裕記牛什粉麵

营业中

休息中

香港嘅牛腩麵就最出名!香港最地道既食物之一！就喺旺角，呢一間已經很不錯！🥢🐂招牌牛全寶牛全寶有牛腩、牛肚、牛筋、肥牛、牛柏葉，可以一次過試晒咁多樣❣️樣樣都好味😋❣️湯底係腩汁， 麵條索晒湳汁精華，幾好味！食完又唔會口乾🥢金牌八寶丸八寶丸有：魚蛋、魚片、片頭、豬肉丸、牛丸、墨魚丸、鮮蝦雲吞，又係勁多野可以一次試晒！正！呢碗既湯底係大地魚湯底，配埋魚片頭勁鮮濃魚味，又係正！🥢小食推介爽滑墨魚鬚白灼既墨魚鬚，彈牙爽滑新鮮🥢另外油菜都只係12蚊，大大碟，有芥蘭/生菜/菜心/通菜，配蠔油又得，配腩汁又得☕️最後香港既最地道特色飲品，當然要搭杯凍檸茶同奶茶啦！一次過盡嘗香港美食😋👍

天氣炎熱唔想食飯，只想食粉麵，行經旺角，立馬行入麵舖，舖面雖少，但卧虎藏龍。牛三寶麵包含牛腩、牛筋、牛肚，牛腩軟嫩多汁，口感豐富有層次，牛筋Q彈入味，牛肚鮮香爽口，一碗麵可享有一頭牛的精華。湯頭鮮甜回甘，溫潤醇厚。麵條Q彈帶勁，滑嫩紮實。崩沙腩麵更為首推，崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品。濃郁的湯汁和軟嫩的牛腩令人回味無窮。

晚上經朋友介紹旺角亞皆老街74號裕記牛腩粉麵。喺正旺角女人街附近遊客區，門口有個大餐牌寫住正宗潮州牛雜魚蛋各色粉麵飯餐牌，最貴淨食牛三寶128元最平油菜心12元最少有29款美食任你揀。我叫咗招牌牛全寶粗麵、招牌硼砂牛腩幼麵、最後叫多一碗鮮蝦雲吞同腐乳通菜，因為鮮蝦雲吞都係佢嘅招牌菜，我都想試吓，果然唔錯佢用咗好大粒嘅鮮蝦同瘦肉我鍾意佢加咗大地魚粉特別好味😋招牌牛全寶粗麵食材有牛孖筋、牛柏葉、金錢肚、肥牛、硼砂腩。老細冇介紹錯呢碗招牌全牛寶👍尤其佢個硼砂腩肥瘦適中，火候啱啱好，唔會太腍，口感一流，牛孖筋唔會韌，牛柏葉夠爽口😋朋友真係冇介紹錯👍喺遊客區可以食到好食潮州牛腩麵價錢合理抵食😊兩個人只係食咗158元就好飽🤔😘

這間新開牛什粉面店性價比非常好，環境乾淨，而且食物價錢平又好味當日點了兩碗粉面，包括有招牌牛全寶同招牌崩沙腩，另外還點了兩杯飲品及菜心招牌牛全寶河粉牛全寶很適合為食嘅你同我，因為咩都有，包括牛肚、牛柏葉、肥牛、牛筋、牛腩，全部都煮到口感剛剛好，而且牛腩好香又入味可以算是最近食過最岩口味的牛腩面店招牌崩沙腩米粉朋友點了崩沙腩加八爪魚🐙八爪魚口感爽彈又不會硬，而且崩沙腩口感亦非常彈牙，朋友大讚這家店可以再過來菜心都好嫩人流都keep住有

每逢知道有新開的牛腩牛雜專門店，必定會去試試，最近知道旺角亞皆老街開了一間新店，今日下午便來到了。招牌崩沙腩$52，崩沙腩的筋位軟糯可口，肉質軟硬適中，滷水汁香味十足，以旺角區來說，這個價錢已經非常超值。金牌牛三寶$52，是牛腩、牛肚、牛筋，三樣都軟硬適中，牛筋炆煮得很軟腍，又保持了口感，是女士的恩物。鮮蝦雲吞$36，雲吞有蝦有瘦肉，不過湯底不是雲吞湯底，因此遜色了一點。凍鴛鴦跟餐$8，奶茶和咖啡的味道比例適中，算是有香港特色。凍檸檬可樂跟餐$10

今日食既呢間位於旺角既粉麵店, 價錢唔貴, 而且選擇都多人來人往, 都幾多人幫襯我叫左既係牛雜河, 超多料!! 超入味口感好好味, 有D似食緊街頭既牛雜既感覺食牛雜河最重要既一定係個辣椒油, 呢度既辣椒油超好味店員見到我落左咁多, 即刻走黎同我吹水話呢度既辣椒油係自家製, 係自己炒的仲可以淨買辣椒油, 價錢都幾相宜，不用100就有大支超好味, 最後加左個炒菜心, 仲有不同既菜款可以揀，都幾淋, 唔錯飲品都唔差, 奶茶好濃好香滑, 好飲過不少茶記

講到香港特色一定係牛腩粉好耐都冇喺香港食過一碗出色嘅牛腩河旺角呢間新開張專出名食崩沙腩，因為唔係咁多餐廳做得出色，所以一於嚟試試同朋友一人都嗌咗一碗店舖招牌嘅金牌牛粉材料好豐富，包括有牛肚同崩沙腩！牛肚滷水非常之入味，而且唔會難咬，又一啲都唔黐牙，份量仲好充足超級好食主角崩沙腩整得好軟腍，而且一啲都唔會有牛臊味，肥膏同肉嘅比例真係好出色，簡簡單單嘅一碗粉麵做得好真係唔容易下次再選擇食牛肉粉都一定會嚟呢度腩汁湯底都唔錯，唔會好鹹

🌟 裕記牛腩粉麵 🌟地址: 九龍旺角亞皆老街74號地下🕰️07- 24營業:對於夜遊旺角的你來說,這家粉麵店絕對是救星。即使在午夜,也能享用一頓美味可口的佳餚。 🍜 招牌牛腩全寶 $58:這道招牌牛腩粉麵可謂份量十足,有牛柏葉、牛丸、牛腩、肥牛。幼麵麵條爽口彈牙,牛腩肉嫩入味,湯頭清甜濃郁醇厚,讓你一吃上癮。💯🥢 金牌八寶丸 $52:香噴噴的八寶丸非常美味。八種不同食材調製的肉丸,口感層次豐富,絕對是一道不容錯過的美食。😋所有粉麵搭配簡單的油菜,只需加$12早餐時段仲要送嘢飲，凍飲加兩蚊😅無論是招牌粉麵,還是爽口的八寶丸,性價比都非常高,裕記粉麵絕對是旺角夜遊的不二之選。👍

呢間餐廳有多款潮州粉麵食,仲有其他炸魚皮,生菜等等,人流都幾多,見到有D客都叫外賣食,入面座位唔算太多但係就好多食法可以配搭,我地叫左一碗崩沙腩河粉,崩沙腩食落口感肥得黎比較爽口,牛腩都煮到好入味,一路可以睇住佢既制作過程都算衛生,仲有D職員好有禮貌同埋經常出黎拖地另外我地仲叫左一碗雙拼既鮮蝦雲吞拼自家制韮菜豬肉餃,呢度D餃全部都好足料同好大粒,入面D涵料勁多,好抵食,幼麵都好彈牙無梘水味,湯底都清甜。

位於旺角亞皆老街的「裕記牛什粉麵」新開張幾個月，在這食肆林立和租金昂貴的地區，仍能佔一席位，實力一定不弱。「裕記」招牌菜是牛什，當然要試啦！店舖光猛整潔，坐位不多，客人卻絡繹不絕。辣醬是自家製的，味道果然非同凡響。《招牌牛全寶》$58有牛筋、牛腩、牛肚、牛柏葉和肥牛喜歡吃牛的朋友一定不要錯過這碗牛全寶，份量足夠，牛腩軟腍入味，樣樣都好吃。《金牌牛三寶》$52有牛筋、牛腩、牛肚大大件的牛筋又腍又彈牙，牛肚爽口，湯汁味道恰到好處，正啊！《 腐乳通菜》$12通菜新鮮，加了腐乳醬更惹味飲品跟餐只加$8或$10，抵

【油尖旺區】【裕記牛腩粉麵】同遇星哥去旺角皆旺睇模型，不過感覺都已經大不如前。以前睇模型首選真係去皆旺，而家就反而好似油麻地現時點商場仲熱鬧。唔理啦，我嘅重點在於行完皆旺嘅活動，我哋去咗對面嘅一間粉麵店食嘢，估唔到都幾好，我哋都好滿意，等我講吓啲食物。入到去發現都幾乾淨企理，亦都冇粉麵檔有機會出現嘅嗰陣罨味。遇星哥試 $52 嘅「招牌崩沙牛腩麵」，佢揀幼麵，佢話非常之正。我就試 $58 嘅「招牌牛全寶麵」配粗麵，牛全寶即係牛腩、牛筋、牛雜、肥牛、牛百葉，乜都有得食，非常盡興，味道又好。另外我哋試埋 $68 嘅「爽滑墨魚鬚」同埋 $12 嘅「蠔油生菜」，前者好爽口好正，後者新鮮又大碟。我哋都各自加咗 $8 要埋嘢飲，我飲「凍檸茶」走甜，佢飲「凍檸賓」，都係正常茶記水準以上，解吓膩，唔錯。食到咁豪，夾埋先 $206，質素好就得啦。。。（地址：旺角亞皆老街74號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tast

又去到想食牛腩麵嘅日子，去完旺角做完針灸之後，行過兩條街見到有一間新嘅中式麵檔，已經飄出好香嘅牛腩味，就同朋友入去坐低，入到去大概10幾個座位，坐得都算舒服，見到餐牌第一樣嘢食係牛全寶，就嗌咗一個，另外我自己叫咗個牛筋麵，仲有見佢係自製雲吞同埋白魚蛋就試埋，牛魔王入邊有肥牛，牛腩牛筋牛肚牛柏葉，非常足料，面都屬中上級數，湯底好濃味，一啲鹼水味都冇，而我嗰碗牛筋麵裏面嘅牛筋有大概10舊，食完之後覺得膠質返晒嚟，自製嘅魚蛋果然好食，非常之彈牙，亦都好有魚味，配埋佢自家製嘅辣椒油，正，雲吞唔係出邊大大粒嗰隻，反而係實實淨正嘅正常size，我幾鍾意呢個口感，蝦味都好濃郁，係一餐好滿足嘅晚餐順帶一提，職員態度好好，上菜時好有禮貌會叫我哋小心熱🥰