西貢茶記

营业中

休息中

今早出海前食返個早餐，便快點了份沙嗲牛肉麵餐。 即食麵底好差，上枱時硬的，湯底十分淡，而主打的牛肉好幾塊是靭的，不好食差評！ 其他最好的是多士和餐肉，但早餐試一次好了😓

今日入西貢玩水好想食個茶記早餐先沙嗲牛肉公仔麵 - $46個沙嗲牛肉唔會整到好淋咬落都仲有質感嘅公仔麵都唔會太淋值得讚吓嘅係食完唔會好頸渴雪菜肉絲米粉 - $46好欣賞個米粉好滑好好味雪菜肉絲甜甜哋幾開胃餐肉加蛋呢個真係一個無敵嘅組合用嚟夾包真係百吃不厭雖然好邪惡-牛油厚多/蒜蓉厚多有蒜蓉嘅厚多士好似都唔多地方有不過本人麻麻地蒜蓉所以食返普通牛油多就好了多士中間都幾軟熟凍檸茶正常發揮如果個茶底濃多少少就好-熱奶茶唔知有無人都鍾意飲奶茶唔落糖呢？個人就覺得唔落糖好飲好多呢杯奶茶都幾滑口唔會好澀仲要凍熱飲同價即刻感覺抵咗

早餐時間8-9點入到去，啲伙記態度麻麻地，話2位又無人理咁好啦我自己搵位坐。想搵人落單叫咗好多聲都無人理，樓面有4-5個伙記，絕對more than enough，但係個個掛住打牙骹無人serve客，叫咗幾分鐘先有人埋嚟落單。好啦，我當你「茶記」無服務係咁㗎啦，不過好戲在後頭。個早餐五香肉丁麵腸蛋蒜蓉多士，個麵仲生生地嘅，其他都中規中矩。餐飲叫咗杯茶走，飲咗兩啖，因為趕時間咁朋友就埋咗單先，我就諗住飲埋杯嘢先走。點知我仲飲緊嘅時候，個樓面阿姐二話不說就掉咗垃圾落我杯茶走，執枱趕我走，大佬我仲飲緊杯嘢喎隻手仲未離開過。咁我就話佢知「我未飲完個喎」，個阿姐好冷淡話「咁要唔要沖過杯畀你吖」，但係我趕時間等唔切就話「唉，算啦唔使」，個阿姐頭也不回就咁走咗，唔好意思 / 對唔住都無一句，呢啲「茶記態度」真係頂唔順。總之我就唔會再幫襯呢啲「茶記」，亦會叫晒身邊所有朋友入西貢唔好食呢間茶餐廳。永不錄用，以上。

食物質素好普通,不過服務員特別那個女是老闆娘,態度惡劣十分勁差,呼喝客人,不了解客人的需要,逼客人坐在同一張枱而當時有好多空枱,普通歺館也比它好.............總之而言服務態度不好,他們應該提高質素辦理餐廳生意！

經過喺山上享受流星雨、雲海、日出同冷空氣嘅熬煉，晨早落返西貢市中心嘆返杯咖啡奶茶，食返碗沙嗲牛麵，真係人生一大樂事。即磨咖啡加六蚊就飲到，非常香濃。凍咖啡同凍奶茶亦做得唔錯。奶醬多有原粒花生，勁有咬口。蒜蓉多士亦烘得好香脆。沙嗲牛夠濃。

成10年無入過西貢啦入得嚟除左行下影下相就梗係要食下嘢啦不過果邊啲西餐酒吧都唔平索性食下茶記入到去已經見隔嚟枱叫炸雞翼後面枱叫炸雞脾（勁大隻）咁我都叫下嘩，一食……驚為天人唔怪得咁多人叫即使價錢唔平勁夠熱勁多汁啲肉好嫩雞皮調味好好個沙律無咩出水都合格嘅另外一個餐豬扒麵蒜蓉多士加奄列就相對上比較普通啲湯底睇落都有啲淡口其他都係普普通通係得個炸雞翼真係好鬼死正可能改做炸雞專門店仲受歡迎呀隔嚟枱姐姐同我講個羅宋湯粉都好食下次有機會我都試下先

每次來西貢都係我地指定飯堂，價錢比其他茶記貴少少，食物質素控制的好係值得嘅，每日午餐有變化有心機，可惜依家真系越來越差，已經俾左好多次機會佢真心失望🙍伙計走完一個又一個對客人態度極度差。

作為住係西貢區既港女，平時係市中心只會食cafe ，自從發現到呢間野，好似發現新大陸咁！我已經連續2日食佢地午餐，真係好好味，午餐有晚餐小菜級數！鮮魚、川辣雞、一口牛全部都好好味（汁味好濃🤤🤤🤤🤤，用來撈飯一流。）加上一大碟，肉既份量非常足夠。最重點係奶茶真係好好味（飲品係成個午餐既精髓）。昨日堂食、今日外賣、質素都有keep到、外賣盒、飲品杯既quality 都好好、唔係發泡膠盒！我好少寫食評，但真心推介呢間茶餐廳！

區內居民，星期日諗住同老婆嚟食個午餐點知中哂伏！！老婆叫個酸辣粉真係用好難食嚟形容好似有陣up味咁唔酸，有辣味，但唔香應有嘅配料都冇…真係請我都唔會再嚟食呢間野一開頭咁多人，以為好得未試過其他炒粉麵但應該唔會再試。1/10 完

今日去西貢，吃了午餐才開始活動，「西貢茶記」好似唔錯，餐牌選擇也多，入內見到有個字體不錯「西貢茶記」招牌，好醒神。艇家魚麵推介是我想嘗試的，記得第一次吃魚麵是在潮州，當然風味有點不同。茶記的魚麵有好多配搭可以選，雞翼、雞扒或豬扒，還可以拼魚腐、蝦卷、豆卜、魚蛋等。「豬扒鮮炸蝦卷魚麵」豬扒入味稔身，炸蝦卷彈牙好味，魚麵幾好吃，但魚味不重。「胡椒豬肚雞湯飯」湯味好濃充滿胡椒香味和辣味，好暖胃，雞件看上去唔滑但原來都幾好味，鹹菜，中國芹菜都充足，配上白飯一流。他們的奶茶放在一個漂亮的杯子中，茶色很靚，飲落充滿茶香。

西貢有很多茶記，嘗試了幾間下午茶雞脾，此茶記令我喜出望外。雞脾可選擇拼薯條或沙律，價錢比附近茶記貴一點點。雞脾入味，不用再點任何醬汁，雞肉嫩滑，雞皮不會過韌。薯條即炸，熱辣辣，上碟已灑上椒鹽，雖然份量不多，但非急凍薯條，值得一讚。

「西貢茶記」最初在西貢「萬年街」營業的時候，在食客裡面得到的評價，也不是一開始就一帆風順，也有食客對「西貢茶記」的食品感到不滿意，但是「西貢茶記」至少到現在還未結業。不過在西貢老牌著名食店「龍X餐廳」旁邊舖位開店，委實不容易支撐下去，連同「西貢茶記」在內，已經有兩間茶餐廳關門結業，「西貢茶記」現在也需要搬遷到前「耀記私房菜」舖位繼續營運下去。搬到新舖位繼續營業的「西貢茶記」，樓面擺設對比以前的舊舖位，最顯著的分別就是新「西貢茶記」多一部電視機，本來「西貢茶記」樓面是會有電視新聞臺陪伴食客一起用餐。不過，我光顧「西貢茶記」的時候，「西貢茶記」樓面的電視機就忽然關閉起來，沒有播放電視新聞臺了。至於現在的「西貢茶記」下午茶茶餐，下午茶食品選擇算是頗多，由碟頭飯到茶餐廳風格炒粉麵，到甜味麵包多士，再到中式湯粉麵食品，都一一俱全。恰巧我又遇上中午還未食到「牛腩」，所以急需需要在下午茶時間裡面，食到有「牛腩」的下午茶，在「西貢茶記」的下午茶餐牌裡面不斷翻查。結果皇天不負有心人，我終於在「西貢茶記」的下午茶餐牌裡面，找到一碗價錢不算很昂貴的「柱候牛腩湯河」，配凍飲飲品都只需要港幣三十六元而已。由於「

西貢最難食之茶記 難食之中算是NO 1 店舖老細仲以為自己D食物做得好好。老實說:在西貢區內食客。大部份是區內客，亦即是叫做街坊甚至是鄰居。為顧全大家面子體面，當然話好食。個老細咪自我感覺良好。以為真系好食。

今天去了西貢一日遊，行下又影下相，盡情享受源源不絕的陽光，老實說，真係幾熱🥵中午食完甜品，下午茶時間比較難揾位，朋友介紹就去左茶餐廳，呢度等左一陣就有位，估吾到份量又幾多，一個人真係食吾曬一碟，同朋友share左個厦門炒米，夏天食呢個感覺涼D😆