譚仔雲南米線 (葵豐大廈)

营业中

休息中

同事之前話呢間譚仔好似水準下降左，所以今日特登唔帶飯出去食晏😂叫左大豬耳，唔太辣岩哂我到左蒜泥白肉喇，覺得蒜泥唔夠多呀，如果再多啲就仲正。下次叫返大蒜泥吧😂😂中意食清湯，因為加左小食落去會辣，太辣我會食唔到，宜家咁樣襯返就剛剛好了。總括來講都keep到質素呀，下次會再來食，唔鬼聽同事亂吹水😂

我有一次叫外賣。要咗個炸醬豬潤五小辣少米線，其實次次都係食哩兩個餸，有時最多叫多個雞肉。今次剩係兩個餸啫。我買完回到家先知少咗個炸醬。我已即刻打電話落去同佢哋講啦！聽電話的態度好好嘅，佢同講留低電話及外賣號碼，下次俾返我。我相隔咗七日先再去幫襯，但點知佢話已有人喺事發第二日攞咗。荒謬至極，佢仲要話攞嗰個記得唔係我，根本講唔通啦！我仲要個外賣號碼㗎！即係唔俾唔緊要，打電話落去時都唔係要追究，只係想小心啲，兩個餸都漏，做事有點兒那個囉！但竟然作故仔，離晒譜囉！唔該出外賣check清楚啲先，仲有改善吓啲洞，如果真係有得補返俾客嘅話！

今日OT到9點幾，唔知食乜好又唔想食得太多野，於是諗起不如去譚仔買小食做宵夜算！每次土匪雞翼都係鐵膽黎，今次都唔例外，另一樣叫左皮蛋，因為未試過又成日聽FD講好食，一於試下佢啦～等左唔算耐，三個字度，拎到番屋企係凍左既，我諗住凍左既土匪雞翼會冇咁好食，又唔係BOR～仲好香，個皮脆脆地，入面D肉超滑，抵佢賣咁貴～HEHE！之後試埋皮蛋⋯⋯中伏了⋯⋯上次食四川野又係咁⋯⋯真係超超超咸咸咸⋯⋯咸到食左一半就掉左了⋯⋯有D失望⋯⋯早知唔試新野叫蒜泥白肉算～

好耐都冇食過譚仔雲南米線呀今次經過葵廣就想去食下覺得人流都係同以前差唔多但味道係好食左同一般人嘅喜好唔同嘅係我係好鍾意譚仔嘅清湯因為佢嘅清湯絕對係食到米線嘅味道二因為比較健康嘅關係我會揀其中一款餸係生菜另外一款餸係魚片頭唔知係咪錯覺嘅關係覺得料比以前多左而且價錢同以前冇乜分別所以總括嚟講都係抵食左！

食譚仔真係會食上癮。周圍都有一間分店。今次就同朋友又食譚仔。我叫左碗雞肉清湯米線。掛名係清湯，味道像豬骨濃湯，係幾有香味，不辣便是清湯。雞肉粉碎，份量充足大大碗，麵質適合，有韌性。而我朋友個碗腩肉清湯米線，米線有配料就是韮菜,豆卜同芽菜，如果不鐘意食可以叫店員走配料，我朋友就係叫左走韮芽清湯米線，非常清簡，腩肉鬆軟。

市面上的米缐餐廳很多，選擇也很多。今天行過這間店，正好忽然想起那種酸辣的味道，於是進去食吧間隔四正，九成都是卡位，正好人不多，於是選擇一個4人卡位坐好。很快就有服務人員上前，呈上餐牌及用餐用具，下好單就專心等服務生把餐呈上。五款湯底，酸辣味有不同程度的供選擇，我選的重慶小辣的辣度已經非常強勁。而且有麻辣的感覺，湯底配料有：附竹、芽菜、九菜等等，全部配料及米缐都吸收重慶辣湯的味道，辣到我飛起，已經完全感覺不到酸味。

今日經過譚仔，每日都見到好多人排隊，今日冇咩人，在門口看到大大碗過穚米線餐牌，我和朋友都想試。但一碗太大啦，咁我哋就叫咗一碗酸辣過橋米線，有16種不同餸菜，酸菜和肉醬是分開上的。我第一時間就試湯，辛辣味適中，米線加小小肉醬一起食，特別好味，肉類都算不錯，果然2人食都足夠。

放工放晏左就同同事一齊去左樓下譚仔開餐，可能閑日夜晚唔算多人，一入去就有位!因為我唔係好食得辣，我就叫左碗酸辣墨丸米線，墨丸大大粒爽口彈牙，都好有墨丸味唔錯，配料酸菜，芽菜份量都幾多，酸菜味道唔錯酸酸地甜甜地，唔會太鹹食落好開胃又夠爽口，芽菜又夠大條煮得又岩岩好👍🏻爽爽地先好食煮得太耐太淋就唔好食，米線煮既時間都控制得好好，唔會過龍岩岩好口感好好，再加d蔥花增添蔥既香味，更加惹味非常!😍同事個碗酸辣腩肉，豆卜米線，腩肉皮既位置肥肥地，肉既位置就瘦，肥瘦比例好適中，正宗豬腩肉食落先夠淋又夠入味鹹鹹地幾惹味，腩肉太瘦會好韌，長條形豆卜大大條，索晒d湯味勁好食!重慶口水汁皮蛋，好香皮蛋味撈埋醬汁一齊，非常好味呀! 湖南土匪雞翼，面頭有d黑芝麻，食落口感好豐富，味道都唔錯! 飲品不過不失，都幾好飲，正常茶餐廳飲品!

行過葵芳 心思思想食米線 特別懷念譚仔的酸辣湯底叫左個過橋米線套餐 最啱兩個人一齊食 又有多料 又唔洗食咁多米線滯住哂 米線叫了中辣 下次打算挑戰大辣 再叫左土菲雞亦同四川青椒皮蛋 雞亦好入味 皮蛋酸辣適中 好惹味

求求其其食個譚仔，其他都唔算平民價，2個餸已經3字頭，加埋酸辣$33, 貴過車仔麵。我叫左冬菇同雞肉，冬菇都算滑，好有湯底味有4件，辣辣地咁啦。雞肉就冇雞味，比較易咬，但自己食緊咩肉都唔知。米線都係正正常常咁啦，比較稔，好多人唔太鐘意但我OK.個湯酸辣就偏辣，好嗆喉，都可以啦。但個芽菜好唔掂，連少少菜都生埋出黎都照比人食，好有草腥味，唔太掂喎老兄。多人幫襯都唔駛hea掛？

今日同一個朋友食飯大家想慳錢 所以來食譚仔最鍾意叫套餐一大碗兩個人都夠晒食而且仲有好多餸 又唔使諗叫咩食有牛丸牛肉 雞肉墨魚丸魚蛋腐皮豬膶腐竹腩肉仲有一細碗仔嘅炸醬 好好味！米線硬度適中 可選酸辣湯底 酸酸地好開胃唔算太辣！慳錢抵食之選

冒着風雨，都去食譚仔，真係好熱血原來新出咗好多小食，一於就叫黎試吓呢個係冷盤麻辣生腸，雖然望落好似好多辣椒，但食落去有唔會好辣，可惜既係微微既蘇味，不過口感好爽脆呢個都係冷盤麻辣豆腐，好明顯成舊豆腐係平時超級市場都可以買到嘅盒裝豆腐，只係加左辣油同辣椒，而且豆腐一啲都唔滑食完咁多辣野所以叫咗個清湯米線加墨丸、竹笙，佢哋嘅清湯呈奶白色，飲落去幾清甜！竹笙索晒湯底既味，而且非常爽脆！墨丸都幾彈牙但係就略嫌佢哋嘅米線淋左少少。

每星期總有一日我會黎依度食午餐因為真係食完會上癮依度既麻辣湯最令我著迷，真係戒都戒唔到前排裝修翻身過感覺坐得舒服同無以前咁迫我平時都叫麻辣小辣湯底，配墨丸、雞肉，仲可以要求米線冧身D同少米線，因為平常一碗我都食唔哂，少米線可以減一蚊，都幾好配菜有韮菜同芽菜，湯底好濃郁夠哂辣，墨丸爽口彈牙，雞肉質感比較粗糙，但細細舊同米線搭住食都幾惹味，湯底飲左都唔覺口渴加左杯凍飲要另+$7，都算合理啦

（清湯）本人覺得清湯真係一般因為好淡 無咩味...重慶酸辣（2小辣）我覺得佢既辣味做得超好食又夠香 有點麻辣 佢既辣好在唔會停留好耐唔會食完都辣好耐蒜泥白肉食完真係好大蒜味但本人鐘意食蒜 所以覺得值得一食青瓜都係非常好食

平時都不多食譚仔外賣，今次一叫就出事了！首先我叫左炸醬和腩肉的10小辣米線。啲阿姐聽漏咗腩肉，之後加返字。等非常耐終於可以拎返屋企！點知原來裡面漏咗個炸醬！啲米線又整得太稔，個10小辣根本好似唔辣...hea得腩肉冇炸醬，估唔到咁都漏咗！仲要係我影相之前炸醬個炸字係寫得好清楚架，只不過係我唔小心d湯整濕咗。外賣米線最衰嘅一樣嘢就係唔可以即時檢查有冇比漏，外賣自取返到屋企都隔咗好耐，冇理由攞返去同佢更換，現在只能影得為證寫食評。