西宮 (已結業)

五一長假期前夕與同事聚餐，用團購優惠購買每位$248，主要自助餐型式，仲有放題同火鍋叫添。這個價仲有生蠔、青口、翡翠螺都幾抵。大大隻生蠔，無乜海水味，所以麻麻地食咗三隻。西式有哈蜜瓜乾火腿乾，哈蜜瓜鮮甜，但是火腿乾好鞋好硬，好求其。cheap cheap 嗰啲貨色。鮮蝦有煎的、凍食的，有刺身，好味，但叫的赤蝦刺身就肉質較冧，不夠新鮮。蟹柳壽司、鰻魚壽司、魷魚壽司一般。鮮蝦冷麵唔錯，熱食的湯拉麵好彈牙湯夠熱，但肥牛就勒咗啲，無咩牛肉味。三文魚刺身一般，象拔蚌刺身有啲腥。燒物有燒菠蘿，燒的時間不夠，如果有小小焦焦的就好了。燒全隻鷄翼好蜜味脆皮又熱辣辣，好好味。燒牛舌尚可，不蘇。燒粟米同漢堡豬柳都好食。又有日式蟹子沙律，有啲沙，麻麻地。甜品有牛奶布甸我無吃同事話好食食咗兩杯。有雀巢雪糕：蓮花杯雪條紅豆冰同朱古力樂，仲有罐裝汽水任飲。食咗四小時，飽飽的回家去，不過下次未必會再來，因為熱食款式唔多。

身為團購迷嘅我見到有蠔食，仲要由6:00食到10:00長達四個鐘，價錢加埋服務費只不過$231，我又點會執輸。雖然元朗對我嚟講真係好遠，雖然食物無特別令人驚喜，但係款式唔少，二百幾嘅放題價，真係一試無。餐廳設計普通簡單，而且被安排喺一個角嘅位😮。生蠔唔係即開，但係Refill得好快，大大隻，味道有啲淡。刺身種類算多，有頭甜蝦，三文魚，鯛魚，吞拿魚，八爪魚，希靈魚，刺身新鮮又夠厚。海鮮吧嘅青口，東風螺，蜆都可以，不過不失。各類熱盤，焗蠔好味，豬頸肉都唔錯，大大件。日式拉麵麻麻。甜品種類唔太多，焦糖燉蛋好味。

第1次食呢間，見到團購有特價168一位，連服務費每人總共都係 208一位。見網上食評都唔係太差，決定去試試。去到發現熟食真係好少，生蠔食落都無咩沙，但刺身應該係我食過咁多間放題最差嘅一間，上到枱d 甜蝦係黑黑地，三文魚個樣一睇就知唔多新鮮，我地都唔敢食太多。另外即燒牛排un到食唔到，但佢係7成熟嘅狀態，應該係肉質差嘅問題。最欣賞應該係佢d甜品同服務態度！但屋企人幾個都食到肚痛，肚痾。可一不可再！唔想俾錢買難受了！

同屋企人既生日飯，揀左黎元朗呢間位於開心廣場6樓既西宮 佔左全層，我地BOOK左6-8pm，但未夠鐘都可以比我地坐住先 呢個CORNER位好靚，自成一角，下次黎試下BOOK呢個位先呢度係自助餐+放題形式，熱食、壽司、前菜、甜品等都出面拎，剌身、火鍋、部分熱食就寫紙，我地唔係叫得好多，所以都黎齊既飲品都係自取，選擇都好多，有好受歡迎既忌廉溝鮮奶甜品區好豐富，架上既牛奶布甸小朋友好鍾意木糠布甸甜得滯，焦糖燉蛋，朱古力蛋糕都推介D蝦大大隻好夠肉，其他就麻麻，雪得太耐好硬紐西蘭生蠔，想像唔到大大隻！好鮮甜頭幾ROUND好快無哂，食到後尾已經擺係度任拎

This is a gem in the busy hub of Yuen Long. Situated on the 6th floor, this restaurant offers diners a fabulous meal. if you choose one item on the menu, you have free choice of salad, desserts and fruits. On average, you will npt spend more than 100 per head. It isnt a huge choice of salad but what there is of it makes a nice accompaniment for your main meal. Usually i prefer the salad bar to the main dish. Desserts are usually mini cheesecakes, jelly, cream puffs and a few cakes etc. The creme

早兩晚去西宮同朋友聚餐，我地6個人後加一個變7個，本身見佢價錢都ok就試下，最令我費解嘅係，一坐低就覺得張檯好逼，無啦啦有個爐係檯面，然後野食都未拎未叫，就有人隊個火鍋底埋嚟，喂大佬，我嚟食自助餐唔係嚟打邊爐，要打邊爐我去第二間啦，我仲要無落個單就拎埋嚟，有無問過我想唔想食？7個人，張檯又唔係大，仲比個火鍋阻住哂，冇啦啦仲放啲放題紙係到，迫到死！不倫不類，都唔知呢間野到底係食自助餐，放題，定打邊爐！出面啲生蠔夠大隻，但食落口好多沙，隻隻都有咁濟。刺身ok。鹵水雞翼唔掂，個咖哩牛腩同薄餅超難食。甜品好多款，但蛋糕類最差。個魔鬼朱古力蛋糕無朱古力味！有4個食都話無味，真係無得頂，點整架？？？芒果蛋糕唔得，木糠布甸太甜，楊枝甘露無味，椰香蛋白無味。係得個藍莓同焦糖燉蛋食得。食物方面普通，但係啲服務就真係唔多掂。講真去食野，我覺得服務先係最重要。班樓面都唔知做咩囉，好似得個殼係度行！想落單比紙佢地，舉哂手望到都扮睇唔到咁唔理，我呆咗，我再舉手，等咗成兩分鐘先有人見到過嚟接！落完啦等咗好耐又未到，就問係咪漏單，一個唔覆！問過第二個又係聽完走咗後無覆到！火都嚟埋！離哂譜！！收碟又慢！明明見到我地張

本身自已去街食野, 點好食我都唔會寫所謂食評, 不過今次都要寫.自巳本身好喜歡自助餐, 食生蠔同長腳蟹, 我老婆就鐘意食放題, 所以我地好少可以一齊出街食飯, 但朋友話元朗區有間幾好食既餐廳, 佢係自助餐加放題型式, 咁我就一家六口去試下.  佢原來有分食2個鐘或4個鐘, 我就揀左4個鐘慢慢食.一入到去待應好有禮貌帶我地入去, 見我個仔好細個仲好細心問我老婆要唔要high chair, 抵讚之後我即刻出去拎生蠔同長腳蟹, 返到黎我老婆己經叫左盤剌身放係度生蠔好正, 又大隻又鮮, 長腳蟹好夠味, 呢度已經回本lu, 剌身好新鮮, 又夠凍, 老婆叫左3輪放題有好多野揀, 我地係甘試, 樣樣都唔差, 細細碟可以試多D. 但出面自助餐仲有熱盤, 可惜太飽了飲品自助, 都好多款揀, 食到最尾甜品, 我自己少食甜野, 但我老婆話超正, 可以同酒店有得揮, 最緊要價錢都係2佰幾蚊, 酒店食的話加多個double先夠埋單, 呢餐我覺得超抵以後我會再黎, 加油

今日男友生日，咁就試下啲間自助餐，佢有得比你點Sashimi （唔係好識點打個字），sashimi 5錯，好新鮮。佢有其他食物，今晚有生蠔，但係5敢食。熱盤食物種類少左啲，總體黎講都5錯，值得一食

其實元朗有自助餐係好事，但搞到咁嘅質素，擺明蝦呢區鄉巴多囉，講真心話，堅唔惦！今次係第一次到呢間嘢，亦係最後一次。問我有咩值得一提，咪就係燈光火猛同唔使等囉⋯⋯

知道西宮開業都有幾年，最初聽朋友講話唔好食到而家好多人訂枱，所以決定去試一試。先講價錢，每人$288/位，如果多人訂位仲有88折，計埋加一其實每位$282左右。有咩食？冷盤有生蠔、長腳蟹、蝦、東風螺，沙律，凍長通粉，中華沙律，日式辣味螺肉，ham加哈密瓜，鴨胸肉，餅乾芝士，刺身（有六款選擇），壽司有五款，温泉蛋，冷麵，燒烤肉腸、烤菠蘿、烤豬柳、烤雞翼、熱食有7，8款左右，甜品有十幾款。聽落好似好多其實啱食真係好少，而且仲要放得入口就少之又少。生蠔肥大肉厚必食，refill唔算快，每次只係放10隻出嚟真係手快有手慢無。長腳蟹一般，蝦同螺都無食講唔到俾人知。中華沙律好甜，辣味螺肉味道ok偏辣，長通粉好硬，ham一定要加哈密瓜一齊食唔係會好咸，熱食試咗小籠包，不過超唔掂，粉皮厚肉少，好少湯起裡面，可以一啖放入口既尺寸，日式天婦羅蝦好好食，白菜/炒飯/薯蓉都ok，小丸子賣相好但係無味，其他例如咖哩牛肉，南乳豬手，豬肉丸，賣相唔得所以無食，見到啲温泉蛋俾啲唔知咩湯浸住咁耐以為好有味點知連蛋味都無，冷麵都仲有少少味，所有燒烤嗰啲都ok，幾好味。刺身我覺得油甘魚/北寄貝/三文魚/象拔蚌ok新鮮，蝦/

其實多年前已聽過呢間餐廳既名，仲食過一次lunch，但晚餐真係未食過。早排同朋友傾開，佢有唔錯評價，於是我就決心一試。先講價錢、星期日$248一位，有蠔有蟹腳，有優惠85折，埋單兩位500有找，算唔錯。今時今日有生蠔既酒店buffet已經唔多，有都要300幾400起，250有得食已經好抵。雖然只係普通美國石蠔，但refuse超快，基本唔會有空檔，抵讚！而且蠔都算肥，有肉地，，出去買批發都要10蚊只，抵讚！加上本人腸胃甚差，次次食生蠔一打必呵、今次冇事，值明夠新鮮，抵讚！總括來講，單計食蠔已經回本，呢部分值$200。再講，有蟹腳食，雖唔算超甜，但都新鮮唔錯，呢部分值$50。跟住到其他日左產品。通常去食buffet，刺身係必搶部分，但可能啲人見有蠔同蟹腳食，竟然冇人排隊，要幾多有幾多，唔錯。而且選擇方面，有三文魚、八爪魚、希靈、赤蝦、甜蝦，仲有油甘，唔錯。本人唔太好三文，但見佢都夠肥夠新鮮、抵讚，油甘亦夠甜、抵讚！因為唔太餓，所以冇試太多，但整體來說都值$70。之後到其他主食，只試左幾道，但賣相同味道唔差，不詳談。甜品生果亦有提供，但真係比生蠔塞滿左，所以冇試，但mini size 既ca

佢除o左晚市做正式自助餐，午市做埋半自助餐o既。閒日去唔多人，唔使等位的。但是，餐廳唔會因為唔多人幫襯就唔refill d 食物o架，好有誠意。半自助餐係半自在在餐湯、沙律吧同甜品櫃。坐底$58/位 (未加一)，就係包晒以上任攞，另外可叫set lunch，$62 起，除o左上面以外會多一個main dish 同餐飲。所以其實只係爭$4，而且最平餐(「香煎脆皮雞扒飯配蒜蓉汁」) 塊雞扒係好大塊的。Set lunch 都有兩個menu，西、日式各一，西就扒o個類，日就拉麵刺身o個d 啦。咁我多人去食所以就減少叫一份set，等大家多d 空間去試盡佢d 沙律同甜品！生菜、蕃茄仔、紫洋蔥、粟米、青瓜等等自己砌到鍾意為止(但佢一格格o既餐碟唔係太方便，同埋有少少降格feel)，有6 款toppings，3 個dressing 任君選擇。甜品有cupcakes、焦糖燉蛋、tiramisu、puff 同桂花糕等等，首推椰汁燉蛋，好香班蘭o既味道；仲有北海道牛乳布丁，真係奶味特別香濃，口感黏口一d o架。另外仲有2 款湯同3 款生果未計落去。Main dish 我叫o左「芝士肉醬千層麵」($74)，有

今次去係同朋友預祝生日，每次係元朗食野佢地唔係大榮華就係百斗記，今次終於捉到佢地去西宮今次去到佢又有少少唔同左。首先Ｄ爐唔同左擺法，雖然食物就無乜變，多左個小籠包，豬手，Ｄ咖哩牛唔同左大舊左，連Ｄ咖哩汁都唔同左色，但佢依然萬年日式雞串，可唔可以轉下 ，我黎咁多次就咁多次都係雞串，比雞翼我食下好無多左個海鮮燴飯，睇落都幾靚仔，而且食落都唔錯，蘑菇汁好香濃。唔知點解Ｄ壽司咁大碟，但睇落就靚仔好多。同埋佢冷麵豆腐個Ｄ轉哂擺係呢度，仲係自己加冷麵汁添，之前加左拎出黎，有時鍾意多汁既人其實唔夠，呢個自己加既改動都幾體貼。凍盤，而家就黎夏天，間鋪冷氣又唔夠，就要留意了，雖然佢加裝左風扇，不過海鮮方面點都要注意下。佢地Ｄ蠔個晚都幾大隻，魚生都係唔錯，幾新鮮。最驚喜莫過於佢多左個爐即刻燒即刻食，最受歡迎既當然係大蝦，Ｄ人搶住拎，真係慢Ｄ都要再等過，其次有日本蕃薯同菠蘿同一種黃色既瓜，仲有雞皮（唔問都唔知係雞皮如果佢有燒冬菇就好啦...........不過超大油煙，無抽氣扇既咩？？？？大煙到一個點旁邊既燒牛肉依然好紅，我個人覺得生得濟無食到。本身已經有烏冬拉麵，而家仲多埋即炒意粉，個龍蝦汁意粉要一試。甜

睇咗好多食評關於西宮嘅！好多食評好壞參半，因為臨近母親節好多地方都爆左....唯一呢個地方好容易訂位就訂左呢間啦，咖喱牛腩冇牛肉味、燒牛扒冇牛扒味、凍食魚、蝦、蟹、生蠔不吃也罷！食咗一定發脾氣！太不新鮮！辣酒煮花螺啲螺好「梅」嘅！唯一可以推介小小的芝士Bar和一些小小小的甜品都可以一試！

食完睇返Ｄ食評機乎笑爆咀。所食所見：魚生得幾款，件件細細片，甜蝦細細隻，壽司細細粒，生蠔瘦蜢蜢，好似入咗小人國，冷盤、甜品…全部細細件，燒牛肉咬唔入，豬頸肉淡己無味....個杯咖啡最難頂？無下次！