譚仔三哥米線 (吉祥樓)

营业中

休息中

三哥而家有得儲分，所以就瘋狂晏晝同夜晚都會食約咗朋友喺呢間分店食，啲湯濃味之餘，而且好大碗，夜晚冇乜人坐得好舒服，去到差唔多收工都唔會好趕時間叫你走，仲好好禮貌茄湯加雞肉世一！

琴晚嚟咗元朗呢間譚仔三哥食米線， 員工態度非常之好（依家香港少有） 點咗我最鍾意嘅過橋米線加普通酸辣湯底， 不嬲都覺得譚仔三哥水準都幾好，且呢間都唔例外 （我個人覺得最差都係砲台山嗰間，且我係住個頭嘅但係唔會再去， 只去過一次，嗌咗加底但係仲少過平時+服務態度差）元朗呢間服務態度好+湯底夠熱+米線爽+豬肝好新鮮。環境乾淨，枱與枱之間都幾闊落。坐得舒服，食得非常之開心。非常之好但係最可惜我唔係住嗰頭。下次嚟元朗我都會再嚟

好耐都冇去幫襯三哥米線，到依家非常記掛煳辣湯底的味道今日經過三哥米線正好平日午飯前的時間，人流唔算太多，所以很快有座位坐低食飯不用排隊，我好快決定要碗煳辣湯自選三餸米線(配餸豬肉、豬潤、金菇)土匪雞翼(細份3隻)和凍檸茶走甜一杯價錢和份量都很實惠，唔使好耐就齊曬食物講返煳辣湯自選三餸米線，佢個湯底依舊都係個種味道，以一間米線連鎖店黎講水準真係唔差。湯底唔會太鹹，而且碗野味道唔錯，可能我唔食得辣，所以叫左10小辣頂下少少癮凍檸茶茶底濃郁，用黎配米線好夾小食土匪雞好香口，啲肉外脆內嫩，外面孜然粉同芝麻的香味真係忍唔住一隻一隻唔停口咁食

譚仔三哥大家都熟悉 和平常的小窩米線不同，一口米線配上乍醬，真的很美味，佢地既凍檸茶也不比茶餐廳遜色，個人認為比出面既茶餐廳仲好飲，就算走甜都絕對唔苦，每次去味道都一樣咁穩定！一個星期一定要去食番一兩次先可以止癮😋

我叫左一碗過橋米線，三哥三小，但嗰湯底係又苦又鹹，仲要一啲都唔辣。我未食過一間三哥係咁難食。難食到要搵返呢間分店出嚟寫食評。成件事就係為左個湯底，冇左個湯底真係好好好難食。

譚仔 我通常都食酸辣譚仔米線真係好好食，食極都唔厭同埋佢米線底呢好足料 大大碗我最鍾意食嘅三樣餸，係豬潤 肉燥 貢丸有時佢套餐加錢就可以有小食同埋特飲呢 有時又爆珠係入面有啲似台式嘢飲

呢間三哥住咁耐元朗都冇試過，入去樓底高，都尚算寬敞舒服由於太耐冇食酸辣米線，諗住去三哥重溫一下叫左碗鮮魚片木耳酸辣湯底米線同三酸撈薯粉冇得揀酸辣程度都係一貫做法，預左不過上到黎既酸辣湯底就完全失望🥲，既唔酸又唔辣想好似其他米線舖問有冇醋可以自己加，又冇😓老公食既酸撈薯粉問可唔可以要多少少酸撈汁，又唔俾😓😓唉，想食碗正常既酸辣米線姐..都咁難好彩個鮮魚片同杯葡萄烏龍唔錯可惜了新年第一餐三哥....

中午食lunch四個朋友一齊去譚仔三哥食米線！ 每個人都叫咗勁多款餸！ 我次次都叫魚腐，因為魚腐味道鮮味，再配至愛糊辣湯底，湯底唔會太辣有一種獨特的香味，非常吸引！ 另外我好鍾意叫土匪雞翼， 42蚊有五隻 ，又脆口又香口。再加個麻辣皮蛋大家一齊分享食，簡單一餐有滿足， 多次回頭客。

10月1日16:35pm落單過橋米線加底,一個小食當時大概8枱客人內等到16:50分都未到米線16:55分度到,加左底都好似無加底相比其他分店少17:00分度 先黎16:35分落單個小食跟住加多個麻辣汁皮蛋客人無點多情況下17:18分都未黎皮蛋之後話取消 個樓面都話唔會甘耐行去廚房講幾號枱個皮蛋有未跟住個樓面行返過黎問我哋係要咩汁話整緊整緊就唔會問咩汁啦真心好嬲😡😡😡😡😡😡食譚仔諗住快甘都食左9-10個字仲要係取消左 唔取消食成粒鐘今日跑馬都唔知係咪廚房賭馬唔整單同埋懶到唔睇單 問返我要咩汁

👍🏻三哥水煮湯老油條鴨血米線 水煮湯一向係重口味人士之選，上次錯過咗今次一定要試吓！湯底真係同坊間正宗嘅味道好似，有好香嘅花椒八角味道，叫五小辣先可以舒舒服服咁完成晒成碗，如果唔係應該汗流滿面。老油條分開上，咬落就係炸到全乾身嘅油炸鬼，超級脆！但完全冇覺得好油，夠晒香口，浸落湯又係另一種風味；試完鴨血終於知點解咁多人都想encore，片數幾多，食落有返適當嘅爽度，友人本身唔太食鴨血都大讚完全冇臊味，佢本來就帶點鹹身，加埋水煮湯底簡直絕配～👍🏻番茄湯5小辣自選米線朋友一向係鵪鶉蛋忠實粉絲，見到竟然可以做餸當然忍唔住叫咗。份量都唔少有五粒，蛋黃味好香；京白葉切成細細塊，配搭湯底份外清甜又爽脆，唔會煮到過晒火；油揚口味同原有嘅豆卜料相似，但口感冇咁鞋，外皮更軟身，同日式腐皮近似，索晒湯好正！👍🏻蒜辣雞翼尖辣味十足，蒜同辣度相互配合剛剛好，好有後勁，愛辣之人真係要試下！佢有種手拍青瓜味，大概係因為同樣用上三哥秘制紅油，再配搭一股新鮮辣椒味道，爽脆香辣，夠曬滋味！👍🏻蒜香雞翼尖友人食唔到辣，但好想食雞翼尖，所以決定再叫多份。呢碟食落真係好濃蒜香味，仲有種蒜泥白肉嘅感覺，同時間麻油同芝麻味都好出，

A Sam Gor branch that has above average quality compared to other branches! The staff were nice and attentive, food quality was decent and waiting time was reasonable. noodles in numbing spicy soupOrdered my noodles with toppings of fish tofu and lettuce. Fish tofu was soft and soaked up a lot of soup with each bite. Prefer strong flavors so went for the “big spicy” level - it’s spicy and fragrant and had enough kick from peppercorn!

每隔一段時間，就會勁想食三哥😋最鍾意鮮魚片米線，普通酸辣湯底 ，有時會加魚蛋同竹笙。好鍾意土匪雞翼，麻辣雲耳，麻辣口水雞，呢幾款小食，勁好食😋😋😋趕時間諗吾到食咩就食三哥

三哥又有新搞作，梗係約埋同為三哥粉絲嘅朋友去試新嘢😋🍜螺酸湯豬皮螺片米線鮮甜嘅海螺湯底加入爽脆酸筍及酸辣豆角，即使唔洗額外加辣都好夠酸辣香味，每啖湯都刺激住味蕾；麻辣汁豬皮厚身，爽口又入味，吸收晒酸辣湯汁後，真係好惹味😋螺片幾大塊，炆得又夠腍身😋推薦俾嗜酸辣人士👍🏻🌶椒麻涼拌魚爽肚魚爽肚好爽脆，配埋秘製嘅椒麻汁好惹味😋底部嘅麻辣手拍青瓜仲多咗份清爽😌🍹鳳梨藍蝶花香特飲特飲以鳳梨及青檸調配，另加入顏色獨特嘅碟豆花及食用花作裝飾，真係好啱打卡📸味道清爽且甜中帶酸，底部嘅鳳梨果茸又多咗份口感，夠晒解渴👍🏻

咁啱見到又推出新口味！之前個麻辣鴨血米線對鍾意食辣既我黎講真係幾惹味 螺酸湯米線配海螺片&麻辣豬皮米線未到，螺獅粉獨特既氣味已經聞到了，梗係試下個湯先啦！ 我叫左中辣，但係偏淡.. 個湯好清 好似齋落左辣椒油既辣，唔似其他湯，有濃郁既感覺，個海螺片幾好，煙煙韌韌口感，都入味，豬皮就略嫌煮耐左，口感欠佳湯底都加入好多配料，酸筍酸辣豆角，黑木耳絲，建議都係食返舊湯底，唯一似螺獅粉..就係加左果d配料，對比之前個麻辣鴨血，有點兒失望！

天氣太熱唔想出街食飯，終於等到foodpanda有得叫譚仔三哥🤤即刻忍唔住叫外賣食，大約等咗一個鐘就收到外賣。叫咗一個過橋米線，一個三餸米線，蒜泥白肉同口水雞。收到既時候仲係熱辣辣，滿意👍🏿因為老公唔知食咩餸，通常每次都叫過橋米線麻辣10小辣，只有少少辣味，每樣餸都有少少，岩哂唔知食咩好既人。我自己食炸醬，雞肉，豆卜番茄湯米線。每次必定食佢嘅炸醬，少少辣，特別惹味，豆卜吸收哂濃郁嘅蕃茄湯味，每一啖咬落去都有蕃茄湯味，正🤤蒜泥白肉都係必叫，不過今次唔算辣，淨係有濃郁嘅蒜蓉味，感覺差左少少。口水雞亦都係必叫，雞肉都算滑，不過同蒜泥白肉一樣，今次都唔夠辣，可惜。但雖然係咁，譚仔仍然會令我食上引🤤