誠記小籠包拉麵 (已搬遷) 新店位置

📸#tagnshare深水埗篇.位於深水埗西九龍廣場對面，就係今次介紹既呢間以小籠包為主既小店🥟。店內既小籠包分左幾隻款：原味、蟹粉、黑松露皮薄饀靚，仲有生煎包，店員話好搶手🖐🏻架！都係爆湯系列💦😋 呢度既碟頭都唔細，醉雞夠酒香味而且嫩滑。上海粗炒好惹味👍🏻 四個人平均都係$80/位，仲要食埋蟹粒小籠😋#真係要食生煎#成日要排隊早啲去食. 🙋🏻‍♀️高妹小編.- 👇🏻地址👇🏻.誠記小籠包拉麵 (深水埗)深水埗欽洲街58號米蘭軒地下

又到深水埗篇，follow 開大食妹的朋友都知大食妹成日將深水埗形容為香港嘅美食天堂點解？因為你去深水埗真係好容易搵到又平又靚又好食的餐廳今次大食妹要介紹的就系平、靚、正餐廳- 誠記小籠包拉麵<清瓜伴海蜇$20> (好味:3/5) (抵食:3/5)嗌餐加廿蚊可以加一客海蜇，海蜇清爽彈牙，青瓜絲份量都幾多 味道同出面一樣，如果唔系特別想死，可以唔叫<生煎包$29> (好味:4/5) (抵食:4/5)名副其實皮薄餡靚，生煎包做到好似小籠包咁薄，包住好大舊豬肉餡，豬肉餡半肥瘦，肉質脂肪比例均勻咬開個彈要小心喲，因為每粒都包住好多肉汁，一咬頭小心即刻吸曬湯汁，小心熱同要作好準備用你個口接住D汁呀<京蔥羊燴面$43> (好味:4/5) (抵食:3.5/5)湯頭好濃郁，湯面有少少簡菜調味，羊肉味濃，面條彈牙可口，略嫌羊肉份量有略少，唔系好夠喉 不過羊燴面好好食，share 食五分鐘清曬<八寶冰$26> (好味:3.5/5) (抵食:4/5)睇下碗野有幾豐富！有齊芋圓、小丸子、珍珠、西米、薏仁，都係賣$26一碗咋，古早味十足，健康得黎又

服務差，尤以個男，食物一般過一般，不能改單，小籠包凍嘅，上海年糕燶嘅，豆漿唔凍嘅，但我叫凍豆漿的，食物偏貴，污糟，仲要大聲俾說話啲客人聽這裏不能改單的，什麼規矩，冇下次，完

Ｏ係黃金買完野，再Ｏ係西九行左陣，行到見攰，就搵個地方食下野。見呢間有下午茶餐，時間又岩岩好，就入去喇。餐廳唔算好大，但好彩去到仲有位，坐低左一陣已經有人排隊喇。下午茶餐都幾多野揀，仲可以以優惠Ｄ既價錢叫Ｂ區既小食。叫左２款野食同２隻小籠包淺嚐，再加配２杯豆漿＃酸辣湯麵：都幾大碗，而且都幾足料。個湯味道唔錯，夠酸帶有微辣。麵質唔會太淋，煮得岩岩好！＃香茜蠔仔泡飯：蠔仔好新鮮都幾大粒，鮮味冇沙，每啖飯都食到蠔仔。個湯底都幾鮮味，唔覺唔覺好快扒哂Ｄ飯。＃蟹粉小籠包：一咬落去Ｄ湯汁就爆哂出黎，差Ｄ辣親條脷。個肉餡食得出蟹既鮮甜！唔錯。真係名副其實皮薄餡靚，只叫２隻真係有Ｄ唔夠喉。

🔎誠記小籠包拉麵📍深水埗欽洲街58號米蘭軒地下-星期六/日 午餐﹕干燒茄子飯(素) 辣/唔辣 $39 冷熱飲品+$4包括: 茄子、豆乾、木耳、菇、紅蘿蔔每日都係幾款午餐揀，每日都會有一款係素食，呢樣唔錯！味道幾夠但唔會好重口味，辣嘅可能會惹味D，唯一唔好嘅係太多油，食完成個底都係油。要扣分嘅係杯凍檸茶係暖嘅，一黎已經無哂冰，仲要唔凍，而且茶底偏苦，不了。另外落單係要大聲嗌出黎，店員係會係部機隔離直接幫你落，雖然間鋪都幾細，但我就覺得麻麻，未必有下次。

突然好想食上海野，上OpenRice 搵到呢間，見都幾多好評，又唔係太多差評就揀左呢間。手絲雞拌冷麵，雞肉超少。味到一般，唔明點解咁多人話好食？問侍應拎2個碗仔，2隻碗麵有d唔知咩污穢係到⋯⋯好可怕🤨白色一滴野。生煎包個皮完全唔脆，好似整完放左好耐咁⋯⋯難食⋯⋯⋯⋯個底硬架，我淨係食左入面舊肉，少籠白尚算ok,但無必要特登去食～反而咸牛肉芝士餅幾好食，同煎餅個味好夾。豆漿都好飲。食完返屋企痾左2日⋯⋯睇返其他人都有肚疼⋯⋯衛生有代改善。

這間小店於數年前引入芋圓台式甜品系列後，開始提高其知度，小編當初也是因是其芋圓系列才光顧此店。近日天氣回暖，吃冰點的意慾大增，於是便來此店一嚐其八寶冰。冰面上舖有紅豆、薏米、西米、珍珠、芋圓、地瓜圓、南瓜圓及小丸子，挺豐盛的，碗內則有仙草及黑糖碎冰，再澆上煉奶調味。小編其實於大半年前亦光顧此店，感覺當時給的配料更多更滿的。現在的份量好像少了一點點；芋圓、地瓜圓、南瓜圓口感偏硬身，不太能吃到其中的味道，丸子比起芋圓等更為q彈，碗內的仙草更是少得可憐，只有一上仙草碎塊，小編都不太能嚐到其味道其他配料則表現正常，紅豆、薏米及西米的軟硬度適中。這次來吃冰感覺挺失望的，因為真的很一般般，就是一份比較普通的冰品⋯希望店舖能夠維持水準，保持原來的質素

【深水埗誠記小籠包】 自家製 小籠包 芋圓 蟹粉小籠包 皮薄透明 每隻都是爆汁多湯仙草奶凍 仙草，配上芋圓 地瓜圓 南瓜圓 口感煙韌 價錢親民 芋圓都係有台灣嘅感覺 每粒都係好Q彈 甜度適中，配上佢哋嘅汁 消暑解渴，食完一啲鹹點最好就係食返啲甜品中和返整體來說誠記都係一間用心嘅餐廳 每樣食品都做得好仔細 最推介都係小籠包 好有上海嘅特色 多汁所以記住食嘅時候小心 因為湯都係好多同好熱好飽滿誠記小籠包拉麵地址（新店）：深水埗欽州街58號AB地下

同朋友收工，路過西九對面，聽到有位哥哥嗌有小龍包食，大家又好肚餓，見佢唔洗排隊，就諗住拿拿聲食完回家。。。入到小店，個場都幾爆，尚算乾淨，至少地板唔會濕同”線”，裝潢冇好特別，諗住求其點啲野食。。誰不知原來有驚喜👍🏼👍🏼

近排好似食錯藥咁成日好想食上海嘢誠記出名食台式甜品 不過個日就試咗正餐先🤙🏻.誠記上海小籠包拉麵 有兩間分店✍🏻同於深水埗👀啲店員都幾親切 有個👵🏻👵🏻仲好耐心咁解釋比隔離嘅素食者知 個素小籠包有乜材料😺呢種態度香港茶餐廳式嘅舖頭已經小見.上海粗炒加排骨粗炒唔會好油 菜量好多🥬個汁幾惹味 女仔可能會食唔哂🤪排骨有啲普通 就係一塊炸嘅豬扒比較乾身 下次應該唔會再加❎就咁粗炒已經幾正❕.手絲雞冷麵唔辣 ($48)份量正常 幼麵上舖上青瓜絲 雞絲🍜個汁係芝麻醬混花生醬🥜配埋上海幼麵🥢係天作之合 feel到失散多年嘅朋友團聚緊👨‍👩‍👧‍👧一啖有齊青瓜爽脆 雞絲 同芝麻花生嘅鹹香❤️🧡💛💚💜呢個會再叫 下次試辣先📝.皮蛋豆腐 🥚皮蛋同豆腐都無咩特別🌝但個汁就將佢升翻幾個層次個汁有蒜味 酸酸甜甜 又辣辣地😌你問我我就唔識整😛.見到下午茶仲抵食仲可以加2隻小籠包做小食唔怕食唔哂6隻😹-

這鋪位做食店已經轉手好幾轉, 似乎沒有好結果收場, 現在新接手的以簡約裝修為主, 枱櫈都似是拉雜成軍的東西, 每枱空間係半個身位, 坐得相當迫, 食物品種有上海式(小籠包, 生煎包,自選湯麵, 炒年糕, 小菜(港式為主), 口水雞, 湯飯, 府麵, 酸菜雙併窩或痲辣水煮窩加些台式招牌甜品, 品種之多及大包圍式口味, 價位是相當大眾化, 所以吸引大部份年青情侶或者是國內自由人客, 我們只試咗所謂招牌之一嘅"生煎包" 4隻/ $29 包底被煎成硬嘅餅乾般, 餡料亦不見突出, 另一個是酸辣湯/ $32, 同樣是標準之下, 不過現今市場上做得好嘅酸辣湯好像已經不存在, 或者我們會肯俾錢飲嘅酸辣湯竟是變得如此失色, 上海粗炒/ $58 實在慘不忍睹, 能夠講的是填飽個肚但就無法認同, 見旁邊枱的內地客人叫了個 "痲辣水煮窩"鮮紅色的湯浸住相當多的辣椒同菜餚, 她們只挑了肉類吃, 湯也沒有飲, 唔飲那湯可能係明智的選擇, 而這裡的裝甜品出來用的是即棄膠兜, 客人花二十幾蚊食個甜品但店方連碗都提供唔到, 而用即棄食具, 有幾多誠意由此可見, 是否以平價食物就可以令這鋪位生存下去呢? 拭目以待!!!

行完西九 過條馬路就見到誠記 見佢有芋圓食 坐底食下午茶都好 估唔到有驚又有喜仙草奶凍有芋圓 小丸子 南瓜圓 地瓜圓 薏米 紅豆 西米 仙草🍼花奶則是另上🍡芋圓 地瓜圓 南瓜圓 質地偏硬不煙韌 味道不突岀🍡小丸子 細細顆 比較煙韌有咬口🍨其他配料較岀色 西米薏米 煮得剛好有咬口🍨甜度適中 口感豐富 但芋圓 不推介生煎包有驚喜 即叫即煎熱騰騰一咬下去 爆多湯汁流岀來 毫無防備之下 辣親個口🐷肉汁鮮甜 內餡大大的🥖生煎包的皮 不會過厚 底部雖厚一點 但煎得金黃很脆 底部口感如曲奇餅般

大件抵食 // 年初三都有開（加一服務費）蟹粉小籠包幾有蟹粉味手撕雞冷麵好食喔擔擔麵就一般 個麵淋左少少（利申：我唔鍾意淋麵）生煎包呢樣野我從來都未食過所以好期待 但我都幾失望唔知係佢呢間唔好食定我本來就唔鍾意食要食多幾間先評價到覺得個底太厚皮嘅感覺其實我係衝著芋圓而來嘅之前見人介紹話抵食但係呢⋯⋯就建議唔好叫喇。

放假日子 經過深水埗呢頭 想試下呢間誠記 小籠包 好彩 去到即刻有位 職員十分有禮 今晚點左1）南翔小籠包 x 6 2)生煎包 x 4 3) 蠔仔煎旦配菜反 4） 熱豆漿 5）綜合q q 芋圓 小籠包賣相唔錯 食落夠熱 小籠包外皮厚度適中 而生煎包 充滿熱熱湯汁 食果陣要好小心 美中不足生煎包個底部略厚 蠔仔煎旦有驚喜啵 唔係炸而係煎旦 食落冇甘漏 好大份 好抵食 配上菜反唔錯唔會有好油感覺 熱豆漿正常 甜度適中 呢度出名芋圓 最後點左碗綜合q q 丸子 小丸子細細粒 好味 地瓜丸又好味 有咬口 雪耳個人嘛嘛地 整體上呢間餐廳可以再黎 性價比高 而且店員十分有禮 食完野仲叫你坐多陣都得 讚啊！

呢間小店在西九龍廣場對面，門面同裝修都係非常平實。差不多9點左右入去都算幾多人食緊。食物種類都算幾多，除咗上海菜館都有的客飯、上海麪、包類和傳統上海甜品之外，也有台式的芋圓。我同男友坐低不久，年輕老闆（估預係）就很熱情推薦我們食物，我地兩個人都叫咗幾多野食，有三色小籠包、生煎包、手撕雞清湯麪、葱爆牛肉客飯同芋園仙草奶凍。全部都好好味，被我們掃清光。先講個三色小籠包(HK$33)，上枱是用金屬製的蒸籠，招牌、蟹粉和黑松露小籠包各一隻。每一隻都超級多湯係入面，同湯都非常熱!  (小心燙口!!) 招牌入面既豬肉團好滑，蟹粉個隻就好鮮。黑松露我男友食~佢話黑松露好似得少少，不過都好食。雖然個皮唔係我食過最薄個間，不過都算OK~唔厚。生煎包(HK$29/4隻)絕對推介，同小籠包一樣都係爆哂汁個種，入面既湯比小籠包既仲更加熱，就算放咗一陣咬都有少少比佢燙到。所以黎食我建議用筷子整個小孔在頂，等佢一陣先慢慢食!（小心燙口×2）個皮就算放咗一陣都唔會覺得靭咗~食過後好想帶回家給兩老試，可惜我住得太遠了.......（太失敗竟然唔記得影）手撕雞清湯麵好大碗!! 麵同餸係分開計錢 ，麵 (HK$38) +