譚仔雲南米線 (安年大廈)

营业中

休息中

以我一個成日食譚仔既人尼講，今次真係好失望。今日3點半約左朋友黎尼間譚仔食個下午茶，個時已經唔係繁忙時間，成個場未坐滿既，仲有好多吉位，但啲姐姐好似發緊夢咁，我個朋友落單時叫牛肉米線，佢打左牛丸，叫左走芽菜，但最後一條都冇走到，焗住唔好哂都係食埋佢。我叫魚片頭魚蛋麻辣大辣米線全走，雖然張單都有打全走，但最後上菜個陣一啲都冇走到。雖然阿姐有話可以幫我挑走佢，但廢時麻煩就算啦。總之，對尼間胃好失望啦!

自從譚仔進駐香港之後，食極都唔厭，佢嘅麻辣由最初十小辣食到宜家三少辣，繼續努力練習食更辣。無論呢間或阿哥，總有一間喺左近，個人較喜歡吃譚仔，佢嘅魚腐特別軟滑，炸醬十分惹味!今日終於記得叫少米線，既環保也可以減一蚊，加個尖椒皮蛋。先嚟尖椒皮蛋，原來仲有新嘢~豬肚絲，下次一定要嚟試。皮蛋係從化，晶瑩通透，入口即溶，個酱汁非常惹味，唔辣，好香口!喜歡吃炸醬嘅原因係大大碗，少少辣嘅肉酱配米線食特別可口。小甜凍檸茶，終於飲到一間真係少甜。其實譚仔越食越貴，最貴嘅係雞翼，咁樣食咗我六十幾蚊，好彩冇加一。

講起食米線，個人就比較中意食三哥但係講起小食，三哥同普通譚仔質素就好似差唔多，有時仲會覺得譚仔仲好添今次tea time經過，有少許肚餓但係又唔想食太飽，就咁叫咗兩個小食食tea time冇咩人，基本上座位任揀啲姐姐好似換更輪流食緊飯咁，見親都唔同人，不過都好彩服務仍然係咁好咸檸七好解渴蒜泥白玉薄切，每塊都沾滿醬汁同辣油，芝麻，上面辣喉嘅生蒜更係畫龍點睛麻辣香集於一身，食落滿口油脂但口感依然豐富，簡直係邪惡嘅化身土匪雞翼係我第二摯愛嘅小食(第一係蒜泥白肉)烤得香脆嘅外皮沾滿黑芝麻，稍微有點黏，用牙撕開雞皮後，入面嘅肉汁，雞油立即流出，好嫩滑

今午餐唔想飲茶，食米線較清淡的感覺，譚仔雲南米線又是出名店, 好自然坐下叫野食。入去食午餐是米線自由配，叫了雞肉、魚蛋米線，米線當中有芽菜、腐皮及韮菜感覺似食緊健康蔬菜，清湯中雞肉更滑口。

There are so many noodles shops in Hong Kong. This noodles shop is really popular between korean ppl who live in Hong Kong. the taste is good for Korean and topping is good choice. of course the price is very cheap and reasonable. If I order noodles and topping and side dishes and drink it's around 50.It's available to choose spicy level. small spicy was good for me but it depends.I choose pork belly and tofu puff. That's very good with spicy soup.

叫左個大土匪雞翼，隻隻都好肥美又多汁又夠味🤤d啊姐落單又夠搞笑，之後叫埋個炸醬墨丸，d啲蜜丸餅又睇落又夠好食又鍾意食佢嘅小辣辣到你有救野未啊哈哈韭菜好多我哋去食芽菜有舊生到熟曬爽口要做到同佢雞翼同埋真係慘OK OK雞翼唔錯幾好食仲有米線都仲有見到Yuen同埋有炸醬都OK呢度地方都唔錯坐得幾舒服啲姐姐服務都會傾吓計溝通今日叫咗三小辣因為平時都唔係食得好辣 食完都好滿足會在下次可以再黎過 裝修環境幾好 又唔會太多人

很喜歡在漆咸道南安年大廈地王地下看街景最少消費早22$米粉和湯別預在下但早市是可愛的做慣米線做個通粉湯汁沒問題👌一起多士連茶22hk$看來沒什麼特別配合尖沙咀的人民街境我覺得咖啡即磨真是失覺晒暗中還是讚嘆一下個位置值錢！白色包裝的食糖以為不可能是黃砂糖出乎預料真的黃咖啡糖用刀义吃花生醬多夠招積吧？咖啡還認真覺得很不錯👌👍開心早餐只消耗了- 一包糖窩心 健康應感覺良好⋯因為二十二元在香港當然不時懷念上海早豆漿栥飯但尖沙咀🤦‍♀️真是再也找不到肯做早餐栥飯 蔥油餅小店他們的米線和湯雖難同三哥比但早餐29$ 豬肝湯的卻完全超級譚仔非三哥米線城市貧民之選

每星期，我同啲同事都會過黎一次食lunch。我發現呢間有春卷而唔係間間有。（至少我砲台山附近嗰間冇）。我哋幾個每次都點差唔多既嘢。呢度效率認真冇得輸。我點咗- 麻辣十小辣米線春卷炸醬小米走韭走芽。我嗰碗係$36 加$7凍檸茶。我特別喜歡佢嗰春卷，係墨丸啲朋友，裡面有啲蟹籽粒粒。好好味！嗰炸醬都好好，味道適中。撈埋啲麵就超配搭！另外我都好欣賞譚仔嗰麵，重來都唔會過腍，煮得啱啱好。我覺得呢間坐得都OK舒服，夠乾淨。如果我屋企樓下嗰間都有春卷就好啦

This chain is popular and everywhere in Hong Kong. I didn't understand why people would line up to get s seat here, but I now understand after seeing how fast your noodle comes out. In 5mins or so, you can get your noodle. Taste is fine. It has different soup bases, so shouldn't be too hard to find something that matches your taste. I ordered numbing spicy and it was quite spicy as in the soup is not really for drinking. Noodles were fine too, not too soft which was good. Oh, there's option of l

今晚同朋友去食漆咸道間譚仔，兩個人點左五隻土匪雞翼，一碟生菜，一碟生腸，一碗過橋套餐大碗米線，一罐可樂，叫左個酸辣湯底，講左小辣，依然俾好辣，問侍應，尼個係咩辣，距只是睇張單話小辣，明明唔係小辣，好似我未係第度食過譚仔咁完全是浪費了，食得一半，而且味道也不好差評，服務態度又差，叫拿個碗，叫幾次，D人得閒企係度都睇唔到你yup手。食完，馬上覺得喉嚨似火燒了差評，差評，差評，本宮而家要食消炎藥了，簡直是貼錢買難受

雖然早上在家已經吃過三文治做早餐，但回到公司十點多又有D肚餓，想起公司旁邊的譚仔，好蛇出去食D熱嘢䁔下胃。進店見到簡約的制修，整潔，員工製服正齊，很有禮貎跟客人打招呼，重要是在員工對話中見到互相尊重和合作的團隊精神，相信管理層下了不少工夫。早餐可以很多佩搭，我選擇了最簡單的豬潤麵，湯頭混濁正表示豬潤是放在麵湯現煮，豬潤不是厚切，但恰到好處肉質柔軟鮮美，不過熟，不硬，最要命那幾條生薑，劃龍點睛，麵身軟而不淋，湯鮮美給我喝光，喝後不口渴。

已經數吾到第幾次食譚仔💕 今次應該系第一次甘早六點幾入去食晚餐🍜 呢間環境好舒服 唯獨我坐張sofa 有啲爛🤔 但都冇影響到我食嘢嘅意欲。我照舊嗌開竹笙雞肉小米酸辣👅 首先2樣嘅菜料系我最愛吃之餘再配埋酸辣簡直一流！因為好入味之餘，酸辣湯底亦非常開胃💁 另外吾想食得太飽又有得叫小米仲可以減$1添，系一個好好嘅選擇俾大家👍🏻 而且我覺得呢間啲料好似會多啲甘😋 啲米線又彈牙 愈食愈開胃💕 男朋友都系照夠嗌佐個雞肉清湯，因為佢都覺得雞肉系好好味嘅🤓另外叫佐個小食 豬耳🐷👂🏻多汁 啲汁真系好正🤘🏻又可以撈啲米線食 而且🐷👂🏻切嘅厚度都啱啱好 不得了！ 再整多杯凍寧蜜🍹當個咀食到麻麻辣嘅時候再飲返啖會好爽😎發覺每次入親譚仔多數系媽媽級嘅auntie 落單，有啲都幾靚女～而幫我哋果位就好好態度同好好笑容💁👍🏻 最緊要系會重申一次您落嘅order 5驚會岀錯，好耐之前食佢哋系5會重申一次而岀錯過幾次食物過我的😶 每次無論點餐，嘢食到，食完收嘢，我都會好開心甘充滿笑容講唔該曬💁您會發現有啲靚女有時都會由面無表情 之後聽到您一句充滿笑容嘅吾該曬就會變返好好笑容甘回應您 吾洗客氣😚 然後開開心心埋單講by

早幾日同個朋友行尖沙咀又想食平平地..於是入左呢間裝修特別靚既譚仔試下. 其實我一路都唔知三哥同譚仔的食物水準邊間好D, 剩係知道三哥就有兩款湯底譚仔係冇既, 反正我今次想食普通酸辣, 咁食譚仔都OK啦. 我叫左酸辣雞肉米線, 呢度係用番舊式既黃色碗, 心理上感覺比三哥用既黑色碗好食D咁. 雞肉份量都好多, 食極都仲有, 雞肉味道就一般啦~ 配料如芽菜韭菜腐皮都好足~ 米線亦都好大碗, 煮得唔差, 質地剛剛好又彈牙. 而我覺得呢間最出色係個酸辣湯底, 好似比其他分店特別好食, 酸度和辣度都適中, 好啱我口味, 食完唔會太口渴~30蚊搞掂呢餐~

係TST食LUNCH真係食到唔知食咩好, 黎黎去去, 食黎食去都係果幾間, 其實譚仔D 皮蛋大家都知係咩味, 少少spicy, 少少麻, 係我最鐘意既前菜!因為仲未病好, 成日都係食酸味, 因為有人叫我唔好食spicy food wor! 加左墨魚丸, 爽口彈牙, 清清地又一餐, 快D返公司做野啦, 仲慢慢食! 

平正之選，好味嘅辣嘢，又要平平嘅，咁去食譚仔就最好叫左一送，冬菇厚肉爽口，又夠入味，米線滑滑，麻辣適中，唔會過硬，牙菜亦十分爽口蒜泥白肉，蒜泥真係好夠容，好似泥咁，小小甜嘅蒜好開胃呀，白肉即係豬肉，亦係五花腩，肉肥分明，肉膏小小甘香，入口溶化，肉亦薄薄的，入口碎碎，小小辣啦，不過可能蒜味太重，所以食唔到肉味