譚仔三哥米線 (金禧花園)

营业中

休息中

星期六十二點九到達， 相比同一個商場裏 其他食肆， 譚仔三哥算做比較好食，唯有入內 。😅本來可以用app點餐，但係商場沒有wi-fi，電話信號又收得奇差🫣， 唯有叫侍應點餐。 食物不過不失🙄，唔係話特別好味，但係唔係特別差， 可能太耐冇食過三哥，今次感覺啲餸比以前較少🤫， 可能物價貴咗。 店舖內嘅衛生情況上算幾好，熱水.辣椒油·豉油等等。。。。要自己攞~譚仔三哥啲姐姐都好貼心💖，見我哋有小朋友就主動問我哋需唔需要碗仔， 同埋每次送食物來嗰陣都有好有禮貌， 值得一讚👍。

由於喺附近返工，都會經常去食呢間嘢，但每次叫啲姐姐落單寫野都要等10-15分鐘，都唔知點解樓面可以冇人落單嘅！另外我本身只可以食到10小辣，但每次嘅十小辣都可以唔同，今日食完，我以為自己跑完10公里馬拉松🏃🏻短期內唔會再去幫襯，啲姐姐一啲禮貌都冇，當啲客人係犯咁，一啲服務行業應有嘅態度都冇！😡😡😡💩💩💩👎🏻👎🏻👎🏻

8點幾9點去，但都坐到ful full地，坐低之後叫好耐都無人來寫野，個個趕住執枱執杯執碗，仲有個阿姐同一個細路傾計，全部扮睇唔到我叫佢地，好似趕住收工甘。叫左一碗三酸小辣同番茄2小辣，好難吃，辣度係勁過其他分店，除左辣食唔到其他味，都無其他店三酸d酸味，好似唔同舖頭甘，一d都唔似。另外，野飲係差唔多食完碗米線先來，唔明點解要甘耐。食三哥都食到劣食，垃圾，好後悔，大圍甘多野食，食左呢間垃圾，以後唔去

諗唔到食乜既時候，腦海就會浮現食譚仔三哥既念頭😂 係門口見到有新野，所以都係入去試吓。不過大圍呢間譚仔三哥係平日晚市既時候要等位，大概等左10分鐘左右🥱三酸撈薯粉配豬肉及墨丸 + 木耳絲 ($45 + $5)因為唔想次次都食d差唔多既食物，所以每逢有新嘢出，我都係揀試新野。呢個三酸撈薯粉就幾特別，完全無湯既情況下，d撈粉係本身就自帶少少酸味。而除左豬肉、墨丸同木耳絲之外，煙靭爽滑的薯粉仲有花生、薄脆、乾芝麻辣椒片、芫茜等配料，又香又麻辣，都幾開胃。芝麻海蜇沙薑雞丁 ($22)因為我都幾中意海蜇既又凍又爽口既感覺，於是出於好奇就試試呢個新野。沙薑醬汁既薑味唔會太重，幾易入口。海蜇配上嫩滑既雞丁同爽脆既青瓜，係好食既。不過雞丁既份量偏少，海蜇就正常份量，而青瓜係佔最多… 佢哋既比例如果平均番d就好了。奶蓋芒果蒟蒻椰香金露 ($13)都幾多人叫呢杯特飲，我見今日晚市有4-5枱客都叫左呢款。飲品既質地都幾濃稠，奶蓋就唔好expect係出面果d好rich好有咸香味既奶蓋，但芒果味既香既，飲落似係係西米同柚子既楊枝甘露。蒟蒻份量唔算好多，同埋飲到底既時候，蒟蒻同d冰撈埋一齊，有d難”不”上番黎。

点了个米线➕牛肉和生菜 41蚊牛肉给了五六块的样子 味道还ok 比较有嚼劲汤里面配了一点点腐竹和豆芽总的来说没有想象中惊艳 不过也麻麻哋啦下次试试微辣或者番茄🍅汤底 应该会更有味🤔

叫左個清湯米線，因為其他配料都唔太想叫，只叫左牛肉同雞肉做餸，牛肉有筋，難咬到死，我已經唔期望呢啲雪藏劣質牛肉有咩好，點知咬都咬唔到…雞肉無味，不過又唔算鞋，佢仲要唔係雞腿肉，而係一條條雞胸肉，有啲無咁滿足

係呀，我又食譚仔喇😂可能好快就可以食晒全香港嘅譚仔。今日嚟到大圍轉車。雖然大圍多野食。但都係比譚仔吸引左我。呢間譚仔就好似位於鬧市之中嘅異空間咁。午市時候係人多嘅大圍都完全唔洗等位。而且仲有吉位添。細土匪雞翼。雞翼比較細隻。但味道都keep到水準。魚腐竹笙麻辣中辣走芽菜。中辣唔多辣。平時食完中辣會流鼻水。但今次無。不過值得一讚係呢間分店兩餸嘅竹笙比其他分店多。美中不足係。米線上菜慢。我食晒成個土匪雞翼先上。凍啡，正常發揮。

外賣比錯野 過橋比左鴨血米線 外賣盒係過橋嘅大盒 上面亦係炸醬同酸菜 點知下面湯底完全唔同 仲比左我食唔到嘅辣度 根本食唔到 浪費晒 強烈建議大家買外賣之前起鋪頭打開睇下 免得中伏 永遠唔去呢間 永久blacklist

#大圍 #譚仔三哥 #螺酸湯米線配海螺片及麻辣豬皮#帶頭盔先 我唔食豬皮，所以comment唔到😂#螺酸湯 超級臭，偏酸，幾好味，入面仲有荀條，好match 🤤#海螺片 🐚 upgrade咗成個米線，因為佢口感似鮑片，亦好鮮味，正到爆😋應該要搵日去深水埗嗰間食囉🤣味道: 8/10味精: 8/10價錢: 8/10環境: NA服務: 6/10#vinaintaiwai #vinafood #tamjei3gor #3哥 #三哥 #米線 #ricenoodles #mixianwithslicedseawhelk&malaporkrindinhot&sourwhelksoup #slicedseawhelk #hotandsourwhelksoup #hongkongstylefood #hongkongfood #hongkongstyle #foodporn #foodie #hkfoodie #f4follow #f4f #likesforlike #l4l #l4like

不嬲都吃開三哥嘅，唔知點解佢個湯會飲上癮😂，我不嬲就叫開麻辣中辣，雖然佢唔係正宗嘅麻辣味，但佢有種獨特嘅香味。但係飲品個方面要改善下，佢啲特飲成日有種死甜嘅味，但係溝水就會淡曬，冇曬味

譚仔三哥胡麻湯魚爽肚米線$42入面有魚爽肚、豆卜，加米線，份量多👍尖椒皮蛋$21辣辣地有啲醬汁，皮蛋掂左啲汁好夠味😋地址：大圍積輝街2-12號金禧花園1樓101-102號整體評分：3.5/5味道：4/5環境：3/5

Wheeee (｡･ω･｡)ﾉ٩(˃̶͈̀௰˂̶͈́)و【三哥新米線　煳辣可一戰】早排知道三哥推出咗新湯底，三哥派嘅我哋就當然要去食吓，試一試新嘅期間限定嘅組合好唔好食啦🍜 而除咗嗌米線之外，我哋仲試埋一啲新嘅小食同埋特飲，就等我哋同大家分享下啦😆～我是Menu～//煳麻湯魚爽肚米線//佢哋呢款煳麻湯底係將「煳辣湯」，即係將啲香料不斷翻炒，再用嚟熬嘅湯底🥣 再加上傳統三哥「麻辣湯」又麻又辣嘅精粹🌶 混和調配而成😛 飲落去我哋就覺得麻而不辣，既有焦香，又有些少辛味😋 結果我哋係清咗成碗湯。而除咗碗米線之外，碗嘢亦有魚爽肚，入面嘅魚爽肚爽口彈牙又唔腥，薄得嚟又可以裝到湯飲🐟 除此之外，碗米線仲有三舊芥末魚子滑豆卜，好似魚肉釀豆腐咁，平時食開魚腐嘅我覺得呢樣食落幾新奇🤤 喺鱈魚滑上面再加咗由山葵提煉而成嘅芥辣油，食落真係幾醒神🤓 而我哋額外仲嗌咗竹笙，吸埋啲煳辣湯真係令人一試上癮，食到少少辣嘅不妨一試🤩//香烤芝脆豆腐餅//呢份小食佢哋係用鱈魚漿再加上硬豆腐搓成，入面仲有些少芝士，而上面就淋上咗麻辣喼汁🌶 咬落去個口感幾特別，個底有焦香得嚟又夠脆，而個面塊豆腐餅就相當軟腍🦦 咬入去仲有小量切碎咗嘅榨菜，

好地地想去食個快嘅晚餐，點知要受氣🙄啲呀姐垃圾態度之餘，米線硬，普通酸辣湯底個味好淡，同平時其他食開好唔同。講真平時係各區都會食下譚仔，但真係第一次食到咁嬲，嬲到要寫岀嚟

如標題等左二十分鐘有多，加左16蚊要個餐，返到屋企發現執漏左口水雞俾我！咁請問我個清湯米線+乍醬+野飲點解要等二十分鐘？你地廚房究竟點做野？得果兩個餸都可以執漏單！離晒譜！

因為之前有一排食譚仔好鹹，我已經好耐冇食，但今次見佢出咗新野鴨血豆卜米線 因為本人非常鍾意食鴨血，所以今次試吓！佢仲有水煮湯底俾你揀，今次試吓小辣先面頭係有浸油，不過唔係好厚可接受！個水煮湯底都幾香，略咸，不過今次食完冇麻辣湯底咁口渴！而鴨血都嫩滑彈牙，唔會一夾就散，都幾好有驚喜豆卜索晒啲汁，好正個湯底配料有芹菜，如果唔鍾意嘅記得要走咗去口水三素 係朋友介紹話幾好食個汁香香辣辣，材料有豆卜，冬菇，雲耳三款都似好索味既材料，有淋又有爽口口感豐富