譚仔三哥米線

营业中

休息中

第一次食三哥早餐。今次食B餐，$32+$7有米線+$1麵包烘底+$3凍飲，都43蚊。朋友食A餐，本身包一碗米線。食物：米線無得揀湯底，無辣度。唔知點解，米線好似食落口感好啲。炸醬炒蛋幾特別，炒蛋都滑嘅。

買咗外賣，食咗兩啖 就見到生菜蟲蟲向我揮手，打去鋪頭同佢哋講碗麵有蟲，佢哋話會叫經理聯絡番我，等咗成個晏就都無人打嚟，忍唔住打番俾佢哋，話抄場太忙唔得閒覆，我唯有親身拎番俾佢哋，睇得出佢哋見怪不怪🙂 打去食環都做唔到d咩，真係無奈....

今日同朋友食晏，唔太想食米線，但又心郁郁想食辣，於是都入左三哥。睇吓menu，唔食米線都有好多小食揀，好似土匪雞翼，青瓜雲耳，或者新出既芝士豆腐餅咁。最後叫左兩款辣既小食:大蒜泥白肉($38)，口水雞翼($24)，凍OT(+$9)。大蒜配辣油，雙重辣味，脂肪同肉一層接一層，薄切關係肉唔鞋口，仲有爽彈既豬皮，加上入口軟腍既肥膏，好食！每次要叫大先夠喉，唔知細既份量差幾遠，有機會試下比較下。口水雞翼有兩款汁，可以選擇其中一種，揀左重慶口水汁，配埋彈牙雞皮，超級夾！不過雞翼肉質比較實，凍食雞翼常見通病，如果嫩啲更好。

一碗過橋米線要等半個鐘，土匪雞翼要45分鐘，响呢度食飯完全係燒時間。埋單收銀姐姐又唔知去左邊，條龍已經排到好長。其實食一碗米線原本可能只需要半個鐘至45鐘，但依家用左一倍時間，簡直係浪費生命

第一次嬲到寫評語，希望唔好再有人中伏。晚上8：05分入去，坐左20分鐘都落唔到單。期間不停叫d侍應落單，佢哋望一望我扮聽唔到, 間唔中“哦哦”之後行開去。 成間鋪d客人個個舉曬手叫落單冇人理！仲有好多人投訴緊佢地落錯單！ 等咗20分鐘我終於忍唔住，見有兩個侍應企左係到吹緊水，我行過去問：究竟有冇人可以幫手落單！點知其中一個答我“哦，落單呀，哦。”之後又行左去！呢個時候，另一個推住車仔既員工望一望我，又直行直過，部車仔仲碌過左我隻腳，搞到車上既凍檸茶倒瀉左。呢個時候我先知呢度啲員工唔係啞亦都唔係盲既！因為佢望住我再“jip"左我一聲！嘩~ sorry都冇句仲jip返我轉頭！呢到d員工真係惡到呢~ 總結，時間多又想受氣既可以去幫襯！

離晒大譜，等位到入座到等嘢食，足足等咗一個鐘，都冇嘢食，午飯時間得1小時，我哋用晒1小時間黎等，最後咩食唔到，退左張單番公司，中途催左幾次單，侍應只回覆「得啦，得啦」，咩態度，仲會唔會再過分啲，午飯時間就咁比左佢，最後咩都食唔到，一啲歉意都無，叫退單，就回覆「哦，好」，一句唔好意思都無，咁大牌咁老馮嘅食肆真係少見，咁多分店嘅連鎖集團，咁嘅態度，咁嘅質素太過惡劣，我都無咩幾可寫差評，呢間真係勸諭大家唔好去，咁樣嘅服務我相信唔係個個咁好彩會預到，但真係預到呢，就要面臨最後咩都無食地走，餓足成個晏晝等晚飯⋯⋯

譚仔三哥新推出左煳麻湯魚爽肚米線‼️中意食辣既我二話不說就走去試😍呢個煳麻湯既湯底結合左焦香濃郁既「煳辣湯」同醇辣既「麻辣湯」，多重香麻辛辣既味道刺激味蕾❤️‍🔥▪️ 煳麻湯魚爽肚米線+豬潤&冬菇 ($42+$5+$5)湯底配埋魚爽肚同芥末魚籽鱈魚滑豆卜簡直令人欲罷不能🤤第一次食魚爽肚，口感薄身又爽滑；而芥末魚籽鱈魚滑豆卜又係好特別，喺鱈魚滑入面加左以山葵提煉既芥辣油，一咬落去就充滿濃郁既芥末味！而且魚肉好彈牙，配埋煳麻湯係另有一番滋味，食晒成碗都覺得唔夠喉😆如果唔食得辣，仲可以轉其他湯底！另外仲叫左蜜桃🍑乳酸梳打 (+$11) 香濃桃味好解辣😍而且仲有個全新限定小食 - 香烤芝脆豆腐餅 ($15) 用左魚肉豆腐好滑，個底仲有烤過既芝士香薄脆😋

員工聊天聲浪太大，一直在說：（男）_8806: 日日都OT 人工又低。（女）_黑頭髮：大聲說，大不了唔撈！眼見：客人舉手沒人理，客人變了自助攞水飲，服務枱水樽打開了（男）_望到都唔加，只好再舉手問攞杯水，員工有員工聊天。（聊天內容都是公司福利差，工資差）….今時今日有工用搶指住你開工嗎？！只有一個推車（金頭髮）_姐姐；一邊推一邊叫他們有客人舉手 行一次叫一次❕食物食物質素正常！服務 #hkig #hkfoodie #hkfood

試食姬松茸🍄螺🐚片🐓雞米線，湯底有少少藥材味，入口甜美香濃，喜歡重口味就會覺得味道剛剛好，但朋友不喜歡重味就覺得略帶少少鹹。不過，賣相與宣傳相差得遠，此相已是上枱即影的相片。🐚螺片很大片，軟硬適中，不會太薄，入味，好食。🍄姬松茸第一次食，表面縐皮，但食落幾爽，不錯。🐓雞件不如相片大件，碎碎的，淡淡味。整體來說，可以再翻吃，但要加肉類的餸。土匪雞翼💯可說是譚仔三哥的皇牌菜，香脆，孜然味香濃入味比同名兄弟更美味🍅湯底竹笙米線，米線有些硬，但茄味夠濃，今次只點竹笙1樣餸，好似份量比平時多，竹笙爽口索湯，是本人食三哥米線必選餸。這間三哥似乎新開不久，裝橫頗新，地方夠大。還有，3哥湯底一向水平不錯，平時首選3哥酸辣，不過今日有少少唔舒服，所以選了蕃茄湯底，估唔到有意外驚喜，居然🍅味咁香濃。

每次食三哥都係腩肉煳辣中辣，今次有新野即刻試試。只售兩星期嘅"姬松茸螺片雞米線"可以自選辣度，45蚊。今次叫咗10小辣。賣相預左冇餐牌咁四正，但份量方面，雞肉有三四件，螺片都有兩三塊，呢個價錢正正常常。姬松茸好有菇嘅香味，撘埋雞螺好正。但唔喜歡菇味既人可能會覺得腥腥地。湯底方面，菇菌雞湯，10小辣黎講，都無掩蓋到菇香，好似猴頭菇湯咁幾好飲。#仲有新小食(其實出左一排)香烤素菜卷，16蚊！可以自選麻辣涼拌汁或者重慶口水汁，揀左後者，腐皮略濕，唔夠乾身同脆，以致口感偏硬，較難咬開，包住幾種蔬菜，紅蘿蔔絲、菇絲、沙葛絲等，食落幾爽脆。點汁食唔錯，但汁唔太辣偏甜，嘴唇只係微微發麻，辣度剛好，提升左成件事。

一見到三哥推出水煮湯鴨血米線就已經流晒口水，躍躍欲試！是日放工後被家姐撩去吃，因為她也想吃啊第一次來電訊一代廣場分店，原來都幾大間！！我們6點半左右到達，店內食客很少，完全不用等位～～水煮湯鴨血米線，配料有鴨血﹑豆卜及腐皮，還有少量芽菜﹑韮菜和唐芹！水煮湯的辣度由5小辣至特辣，先試試5小辣的程度好了！據餐牌介紹，食唐芹可減辣，但個人不愛芹味而走芹啊！米線一上桌就已辛香撲鼻，似乎辣度十足～～～雖然沒有另外追加配料，但鴨血及豆卜的份量都已夠食！！水煮湯底比起平時的麻辣湯底多了一陣香料味，略略多了些層次。家姐就覺得食到底會鹹一點點！鴨血大大塊又嫩滑，調味恰好，不會太淡！豆卜及腐皮吸盡辣湯，加上豆卜的那陣油炸香，正！！餐牌設計上，將這款米線hashtag為#香麻辛辣，香辛辣俱備，麻就稍稍欠奉啊！整體來說，都幾好味的～～～

餐廳：譚仔三哥米線 (觀塘)地址：觀塘成業街10號電訊一代廣場1樓C號舖對上一次食譚仔三哥 @tamjai_samgor 應該都喺兩三年前嘅事🙈，最近喺因為比佢新出嘅水煮湯鴨血米線吸引咗而再去幫襯，另一個原因就係因為我好掛住佢哋嘅麻辣湯底🌶叫咗個水煮湯鴨血雞肉米線，湯底用咗秘製濃湯同埋胡椒煨扣鴨血2個鐘而成，當中加入咗15款香料同醬料，唔少得嘅緊喺花椒、八角同鮮辣椒🌶️，無論係聞定係飲都一樣辛香撲鼻😍，我就叫咗5小辣，廢事食太辣爆暗瘡🙈。鴨血有五塊，加埋豆卜、芽菜、唐芹同米線吸收晒湯底嘅精華，真喺越食越上癮🤤，點解咁多人鍾意食譚仔三哥喺有原因㗎😂去三哥食辣野一定會叫返杯凍奶茶少甜少奶，解渴之餘仲可以中和返湯底嘅麻辣，鍾意食辣嘅你不妨去試吓佢哋嘅水煮湯底，食唔到辣都唔洗怕冇得試鴨血，因為可以配其他湯底㗎🤪

‼️❤️ 記得CLICK我PROFILE關注我呀 ❤️‼️.🍜 𝗗𝗲𝗹𝗶𝗰𝗶𝗼𝘂𝘀 𝗠𝗶𝗫𝗶𝗮𝗻 𝘄𝗶𝘁𝗵 𝗚𝗿𝗲𝗮𝘁 𝗩𝗮𝗹𝘂𝗲 @ 🌟 譚仔三哥米線 《👽食神大媽食好味米線》.💁‍♀️ 圖片展示美食為：三哥水煮湯鴨血米線香烤素菜卷蜜桃乳酸.👽 要數香港特色標誌性美食，大家一諗到就係三哥嘅米線呀！！！大媽有幸率先試左三哥嘅新口味，起3月16日開始隆重推出嘅「三哥水煮湯鴨血米線」🦆 簡直係大媽最愛嘅口味！湯底非常濃，用三哥獨特秘製水煮湯泡製！重點係鴨血完全無腥味，非常新鮮！ 😚 再配以豆卜、腐皮、米線，呢個組合全部都吸滿濃湯精華，令你每一啖都覺得非常惹味！辣度由五小辣起跳，絕對醒神！更重要係脂肪含量低又補血，絕對係女神恩物！🥰.💁‍♀️ 食嘅時候熱辣辣？！唔怕，仲有起3月30日推出嘅「香烤素菜卷」同「蜜桃乳酸」幫你平衡下！記得呀，係期間限定架，一定要一推出就即刻去試呀！🤩.🥬 香烤素菜卷係完全唔會咬落一泡油咁樣，調味非常恰到好處，又香口又唔會覺得油膩！配上麻辣涼拌汁，夠特別、有風味！🍑 蜜桃乳酸就更加唔洗講，酸中帶甜，加大大舊真·蜜桃，完全無人造甜味甜到確喉嘅古怪感，反而係好清新，配辣辣米線簡直係

一向鍾意食米線多過食飯。所以成日幫襯各米線店，譚仔三哥就是其中一間。聽講譚仔三哥米線又有新出品，今次推出的是「三哥水煮湯鴨血米線」。5小辣起跳，可自選辣度。當然第一時間要去試下。水煮湯鴨血米線：我點了5小辣，大大一碗，辣椒份量十足，嗜辣者必定要試下。試一啖湯頭，熬煮2個小時的秘制濃湯，濃郁辛辣鮮甜，覺得對於我有點辣，但又非常惹味。胡椒燴扣的鴨血嫩滑，入口即化，越吃越上癮。豆卜和牙菜吸收了濃湯精華，非常入味！

三哥炸醬炒蛋(💸$32)身為一個肉醬迷 當然要試下三哥炸醬炒蛋😚望落感覺有小小劣 份量亦都同個價錢唔太成正比💸食落味道正常 但感覺有啲唔夾🤯味道係分開 冇融合一齊❌👅 回味指數:3.5/10總結 R小編都係將個肚留返比好食既豬潤😂大家無咩事就唔好去試伏了😛