譚仔雲南米線 (元朗千色匯)

营业中

休息中

係外賣平台叫外賣，定位都岩，做緊野果陣時，個譚仔呀姐打電話黎，係到幫個外賣員一開波第一句就話：你聽唔聽到呀？你同我聽清楚呀，你寫錯地址…然後係咁鬧我係咁話我。 我一開始呆左一下 已經覺得奇怪，叫左外賣咁多次 無100次都有50次都無錯，但我果下都仲係以為自己禁錯地址，所以好有禮貌咁講收到，聽到。 然後我轉頭就打上外賣平台CS先發現我無打錯地址，佢自己睇錯。（原來譚仔呀姐可以鬧個客）之前去堂食 張台有QR CODE 但係過左期，然後我舉手叫人落單，一個後生少少既望左我一眼然後唔理我直行直過。

今日試去嗰個譚仔素食米線加豬腩肉，好足料，食素個朋友非常適合，有淮山淮山浸到入曬味，豆卜冬菇浸到入曬味，啖湯好青甜，特別係佢嗰個味菜好好味，食落去一啲唔酸同唔漏😋😋😋

諗唔到食咩🧐又見到出新口味，就入嚟試下啦🤓叫咗豬軟骨·釀豆腐 x 百里香，胡椒鮮蕃茄湯，特飲黑糖寒天苦瓜茶少冰，仲叫咗小食麻辣豬耳😛呢間譚仔等嘢食嚟係等得寧舍耐嘅😶好喇終於得到碗米線，湯係ok ge，豬軟骨之前都出過都keep到ok ge，最有驚喜係釀豆腐，又估唔到嘅幾好食喎！😲😲😲麻辣豬耳不嬲係至愛，每次嚟都係為佢！不過今次太多醬喇，搞到成碟豬耳都好咸🤣🤣黑糖寒天苦瓜茶啲姐姐話係甘甘哋，咁先諗住試下，點知已經唔係甘咁簡單，直程係苦🥶

今日接近中午時段，嚟到呢間譚仔可能未去到午市最旺嘅時間店舖入邊人都唔係好多快快脆搵到個位之後見到枱面已經有點餐紙自己掃code落單因為瞓醒覺冇耐想食個早午餐唔係太肚餓少少哋叫咗兩個小食分別叫咗一個大嘅紅油青瓜同埋一個蒜椒雞腳筋以我平時一向食開清湯同埋10小辣嘅人嚟講呢兩個辣度可接受佢嘅紅油青瓜，青瓜爽口清甜面頭有啲芫荽唔鍾意食芫荽嘅朋友可以喺落單嘅時候揀走芫荽雞腳筋爽脆 有好多粒粒辣椒絲蔥碎蒜粒少少麻少少辣，香口惹味～

譚仔出新野！唔係唔試啊嘛～今次譚仔秋季就新出左個黃金魚湯米線配烤魚柳魚肚，聽落都覺好吸引同賣相都好似好靚咁！不過一上菜就真係明白圖片只供參考🤣不過唔緊要，好食就得啦～湯底鮮美清甜，飲落仲有淡淡既魚香味，而且飲落去味道都好濃郁，仲配左幾粒辣椒仔味道更上一層樓！而烤魚柳魚肚我就覺得份量偏少，不過食落去肉質嫩滑又多汁，味道都唔錯既～希望下次賣相可以靚返少少🤣

. 烤雞炸醬撈寬粉/米線 | 麻辣香蒜翠玉帶子串| 菠蘿味無糖可樂📍 #譚仔雲南米線🐔烤雞炸醬撈寬粉/米線 $44呢間嘅米線係比較幼細啲彈牙啲🤗都幾適合撈🤩有大量炸醬、酸菜🤤掛埋啲辣汁🫦小辣已經好正！雞扒有4舊左右、望落好似乾身啲🤔但撈埋啲汁真係幾好食！反而寬粉有啲失色、淋左啲😢麵質一般🥒麻辣香蒜翠玉帶子串 $18有啲驚喜😳面頭既蒜蓉好幼細再加辣粉燒😋幾惹味喎、帶子好結實無散哂👍🏻配搭幾好🍍菠蘿味無糖可樂 米線加配價$13菠蘿味唔算好出😂叫貪新鮮試下🤪下次試吓話梅雙檸Soda總間: 整體覺得好食😳有時太熱唔想食湯米、食下撈麵都不錯🤗💖——————————————-📍 #譚仔雲南米線 @tamjai_hk #hkfoodstep#hkfoodstep米線#米線控#譚仔雲南米線#撈米線 #hkfood #hkfoodie #hkcouple

過了個夏天,  踏入秋季, 又可以去食譚仔的麻辣米線了, 因為小弟非常大汁, 夏天食的話會食到成頭大汗, 所以過了夏天才來食.最近兩星期一共食了兩次,  前後相差大約十日八日左右.第一次去食應該係國慶節前後, 第二次就係剛過去的星期六 (十月8日), 今次的食評主要係講十月八日的, 入到去掃安心, 自己搵了個單邊位, 例牌的點了個過橋米線, 少米線,  麻辣五小辣, 凍奶茶少甜.落單後大約等了8-10分鐘,  米線同飲品都到了.呢個過橋米線應該改做什錦米線才是,  因為配料跟傳統的過橋相差太遠, 配料確實好豐富的, 有腩肉, 豬潤, 牛肉, 雞肉, 魚蛋, 牛丸, 墨丸,  腐皮等等.最好食係腩肉,  豬潤今次煮得太耐, 硬如柴皮, 還好本人對硬的豬潤不抗拒牛丸, 牛肉後而唔好食, 你見到似係牛肉, 牛丸, 但食落完全唔覺得食的係牛, 今次的米線亦偏硬, 估計係客人太多, 未煮透湯底揀了麻辣五小辣,  比起坊間只有大中小辣, 呢度的辣度仲可以低到十小辣, 對不能吃太辣的朋友來講確實唔錯.凍奶茶係少甜, 但勁多冰, 應該佔了一半都係冰, 而且仲係好大粒的冰塊, 唔係冰粒,  "筆"走一半

朋友話去食譚仔咁就去啦，落住雨廢事行，求其去商場間譚仔就算，其實唔係好鍾意譚仔個湯底味，雖然兩間好相似…原來有新野出左，咁就試呢個新湯底～花椒重慶酸辣湯濃汁豬軟骨寛麵，個名認真長，叫左三小辣都唔辣，諗住有花椒會有啲麻辣啦，點知冇，酸又唔酸，個湯底認真失敗，豬軟骨ok嘅，但得兩舊，寛麵又硬又唔吸湯，唔好食，早知叫普通米線。朋友叫左湖南酸辣湯墨丸米線，佢話三哥酸辣好食啲，完。仲叫左兩杯凍檸茶，正常味囉。

由於位於Yoho的另一品牌正在裝修，所以今晚同家人試下透過外賣平台幫襯譚仔雲南米線送餐。收到餐後打開食品包裝時，先被部分食物盒吸引 “完全可分解塑膠“，個人感覺對環境污染起碼係有好過無，當然如果可以盡量減塑會更加理想。先講家人的三餸麵，感覺食物份量上相對較為少，而湖南酸辣湯底感覺亦稍為淡，各款食材的品質尚算滿意。我的過橋米線食材份量一般，湖南酸辣湯同樣較淡，而各款丸的口感有改進的空間。黑栢葉及土匪雞翼都算美味。

蕃茄湯豆腐牛肚米線出咗一排都心思思有啲想試我覺得麻辣口味好食好多呢一隻蕃茄湯底我就覺得一般下次唔會再叫唔會難食，但未到覺得好食試一次就𝐨𝐤 唔會有下一次牛肚不過不失冇話特別好食或者難食好普通，唔係太香太好食，總之就冇咩特別好在叫定兩個穩陣嘅菜口水雞翼同皮蛋😆😆呢兩個就真係好正溝埋一齊食就好好食

基本上每次和老公來這裡一定會點大大碗的”過橋米線”清湯底。為什麼？因為份量剛剛滿足我們兩人的胃口，材料每樣都有少少，我喜歡吃竹笙和酸菜，很開胃，還有它熱辣辣的清湯，雖說清湯，但很有味道

No matter how good my mood isNo matter how hungry i amI can't eat as much as you do譚仔雲南米線A shop I used to loveLater, I almost never patronized this restaurant after I find the 車仔麵 nearby my homeSo today I'm looking for memories of the past and the pastOrdered a bowl of bridge rice noodles and chose Hunan hot and sour soup base $58+$1A cold drink, iced lemon tea $9Plus a plate of red oil fungus $26I started to feel like I ordered too much when the dishes came on stageA big bowl of fungus and gran

禮拜日早左起身入元朗搵朋友，但佢遲到咁我就係附近食埋個早餐先🙈一直都無食過譚仔既早餐，咁岩呢度有就順便試下～叫咗一個早餐C，煎全熟蛋，腸仔，午餐肉，家鄉泡米通粉，走餐包三樣配料都等咗好一陣先嚟到，可能因為全熟蛋要即刻煎俾我？！🤔煎蛋正常，腸仔有啲太鹹而午餐肉唔油膩比較乾身，但味道超級鹹！！我食左一啖就放棄了。。。。🤦家鄉泡米通粉主要配料係類似五香肉丁但係唔辣嘅肉粒同冬菇，搭配少少冬菜，芽菜，韭菜同埋腐皮，湯底無咩特別，似係加左味精既普通清雞湯 (但有少少油)米通粉口感煙韌👍餐飲揀咗熱檸蜜唔使加錢👏 好夠味👍整體水準不過不失，一試無仿，不過一次就夠😅

可以最多追加2個指定餸　如果有得揀芫荽同韮菜就perfect講番個撈米線　入面有酸菜（甜甜地）　同炸醬個鹹岩岩balance番麻辣汁最少要5小辣　份量岩岩好　同平時湯米線差不多環境乾淨企理　門面光猛姐姐好有禮貌　即叫即到　非常好好服務　有笑容

晚上總是想吃米線，首選第一時間便會想起譚仔雲南米線，因為媽媽正在追看劇集，就決定外賣自取，譚仔出了脆玉鯇魚新餸，一直很想試，便選了脆玉鯇魚、豬肝配泡椒酸菜湯加三小辣，豬肝很爽滑！脆玉鯇魚很爽口，無魚骨，很入味，湯底辣度不錯，配菜也很多，如芽菜、韭菜、腐皮很吸湯，湯底辣中帶酸，層次豐富，開胃又濃郁！另一碗米線是豬肉配十小辣，湯底不會太辣，小小辣味更過癮！豬肉煮得恰到好處，肉質味濃又滑嫩！土匪雞翼是譚仔必點的！有五隻，外皮燒得金黃香脆，雞翼醃得入味，雞肉口感外脆內嫩，富有保持肉汁！加上一個新鮮油生菜，全走後將它加到米線湯底後，更入味，好吃又清爽！另外譚仔飲料是冷熱同價，點點了兩杯凍檸茶，個人認為譚仔凍檸茶比茶餐廳的更好味！總括來說，譚仔在連鎖店米線來說，它一直保持水準，性價比高，份量也很多，豐富的晚餐！