譚仔三哥米線 (啟田大廈)

营业中

休息中

雞肉麻辣四小辣米線，最鐘意食既配搭，好好味。幾蚊加個新推出既老油條食，講真，真係麻麻地，雖然只係加幾蚊，但都覺得蝕咗俾佢😂好硬，同埋得陣油味，下次唔會再叫老油條。

譚仔可是說所有年輕人都喜歡吃的米線店，個人比較喜歡三哥的湯底比較重口味，有層次像是以高湯熬製一樣似的，米線麵條彈牙不黐牙。個人喜歡點魚蛋及炸醬作為配料，炸醬風味鮮甜味道濃郁，魚蛋彈牙爽口充滿魚香🐟

相信大家都知前排鬧出「還我鴨血」事件😆，之後三哥就搵嚟Tyson Yoshi 代言一次過推出新款米線、小食、飲品同食材，今次我哋一次過食晒，幫大家試吓味🤟🏻！.📍三哥水煮湯老油條鴨血米線 （$42）「三哥水煮湯」用咗 15 種香料同醬料調味，再加入花椒、八角同鮮辣椒，叫咗三小辣，感覺比平日再辣啲。配料係台灣直送嘅鴨血同老油條，鴨血都幾嫩滑。呢款米線由 5 小辣起跳🌶，可以自選辣度同湯底，另外仲可以*免費*加多份芹菜💚。.📍蒜香雞翼尖/蒜辣雞翼尖 （$15）涼拌雞翼尖有蒜香/蒜辣2款口味，配上秘製醬汁、蒜泥同炸蒜。前者食到蒜香🧄同芝麻香；後者就就啱晒嗜辣人仕。📍鴛鴦哈蜜瓜爆珠梳打 （➕配價$12）以哈蜜瓜汁做底🍈，再加入香茅汁同檸檬汁🍋🌿，入面仲落咗爆珠，整體味道偏甜。.📍香醋芝士鮮原茄 ($16)呢個涼拌番茄🍅賣相成個紅寶石咁好有驚喜，加咗三哥秘製紅油香醋醬汁，番茄頂部仲加上芝士粉，味道酸酸甜甜清新開胃，大愛😍。.📍另一碗米線我哋點咗3款全新食材 （油揚 $6、京白菜 $6、鵪鶉蛋 $11）加上蕃茄湯底🍅。油揚吸湯能力高🧡，鵪鶉蛋彈牙滑溜🐣，京白菜吸咗蕃茄湯底酸酸哋好好味😋🥬。呢3款都

我哋試咗譚仔三哥最新推出嘅炆米線，啱晒啲重口味又嗜辣嘅朋友仔🔥。.香辣回鍋肉蝦仁炆米線結合咗川菜嘅回鍋肉同乾鍋麵，回鍋肉肥而不膩🐖，配上爽口彈牙嘅蝦仁🍤，另外仲可以加配其他指定食材，食米線都可以食得勁豐富🍜。米線再吸咗回鍋肉汁夠哂惹味，不過老實講咗麵質太腍。麻辣醬銀耳鹿茸菇口感爽脆，再加上麻辣醬汁🌶，越辣越過癮！露絲瑪莉蘋果梳打味道甜甜哋🍹，夠晒清爽，用嚟解辣就啱啱好😉。

嘩！我終於有勇氣去挑戰譚仔三哥新出嘅煳麻湯魚爽肚米線😆 以前睇住屋企人食小辣食到出晒汗，今次order前問咗三哥姐姐，佢話煳麻湯辣嘅程度都係五小辣🌶🌶🌶🌶🌶😥 好 唔驚！一於試試佢！🤣除咗煳麻湯魚爽肚米線，我仲order左蒜香茄子，打算用茄子中和一下佢嘅辣度（最後發現原來茄子都係辣嘅🤣 傻仔左🙈對個從來無食過酸辣或麻辣湯底嘅我黎講，呢個煳麻湯簡直係個「全辛」震撼🤪不得不提佢既魚爽肚，口感好爽，一啲都唔難咬👍🏻而芥末魚籽鱈魚滑豆卜…包你無係其他地方試過呢種「山葵風味」既豆卜🤣

譚仔三哥越嚟越有新意，每隔一排就會推出新產品包保唔會悶😚🤟🏻。草根妹妹作為三哥粉絲，又係米線控當然唔會錯過啦！.📍煳麻湯魚爽肚米線+貢丸今次食嘅係煳麻湯，呢款係三哥獨創嘅湯底🌶 由「煳辣湯」周「麻辣湯」2款特色湯底調配而成將香料炒至近乎焦燶後再放入湯中熬製食落有花椒味帶輕微麻辣，真係特別具有風味😚另外配上魚爽肚同芥末魚籽鱈魚滑豆卜做配料前者用咗較為薄身嘅品種，口感爽脆後者豆卜吸滿湯汁再配上加咗山葵芥辣油嘅鱈魚滑食落幾有新意😋🤟🏻+$5/6仲可以額外加送餸就算喺唔食煳麻湯都可以轉湯底㗎味道都唔錯，各位譚仔三哥粉絲唔好錯過❤️！

三哥出水煮湯米線，不過評價好極端，所以即管試下叫左碗水煮湯鴨血米線 ($39)，加冬菇，水煮湯底由5小辣起，聲稱有15種香料同醬料去調味，咁要叫中辣試試！水煮湯底果然好濃，夠辣，不過唔算麻。一碗大概有5件鴨血，唔係台灣爽口果種，有齊豆卜、芽菜、腐竹，而冬菇索晒湯既精華，係就係入味，不過食完到夜晚返屋企都係好口渴，叫做試過就算小食方面叫左個大既蒜泥白肉 ($36)，好多蒜好夠味，而且白肉薄得好均勻，幾好食。

譚仔三哥真係屬於香港人既食店，每次路過都係忍唔住行入去嗌一碗雞肉十小辣，加埋一碟涼拌皮蛋，仲有經典既土匪雞翼，味道真係咁多年都冇變，小小麻辣既感覺真係好過癮好滿足呀！

見佢新出咗水煮鴨血米線，雖然自己住油塘，但鬼叫自己想食，搭車去買，經過上一次收銀聽錯單之後，今次用手寫定張紙，比完錢，再睇返單，佢都可以漏咗加腩肉，即刻同佢講番，咁好啦，等咗大約15分鐘，拎咗就諗住返屋企開餐啦，一打開.......豆卜呢？？？仲要2碗都無豆卜！呢間外賣出錯已經唔係第一次，幾好食都無用！🤬唔通我次次買外賣都要即時打開睇清楚先走咩！！！！佢呢間舖由收銀，到廚房，我諗都應該去再培訓！

藍田譚仔三哥嘅獨特砂砂湯底真係超級好食的同埋值得回味！去過九龍灣嘅藍田三個發現原來唔係更加三個都有呢個砂砂湯底！莎莎湯底都可以揀辣到，佢同清湯或者其他麻辣湯底唔一樣。咁當然三哥嘅經典小食土匪雞翼，麻辣青瓜都一樣咁好食啦！推介推介❣️❣️

一間差唔多人人都食過嘅餐廳點解我會寫食評呢？實情我好想為佢嘅外賣表揚一下！當日透過外賣app買藍田呢一間分店既外賣，由落單到送貨用咗20分鐘之內，呢一樣已經要俾足分數！其次外賣送到黎嘅時候，擺盤同堂食一樣，甚至可以話更加精致，所有食物仲係相當熱辣辣，味道質素完全同堂食一模一樣！！朋友叫咗一份炸醬，分店仲俾埋一個外賣膠盒去裝，完全冇倒瀉的危險（雖然知道有點唔環保，但總好過倒瀉晒無得食）今次食評絕對係為包裝同埋店員的用心去打分！好味、好服務、好質素！

最近，譚仔三哥有新餸菜-酸菜魚米線食，所以就去試下。前排外賣比起堂食更加平，所以就叫左外賣。佢酸菜魚係用咸酸菜同魚片，兩者都幾夾，有少少出面好味酸菜魚嘅感覺，又酸又辣好開胃，但要小心有魚骨。

今日我地二人叫左外賣過橋米線（蕃茄湯3小辣)同單餸腐竹米線（麻辣3小辣）一如既往，味道唔錯，但覺得過橋米線外賣比堂食少左d咁，不論係料定係米線，一個人都可以食得哂🙈

網上見到譚仔三哥米線出咗新嘅撈麵食法，我自己本身好鍾意食薯粉，特登抽時間去試。天氣開始熱，撈麵比較清爽！$39 有炸菜，豬耳，雲耳，青瓜絲，有啲脆卜卜嘅嘢唔知點叫～ 我揀左5小辣，但唔知係咪d料本身用麻辣撈過，所以再辣d。味道不錯，就算撈麵都唔會凍冰冰，薯粉熱熱地，好食。美中不足是，食到後面覺到好咸，可能調味料向哂底。如果佢跟餐可以叫嘢飲，我覺得會再好啲。本身可以加多啲配料嘅，不過我覺得呢個份量都幾夠飽。都幾啱想食埋小食嘅朋友，因為佢都配料幾齊全。

每次揀三哥都係因為有蕃茄湯薯粉，係譚仔無嘅嘢😂叫左雞肉金菇蕃茄湯薯粉，幾好味😋蕃茄湯幾濃味，鍾意薯粉個種煙韌嘅感覺😋三哥姨姨都幾好人，雖然少人做嘢，不過都好快手👍🏻