西貢金雞海南雞

营业中

休息中

這家店就同普通小店一樣，沒什麼特別裝修可言，不過都算幾乾淨整潔。MENU都簡單過人，不過因為太肚餓，所以諗都冇諗就嗌左個金雞餐首先黎既係老火湯，睇落就唔似味精湯，又有料湯色又濃，仲有舊肉tim。飲落鮮甜可口，不過我唔係太like南瓜，所以飲左半碗就冇飲，不過味道係令人開胃既等左五分鐘，海南雞飯就送左過黎lu。雞肉已經去了骨，食起來簡單方便，有d餐廳係話自己去骨，但係又去唔哂，呢間就真係成隻雞一粒骨都冇。雞皮又黃又厚，肉質好嫩滑。不過要數佢既地方係就隻雞冇乜雞味，不過呢雞皮就好香軟，所以夾埋一齊個口感都係ok既!!

在香港要食到似模似樣的海南雞飯有一定程度的困難，很多店的雞要不是不夠滑就是飯太油，這裏是不錯的選擇。確實店內很樸實叫了個中型海南雞飯，三款醬汁做得不錯，無骨雞滑，飯是一粒粒很均勻，每粒不會有多餘的油份，而且有彈性，很乾身 元碲飯的汁太濃了，吃著吃著很快就覺得膩了，而且完全掩蓋了元碲味

難得無帶飯 緊係join同事一齊出去食啦佢地帶左我呢個鄉下妹去食海南雞飯 人叫我叫 叫左半份雞加飯哇 海南雞比出面食嘅肥大好多唔會太肥 咬落好嫩滑 配上雞油飯香得黎唔會太油 好好食😋😋當然少不了配埋餐廳嘅醬汁 更加好食

荃灣真係好多好野食今次食去骨海南雞飯，非常不錯。唔好睇鋪頭up dup,食物質素好驚喜，南瓜湯足料，好味。海南雞去骨，好細心，雞肉嫩滑，食過翻尋味！油飯好香，但略嫌油左啲，食完飯個碟仲剩好多油，感覺有點膩，不過好味$48/大，性價比很高，小店也有很多人幫襯喔！

落雨嚟到荃灣，都仲見到好多食肆有人排隊。但又想食海南雞飯，行過呢間聲稱自己係西貢海南雞飯，價錢一般，所以入去試下。起碼佢唔駛等！佢有就咁海南雞飯餐，50蚊有找，都有人外賣，但我地見有2人餐，就叫咗一個，加埋飲嘢（凍檸樂加8蚊），2個人就$17X喇～舖頭地方唔算大，所以坐得一般，嘢食好快就上到。我就未必會再食第二次，因為真係一般啫

下午茶份量只有一碗大家樂細細碗叉燒飯嘅size。我明明係嗌魚蓉肉餅，點知啊姐上左海南雞飯，我又矇盛盛食左一舊因為一開始諗左好耐雞好定肉餅好。我同啊姐講，啊姐就冇乜禮貌咁話你啱食架啦價錢一樣你都唔使加錢！跟杯少甜凍奶茶，聽住啊姐就咁嗌入廚房話爭杯奶茶又冇講明少甜，上個時問佢係咪少甜佢話我張單冇寫但係廚房知，佢地先冇理！結果我個杯奶茶其實冇少甜到囉。埋單 連凍飲＄33其實唔抵。呢間野係幾好食但係啲啊姐真係趕客架囉！

係星加坡,泰國都有食海南雞飯,價錢平,油飯香,醬汁正,但雞唔夠滑,金雞-雞滑,但其他就有待改進。香香滑滑去骨海南雞飯(大)配上一碗無味精健康南瓜青紅蘿蔔湯$48元,覺得超值~如果男士怕唔夠飽。店舖骨子整齊,簡簡單單,望落全部都係長方枱仔。門口不時有個阿姐招呼客人及幫外賣客落單,今晚反而好多外賣客,一隻雞咁買走。雞很香滑,飯係油飯,但略嫌飯有點乾,唔夠香,唔會一口油,真係好矛盾。另配有三小款醬汁,黑醬油,蔥油及雞醬真係好少囉,唔夠點,黑醬油唔似星加坡嗰種黑,甜,唔太濃密。例湯:非常正,一碗南瓜紅青蘿蔔湯,無味精,飲落仲有清甜馬蹄味,湯入面仲有三大件紅青蘿蔔,一餐飯就係咁簡單亦健康。

係荃灣住咁耐都無食過金雞，多得朋友推介，我地黎到一嘗！ 我地叫左無骨海南雞飯同香煎手打魚香肉餅，40多元還跟一碗香甜既南瓜湯，價錢商當討好~第一次食煎既肉餅，幾特別呀！煎得好香脆！好香咸魚味，又唔油膩，海南雞飯都唔錯~~~

途經路德圍，因為得兩個人，諗唔到食咩，所以就入左呢間試下海南雞，價錢大衆化，海南雞夠滑!外賣一隻先$128低食!我聽到堂食個叔叔要海南雞走皮都一樣做比佢!美中不足係冷氣唔夠亦都唔好期望地方好大，但係總結係今時今日，一分價錢收到多過一分既美食，已經好唔錯!

今日聽同事講呢間海南雞好食, 平時lunch食嚟食去都係嗰幾樣, 於是去試下。舖頭外面招牌同裡面格格不入, 入到去得幾張枱, 冇裝修。海南雞飯分中、大size, 我order 咗一個中size, $39 一個飯送一碗中湯, 或一杯熱飲。 飯未到醬料先到, 然後到杯飲品, 不過好細杯, 比一般茶餐廳還要細杯, 隔一陣就上飯。 啲雞皮有毛, 雞肉都算ok嫩嘅, 飯係油飯, 不過硬硬地, 三十幾蚊都可以嘅, 不過相比其他餐廳, 我覺得其他餐廳好味過佢囉!其他人話好味, 但我食完呢一次唔會再去食喇。

金雞除了吃去骨海南雞及滷水狀元蹄好外, 香煎手打魚香肉餅(例牌)是我們必點的小菜。$4X一碟, 煎到香口, 肉餅餡除肥豬肉外, 還有蝦米、鹹魚等切到細碎的蓉蓉, 口感煙韌彈牙, 送飯、送啤酒一流。附送的南瓜青紅蘿蔔粟米豬骨湯, 煲得既溶且甜, 雖然這家常湯水是一年四季也在煲, 奇怪的是春夏時候去喝它會覺得清潤, 秋冬時候去喝它會覺得特別溫暖。奇嗎?

很多朋友都好奇問我 , 為什麼我會這麼喜愛叫雞飯 ? 等我告訴大家一個小秘密 , 每當坐著、等候著我將會面對的雞時 , 那種忐忑不安 , 心裏癢癢 , 思緒著它會用甚麼部位來呈現 , 究竟是骨多肉薄還是皮爽肉滑 ? 很多時候一分錢並非必定拿到一分貨 , 碰到不好的、切得馬虎的 , 錢照付但餘下的分鐘就會非常難受!直至某一次幫襯過這一間店後 , 在我心目中 , 它是冠絕荃灣 , 味道與質素均能夠打通街的海南雞 ...成名於西貢的金雞 , 幸好在荃灣開了分店 , 所以我們不需要大費周章地乘車．乘車．轉車走到西貢去 ~ 荃灣店是位於路德圍附近 , 倚立行人天橋之下 , 店面陳設簡單 , 鮮明而乾淨 , 若然不是識途老馬 , 走過也不知道這兒的雞是何等驚豔 !這兒的雞飯有大、中、小之分 , 以我所知 " 小 " 只適用於下午茶時段 , 份量是湯碗的大小而雞肉是鋪在油飯的面 ~ 那天我叫了大份的去骨海南雞飯 $ 43 , 奉送住家靚湯或咖啡 / 奶茶 ( 凍飲另加 $ 2 ) 住家靚湯是一向的 " 南瓜青紅蘿蔔粟米 " , 湯煲得夠火路 , 所有味道均融為一體 , 啖啖濃甜精華 ~ 雞件看似有四

荃灣這條食街真係五花八門既野食都可以搵到，本來諗住食海南雞飯，路過其實有好幾間泰國菜館都有賣，不過間間都係四十幾蚊起跳，就諗住行多幾間睇吓有無第二啲，點知最尾遇見呢間海南雞餐廳，都係四十幾蚊，唔想再行，就行咗入去。呢間招牌做無骨海南雞飯既，有大中小既分別，飯量同雞肉既份量都按ＳＩＺＥ而有大中小之分，叫咗個大份既，即時放碟醬油嚟，醬油可是成碟海南雞飯既靈魂，一來本身啲飯就無味，啲雞都只係得啲雞香，如果調味品唔夠既話碟飯就會變得非常失色，就好似食碟無豉油無薑蓉既白切雞飯咁。醬油才擺响我面前，我就立心要寫劣評了，三格醬油，每格既面積比起麻雀牌還小，而且都只係薄薄的一層，份量唔多，豉油色果啲只係普通既雞油豉油，綠色果啲只係磨得更蓉既薑蓉，紅色果啲算係這間鋪既名物吧，蒜蒜酸酸的無錯係幾惹味，不過份量認真少得過份囉。查實碟雞同飯都做得唔錯的，啲雞真心鋪得幾好，而且都夠肥夠滑，不過因為啲醬料實在太少同埋太普通，夠點雞嚟唔夠拌飯，認真唔會再嚟，同樣價錢我認為附近幾間泰國菜館既海南雞會掂啲！！

上次係PANDA HOTEL中完海南雞飯既伏,估唔到無耐又中一次.今次地點係金雞去骨海南雞專門店$43 大既海南雞飯,份量真不少,油飯看似落左乾蔥碎,色水好似唔錯,但係一食落去,飯粒好濕,但完全無味道,首先無咸味,二來無香味,三來更加無雞油味,基本上係同白飯好接近.係咪因為我太早去食所以先中伏?(11點半左右)雞既份量十足,當然味道係淡,嫩滑度中等,配上蔥油食又係唔夠味,咸度低,辛辣醬又係太甜,黑油當然係甜嫁啦,姐係我點撈,成個飯同雞都係甜我受夠了,在荃灣真係唔可以食海南雞飯雖然呢間野係西貢那間既分店

今天晚餐來一個海南雞，快靚正的一個二人套餐。無味精老火湯，充滿南瓜和紅蘿白的清甜，很不錯，傻仔敏少有的會喝下整碗例湯。招牌去骨海南雞: 套餐居然有半隻雞，超抵食。賣相金黃豐腴，皮下脂肪不算多，雖然雞味不算濃，但肉質嫩滑，仍算吸引。海南雞著重的沾醬就不太正宗了，但街坊小店，不要太高要求吧。油飯: 有雞油和香矛味，有少許蒜粒，OK。手打魚香肉餅: 肉餅很有質感，鬆化。豬肉混合了咸魚香，幾惹味，份量足足兩大塊，只是稍為咸口，要拌飯吃。油菜: 正常