅朋友都話好味。我見呢度嘅雲吞同普通嘅雲吞有啲唔同，因為佢加咗蟹籽，令到食落去更多爽脆嘅感覺。佢每一粒都係一啖嘅size，大細啱啱好。咬開仲有兩粒蝦㖭，真係超足料。另外我哋叫咗個招牌煎餃，佢都有20種咁多俾你揀，煎餃我哋就揀咗粟米味，見到佢都煎得金黃色之餘都好乾身。咬開仲有粒粒粟米，超鮮甜。除咗普通食到嘅湯餃同埋煎餃之外，佢哋呢度仲有一種叫做拌餃，連撈嘅味道除咗平時食到嘅紅油抄手味之外仲有五六種俾你揀，但係因為朋友唔食辣，所以我哋揀咗個蒜香。呢一款係冬菇馬蹄餃，全部都好足料夠晒香甜。而除咗普通嘅豆漿之外，呢度仲有一款好特別嘅嘢，係鮮榨粟米汁，佢真係用新鮮嘅粟米去榨汁完全冇落堂，係飲到粟米嘅香味。
继续阅读
隨著港人北上熱潮，唔少內地品牌進軍香港，呢間源自廣州，目前已經有十幾間本地分店，而全中國更有多達有3000間。小店主打即包即煮鮮餃，逾20款雲吞餃子口味，半開放式廚房，可以望住店員包餃，確保新鮮又健康。餃子雲吞可按個人喜好選擇口味、調味同數量，另可加配麵同小食。私心推介鮮蝦蟹粒雲吞，大大粒，皮薄肉厚，餡料飽滿，非常足料，蟹粒咬落帶口感，雖然價格最貴但絕對值得一試。建議配搭湯底，可保持原本嘅口味。三鮮蝦仁餃同樣出眾，亦係另一大人氣之選，蝦仁新鮮且甜，口感層次豐富。若唔想選擇可叫全家福，樣樣有少少，每啖都有驚喜。餃子皮比起雲吞更厚，煎餃只會微微煎過所以食落唔油膩。花生同蔥油拌味偏淡，建議食辣味。
继续阅读
新春佳節，除了大魚大肉，好意頭的食物更是包羅萬有，包括：年糕、煎堆、湯圓、盆菜、油角、笑口棗、糖蓮子…… 等，而餃子更是必吃美食！ 「脹卜卜」的餃子外型似元寶，有招財進寶的寓意，加上餃子餡料五花八門，每逢年過節或是新春之際，餐桌上總會端出盤熱騰騰的水餃來沾沾喜氣。 年初八當日，我便與蝦子餅來到荃灣街市街的《袁記雲餃》，享用我的元寶。聽說《袁記雲餃》全中國已有 3000多家分店，現時，香港也有 10多家分店，剛巧發現荃灣開設了分店，當然不能錯過！ 店子小小，環境光潔明亮。店面陳列了多款不同餡料的雲吞餃子，原來款式逾 20款，選擇蠻多呢！ 入座前，還可一睹店員們現場手工包製餃子的功架， 名副其實新鮮現包，看得見的真材實料。牆上還掛上店子的招牌字畫，原來是香港一位很有名的山水畫家何百里所題，嶺南山水畫派第一人，並由何老師送贈，相當有價值。 口味方面，除了廣式鮮湯，還可選擇：花生醬幹拌、剁椒幹拌、網紅混醬幹拌、紅油幹拌、蒜香幹拌等，而我選擇了花生醬幹拌鮮蝦蟹子雲吞。鮮蝦蟹子雲吞是《袁記雲餃》的招牌必吃之選，皮薄肉厚，每粒雲吞都有大大隻蝦肉，搭配蟹籽，不但鮮甜無比，而且爽口彈牙，再配上花生醬及牙菜，仿如雞絲粉皮變奏，相當味美。雲吞套餐，拌入肉碎湯，清甜又好味，雲吞餡料以豬肉為主，並添加了洋蔥及香料，令雲吞的香味和味道更為濃郁！小食方面，我們點選了醬骨架及和味牛腩，兩款小食肉質軟嫩，十分入味。特別推薦醬骨架，醬汁完全融入肉之間，除了大大舊肉，重點當然是當中的骨髓，店員還提供手套，令食客啜得更爽更滋味！招牌煎餃，外皮煎至金黃，入口酥脆，惹味又爆汁，讓人一口咬下便感受到脆脆的口感。飲品方面，除了基本的咖啡、奶茶，最特別是有鮮榨玉米汁提供，天然鮮榨，無添加，味鮮香甜，熱乎乎上桌，暖入心！最重要是健康有益，有效防腸炎、降低膽固醇、預防高血壓和冠心病等。
继续阅读
農曆年間想飲個好意頭初四同屋企人嚟食袁記中午串門經典幾近滿座喺玄關內轉有個安靜角落餐廳環境都幾乾淨舒適菜單有好多選擇先選定想要嘅雲吞、餃子口味再選擇用哪種煎餃或湯滚嘅烹調方法最後亦有幹拌口味選擇：花生醬、混醬、紅油蒜香、酸辣及剁椒等另外店員亦推薦粟米汁自己製作呢個栗木汁真心值得encore我叫咗兩杯鮮甜開胃又暖笠笠天然甜度十分窩心正餐方面就點了：煎三鮮蝦仁餃廣式鮮湯鮮蝦蟹籽雲吞花生醬幹拌王米鮮肉餃特別鍾情個花生醬口味另外想清淡嘅話廣式清湯絕對無異議湯底冇好濃嘅味精感入口順滑舒服小食方面推薦要試試個醬骨架特別係鍾情啃骨嘅朋友入口啖啖肉濃香入味肉質都幾嫩唔鞋口幾有屋企食豬骨嘅感覺LOL
继续阅读
袁記雲餃位於荃灣 以前只有生餃買 而家開到有舖頭望住職員 即整即煮即食餐牌餃子好多花款 湯底都有唔同 有乾有濕韭菜鮮肉餃 蒜香乾拌一上枱 蒜蓉味撲鼻 雖然餡料傳統但係滿滿餡料 韭菜味濃郁啱晒鍾意食韭菜餃既我鮮蝦蟹籽雲吞 網紅混醬幹拌上台顏色已經好吸引 芽菜半邊 聞到一陣麻醬我有辣椒辣椒油 將雲吞混醬撈起雲吞咬開肉質彈牙 一粒一隻蝦 仲會有啲蟹籽口感滿足得來又好食 而且辣得有刺激 但啱我紫菜鮮肉餃 平時喺舖頭必買返屋企食嘅一種口味 因為啲紫菜比較多 好啱打邊爐蒜汁生菜同樣都係蒜蓉滿滿 生菜綠油油均衡飲食必點飲品 兩杯豆漿
继续阅读