影片
港铁旺角站 D2 出口, 步行约2分钟
继续阅读
开饭介绍
全港第一间星座塔罗占卜主题cafe, 本店特色首推十二星座特饮, 设占卜服务, 包场可享用PS4游戏机及唱k系统
继续阅读
特色
包场派对
营业时间
星期一至二
15:00 - 00:00
星期三
全日休息
星期四至日
15:00 - 00:00
以上资料只供参考，请与餐厅确认详情
一路都对呢间餐厅好好奇，因为有得玩塔罗牌 (虽然最后我同朋友都冇玩)。我地4个女仔，因为大家都唔算系大食既人，所以谂住叫三个主菜同一个小食拼盘一齐开心share (外加三杯野饮)，但冇谂到最后4个都唔饱，因为啲份量真系唔多，加上小食拼盘每虽然有4样野食，但每样得3件，结果我地要share咁食😓而且食物选择唔多，亦冇甜品，想话不如叫甜品食可能会饱，但原来我地谂多左。。。虽然可以坐好耐 (有可能因为系平日，冇咩人)，但食唔饱，每个人又百几蚊，其实唔抵食😥
继续阅读
友人对占卜星座命理有兴趣，上网揾到呢间cafe有「驻场」占卜师坐阵，见咁盏鬼就孖两个friend黎试下，没想到这是恶梦的开始我地首先叫左个小食拼盘平心而论，我相信呢啲食物都并不是自制，只是炸热啲半制成品，所以并没有很难食，炸蚝仲几好味添之后我叫左杯玫瑰草莓茶，好难饮，药水味，都唔怪得佢，佢只系用个现成茶冲姐；之后我地叫左个白汁烟三文鱼意粉同香蒜虾炒意粉，我对意粉不嬲都好执著，但我又唔会对普通cafe咁高要求嘅，不过起码...做到基本野先，个扁意粉淋都算，个白汁甜到好似用炼奶煮咁，极难食；香蒜虾意粉，系咪橄榄油用晒？碟意粉干真真，炒意粉点可能无橄榄油炒意粉嘅意大利文系Spaghetti aglio e olio，即系用油同蒜黎整嘅意粉，无油点炒？我觉得难食都算，结果系我同两个friend三个食完都肚痛，我仲肚疴左两日添，大家去食之前要谂下自己嘅肠胃顶唔顶到。希望贵店可以改善食物质素，难食唔紧要，至少要干干净净吧
继续阅读
地方虽然可以令人放松，但真系接受唔到张櫈好多尘☹️，系有一层尘埃系面😵另外食物方面，样系几好，气味也不错，但口感认真麻麻😐唔介意口感方面都可以去试下到占卜方面，问左个店员，佢话要80蚊一次，到最后我地都无试到，唔系我地唔想试，系等左好几个钟都未到我地（我地到既时候有2枱客，一枱已经系同占卜师倾紧）等左成3.5个钟😭😭😭!唉!最后同朋友去左庙街占🙄其实都系为咗可以同时占卜加食野，先选择喱间多人赞既cafe，但真系令我大失所望
继续阅读
同朋友一齐谂住去试试呢间cafe,因为见佢系好多地方都打晒广告咁。咁我地一去到就点咗野食同野饮。啲野食好一般，野饮都正常。服务黎讲，都唔好指意有咩服务，都系想揾个地方坐低倾下计。最后见佢有塔罗占卜，我就试咗，因为本人对塔罗好有兴趣。准唔准就唔评论，简单两三句就收咗几十蚊，钱都几易赚。不过对以上野我完全冇想打评论写衰佢，但系第二日我同朋友都好肚痛好唔舒服，肚疴咗两日。唔想再有其他客人好似我地咁... 所以好希望大家去之前三思，除非你有铁胃！我谂我以后都唔会再想去楼上cafe........ 翻阅之前食评，发现都有相似情况。希望卫生情况尽快改善，唔好再谂住落钱买广告，毕竟一个劣评嘅客已经可以影响晒你所有openrice嘅打手食评🤨
继续阅读
最近运气唔系咁好，朋友介绍旺角有间楼上Cafe，可以一路食嘢一路占卜，咁今日出嚟食饭，就一于去算下最近运程啦。一去到，见到呢度虽然冇华丽嘅装修，但系就有一种舒服同relax嘅感觉，好似喺屋企咁。咁我哋肚饿就梗系叫咗嘢食先啦，我就叫咗个烟三文鱼意粉，一上枱见到佢摆得好靓，咁就梗系要相机食先啦。食落都好好味㖞，估唔到卖相同味道都可以做得咁好呀。而朋友就叫咗个小食拼盘，有鸡翼，炸蚝，炸鱼柳，薯条等等。食落外脆内软，好明显系啱啱炸起㗎啦，而且蚝同鱼都好新鲜，点埋个沙律酱简直一百分呀。而呢嘅特饮都系好特别嘅，就有唔同嘅星座主题，咁我就叫咗个天秤座，朋友就叫咗个天蝎座。我呢杯天秤座系奶盖朱古力味，饮落唔会太甜，朱古力味啱啱好，好推荐大家饮呀。呢间Cafe又好味又特别，价钱又唔贵，好似帮衬$200就可以玩一次塔罗牌，平平哋黎玩吓都好呀。
继续阅读