裕一品四川雲南米線

营业中

休息中

裕一品四川雲南米線總店，位於九龍長沙灣~~ 伴隨街坊17載的「裕一品四川雲南米線」除了定期推出多款$10小食外，更每天供應$20的下午茶 = 三餸麵+汽水，絕對稱得上是良心食店。 米線最迷人的地方，便是自由發揮加料的過程～～種類很多，有雞肉、豬肉、豬潤等等...... 大鍋米線是指定配料，懶人選擇吧！！ 我必然是點一碗雲南米線，熱氣騰騰的上桌..... 濃郁的酸辣湯香味撲面襲來，配料是鎮店必食三寶：黑柏葉、墨魚頭、豬大腸，黑柏葉爽滑彈嫩的口感，墨魚頭柔韌性十足、細膩嫩滑的口感，仲有最愛吃豬大腸，令人食欲大增的韭菜、芽菜及腐皮…聞起來有一股焦香的味道，豬仔脾肉也很嫩，吃起來好惹味又辣辣的，好吃…非常推薦~~ 有營養又好吃的蒜香牛肚 爽口開胃的紅油海蜇☆╮ 皇牌小食：口水雞腿、風味雞膝軟骨串、風味雞皮串、香草/麻辣雞中翼、香烤豬仔肶、干伴雞腎、蒜香牛肚、蒜泥白肉 ☆╮ 其他小食：紅油木耳、川味尖椒皮蛋、紅油豬耳、紅油海蜇、涼伴耦片、手拍青瓜、酥炸蝦餅、芝士波波等等

2017.12.10 😊【大集團以外的另類選擇•糧尾救星】食在長沙灣比起大集團一式一樣的ABC套餐小妹更喜歡橫街巷子裡的小店除了伴隨著街坊成長的真切回憶外更能體驗到份份人情味🤗原來不經不覺這間米線鋪已經伴隨一眾街坊17載了面對近年大敵當前 依舊情懷不變定期推出多款$10小食😱更每天供應$20的三餸麵+汽水的下午茶餐絕對稱得上是良心食店、糧尾救星上湯米線 $47近年米線在港的熱潮一直人氣不減當中的原因想必也是米線是快、靚、正之選擇配菜的自由度高 價錢還豐儉由人小店在湯底上不像一般的只有麻辣度可選擇更在酸辣上提供10種程度口味 是比較少見的在配菜方面亦有差不多40款選擇🍜這次小妹則選擇了鎮店三寶: 黑柏葉、墨魚頭、豬大腸黑柏葉是牛的胃部 由於是不經漂白顏色是黑色的外表有點像海參的表皮 口感爽口墨魚頭則白雪雪 味道帶鮮 口感較為爽脆而小妹的最愛就是豬大腸🐖鹵水味道剛剛好不會過咸香草雞中翼 $15/3隻酥炸蝦餅 $25紅油海蜇 $10吃過米線意猶未盡 小店亦有售數款小食香草雞中翼略帶咸香 滋味非常🐔蝦餅外表香脆 內裡的蝦餃亦打得相當彈牙最特別的當然要一試$10小食紅油海蜇海蜇出奇的爽口 不會太

呢間米線真係由中學食到而家，以前米線都唔係太出名，到而家連鎖米線店開到周街都係，有時都會翻返嚟呢間食，因為算幾抵食。雞肉米線清湯，一個餸都係＄26 ,雞肉嘅質素一般，我覺得好過連鎖米線店，而且腐皮嘅份量都幾多，湯底飲得出係豬骨煲出嚟，當然有落啲味精啦，但係我一個女仔食都幾飽，佢嘅米線份量都算多，米線煮得夠彈牙。男仔朋友叫咗一個過橋米線＄48 ,堅係大碗，連個男仔都覺得勁飽，配菜嘅份量好多，尤其是係芽菜，我試咗一粒墨魚丸，但係就好失望，咬落好粉，完全冇墨魚味道，朋友試咗粒牛丸，佢話似係打邊爐嗰種，其他配料都算正常，分量來講佢真係比一般嘅多，配料嘅質素70分左右啦。佢仲有其他小菜加＄10就有，如果行過都可以試吓嘅。

午飯時間，經過見到坐滿有人等位，所以就試下。等位期間先叫左個雞翼，因為整既時間較耐。一入去坐底，睇睇餐牌，最抵食都係個套餐＄48大大碗兩三個人食就啱晒。果次兩個人食啱啱好食晒仲要係勁飽加埋個雞翼簡直係滿足

想食米線，平時最多幫襯譚仔，見裕一品都有獎間分店，應該有返咁上下質素，所以即管試下。lunch都算多人，我叫左個酸菜，鹵水蛋同炸醬唔辣米線。menu有提示 想炸醬另上要落單出聲 ，我當然有，可以原汁原味嘛！一黎到，失望。個鹵水蛋細粒，唔太入味，硬又唔夠彈 當佢鐵蛋又唔夠硬，鹵水蛋又唔夠軟，鹵水唔夠入味定本身係鍾意無乜味?跟住個酸菜，都係唔夠太子警署對面個間正，唯一炸醬係正嘅夠味，唔太喊。但米線個湯底，我唔食辣，就好食到個湯底真係好清湯，都係最正太子個間，連湯底我都會差唔多飲晒，呢到就唔太吸引到我囉，可能個口味問題。 唯一可取係 價錢公道嘅。

讀中學時，已經是這家米線店的常客，那時名字還是叫四川米線，在長發街的一角小時已很喜歡食辣湯，必定要點麻辣大辣，儘管吃得滿頭大汗，儀態盡失，都必要每幾日吃一次昨日重遊舊地，再點了麻辣黑柏葉竹笙米線，他們的麻辣比對面的譚仔更香辣，各有千秋米線爽滑，沒有煮到糊爛，竹笙盡吸麻辣湯，點了一杯凍檸茶解辣還保留了美好的舊滋味，很懷念呵這家店，對面各有譚仔和譚仔三哥打對台，依舊屹立不倒要加油努力啊

一開頭行入店鋪職員態度好過譚仔我覺得很唔錯，總共點左3樣嘢食，total 先83蚊真係好抵米線上檯第一眼覺得好足料，但係食落發現D墨魚丸同牛丸之類既丸都比較劣质，最重要係豬潤未熟就比人食，問個職員點解唔熟都拎出黎比人食，個女職員竟然答我有客人就係鐘意生啲！仲話下次你再叫咪記得話豬潤要熟啲！嘩！好搞笑囉，就當我孤陋寡聞喇。我淨係可以建議鐘意食生啲豬潤既老友，可以黎試下味道，或者3-5-7成既豬潤可能會特別啲，但我就接受唔到喇其實如果當時個女職員直接話唔好意思，我都舒服D，明明係廚房問題仲咁多藉口就唔應該囖。比少少google上既資料你地參考下：肝臟外科專科醫生提醒，打邊爐勿「烚下烚下」就算，豬肝(豬膶)、貝殼類海產最易帶有戊型肝炎及丙型肝炎病毒，未煮熟「吞落肚」，最嚴重者可感染病毒引發急性肝衰竭，甚至要換肝補命。2012年便曾發生一個月內出現33宗戊肝病毒感染個案，創單月新高。夏威憶述當年接獲一名女病人，肝臟功能一直正常，卻感染戊型肝炎引致急性肝衰竭需要換肝，經追查後發現她病發前吃過「豬膶粥」。經肝臟移植外科及消化系統科的醫生評估，相信女病人極有可能因進食未徹底煮熟、受病毒污染的豬膶而病

如果你覺得譚仔米線係 OK 好味的話，裕一品我可以話你試過番唔到轉頭。無論性價比，味道，款色，料的份量上，都有過之而無不及  !朋友介詔之下，到了呢度，我地試左黑栢葉，尖椒皮蛋，雞軟骨，土匪雞亦，涼伴海哲，同麻辣米線 !雞亦烤得又香又脆，熱食真係好正個湯係好鮮甜，而甜得來又有辣 ! 份量真係好多。而最最最驚喜的是，佢既小食係 $10 !!!今時今日點解仲會有 $10 小食，而且唔係 Hea你，係好食架 ~ 你落 「和聞」 食個 $32 雞軟骨串，呢度 $10 食到 ! 我地飽到捧住個肚走，埋單每人都係幾十蚊 ! Help ~ 快 D 開多幾間分店啦  ~ 慳錢人的恩物 ! 行出行入經過呢頭又多個地方 lunch la ~ XD ! 

物價通脤, 想搵一間平靚正既餐廳的確唔易! 今日同朋友行經長沙灣突然下起大雨, 於是係附近搵間餐廳避下雨, 順便醫下肚。店內很整潔, 呢度主打既係米線, 同埋多款小食。最為驚喜既係, 今時今日竟然仲可以有HK$10既小食!!! 而且每日下午茶時段仲會推出$20既三餸麵+汽水, 令我感受到餐廳既人情味。我就叫左一個自選配料米線, 同埋幾款小食同朋友SHARE一齊食!米線既自選餸料款式多多, 超過30款~ 花多眼亂, 樣樣都想食D。如果中意食辣既, 更加可以加一蚊轉麻辣/酸辣湯底, 湯底更有多個辣度選擇, 可以因應個人既接受能力所選…【上湯米線】HK$26(單拼), 額外每款配料加HK$5-7; 麻辣/酸辣加$1當中最值得推介既係蟹子飽、豬耳、黑柏葉同埋豬大腸。咬開略帶點彈牙既蟹子飽, 入面有鮮甜既蟹子粒, 粒粒口感, 很特別。豬耳既軟骨位好脆, 豬大腸很林而且入味。就連平時比較少機會食到既黑柏葉, 呢度都可以食到, 口感更爽。至於湯底我就揀左3小辣, 辣辣地, 既開胃又惹味, 正!! 米線軟硬度剛剛好。 整碗都能帶給我驚喜。【四川麻辣烤雞中翼】HK$15/3隻' HK$25/6隻表面有燒

雖然唔係好經常去長沙灣，但是聽說呢間餐廳的米線配料同平時食到的好唔同，所以就去食吓。店外真係好熱，但入到來很清涼，連我這些怕凍的人都唔會覺得凍。另外，外面的店坐位很緊密，而呢度相對空間感大，坐得很舒服。睇完佢哋的餐單，除咗有常食的配料之外，而墨魚頭、黑柏葉、象拔蚌我係覺得幾特別。另外，在外邊的十級辣只是麻辣才有，但這樣連酸辣都可以做到。上湯米線 - 豬腩肉、黑魚頭、象拔蚌、豬大腸呢碗米線係清湯底，墨魚頭很彈牙，咬落有汁。豬大腸很乾淨，質感很鬆軟。象拔蚌和豬腩肉肉感厚，十分有嚼口。上湯米線 - 芝心丸、金菇、黑柏葉呢碗米線係酸辣十小辣，辣香對比出面的食店係辣多兩級左右。金菇每束都好多，口感夠。芝心丸一咬入去，外面很彈牙，而中間的芝士係咁流出來。最特別的就是黑柏葉，我真係第一次食，望落個色似木耳，食落比牛柏葉更爽口。炸蝦餅咬開炸蝦餅的時候，係好熱好熱，應該係即叫即炸。

糧尾精選@裕一品四川雲南米線 $20蚊你可以做到什麼?供車供樓供養父母。。。到糧尾水盡之時，還是要樣樣慳多一點 ，但想不到＄２０至今仍可以食到一配麵加飲料！有圖有真相，是早二日拍，不是幾年前拍的 早幾日難得收早，同事帶我到裕一品四川雲南米線食麵，我差不多日日經過這裡， 但就是沒有機會食過，不過從今日起，我就會經常來食麵，因為太抵食而且幾好食～ ＄１０的蒜香牛肚，份量竟然有那麼多！！！ 我開始時還懷疑姐姐搞錯，原來全店的客人大都會叫上這個，抵食呀嗎！蒜香牛肚食起來好入味，而且幾腍，沒有辣味，怕辣人士可以安心去叫 又是＄１０ 這一大盤是紅油海蜇，食起來有一點點辣，食開大辣的我當然沒有感覺，爽口入味，夏天食起來好開胃 一大盤的蒜泥白肉 不是＄１０ 但也才是＄２４，嘩啦啦太抵食，應該是全港最平，食起來很惹味，白肉肥廋適中，食起來很爽，沒有油膩感 大大口蒜泥放入口，正 （之後要拍拖的話可要當心～） 咸檸７跟餐才加＄９，那片咸檸檬非常之大粒，飲起來好下火，再點多支汽水加入去還夠味！ 米線方面，食起來硬度適中，份量偏大，女孩子細食記得少米 很喜歡他們的豬大腸，食起來很腍，也不太肥，

很喜歡吃米線，週圍的店都試過了，今天就來長沙灣裕一品試吃，真是不試不知道一試嚇一跳，米線份量很少，質感粗糙又硬湯底出了鹹沒有其它味道，這間店品質味道欠奉，環境不能算上合格，侍應的服務不盡人意，一間給錢都不會再來的米線店。

早前去了長沙灣做嘢, 做完後有點肚餓, 便係附近食飯, 最後去了裕一品四川雲南米線. 米線單拼二十六蚊, 客人可以因應自己的喜愛加上不同配料. 配料選擇也有不少, 當中黑柏葉, 豬大腸和墨魚頭是必食三寶. 湯底可以揀清湯, 也可以加一蚊轉麻辣或酸辣湯底. 辣度分為小辣, 中辣和大辣, 而小辣再分為1-10小辣. 最後, 我選了黑柏葉, 墨魚頭和竹笙配清湯底. 加錢配熱檸蜜. 這裡定期推出不同款式的十蚊小食, 我選了蒜香牛肚. 另外, 下午茶也相當抵食, 只需要二十蚊, 便有一碗三餸加麵, 並配飲品. 店員先奉上蒜香牛肚. 估不到十蚊的小食也好大碟, 絶不欺場. 牛肚軟硬適中, 入口帶有淡淡的蒜香味道, 尚算入味. 米線上枱. 黑柏葉帶點爽身, 幾有咬口. 而墨魚頭幾鮮味, 入口唔會覺得過硬和乾身. 竹笙就幾爽口. 米線質感軟硬適中, 啱我口味. 而米線還有不少配料, 包括芽菜, 九菜和我愛食的腐皮. 簡單一餐, 價錢大眾化, 又夠飽肚, 好滿足.

男朋友搬左去長沙灣，多左好多機會試附近既野食，今次就去左食米線。 裕一品既鎮店必食三寶包括黑柏葉、墨魚頭、豬大腸，不過我就唔食豬大腸所以冇緣lu。 三餸米線清湯(黑柏葉，墨魚頭，木耳)($39) 墨魚頭彈牙有咬口，嚼勁十足，而黑柏葉就好爽，同平時食開既牛柏葉唔同，就係冇用漂水漂過，好似好少地方有得賣。米線份量好足同多，湯底清，不大食既女生可以叫少米線：） 除左食米線，仲叫多左3樣小食 蒜泥白肉($24) 豬肉比大量既蒜蓉同香油所覆蓋，豬腩肉脂肪比例唔平均，扣左D分，不過豬肉充滿蒜蓉既咸香，再加上香味濃既辣油，又打番和！ 新彊香草烤雞中翼($25/6隻) 雞翼炸到外皮好香脆，好重香草味，肉汁豐富，岩晒唔食得好辣又想食雞翼既我。一人食3隻雞翼好滿足。而且雞翼數量係雙數，唔洗打架爭最後一隻，哈：３ 炸芝士波($40/8粒) 芝士波即叫即炸，非常燙口，當我咬第一啖時，入面仲係芝士液，未凝固：Ｐ（想像到有幾熱嗎?哈）薄薄既一層炸粉，食落索索聲，繼而係軟身既芝士魚蛋，想惹味Ｄ可以點甜酸醬呀！ 餐牌 伴隨街坊16載的「裕一品四川雲南米線」除了定期推出多款$10小食外，非常抵食，有皮蛋、

自從在荔枝角上班以後，總是想找點時間在這邊發掘一下美食。基於我個人比較喜歡吃米線，所以在附近找到米線的小店以後，就毫不猶疑地走入去試試看。幸好身邊那個他也喜歡吃米線，所以我基本上是可以放縱自己在入面吃想吃的~ 這邊的食物款式還蠻多的，米線的食材也夠多，讓我看得眼花瞭亂。揀了好一陣子終於揀到了自己想要吃的~ 聞說這邊的鎮店必食三寶(米線配料)是黑柏葉、墨魚頭、豬大腸，可惜我倆都不吃豬大腸啦，但不打緊，我們都點了其餘兩寶。我們點的是上湯米線8小辣配墨魚頭、黑柏葉、墨丸、蘿蔔、炸醬米線，再加點小食。兩個人份量應該差不多吧。 不一會兒，米線就放在眼前，8小辣的麻辣味慢慢的飄到鼻子裡去，忍不住立即要喝口湯。喝完沒有口喝感的，而且愈飲化想飲落去，後來被他截住了….因為我喝湯的速度相當快呢，米線還沒有開始吃，湯就已經少了四分之一了~XD 在還沒有開始喝湯底以前，我近距離的記錄了幾款食物，這是其中一款─黑栢葉，相當爽口，而且加上8小辣的湯底味道，令黑栢葉也變得相當惹味。 另一款食材是墨魚頭，相當有咬口，但又不是韌，在「有咬口」跟「韌」中間取得平衡點，就是可吃的，而且蠻好吃的，愈吃愈想吃，