西貢星 (已結業)

職員全部都好好禮貌，又會主動加水。二人晚餐＄188 餐牌內的選擇都夠：小食揀咗 1.泰式鳯爪，呢個有啲太辣，不過都勉強食到，飲多杯水啦唯有。2.泰式魚餅四件，呢個好好食，唔係急凍個啲扁嘅魚餅，係似手打魚蛋嘅魚餅，呢個正價好似都唔平。小菜揀咗 馬拉盞炒通菜，呢個略嫌細份同埋得啲莖冇乜葉，可能幾枱都嗌咗，分餸個時分得唔均。飯揀咗 越式菠蘿炒飯，同泰式唔同食法，呢個清清地唔錯，有生菜雞肉，比起泰式嘅花生提子冇咁重口味。仲有一個黃咖喱雞農夫包，有得揀豬牛雞，牛好似係牛腩。個包好大份，但係咖喱比較杰有啲似咖喱膏，就咁食有啲乾得濟，所以問咗職員拎少少咖喱汁來送包。另外叫咗杯 椰汁沙冰＄24，全晚最正就係佢，因為一望就知落足料，食到最尾甜品送來嘅時候都未溶哂，飲落勁重椰子味超正！(係金X都有嗌過，但係一上來杯野已經變水，一啲都唔似沙冰，擺一陣已經變返椰汁，味道都唔太出色)開頭以為咖喱包可以撈蒜蓉包所以嗌埋，跟餐嗌＄15三件，好脆好夠味。送嘅甜品係南瓜糕，有啲南瓜粒，不過好實同冇味。因為我唔食南瓜所以嗌咗份泰式千層糕＄13三件，原來係熱嘅，即叫即蒸。總結：埋單＄240，一至五免加一，會因為杯沙冰再來食

出到荃灣想食下越南野，openrice 搵到呢間諗住試下。叫左個2人餐：菠蘿海鮮炒飯，西貢星咖喱雞農夫包，粉絲皮春卷，泰式魚餅，馬拉盞通菜，糕點好似好抵好多野食。但係食物一d水準都無。西貢星咖喱雞農夫包：所謂既招牌菜，但係咖喱無咖喱味菠蘿海鮮炒飯：一d味道都無既炒飯泰式魚餅：未試過食d魚肉咁鬆既魚餅糕點：似芒果加椰汁糕，味道好奇怪，口感極差食完餐飯，心情好差！以後都唔會再幫襯！

係荃灣好有茶餐廳格局既越南餐廳，娛樂廣場對面條馬路，之前食過幾間越南餐廳，多是變種菜，咪道過得去。我叫左下午茶餐送熱飲雙拼撈檬牛丸普普通通，香茅滑雞有香茅味嘅雞柳，唔算太鹹，不過好過就咁叫雞絲豬頸肉米紙卷都幾多菜，同埋出面好少用豬頸肉包米紙卷，似樣菠蘿炒飯只用左扎肉同雞柳炒，菠蘿都係罐頭菠蘿（唔係太多罐頭菠蘿嘅超甜）但加左炸蒜頭，其實好香，雖然之後好似有喉嚨痕，同埋碟飯好大！

山長水遠去左荃灣睇傢私轉眼間已經係下午茶時間誤打誤撞發現左間越南店, 天氣熱就拿拿臨入左去醫肚我地叫左生牛肉泡飯同豬排湯金邊粉，黎到超級大碗, 女仔一定食唔晒, 男仔會好飽, 三十幾蚊黎講好抵食水準方面都ok, 湯底清甜夠熱辣辣, 配上香草和芫茜, 上菜時真係好香, 金邊粉夠滑...不過豬排似炸左好耐, 有order先熱番比客人, 所以食落有D油益味, 扣左少少分整體不錯, 會再幫襯

誤打誤撞入左黎下午茶，一碟下午茶炒粉麵要$39，星期六日要加一。我地叫左炒粉皮同炒金邊粉，黎到有D嚇一跳，超級大碟，女仔一定食唔晒，男仔會好飽，佢地既份量唔係下午茶係晚餐size,$39好抵食，不過忘記影相，除左份量十足亦好足料。餐飲加$6轉特飲，三色冰好特別，黃色係大樹菠蘿肉，其實我唔食大樹菠蘿，不過加落三色冰有幾夾幾好味！

經過見到有越南菜,好耐冇食過,見到門口相片幾靚,就入去試下,剛4點左右,下午茶時段,因為好肚餓,就叫左但魚露雞飯試試,$42一碟,其實諗住下午茶唔會太大碟,來到時見到,都幾夠份量,都好多件雞,亦好滑,加埋佢個辣汁點雞,好好味,仲係雞油飯,好正,可能太肚餓,覺得啲飯唔夠多,好快比我食哂啲飯。

在荃灣發現新開越南店，最愛食撈檬，立即試，晚餐時間約7點，2人被安排坐4人位，方便放袋，點了2粉+1菜，份量十足，大大碗，大大碟，味道不錯，食得心滿意足後還送上2碗西米露。埋單時，已有人在等位，服務員態度好，雖然店細，但不會催迫客人埋單。呢間會再幫襯。

其實荃灣嚟嚟去去十間有8間都係食米線嘅鋪頭~再好食嘅~都食到厭哂~最近發現咗呢間西貢星~食咗都有3~5次~水準都ok~開始愛上咗~生牛肉湯河~湯底清甜夠熱辣辣~配上我唔知佢叫咩名嘅葉~草~芫茜~做配料~好香~河粉夠滑~正~加埋辣椒粉重正~椰子沙冰~椰味重~大大杯~一個午餐40蚊~有呢個水準~讚~讚~讚~

之前嚟過食過幾好味，所以今日又嚟試吓，點知大失所望我哋柯打咗無骨鳳爪，因為上一次食好好味，所以今日再柯打，但味道同上次完全唔同，又唔酸又唔辣 另外牛根河就一般，牛根無乜味，係個河粉叫做幾滑，都算ok啦而個蒜蓉芥蘭就真係差差差，無蒜蓉味，芥蘭又老，真係老過我太嫲最後杯木瓜奶，淡而無味，真係唔會再嚟

我哋一行三人，非常肚餓地中咗入呢間泰國菜，我哋叫咗雞河豬扒河，雞翼粉絲，無骨鳳爪，嚟先嘅係無骨鳳爪，我食得辣嘅都覺得都幾辣，小朋友直頭食唔到再嚟嘅係豬扒河，啲豬扒有少“鞋”，但河粉ok，再嚟嘅係香茅雞翼粉絲，雞翼好好味，粉絲湯底一食就知係史雲生清雞湯底再嚟係雞河，啲雞好滑，值得推介總括呢間都算ok次作。

朋友建議到呢間泰越餐廳試下，原來星期一至五都唔洗加一，一於試下佢入面好細，大多二至四人坐位，好似我地五個人就要加多張枱，而且好迫好嘈，不過我地至在食，所以都冇乜所謂。我地叫左木瓜絲大蝦沙律，諗住清清地，點知原來好辣，酸酸辣辣好開胃，確實係一個不錯的前菜，如果多番啲蝦就perfect^^要左個越式炒粉皮，好有獲氣，不過稍微咸左啲，但都接受到。咖哩豬排農夫包則較為失色，好乾身，冇乜汁，而且好少豬排，淨係得薯仔，個人覺得呢個麻麻，可以不試。小食方面就叫左拼盤，樣樣都有啲，唔洗諗，拼盤有豬排，雞翼，紮肉，蝦餅，魚餅同春卷，岩哂我地呢班食肉獸，由於蝦餅同春卷實在太好味既關係，決定再叫呢2樣！食到最後原來仲有甜品送，係芒果椰汁西米路，椰味相當濃郁，為這頓晚餐送上完美既句號。

I was in the area so tried this shop because they had baby lotus root salad.The last time I had it was at a Japanese restaurant where there was only one as a decorative element.The lotus roots are really cute, they are like thin rods with six capillaries. They were crunchy drenched in delicious sweet garlic sauce.The boneless Thai feet salad was also good but it was a bit too spicy for me.After I left, there was a local TV station filming that shop.

此店已經幫襯過好幾次，一直覺得質素非常唔錯，經濟抵食之餘，環境也令人坐得舒服，食物的選擇頗多，但以晚市套餐而論，當中以海南雞飯最啱本人心水，雞肉滑嫰無骨，$55 能有此等質素，絕對跑贏好多同類食肆！

身處荃灣，又要傷腦筋吃什麼。醒起還未到過眾安街的西貢星，老媽子都話想試，就去食越南菜了。老媽子點菜，看她好不容易的，選了三個餸。第一道是香茅豬扒，幾香口，不會硬轟轟，而且份量不少。其次是扎肉煎蛋，蛋煎得香，而不失蛋汁，配上扎肉都算合拍，只是內裡也混入了九層搭，那股味道不是人人接受到，我則當然沒有問題。再來個菜，蒜茸炒芥蘭，是惹味，不過偏硬，要考一點牙力。價錢不貴，份量夠大，在荃灣區應有一定市場。

門口阿姐正在叫喊: 午餐唔洗加一, 重送飲品!  咁就把我吸引了入店內 ......蘋果綠配白, 一室優雅揀選了午餐A 金牌海南雞飯, 既然自稱為金牌 ... 實食無痴牙!要來的始終都會來...看來今天運氣不錯, 廚師賞我一隻去骨雞肶呢 ~雞皮爽脆, 皮下可見有一層啫喱狀的骨膠原, 肉質嫩滑得來有彈性, 入味之餘雞肶的生熟程度也拿揑得準確；沾雞醬只得這款酸辣醬, 蒜味較濃, 可是我並非用它來沾雞, 而是撈飯, 雞自己已經好夠味!黃飯聞到有香味, 但是食卻只得白飯味, 飯質偏削又無油水, 唔用酸辣醬撈飯點得!跟餐叫了杯奶茶, 茶味一般啦~