譚仔三哥米線 (希爾頓中心)

营业中

休息中

＄34一碗米線包一個＄5餸，＄6以上要另加差額，除左清湯，其餘湯底都要加＄1至＄2🍜叫左一碗牛肉清湯米線及中麻辣豬膶米線，牛肉大細不一，大概有8至9舊，韌口難咬，不過好過食啲有鬆肉粉醃到淋pat pat嘅牛肉；豬膶亦係大細不一，大概有7至8舊，粉淋及無腥味；中麻辣唔算太辣🤔，米線好爽口彈牙， 每碗米線都會附上腐皮、韭菜及芽菜，不過份量好似少過以前🤔， 但係米線嘅份量都keep到大大碗😄員工服務態度可以，環境光猛，清潔度都ok

自己喺呢一頭返工，所以經常都會嚟呢一間譚仔度食，今次咁啱食lunch嘅時間係已經過咗兩點，於是就等過嚟食呢一個譚仔嘅下午茶。今次食呢一個下午茶揀選嘅都係兩餸餐再加兩個小食，最近佢個小食加多咗一個土匪雞翼或者香草雞翼嘅選擇，我自己係非常之開心，因為我自己好鍾意食土匪雞翼。而佢兩餸麵都係有一個指定嘅餸要揀，以我自己冇咩特別喜好，於是我會叫兩份雞肉，而小食方面就叫咗土匪雞翼再加麻辣豬耳，兩個都非常之好食，而且價錢非常之抵，一定會再嚟食

喺附近返工又要OT8:30收工就決定咗去食譚仔晚市都好耐冇食見佢有啲二人套餐可以揀好似都幾特別等遲啲再多啲人去食嘅時候再試今次呢都係叫咗雞肉，麻辣10小佢呢一間嘅辣度呢都好正常因為我自己覺得每一間譚仔呢，都係有唔同味道 而呢間食慣咗都唔會話特別太辣米線嘅口感呢，唔會太過腍或者太過硬都係啱啱好，如果自己就好鍾意叫多麻既因為呢嗰個湯底會有多一種麻麻嘅感覺，但又唔會話非常之增加辣度 都幾爽另外小食方面叫咗蒜泥白肉我自己鍾意分開食，唔鍾意撈埋食味道都係正常發揮 好食

今日星期六放工好晏，一定要嚟食個譚仔慰藉返自己嘅心靈因為時間比較晏，所以已經到咗下午茶嘅時間之前食過呢一間嘅辣度都係比較合理嘅所以下午茶餐揀咗兩個小食嘅套餐佢會跟一碗細嘅米線，再加兩款小食 係一次過滿足晒所有慾望，而且自己食都可以食得晒自己小食就揀咗麻辣豬耳同埋新加咗嘅土匪雞翼真係好出色，以前係冇呢一款小食嘅米線方便佢只可以係指定嘅餸可以揀，因為當中好多餸我都唔食，所以我就揀咗兩份重複嘅餸，都係可以嘅味道一如以往都係好好食，小食加咗土匪雞翼真係值得一讚，但係如果下午茶嚟食就真係比想像中多人同埋落單之後等咗好耐。大家去食嘅話要留意番啦。

其實食開譚仔嘅話，其實都會有一鋪譚仔癮，一開始食譚仔唔識食係會食清湯，之後慢慢食得到辣之後就開始係食10小辣而今日咁啱啲同事話可以陪我食譚仔就再去食，平時我都係兩開兩個餸 雞肉同埋腩肉我覺得每一間譚仔嘅味道都會有啲唔同而辣到都會根據返唔同嘅分行又唔同，呢一間嘅辣度係正常嘅10小辣唔會太辣接受得到，但我自己落單嘅時候係會叫多麻同埋多湯，咁樣叫嘅話一碗米線落嚟個顏色會睇落好食好多 但加埋的話又唔會令到個湯辣太多 另外小食嘅話就係叫咗土匪雞翼，呢一間次次嘅土匪雞翼都係非常之新鮮，每一次都會係熱辣辣咁上，並唔似係即時整落凍晒嗰隻，所以都好推介呢一間另外要溫馨提示大家呢一間分店嘅冷氣係壞壞哋嘅，所以佢喺分店入邊有一部大嘅冷氣機，但唔係吹到晒全部位置，要去又怕熱嘅朋友記得要坐返近冷氣機嘅位置

今日去到沙田做野午飯時間周圍都係人路過見到間三哥米線仲有位坐就快快手入去坐啦呢間冇得掃QR code 落單要向店員落order✨過橋米線🍜🍲要清湯落單後等大約十分鐘就有過橋米線勝在可以一個價錢食到好多餸🤟🏻🤟🏻落order 時表明唔要腩肉食落真係有走到米線啲餸嘅份量都俾足料👍🏻湯嘅溫度都偏高食落個人都會熱💦🔥好在餐廳冷氣通風都好足夠💨💨唔會食到成身都出哂汗🥵餐廳流量都高食飽都要快快起身走店員都密密手做餐廳環境乾淨企理會繼續幫襯

作為香港人我最喜歡的簡單快餐來說，譚仔三哥一定是頭三甲吧，偶然都會試試餐廳新出的菜單，但這一次新出的菜單，真的很中我的最愛🤤🤤🤤🤤我平時都很喜歡吃酸的食物，這個酸菜湯好Duck Duck 米線湯底味道很夠酸，很開胃，滿滿的酸菜和酸豆角，我點了中辣，又酸又辣太讚了！真希望永續這個湯底🥲🥲我超愛的！配料有煙燻鴨胸和鴨腎花，爽脆的鴨腎花口感挺好的另外點了新的特飲黑芝麻奶蓋豆乳特飲，冰度和甜度都固定，有點太甜了，黑芝麻味都有點淡，一般般

店舖內算大，同朋友叫左一碗麻辣三小辣腩肉米線、一碗湖辣十小辣雞肉米線，一分大碟蒜泥白肉。麻辣丶湖辣夠香，米線分量算足夠，腩肉同雞肉都幾淰，蒜泥白肉辣味夠，蒜香味好食。

我諗好多人都會食過譚，以前我食開都係清湯同茄湯，係自從試過朋友個酸辣湯就愛上咗。三哥啲米線同配料對我嚟講不嬲都算足，不過係爭在個湯底。同一間舖頭唔同時間去個湯底嘅味道有時都差得幾遠。記得上次去食係偏鹹，要加水落去溝淡佢。而今次食就偏辣，要飲返幾杯凍水先可以無咁辣。之前喺青衣同元朗嘅三哥都遇過咧個情況，原本仲以為連鎖店啲分量應該差唔多，唔會差太遠timoverall嚟講唔太差嘅，不過喺湯底個QC方面可能要改善下～

試試譚仔三哥新品酸菜鯛魚米線 又係時候試試伏唔伏.⭐️三哥酸菜鯛魚米線$52價錢$52 就黎同大大碗過橋差唔多 算貴但用一人酸菜魚黎講 價錢中等水平呢次建議配菜有 魚片頭 鯛魚片👌🏻鯛魚片其實幾好食 魚皮位 爽爽地👌🏻魚肉都薄同滑 👎🏻但有碎骨 ‼️好多碎骨 ‼️堅要注意👌🏻湯底 可圈可點 酸味好突出 睇你個人鐘唔鐘意重酸啦默認5小辣 但酸菜同泡椒合2為1食酸菜等於食辣椒 食到流汗😅大概 小辣以上.整體唔伏 鐘意重酸朋友 應該會加分我就一般 我應該會鐘意 酸 鮮 辣 都平均小小.#hkunfoodrecord窮遊香港#hkfunfoodrecord_沙田.#譚仔三哥米線 (沙田)沙田沙田正街3-9號希爾頓中心3樓48-51號舖.⭐️評分：味道：3/5環境：2.5/5服務：2.5/5抵食：3/5.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkigshop #hkblogger #hktrip #hongkongtrip #香港旅行 #hkfoodies #hongkongfood #吃貨 #食評 #香港美食 #

新品 三哥酸菜鯛魚米線 $52推⭕️三小辣 配魚片頭（建議配搭）呢個普通唔使揀 ❌可以自選其他湯底竟然夠酸！！幾香 尾韻帶d辛辣魚有5-6塊 滑同幾爽啲配料辣菜脯都好食！會encore!

自從譚仔三哥出新野✨必點［三酸撈薯粉］食完一次愛上了，酸酸辣辣汁滲入幼滑Q彈薯粉內特別惹味，辣度為10小辣，素食者更有選擇個人起愛酸菜、木耳絲撈起，食起來爽口，開胃又刺激，份量十足孩子最愛嘅清湯魚片頭米線，清湯得來唔太鹹夠健康，份量仲好大碗小食必點✨新疆香草雞5/隻每隻大大隻脹卜卜，肉質嫩滑Juice，灑上孜然粉特別惹味，食到唔停口

去三哥一定食酸辣湯米線， 不過我就食最小辣個隻，個酸味唔會酸到你皺晒尾 個辣味唔會食三你噴晒火 就係甘夾甘岩岩好。加埋豬潤，蘿蔔，同本身入面都有牙菜，久菜，好大碗 食到好飽連湯都飲埋。

試試譚仔三哥新品煳椒肉骨湯米線 試試伏唔伏？.⭐️煳椒肉骨茶湯米線先講講湯底 本身望到個名 期望係肉骨茶feel既湯底實際其實同胡辣湯分別唔大基本上冇咩分別 藥材味都唔太感受到今次新餸有 黑椒豬扒 白木耳 老油條⭐️黑椒豬扒 有4舊 同平時bbq買既黑椒豬扒差唔多⭐️白木耳 反而幾好咬 新奇加分⭐️老油條今日賣晒 轉咗做豆卜🤔仲有比較奇怪嘅係 佢放咗一整個 連皮蒜頭落去湯底度 大家都知平時 蒜頭幾多泥 唔係唔信佢冇洗 但感覺唔太好.整體又係 係舊有既基礎底下製造新產物今次呢個湯ok啦 個人本身都鐘意煳辣湯 所以正常唔伏.#hkunfoodrecord窮遊香港#hkfunfoodrecord_沙田.#譚仔三哥米線 (沙田)地址：沙田沙田正街3-9號希爾頓中心3樓48-51號舖.⭐️評分：味道：3/5環境：2.5/5服務：3/5抵食：3/5.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkigshop #hkblogger #hktrip #hongkongtrip #香港旅行 #hkfoodies #hongkon

作為三哥忠粉每次有新產品都唔會錯過今次推岀嘅砂砂湯肥牛鹿茸菇米線 仲要係男神Jeffrey 代言 梗係不得不試 而且每間分店Cashier 旁均有印有jeffrey廣告 的A5卡供顧客提取 咖啡豆點可錯過😍講返砂砂湯肥牛鹿茸菇米線 真係好懷念 因為砂砂湯底之前都係機場限定湯底味道似Laksa 叻沙甜辣得黎有花生香 一直都好鐘意而家加埋肥牛吸盡湯底精華 鹿茸菇亦相信爽脆好惹味 好開胃😋煳麻辣椒豬肚 用上秘制煳辣椒花椒等香料紋煮麻辣香加爽脆口感 送米線食一流奶蓋芒果蒟蒻椰香金露芒果味濃 奶蓋有芝士味 加左Q彈芒果蒟蒻珠增添口感 清新解渴