譚仔雲南米線 (粉嶺名都商場)

营业中

休息中

外賣平台嗌左番茄十小過橋,一份油生菜,一份京白菜和土匪雞。食完立即腸胃炎痾,痛不欲生,唔知係湯底定炸醬出事,搞到痾足2日,仲痾到屎忽出血,以後咪搞唔會再幫襯依間野收買人命

早兩日去咗食譚仔🤣 依家用電話落單，叫3餸米線就送一人小食😋 今次朋友叫咗蕃茄湯，但就覺得冇以前咁濃🧐 仲試咗佢杯新特飲，凍烏龍白桃蜜，但飲落就冇咩烏龍味，好似淨係飲緊白桃汁🧐

譚仔出早餐就好耐之前，但米通粉同炸醬多士你又試過未？首先，食落唔伏，絕對正常味道👍🏽，坦白講，兩樣都幾好食😋！1️⃣早餐E 烘土匪芝士三文治 - 炸醬$30本來試炸醬三文治係抱住試伏嘅心態，估唔到食落就好似食吞拿魚多士咁，麵包有烘過，再灑上「土匪雞翼」粉，內層係芝士同炸醬，有少少外脆內軟嘅感覺，唯一係所有配料都咸，所以食嗰下有少少咸。但食完之後唔會話成日想飲水，所以都可以接受。2️⃣ 早餐G鮮蕃茄 配 牛肉$35 (單拼)/ $37 (雙拼)第一次食米通粉，其實就係短左、通粉size嘅米線，食落比普通通粉煙韌有咬口😬加埋蕃茄牛肉其實幾好食😋

午餐諗唔到食咩，就腳去食譚仔。中午繁忙時晚都幾多人等，要排隊， 我都排左十五分鐘。叫左竹笙腩肉米線走芽菜蕃茄湯，湯底都幾好味，竹笙吸左湯好好食。下次會試其他湯底。

我系好鐘意食米粉米線嘅人，呢間譚仔同聯和墟果間都經常幫襯...唔知點解，總覺得名都呢間譚仔嘅湯底會更加好d，但今日太失望喇，唔知點解，我叫果個重慶小辣個湯底會咁「清」，以前食開不嬲都系白色濃湯上再加重慶辣湯做湯底，但今日食嘅米線就似白滾水加重慶辣湯底，冇咗「濃」湯喇...我就咗走豬潤，單都系出咗走豬潤，但上到黎都系有豬潤，但冇再叫佢換...（曾經有叫職員換過，但佢哋真系拎返個餐去再擇出豬潤...之後俾返我時...真系有d，仲有之前叫過好～幾次木耳...應該系存放問題，有咁拍青瓜果陣味...叫職員換都系有果陣味...之後職員都唔多耐煩喇，之後店長黎講，唔俾退銀碼，但可以轉兼他...足之轉咗雞翼...）另外今日個套餐中...有2塊雞肉尾度有少少紅色，唔知系有煮熟定系凍傷唔轉色...

譚仔係民間美食晤洗講啦，又有新嘢出，今次係出左新餸-紫菜不論米線咩湯底都好，紫菜會係好給湯嘅食物，所以要真正食到湯嘅精華揀啲好吸湯嘅餸就啱啦今日揀咗重慶酸辣湯底配墨魚丸同紫菜，今日完全咬落有一舊一舊墨魚咁嘅款，好有咬口！紫菜就吸晒重慶酸辣湯嘅精華，絕對係重口味系列，但略嫌紫菜份量太少$5得個¼

-巴蜀爽脆生腸生腸好爽脆，再配埋啲辣椒油，真係好惹味。不過啲生腸唔係一開始就放落啲辣椒油裏面等佢入味，只係當你叫嘅時候，職員先幫你淋啲辣椒油上去，所以啲辣椒油只係好表面，當你食耐左就會食多一陣生腸味。 辣椒油做得好好，唔只得過辣味，佢仲有少少麻，而且仲加咗啲蒜蓉，令到成碟小菜更加嘢味。所以個人覺得都值得試一試，如果你怕食內臟嘅話。-過橋米線套餐呢個過橋米線去咗雲南酸辣湯底，個人覺得個酸辣湯底好淡，食材方面嘅份量都足夠，而且所有食材都好正常都算新鮮。可惜個米線面底就好少，因為平時食譚仔三哥佢地啲米線多好多。

病毒感染人人自危，以往輪後等位大排長龍的米線，今晚人流已稀少，座位任君選擇，服務態度真誠對待，難得到有點不知所措！🥢酸辣米線我叫了一碗酸辣湯底的三餸米線，有腐皮、魚腐同炸醬，腐皮比較韌好有嚼口，炸醬一般淡口，米線韌度口感剛好，湯底一般對我口味來說吃不出酸味！🥢麻辣生腸這個小食不錯，麻辣味好都出，生腸爽脆口感不錯👍！

譚仔啲雞肉經常性唔新鮮同好多肥膏。一打開外賣，見到個湯面浮住好多肥膏就知賴嘢。啲雞肉好肥又有臭雞味，極度唔新鮮！有兩舊就淨係肥膏，好核突！已經唔係第一次，係經常！希望譚仔改善下哩個問題！

-早幾日瘦編同屋企人唔想煮飯，近近地就去左粉嶺火車站搵食，就揀左香港人至愛嘅譚仔。🙆🏻‍♀️-屋企人已經去到唔使睇餐牌嘅程度，直接落單叫自己鐘意食嘅餸同湯底。大家平時鐘意叫啲咩呢？瘦編自己就鐘意叫豬潤加墨丸配酸辣湯底，夠哂開胃。難得有屋企人一齊食，我就會叫多兩碟小食。當然必揀土匪雞翼，好香嘅孜然粉同胡椒粉，味道一流。💕-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌑 (4)-➡️譚仔雲南米線 (粉嶺)📍粉嶺粉嶺車站路18號粉嶺名都商場2樓65-69號舖-

每次去買都唔會開心走 係要搞到買外賣又唔開心 係個到食又唔開心咁走 唔係比大媽插隊員工仲要唔理 就係員工態度差到極點 特別投訴呢間野既主任 次次都係佢趕客嫁 快啲炒左佢啦好心

粉嶺食早餐真係第一次，點解，真係唔想提😅行入商場，見到有間譚仔仲未過早餐時間，就入去食反個簡單既早餐，口味都ok，簡簡單單火腿通粉、多士➕炒蛋配反杯熱檸檬茶火腿通粉——不太夠熱，但味道就ok既，通粉軟硬度適中，火腿就是平常食開D味道，無投訴，無咋形😂😂😂😂係多士不夠脆，炒蛋都可以，早餐簡單D，唔會太要求，唔會難食就可以了😬早餐無特別花巧，係🍋茶淡左D😀今日就真係唔簡單，被迫停在粉嶺吃了一個簡簡單單、又一個早餐😅😅😅😅😅

呢間譚仔同其他分店一樣，都好好食，我最愛食普通酸辣！不過呢到真係好多人，要等位等好耐，次次都係要按定票，行一陣先返番黎食。今次黎咁岩有部冷氣壞左，店員開左風扇，係咁吹住我和朋友，所以坐得好唔舒服，問過店員可唔可以關掉，但她怕關掉會太焗，所以都係繼續開住，而因為店內人較多，所以又無得換位，都幾難受。如果唔係同朋友一齊，我諗都係叫外賣買番屋企食比較好。不過外賣都好多人等，一定要打左電話黎落單先，如果唔係有排等呢！

好耐無食譚仔，但之前都係食三哥比較多，今日試名都呢間，叫咗湖南麻辣酸辣湯底，食入口白醋味很重，不夠香，多酸少香辣味道！😣只加一餸 - 墨丸，味道及口感唔錯！土匪雞翼就是出息必叫食物！😍但下一次我要再去三哥比較一次！💪🏻

一間位於粉嶺名都嘅譚仔，假日同埋晚上超級多人，等外賣嘅又有堂食嘅又有，建議想嗌外賣嘅人提早打電話去嗌左嘢食先，堂食嘅人就要早啲去搵位😂好，講返嘢食先，每次食米線都覺得啲餐牌花多眼亂，譚仔都係一樣，樣樣都想食又驚貴又驚食唔晒。不過有幾樣我想推薦，就係雞肉、腩肉、魚腐、竹笙，你嘅樣係我食過咁多次覺得最好食嘅幾樣，特別係個竹笙 又爽口 又入味！不過亦見好多人揀炸醬，但我覺得太酸。湯底方面我推薦湖南酸辣或者麻辣，但唔吃得辣嘅就揀少啲辣喇，小辣已經好勁！