西貢街頭越南牛肉粉

营业中

休息中

行過見公司附近開咗間新嘅越南菜，門面又幾光鮮，鐘情越南嘅我當然就唔會放過。綜合牛肉粉($73)裡面有生牛肉，牛腩同埋牛丸。牛肉湯底超鮮，生牛肉又香又好軟熟，係當晚嘅最愛。牛腩亦都煮到腍好有肉香味，牛丸亦非常彈牙。而且仲好大碗，加埋個飯我地兩個人到飽哂。椰青扣花腩肉飯($88)呢個造型幾新穎，一個椰青裡面竟然裝到好多舊豬腩肉，好似食極都唔完咁。腩肉燜到好腍，入口即溶嘅感覺，加埋好多香料去煮，味道一流。仲附送天然棷青水一杯添呀。眼闊肚窄嘅我地仲點咗一個菠蘿豬頸肉越南米紙卷($52)味道幾清新，可以解一解食太多腩肉嘅膩個menu上面其實仲有好多item想試試，既然咁近我公司，絕對會同同事朋友黎多幾次。

放學之後， 突然間又想試下食越南嘢 ，咁岩附近有越南餐廳， 餐牌內選擇好多有特色嘢亦都有一些新野， 餐廳環境舒服， 座位很闊落， 適合大家聚餐 ，我和朋友嗌咗一個菠蘿海鮮炒飯，豬頸肉， 春捲 ，當中海鮮炒飯比較足了適合三個人以上進食 ，春捲不過不失，正常香脆可口 ，無油膩的感覺，而最特別的是雞蛋咖啡，與街外或連鎖咖啡店的口感非常不同，可以一試。

今日專登出去灣仔同朋友食飯,疫情下面難得嘅外出揀左呢間西貢街頭越南牛肉粉,環境裝修明亮,一坐低就俾兩個紙袋我地用黎擺口罩，幾貼心我地嗌左一個越式炒金邊粉 hkd 106， 大頭蝦膏炒通菜 hkd 68,冬陰功海鮮湯河粉 hkd83， 芒果軟殼蟹米紙卷hkd56， 仲叫左兩個野飲,分別喺熱情果菠蘿特飲 hkd 32 同一個椰青 hkd 38啲嘢食都好大碟, 兩個女仔都差啲食唔哂金邊粉炒得好有鑊氣,裝配左好多花生 炸蒜頭，再配埋是差喇辣椒醬。。。正呀， 芒果軟殼蟹米紙卷包得好靚,芒果仲好甜。。。呢個 一級推介兩個女仔食下傾下,咁又一晚

好友聚會，無意中聽到兩位在灣仔上班的朋友交換飲食情報，提到克街有間主打越南牛肉粉嘅食肆。聽說店裡的牛河，水準唔錯，好味又正宗，所以已經即時 mark 低左。這天剛好要來灣仔，辦完正經事，就特意過去試下。餐廳門面好新淨，用上象徵海洋的蔚藍色為主調，配上白底黃字招牌，睇落好醒神。由於來到時已過了繁忙時間，所以不用取票便可以直接入座。原來店內裝潢亦好有特色，同樣以湖水藍色為主，再襯以金、銅兩色，觀感和諧，低調中滲出一份貴氣。原本諗住嚟食正餐，但入座後發現原來晚市仲未開始，只有下午茶餐供應，咁就一於改吃 Tea Set。我哋揀咗兩個餐同兩款小食。餐廳主打越南 Phở，一場來到，當然唔可以錯過。選了綜合牛肉粉 ($52)，湯粉份量頗大，有生牛肉、牛腩片和牛丸，就算是男生來吃亦應該夠飽。先喝一口熱辣辣的牛湯，味道醇厚鮮甜，飲完滿嘴有牛骨香和香料芳香，兩者香氣平衡。牛肉肥瘦比例甚佳，有厚度，入口嫩滑無渣，而且食落仲帶點牛脂香。牛腩軟腍有肉味，而牛丸亦有咬口。河粉薄而滑，帶少少煙韌，吃到最後仍然彈牙。越式傳統街頭法包 ($46)：法包內夾滿了酸蘿蔔、青瓜、扎肉、豬肝醬及豬腿肉等，入口外香內軟，餡料清新

👉近期愛上東南亞菜，今日食越南嘢 😋呢度門面玻璃通透，光猛乾淨，比起傳統越式食店都有好大分別，頓時加分呀！.📌香茅豬扒湯河 $62 ⭐️⭐️⭐️賣相唔錯，都係豬扒另上。湯頭清甜，河粉嫩滑，豬扒都入晒味。碗河粉份量大到呢，大食男都夠飽😁📌椰青花腩肉飯（跟椰青水）$88 ⭐️⭐️⭐️⭐️見佢幾特別就試吓啦，嚟到都幾大堆頭。 原個椰青倒起D水，椰青水跟飯比返你嘅。五花腩肉就放入椰青上枱，成個椰青都放滿豬腩肉，絕冇其他配菜，非常抵食！豬腩肉炆到入晒味，肥瘦適中。食晒D豬腩肉，記得食埋D椰子肉，包有驚喜😉📌西貢脆春卷 $48 ⭐️⭐️⭐️熱辣脆口，包上生菜🥬即時為健康加分。酸蘿蔔絲成為開胃之選👏📌椰汁冰🥥 $26 ⭐️⭐️⭐️滿滿嘅一杯，甜度適中夠濃厚，正！

係灣仔呢間越南🇻🇳粉店門面都幾大間，雖然位於橫街，都幾搶眼，所以今日放工散下步去到個度就決定食埋個晚餐。雖然而家淡市，但都坐左一半客人，而且店入面都好光猛同乾淨，感覺良好。因應而家疫情😷，仲每個客人派紙袋同消毒濕紙巾，既衛生又貼心👍🏼👍🏼!!我揀左生牛肉牛丸🐮湯河，男友就要椰青腩肉🐷飯。冇幾耐就黎左啦，廚房一來都好快手，而且湯河一睇都知好新鮮! 生牛肉切既厚度剛好，平時就係鍾意佢生生地咁食，而家感覺上食熟D會安全D，所以浸湯浸多一陣先食，但都無損佢既新鮮肉香，而且冇筋。湯底清甜，落唔落青檸或辣都可以。配菜都一樣夠新鮮，芽菜都好爽甜。牛丸也好彈，高分合格!🍜 加上價錢大眾化，真係值得一試。腩肉飯🍛都好有驚喜，首先份量真係冇得輸，成個大椰青🥥都塞滿肉，幾大食既男人都一定夠呀! 而且腩汁香甜，肉都炆到好入味，再加上淡淡椰香，好食! 🤩椰青既水都會畀埋你當餐飲，同個飯當然夾啦。如果再有多條菜就會更加好，唔駛只有肉同飯。除左飯麵我都一定會食軟殼蟹🦀米紙卷，呢個係我必食既飛佛! 呢度都係大路款配芒果什菜絲，基本路線亦好有水準，芒果🥭超鮮甜，軟殼蟹當然好香脆而不太油膩，襯埋D新鮮什菜🥒🥕絲當然好食。

這段時間克街上的店舖大多提早關門，晚上有一餐廳燈火通明坐滿食客，決定一試座位大部份為卡座或者沙發座，寛敞舒適除了門口位置的消毒搓手液外，餐廳為每為客人提供消毒濕紙巾及一次性紙袋暫存口罩，十分貼心來到這裡當然要點招牌菜生牛肉牛丸湯河粉！ 牛肉色澤粉嫩、熟度適宜！湯底鮮甜帶芳香！河粉帶有濃郁米香曾為法國殖民地，法式牛柳粒融彙中西方飲食特色的變化，香嫩多汁而富咬勁整天帶著口罩喉嚨乾涸，熱咸柑桔水有淡淡的檸檬酸，馥郁的橘香可舒緩喉嚨不適

收工約咗友人去灣仔食飯，喺克街見到呢間越南餐廳想試下。我揀咗街頭生牛肉湯粉，湯粉上面加咗香葉、洋蔥、炸蒜等調味配料。牛肉上檯時仲保持血紅色，可按自己喜好浸返幾多成熟。湯底香濃鮮甜，同越南食嘅味道差唔多。友人就揀咗生牛肉牛丸湯粉，同另一個相比少咗兩三片牛肉，多咗兩粒牛丸。牛丸咬落彈牙爽口。鮮蝦扎肉米紙卷好足料，中間有米粉、蘿蔔絲、扎肉、生菜、韭菜同鮮蝦。口感結實，點上甜酸汁開胃又好味。價錢雖然唔算平但份量十足，另外因應最近疫情餐廳仲提供濕紙巾同紙袋放口罩，好貼心！

舊年年底開嘅新店 鍾意試新野嘅我點都要試下七點去到 已經滿左一半 好彩仲有有卡位坐藍白色嘅主調 燈光光猛度足 感覺摩登 同食開嘅越南店好唔同餐廳好貼心咁提供紙袋裝口罩 非常抵讚-👍🏻綜合牛肉粉($75)有齊生牛肉 牛腩片同牛丸湯底清甜 味道相對清淡好彩有青檸同辣椒 加左惹味啲生牛肉粉嫩 牛腩片牛味濃郁 牛丸爽口多汁-👍🏻河內鮮茄蟹膏湯檬($78)蟹膏份量豐富 蕃茄味濃郁 有成四隻蟹腳粉好足料 食完會夠飽 而且冇煮過頭-👍🏻鮮蝦扎肉米紙卷($52)米紙透薄 包住蝦 扎肉 生菜 薄荷葉 蘿蔔絲入口清爽 薄荷葉香味慢慢滲出蘸越式魚露食 酸香令人更加醒胃-📍西貢街頭越南牛肉粉 (灣仔)灣仔克街6號廣生行大廈地下C及D號舖

這晚餓底在灣仔收工，肚餓到打晒鼓，決定就在這區解決晚餐！一個人通常都食粉麵類，於是來到這間越南餐廳。疫情下，餐廳提供紙袋裝口罩，又提供濕紙巾，好貼心的安排，讚一個！本來想叫個牛肉粉，但見到有冬陰功湯粉，餓底隨即眼前一亮，就是它了！寒寒地的天氣最適合食辣野。冬陰功海鮮金邊粉這個顏色，睇到就已經開心！飲啖湯先，好濃蝦味！湯頭夠鮮了，作為麵湯湯底，呢個冬陰功既酸辣味好濃但唔會過份，加埋粉一齊食就剛剛好，餓底邊食邊飲左大半碗，正呀！

今日約了朋友去灣仔吃東西朋友喜歡吃越南菜就選擇了一間新開的餐廳來試試一進到去侍應俾了卡位坐 非常舒服然後還給了一個紙袋和濕紙巾 紙袋可以放口罩在入面 非常體貼！這個要加很多分！ 看看餐牌也很平民化 大摡60多元一碗河粉我們二人叫了清沅蒸粉包 $52，生牛肉牛腩片河粉 $68，保寧雞絲扎肉撈檬 $66菜式很快便上到，份量非常大 河粉上邊放了很多九層塔 湯底清甜 牛肉爽滑 非常好吃撈檬放了很多炸蒜頭 和新鮮蔬菜 配上醬汁吃味道一絕蒸粉包一客四件 內裏滿滿的材料 好吃的豬肉 必吃的小吃這兒價錢相宜 份量夠大 非常適合來吃個簡單的晚餐呢！

今日到灣仔電腦城，行得累了，便到附近的餐廳吃晚餐。路經這家店，裝修美侖美奐，而且帶一點法越式風情，加上定價唔高，一於試試看。生牛肉牛丸湯粉$68這生牛肉牛丸湯粉無論生牛肉或湯粉的份量都十足！生牛肉大大片，半瘦帶肥，灼至半生熟，口感嫩滑，沾上越式甜醬和辣醬，越式風味十足。牛丸彈牙又爽口，而且充滿肉汁和牛肉味，不錯。金邊粉的份量真是多得很，吃極也吃不完，相信男生也一定夠飽肚。綜合牛肉粉$75這綜合牛肉粉有齊牛三寶：生牛肉、牛腩片和牛丸。牛肉粉湯汁清澈唔油膩，帶有牛骨鮮味，雖然不是驚豔的感覺，卻有樸實的越式街頭湯粉的風味。大大件牛腩炆得夠腍身，加埋嫩紅的生牛肉和爽彈牛丸，材料豐富，感覺滿足。馬拉盞通菜$68馬拉盞通菜炒得香惹味，微微的辣，略帶鹹香。由於採用幼身的通菜，令通菜更加軟嫩入味，好吃。這餐廳很貼心，用餐時為客人送上濕紙巾和紙袋裝口罩，在收銀處還有揉手液，真係有心思。

行開灣仔想搵個地方歇下，當然帶朋友來我常去開的西貢街頭食越南粉，呢間越南餐廳也是我特別喜歡吃的一家。首先點了兩個主食先，一個係我最鍾意食的生牛肉粉，湯底正宗熱辣辣，生牛肉粉最重要係牛肉要半生熟，之前才慢慢變熟，這樣就一流啦。另一個係朋友揀的豬排撈矇，豬排份量多同大大塊，而且亦十分夠香脆，而檬粉也能做到爽口彈牙，水準不錯的。我們點了兩杯沙冰，一杯係我最愛的牛油果沙冰，面頭還有三片好新鮮的牛油果，鍾意牛油果的真係唔可以錯過。而朋友點的是椰汁沙冰，也是滿滿的椰汁味加上有點彩色jelly, 大人小朋友都一定會好喜歡。呢度環境都坐得舒服，我同朋友邊吃邊聊度過一個開心的晚餐。

西貢街頭越南牛肉粉主打越南菜 店舖個名有“西貢”兩個字 但其實個位置係灣仔🤧一入到去會見到裝修以藍白色為主 周圍燈光都好光鮮 大部份座位都係卡位☺️.👉🏻素扎肉撈㩚素扎肉口感比平時食嘅厚實一碗有大約6片 份量好足夠撈㩚可以配自家製醬料 味道酸酸甜甜㩚粉比較多且粗身.👉🏻熱情果菠蘿特飲有氣梳打再加熱情果味糖漿味道自然 都唔會過甜有好多粒粒菠蘿🍍🌟🌟🌟店鋪定價有啲高 建議可以加設套餐 等客人可以食到主食之餘又可以加少少錢就有一杯飲品👅——————————————-西貢街頭越南牛肉粉灣仔克街6號廣生行大廈地下C及D號舖

初頭睇見呢個名真係以為係「西貢」😂殊不知禁入Openrice個網頁到先知原來係灣仔仲要係越南菜添！當然要去食下啦🙈.🔸環境打卡指數：🌕🌕🌕🌕環境乾淨企理，以水藍黃作為主調少左一分傳統越南風味，但多左一分摩登Feel室內燈光光猛👍最值得一讚嘅係，由於最近肺炎肆虐店員會用消毒水抺枱仲貼心地為客人準備紙袋，供放口罩呢點真係要比個叻佢！雖然只係小事但吾係間間餐廳都會做架😎比到客人信心之餘，食得都放心D啦👍.🔸餐牌抵食指數：🌕🌕🌕🌗屬中等價位，但款式真係幾多😂部分做好有特別添，真係想樣樣都食哂佢🤣.🔸順化香茅豬扒飯 $75美味指數：🌕🌕🌕🌕🌖食越南菜，我一定會揀香矛豬扒飯😈如果話韓國菜最出名嘅係炸雞咁越南菜最出名嘅就係香矛豬扒飯啦😂豬肉賭香矛醃得好入味，再香煎至金黃色食落外酥內嫩，肉質梅腍，仲富有肉汁架！表面放左蔥油同炸蔥做點綴～旁邊有酸蘿蔔絲，青瓜做涼菜最特別嘅係「越式玉子燒」🤣玉子燒加入左多種配料如粉絲，香菇，雲耳，肉碎，香葉等口感豐富，仲好香口架！.🔸河內番茄蟹膏湯蒙 $78美味指數：🌕🌕🌕🌕睇得出嘅用心，食出嘅高質以鮮蕃茄熬煮而成嘅湯底湯頭自然鮮甜配料仲要係落足料又好豐富有半隻大蟹，札肉