袋杯奶茶

营业中

休息中

自己係住呢度附近，附近呢都冇乜手搖嘅舖頭，所以口癮嘅時候呢都會喺呢一邊嗌檸檬茶飲飲嘅。而每一次我都會用OpenRice呢一個app啦，先喺屋企叫咗先，隔咗15分鐘再落樓拎嘅，咁就非常之方便啦。自己本身呢就最鍾意飲嘅係佢推介嘅鴨舌香檸檬茶，佢個茶味非常之香濃而且好特別嘅香味，所以係飲到令人上癮添嘅，而且佢個檸檬唔會好苦澀，非常之有茶香嘅味道，所以非常之鍾意飲。而屋企人呢就叫咗一個益力多嘅系列，都出乎意料地好飲，唔會話太甜，下次試吓佢其他嘢飲先。

最近天氣實在太熱啦，行出街就好想買杯凍冰冰嘅嘢飲，呢一間係附近屋企商場新開開咗一排嘅飲品店，見到佢越來越多唔同嘅菜式，但係都冇真係特別試，但係呢我自己呢就經常喺呢一間度買手打檸檬茶嘅外賣嘅佢呢一來可以喺OpenRice嗰度撳定先落去拎，所以慳咗好多時間，最鍾意飲佢嘅係鴨屎香檸檬茶，佢做到出嚟嘅感覺係有鴨舌茶香味啦，啲冰呢亦都唔會話太多唔會話太少，天氣好熱嘅時候飲一杯真係非常之出色嘅，下次都會想試吓佢其他產品，因為見佢都有甜品呀或者一啲套餐食物

最近回鑽石山工作，下午茶個時見到有間新開無耐既飲品小店-袋杯奶茶…見門面同個名幾特別，就把心一橫就入去試試..(雖然已經戒了奶茶好耐😩）入面環境以銀色金屬為主題，不錯不錯🫡嗌左杯楊枝甘露$38..都幾大杯..入面d料又足同出面d連鎖式/小店既味道差不多..但勝在有得坐，都坐得幾舒服..如果加埋d音樂就仲好👍🏻除左飲品，呢到仲有糖水甜品提供，作為一個「糖」控，下次有機會夜晚再試試..特別係芋圓👅