誠記

营业中

休息中

當日係11月中間的午餐唔係太熱 所以環境都ok1 奶茶夠奶味同時保留左茶味 唔駛落糖都夠2 西多士$20老實講就係一份西多士應該有既味炸到金黃 麵包邊炸到脆脆地剛炸好就上檯件牛油融緊再淋上夠多既煉奶要麵包上下兩面都係煉奶溝牛油中間擦番花生醬 香口脆口甜甜地食到中間又會咸番啲3 誠記湯粉麵$47（不包括飲品）有雞肉 火腿 比較少既墨魚 好少既蝦 得2條既蟹柳 同菜 配公仔麵雖然寫係蕃茄湯底但反而蒜味重 蕃茄味唔多份量多4 炒豬扒公仔麵豬扒多麵又多調味都係一般茶記味豬扒唔會好乾身 總結唔會有驚喜 就係一般茶記如果係附近 我會推薦去食但未到要山長水遠特登去食

香港茶餐廳standard service 沙爹牛肉叉燒墨魚頭麵沙爹夠味，調味唔錯，食落去好香口。叉燒份量都幾足，但口感就一般，什至偏梅。墨魚頭就唔夠新鮮，味道有啲失望。衛生方面就一般,明白係喺街市，但覺得可以再改善一下。例如辣椒油個罐好痴笠笠。不過，係街市食風味係好唔錯。講到價錢，呢度有點貴，考慮到食物質素，感覺還好。如果你在附近想隨便食一餐，可以考慮下，無需特別到訪。下次可能會試試同場其他餐廳，增加選擇。

在熟食市場裡,隱藏著一間名叫「茶記」的秘密茶館,吸引了許多當地常客的青睞。 首先,他們的「西多士」絕對是必吃之選。外層金黃酥脆,咬下去後,濃郁的煉奶和牛油香氣立即在口中爆發,令人忍不住「哇」一聲讚嘆。這絕對是一道難以忘懷的美食。另一個必嘗的是他們的冰凍奶茶。茶味濃郁香甜,適當的糖度剛好,清涼消暑,無疑是夏日裡的最佳選擇。整個環境帶有濃厚的懷舊氛圍,彷彿穿梭時光隧道,讓人放鬆心情,沉浸其中。這無疑是一間值得光顧的特色茶館,值得你我一同前往,感受這份難得的用心與魅力。

一直以黎呢度既沙嗲真係我既童年回憶，今日再黎聽到店員話而家由老闆自己煮返，真係普通到唔普通，以前個廚已經無做，特登渣車過黎，轉足8層停車場好灰心，呢度係最似好細個食過既沙嗲味道，其他出面再搵都搵唔返，果d十大沙嗲牛都食唔返😢😢如果大家食過以前誠記既沙嗲又知第二度有，請留言。今次食左奶油多，都好好食醬夠多奶茶好飲

一路都有聽講道嘅朋友介紹呢間喺熟食街市上面的沙嗲牛公仔麵，今日經過附近，特登上嚟試吓，首先上嚟呢度，比想像中多人，人頭湧湧！好辛苦先搵到個吉位，坐低之後，見餐牌有好多不同種類的食物，又有炒嘢又有公仔麵，咁既然係為沙嗲牛公仔麵而過來，就梗係叫碗沙嗲牛公仔麵啦！再加杯凍檸茶，聽夥計介紹佢哋的西多士亦都好出名，即刻叫埋！咗唔夠一陣就上菜，先講牛肉嘅份量都幾多，起碼比出邊茶餐廳多，公仔麵就應該係用大陸嘅面，面身正常，沙嗲湯底都算濃郁，整體都唔錯，只係幾件牛肉有啲筋，咬唔斷！另外杯凍檸茶真係好大杯，飲極都未飲完！都幾正！最後一題，反而最驚喜嘅西多士！炸得好乾身，加上糖漿真係一絕！整體上，沙嗲牛麵正常，未至於好出色，但係西多士就值得一讚，不過價錢都幾相宜！CP值都幾高！

耐唔耐就會同同事過嚟食lunch食極都未厭沙嗲墨魚頭咸牛肉炒蛋米粉 $57近期發現了墨魚頭依個新寵口感幾爽幾彈牙 都幾好咬而且份量都幾多沙嗲豬頸肉咸牛肉炒蛋米粉 $57沙嗲牛肉麵 $45黑椒雞扒飯加煎蛋 $54第一次見依個飯🫡啲黑椒汁澎湃到呢 雞扒又勁多塊😂絕對係麻甩之選 雖則就頹咗啲 食2啖嚟講都幾好食嘅炸雞扒三文治 $26係近期嘅誠記最愛塊炸雞扒好厚身 炸到脆卜卜肉質又嫩又juicy 再加埋沙律醬同牛油 好好食🥹🦦

人是真的很多诶，而且每个店员都忙到停不下来，两碗面等了半个小时😭环境和服务是一言难尽啦，毕竟在市场里面，不过味道还是不错的，诚记汤面里面菜真的很多，用料特别足，汤比较浓郁，面就是普通的方便面，奶多士还不错，和别家的不太一样，面包比较酥脆。总体来说，中规中矩的样子

呢間沙牛麵經常被推薦但吃過又不外如是味道:唔差嘅，唔係得死鹹，有層次香味的牛肉:份量不過不失，不過有點韌，證明全天然麵:爽麵，正但係真係等好耐沙牛麵等咗20分鐘先到埋單等咗10分鐘都無人睬要自己出去埋好似人手超唔夠咁（我去嘅時候12點，好睬仲落到單，遲我兩個字嘅靚仔，等落單都等咗三個字）所以我懷疑啲麵煮得咁爽係因為太忙，時間唔夠嘅產物由於無set，於是沙牛麵+凍檸水都要45蚊以街市價真係稍貴如果牛肉好少少，都算值得一行但食物水準一般，服務非常一般呢個價錢唔太值

想落單冇人理我知你哋忙但都可以應一聲 唔係掂行掂過等左十分鐘比人大叫左一聲要咩我講完之後都唔知係咪落左單聽完我食咩 就走左去 唔應一聲話有冇落到等多十分鐘黎野食先知落左成個街市得依間咁衰唔好話街市係咁 食過其他舖都好地地奶茶又死甜失望

誠記again🙂‍↕️食咗咁多年 都係第一次早餐時間嚟😂估唔到都一樣咁多人沙嗲豬頸肉鹹牛肉炒蛋米粉 $55雖則唔係我鐘情嘅杰身沙嗲湯 但都有少少愛上依個湯底🥰有種好特別嘅香味 不知不覺想飲😂配料又係依個combination 豬頸肉肥肥的 好有咬口今次仲有隔離嗰個投餵一塊午餐肉 太大塊了吧😂😂😂如果煎得再香啲就好嚕西多士 $18早餐啪西多士 是會令人振奮的🦦炸雞扒雞蛋三文治 $27🥪都係第一次食炸雞扒炸得好香脆 而且好juicy好嫩滑再加埋雞蛋好有驚喜 好好味耶~下次嚟一定會再嗌

基本上去最多客食的一檔，經驗話我知失敗率低。見餐牌有個黑椒濕炒牛肉米粉，咁得意，外面好少見黑椒濕炒。同侍應話要呢個，再問是否煎米底，會否多油。佢話煎米實多油，咁我就要炒米底算了。一上枱，有霸氣！牛肉勁多，茨汁勁實，一陣芽菜和炒米粉香。馬上拮兩舊帶汁牛肉食，汁略甜微黑椒味，又近似沙爹味，但同牛肉又好夾。牛肉不韌，又唔會重食粉味。炒米香，配菜都炒得香。整體成碟，在外面少見少食到，有特色。跟凍飲$55，絕對翻食，但後來得悉沙爹牛才是網紅食物！

個人覺得係香港最好食嘅沙嗲麵！作為沙嗲關注組嘅成員，時不時都會捐窿捐罅食唔同嘅沙嗲麵。食過長洲、長沙灣、九龍城、慈雲山等等，最後都係覺得誠記個沙嗲湯最出色！個人推薦沙嗲雞絲炒蛋米，米粉比公仔麵好食，吸晒啲沙嗲湯。然後雞絲都比牛肉好食，因為佢嘅雞絲係會用蒜蓉炒一炒先，配埋沙嗲汁超級野味！另外呢度嘅西多士都超級好食，十分推薦！

🌟西多士｜$20又真係好食喎炸得金黃香脆嗰邊輕微燶燶地跟住有勁多煉奶同埋牛油🧈每一啖都好邪惡😈好好味，必點👍🏻👍🏻-🌟凍奶茶 ｜$15其實基本上都係茶記必點茶味香濃☕️點咗少甜，佢又真係有跟喎-整體嚟講侍應竟然意外地有禮貌同埋好服務，佢哋竟然主動拎餐牌過嚟，同埋主動問我點乜嘢食，呢個係出乎意料嘅。-另外喺熟食市場嘅茶餐廳好懷舊同埋有特色，坐咗好多常客喺度。呢啲茶餐廳，好值得去幫襯支持。

新一年lunch time又嚟西環食沙嗲麵同西多士一枱都是幸福的味道沙嗲豬頸肉鹹牛肉炒蛋米粉 $55每次嚟都係依個combination 食極都唔厭🫶🏻個沙嗲湯真係好好飲😂唔會好濃味 唔太杰身 鹹鹹香香咁味道剛剛好 配粉麵啱晒西多士 $18見到嗰一大pat牛油同煉奶🥹加埋香脆嘅西多士 實在係令人興奮🦦每次嚟都要加一份西多士 先至夠滿足炸雞翼第一次係到食炸雞翼 正正常常啦 無乜特別😂有啲肉食吓咁 下次應該唔會再嗌😂

聽人講依間好食，都食過幾次，唔差嘅。但係淨係舉手等人寫野都要10分鐘，啲人態度差，扮睇唔到你舉手，其他食客舉手都係等好耐都冇人show佢，啲員工語氣態度差仲會鬧返人轉頭。