譚仔雲南米線 (新都廣場)

营业中

休息中

烤雞炸醬撈米線/撈寬麵見到譚仔新出撈麵，張圖吸引左我😍譚仔嘅招牌炸醬唔洗講都知道幾好味，嗌左唔辣嘅撈寬麵，不過寬麵無想像中有咬口同嚼勁，而烤雞厚切嫩滑，配埋爽口醒胃嘅酸菜，味道非常夾同好味😋。巴蜀爽脆生腸、麻辣豬耳、四川青椒皮蛋譚仔小食方面從來都唔會失望👍🏻，水準一直保持，生腸同豬耳都十分爽脆。菠蘿味無糖可口可樂特飲🍍🥤菠蘿汁配無糖可口可樂，加上檸檬片，夏日炎炎飲返杯好正，不過個人覺得有點偏甜。

今日走去食，其實等左10幾分鐘，隔離枱都上嘢食，但我地枱未有都算。最離譜係兜面已經煮好擺係個出餐位，行過幾過人都唔送果黎，仲要果個時間係唔多人，都唔送過黎，我真係唔明送過黎咁麻煩咩，仲要有幾個人經過都唔送過黎，行黎行去好似好忙咁，但果斷時間又唔係繁忙時間。