譚仔三哥米線 (又一城)

营业中

休息中

今日約左朋友焗身，去之前要食飽飽就決定食返碗一定會好飽嘅米線米線比較軟身湯底係二小辣，咪道十足🤤夠曬辣叫左炸醬做料一更炸醬再溝米線放入口，可中和少少辣味🤤因爲啲炸醬有啲甜甜地

今日星期日 咁arm約左朋友去食米線 點知去到food court 發現好多人 咁就隨便排三哥算啦 條龍10幾個人 等左成5分鐘先去得2個人 我等左成10幾分鐘先到自己 跟住我打算落單果時 有人打電話黎叫外賣 點知個姐姐唔係幫我落單先而係聽左電話先 換言之其實我打電話黎叫外賣仲好過排隊排到脖都長埋

大大碗，魚腐大大舊，多腐皮4小辣都幾麻，麻油好多檸茶都ok 喎我食開譚仔，覺得三哥嘅魚腐明顯重本d, 魚肉味濃d, 厚身d同鹹d。可惜魚腐本身嘅味道重，質地唔吸湯，所以比較難同湯底融合。用翻d頹魚腐可能仲好米線ok, 可以軟多少少。如果做到味道融合，就好掂啦依然係又一城抵食之選

我一向都食開三哥酸辣米線不過九龍塘呢間就真係好一般啦我同平時一樣食開大大碗乜都有嗰隻因為我比較細食，叫呢隻可以兩個人share不過啲麵煮得好硬，酸辣又唔夠酸辣仲叫咗我最愛嘅土匪雞翼點知一啲都唔熱灰左。。。。不過除咗九龍塘呢間，我食咁多間都質素好好可能呢度太多人。。。下次都係唔去呢間食啦

又一城間三哥開左之後，令我平時係九龍塘食LUNCH既生活添滿色彩，以後去果度既FOOD COURT又可以多一個選擇。呢間譚仔同其他分店唔同既就係佢居然仲有早餐選擇，以後食早餐就唔一定食M記啦!講番D野食，呢間三哥有新出既蕃茄湯底，試過一次個蕃茄湯底，係湯係好甜好重蕃茄味，仲有好多蕃茄肉係入面，飲落去係好rich好豐富，可惜夾埋落米線係好唔襯，可能係因為米線都係襯酸辣多過甜湯啦。所以今次我都係簡番自己最愛既豬潤酸辣。感覺上同其他分店比起，個味道有小小唔同左唔係好夠辣，不過個份量就反而好似多左，算係不過不失啦。講番起豬潤，佢地比既份量都好多，食到尾都會仲有豬潤，夠粉，軟硬度岩岩好，唔會煮得太耐硬ban ban咁，咬落水你會見到少少血絲，咁係好正常，豬潤係唔可以太熟架。講埋配料就韭茶芽茶都幾多。總括黎講，雖然又一城三哥賣得比出面分店既三哥係貴左少少，不過份量都好夠食，資素都幾好，推介！

去又一城行街，行行下肚餓就去左food court搵野食！原來有譚仔食！就梗係食米線！嘩！點 解 會 咁 淡？平時系其他分店食個湯底都有鮮甜味，呢間淡到唔知點咁！米線好淋！！炸醬比平時多好多筋！加完芽菜同無加差唔多！連好簡單既凍檸水都無味！！第一次食剩一半以上！

與同事交談時得知譚仔於又一城food court開了家新分店，便與友人放工後到food court試試。這家譚仔與一般譚仔不用，為自助形式。到收銀落完order後，需到取餐處取餐。這次我點了麻辣中辣的腩肉竹笙米線。因爲比較夜才到達又一城，所以場內有許多空位。雖然我點了麻辣中辣，但這次比平常吃開的較辣，而且掩蓋了香味。腩肉較軟身，不老，尚可。竹笙挺爽口，而且吸收了湯的辣味，一流。凍檸茶的質素與普通餐廳的一樣，不值一提，不過夠凍。與food court其他餐廳比較，價格較相宜。好適合一個人黎食。整體OK。