裕發蒜爆

营业中

休息中

$45好抵食，好大塊！啲蠔都好大粒！即整即食脆卜卜，職員都好nice好take care我🤣，可能見我自己一個妹妹坐係度食一底蠔仔餅😂。好幾年前喺附近返工，成日夜晚收工過嚟買嘢食，佢嘅雞軟骨都好食好大份！估唔到仲保持水準～呢個街市都幾多野食～

外賣自取又得， 上網平台購買又得 ，坐喺舖頭食又得， 本人必食推薦美食推薦會係... 1)蒜香雞中翼， 2)蒜香雞軟骨，3) 濕炒牛腩河，4) 肉絲炒麵，5) 星洲炒米，6) 仲有車仔麵，7) 炒菜烚菜 ，8) 雲吞水餃 ，9) 仲有炸蠔餅，10) 仲有其他各款精選， 暫時介紹咁多先一有時間會再次更新，

一到夜晚青衣都無乜宵夜揀無意中有次買左呢間 又幾好食老細仲要幾搞笑必食推介一定係蠔餅，不過建議大家要即食，試過買返屋企食完全係兩回事😂超大塊蠔餅，炸到脆卜卜 又啖啖有蠔 滿足感max仲有佢哋既雞翼尖同雞翼，落左好多蒜😆😆勁香 其他野食都不過不失 值得一試

萬聖節去朋友家聚, 臨打機前落去長發廣場買嘢食醫下肚先。長發廣場原來好多嘢食, 間間D 嘢都好似好好食咁, 正! 可以逐間買D 嚟試。本身買咗其他嘢食, 但係朋友推介裕發嘅雞軟骨超好食, 為食嘅我哋就梗係要買嚟試啦! 一份蒜香雞軟骨, $35店員問我哋要咩辣, 我哋要咗小辣。之後佢叫我哋去買埋其他嘢返黎再拎, 啊~ 原來佢哋係現炸嘅! 等咗唔駛10 分鐘就有得拎啦! 去到朋友屋企, 等咗10 分鐘左右再開餐!一食個雞軟骨, 熱辣辣, 勁香脆, 但係唔會炸到乾, 食到雞軟骨嘅水份。加上炸蒜同其他調味, 超好食!!! 真係超好食呀! 大讚! 份量方面, 係大份, 我哋5 個人SHARE 嚟食, 大家都食到好滿足! 性價比高! 

裕發係位於青衣市場內嘅小店 以超親民價錢提供煎炸小食/車仔麵/炒粉麵飯…◽酥炸蠔餅$31就有大大份蠔餅 店主會問吓食唔食胡椒粉同泰式甜辣醬 食落好香脆 蠔仔份量唔少而且分佈夠平均 甜辣醬同蠔餅好夾 仲將個層次提升咗🤤◾炸雞翼平時炸雞翼都會比較乾 呢度最出色你外面脆卜卜 入面啲肉仲好嫩有肉汁 而家仲加咗好多我最愛嘅炸蒜喺旁邊 香噴噴😍

📍裕發蒜爆 (青衣)今次要介紹既都係位於長發街市既小店☺️呢間車仔麵檔以親民嘅價錢提供煎炸小食 車仔麵以及炒粉麵飯 😋今次就試左佢地幾款特色小食~𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 酥炸蠔餅 ($31)一見到塊蠔餅嘅時候好驚喜!! 🦪塊蠔餅仲大過我塊面👀 店主仲好細心咁問我要唔要加泰式辣醬 配埋蠔餅一齊食超級match 簡直將成個層次昇華咗!! 🙌 蠔餅食落十分香脆 而且蠔仔夠哂份量 仲好新鮮timm 😏💛 蒜香雞軟骨 ($29)呢個超級推薦!! 👍雞軟骨份量超多 聞落去既時候已經有陣陣嘅蒜香味 而且因為係即叫即整嘅關係 熱辣辣咁咬落去好香好正😆會忍唔住食完一舊又一舊💛 炸雞中翼雞翼外層好脆好脆 仲好香口好惹味 💗 唔好以為咁樣雞翼會好乾 一咬落去d肉嫩得黎又超juicy!! D雞翼肉汁鎖住哂係內層🤤 𝒜𝒹𝒹𝓇𝑒𝓈𝓈:📍青衣担桿山路6號長發廣場地下青衣市場9號舖Shop 9, Maritime Market, G/F, Cheung Fat Plaza, 6 Tam Kon Shan Road, Tsing Yi

位於青衣市場(長發街市)有一間車仔麵檔😁除咗食車仔麵，仲有唔少小食提供😎三餸車仔麵都只係$32😊有牛腩、雞翼、冬菇、豬大腸等😇煎炸小食同炒粉麵飯都係即炒即炸🤤酥炸蠔餅🦪$31真係大過塊面😂而且好厚身，勁大份😎蠔仔夠大隻，用料新鮮，非常鮮甜🤤配埋泰式辣醬，夠曬惹味😋蒜香雞中翼🐓$33蒜香雞軟骨🐔$29雞軟骨份量都幾多😇另外老闆仲請我食左兩隻雞中翼😊新鮮即炸，所以一定要趁熱食☺️香噴噴嘅蒜香味道配上脆卜卜嘅口感😙雞中翼大大隻，炸到外脆內軟😉雞軟骨好香口，完全食到停唔到口🥰裕發蒜爆 (青衣)青衣担桿山路6號長發廣場地下青衣市場9號舖

喂呀！呢個街市好多好嘢食😳估唔到店員哥哥咁風趣幽默，佢話佢地出名係蠔餅，山長水遠嚟呢度梗喺要食一食佢個蠔餅咁話喎🤪炸蠔餅超大塊蠔餅！店主話新鮮熱辣喺最好食❤️超級脆卜卜，裡面蠔仔都幾均勻，少少厚粉，最重要喺一定要落埋個甜酸辣醬‼️即刻味道提升咗！炸雞翼呢個雞翼有驚喜‼️外層酥脆咁，望落好似變到肉乾咁😂但咬落去竟然唔喺乾身😳鎖咗啲肉汁喺裡面，好juicy，肉準都幾嫩☺️炸雞軟骨份量夠哂多嘅雞軟骨🤣有部份炸到外脆內軟吖！仍然有部份都喺要有啲牙力先咬到嘅🙊呢個份量作為小食嚟講好大份，斬料就啱哂😆

男朋友去青衣踢完波成日要去長發食宵夜今次去見到個蠔餅 即刻坐低叫番底老闆即刻整 嘩 大過你塊面 $31 超抵食 老闆special 個雞醬 平時就加魚露 今次加泰式辣醬 超級match 好似無咁熱氣再叫個蒜香雞翼 有6隻 隻隻都好多肉 蒜味香噴噴 脆卜卜 老闆送左d雞軟骨 好香口 送酒一流 快d去試