譽居

营业中

休息中

Nestled in the vibrant locale of The Lohas, 譽居 Praise House Congee & Noodle Cuisine offers a delightful escape into the world of traditional Chinese flavors. With a menu that promises both comfort and excitement, this eatery is a must-visit for congee and noodle enthusiasts.1. 茗茶或開水 Chinese Tea 🫖 ($5/pax)Starting with the basics, the Chinese Tea served here is a perfect companion to the meal. At just $5 per person, it offers a refreshing and authentic taste that cleanses the palate and enhances

一路都冇入過去食但今朝突然間好想試下佢嘅早茶入到去畀想像中大估唔到間餐廳都幾乾淨又新又靚佢有個早餐孖寶40蚊左右可以有兩個點心雖然都係要加茶錢同埋加一但係都係抵嘅最先上嚟呢就係佢個香煎芋頭糕睇多幾大舊同埋幾厚同埋入面就充滿咗一大嚿嚿嘅芋頭食完都爭啲飽咗跟住就係佢個翠玉瓜鮮蝦腸粉我又好似冇試過咁樣食喎咬落去個口感都幾特別同埋啲蝦幾大隻同新鮮呢個係意料之外跟住喺個艇仔粥入面一樣係好多料同埋竟然有魚片平日嗰啲都冇嘅但佢就有最後就係嗰個鮮竹卷同我想像中有啲唔同入邊係魚肉同埋菜咬落去唔係散嘅係幾厚實兩個人埋單最後都係$99我覺得ok呀可以再試過

行過路過將軍澳日出康城，搵到呢間茶居食午餐，唔使等位，即刻可以入座。入到去先知道係新派茶居（門口有屏風阻隔）。叫咗及弟粥、炸兩腸粉、黑毛肚，點心就叫咗山竹牛肉、蒸粉果、炸韭菜角、雪山叉燒包。出色嘅係個粥好棉，D豬肚豬心等沒有腥味，好正。黑毛肚就灼得非常之爽，一個字‘正’。個腸粉就普通咗D，其他點心就夠熱。雪山叉燒包就比想像中平平無奇。另外，如果個炸韭菜角可以煎得脆D，就更令整個午餐錦上添花。地方乾淨，員工有主動加水，整體來說，一個有驚喜的午餐。

服務幾好，比兩年前大有進步。兩年前未入伙之前嚟呢度食過一次嗰陣時覺得幾貴同埋嘢食麻麻地。所以住咗入嚟一直冇試過，但係聽街坊講都唔錯咁就試吓因為聽聞樓上嗰間飲茶評語更加差。今日嚟到首先服務都唔錯，啲阿姐仲對小朋友好好係咁同佢哋問幾多歲問佢哋讀書幾熱情，而且平時食蝦餃要另外攞辣油通常啲茶樓都唔記得佢喺枱面已經有晒所有嘅醬料唔使追，蝦餃都幾大粒入邊啲蝦都爽滑鮮甜比想像中好流沙包入邊嘅餡都幾多好流沙吓！小朋友幾鍾意食跟住仲有啲午餐又有飯有麵咁樣嘢飲就要另外嗌啦雖然要加錢例如$10杯檸檬茶但係就非常好因為平時茶樓冇檸檬茶，奶茶呢啲呢度就有！檸檬茶都有茶餐廳水準檸檬都有幾多片都新鮮FRESH加少少錢都冇所謂，又唔算貴山竹牛肉球都有正常水準都係好軟滑，有牛肉味^ ^最後問小朋友使唔使搽錢佢都話要嘅不過我諗香港好多地方都要只係大陸先唔使咁順便問吓茶錢幾錢原來只係$5都覺得合理非常好啲茶都幾香濃

因好耐冇去光顧譽居嘅下午茶，恰好同媽咪一齊去附近辦事，我哋決定試吓佢哋而家嘅下午茶套餐。我覺得，下午茶套餐39蚊揀兩款點心真係抵食，所以我地就點咗雪山叉燒包同鴛鴦燒賣（分別有兩件豬肉燒賣同牛肉燒賣），仲加埋時菜叉燒焖伊麵。整體嚟講，雪山叉燒包真係好好食。熱辣辣嘅，餡唔太鹹，味道非常出色，好值得推介。鴛鴦燒賣嘅味道都唔錯，叉燒伊麵上嘅伊麵好好食，時菜用白菜炒得好美味，只係叉燒切丝唔叉燒一塊塊，但整體嚟講都好好食。下午茶自由配，兩款點心 $39.0雪山叉燒餐包鴛鴦燒賣（豬肉燒賣和牛肉燒賣各兩件）時菜叉燒炆伊麵(下午茶）$58.0譽居地址：新界将路13號 THE LOHAS 2

我曾兩次幫襯堂食後，想再買外賣，但服務員堅持要我自己出去門外收銀處落單外賣，都算啦，但我話佢知我裡面枱號，佢堅持唔攞入呢，要我自己留意外賣出了，自己出收銀處攞。呢D垃圾餐廳都仲有人幫襯，真係天冇眼。

今日咁啱行開康城，諗住去飲茶食午餐。上網搵吓見到有2間酒樓，揀咗依間試吓。我叫咗兩樣點心，首先，紅棗糕完全冇紅棗味架，雪山叉燒包入邊就係空心又難食，好彩我只係叫了2樣點心試下先咋！我係見到網上評論有人話好食，諗住去試吓，點知咁差🥹唉🥲浪費了一個美好嘅午餐❗️

我是一位食客，我想分享我在一家餐廳的消費體驗並提出一些不滿意的事情。這篇評論的目的是向其他食客提供有關該餐廳的真實反饋，並希望引起管理團隊的關注。我最近光顧了譽居位於日出康城的餐廳。大體而言，這家餐廳的食物品質和服務水平都令人滿意，但是有一個問題讓我感到非常不滿。這家餐廳在茶位收費方面存在不公平的情況。我與另外三位成人和兩位小朋友一同光顧這家餐廳，其中一位小朋友只有三歲。根據我們對這家餐廳收費政策的了解，小朋友是不需要支付茶位費用的。然而，當我們與樓面經理確認時，他們堅持要求我們支付七個人的茶位費用，包括三歲的小朋友。我們多次嘗試解釋並提醒樓面經理，根據餐廳的收費政策，小朋友不應被計算在內。然而，樓面經理仍然堅持他們的立場，並拒絕為我們進行調整。這種不公平的對待讓我們感到非常失望。作為一位食客，我們期望被公平對待並享受一個愉快的用餐經歷。然而，這次的茶位收費情況讓我感到被冷落。我希望餐廳管理團隊能重視這個問題，並確保顧客在餐廳中得到公正待遇。我呼籲餐廳的管理團隊對這個問題進行調查，並采取適當的行動解決這個問題。同時，我也希望他們能對我們的抱怨表示歉意，並確保這樣的情況不再發生。我希望我

食物有幾好食都好，如果外賣要等超過半個鐘，乜都無味！何況外賣都要係唔熱！！！外賣等半個幾一個鐘係正常，樓面態度愛理不理，又唔入廚房拿外賣出黎，一出就10幾個外賣，頭嗰幾份就凍冰冰！一個字：差！！！！！

朝頭早有孖寶都抵食，另外仲叫咗啲點心，私心推介有以下幾款👇🏻👇🏻👇🏻$34.0鮮蝦菜苗餃🦐入邊係菠菜同鮮蝦，食落去好爽甜$34.0蜂巢芋角🐝芋頭好香好粉$30.0斑蘭叉燒包🤭綠色嘅斑蘭雪山外表，內含惹味嘅叉燒，好食！

好掛住深井燒鵝，忽然想食碗燒鵝瀨……..咁就幫襯呢間”譽居”點知瀨晒嘢😂😂隻燒鵝，肥到不得了😳啲脂肪仲厚嗰啲肉🫢然後會瀨粉冇味嘅🤔要加幾匙辣椒油落去先有翻啲味😅下次都係黎食返點心算-🤨😆

譽居的中式餐點十分不錯，有種家常便飯的味道。如果家人想食中式晚餐，就會提議譽居。陳皮牛肉腸粉 $36陳皮牛肉腸粉外皮夠薄，口感滑身。除了一般牛肉腸粉味道，多了一份陳皮的香氣，味不錯。金巢咕嚕肉 $88咕嚕肉十分香口，咕嚕汁甜甜酸酸，很開胃。雀巢薄脆香口，沾上咕嚕汁更加滋味。酸菜煮魚片 $85足料魚片加上大量入味的酸菜同芽菜等的配菜，味道酸中帶辣，很開胃。鹹魚雞粒炒飯 $70炒飯乾身，粒粒分明，中間夾雜著脆卜卜的鹹魚粒同嫩滑的雞粒，口感更有層次，味道又香又惹味。餐廳環境以中式古典風格為主，環境舒服，加上出色的小菜，是不錯的用餐選擇。

第1， 我上次黎食加5蚊轉魚腩粥出魚片粥比我，我同職員講，佢一睇都話係喎，魚片黎，之後佢走埋去搵經理，佢竟然聲大夾惡話佢地無魚片，咁個廚房都幾識魔法。果次我就無追究就咁算。第2，每次叫外賣咸蛋燒肉飯果半隻咸蛋都會消失，明明已經拎果陣問佢入面真係有咸蛋，佢實牙實齒話有入面都係無，佢就係覺得你唔會返轉頭問佢拎，打落去佢都會收你線。最後今次仲衰，仲要晚餐叫燒味飯竟然碗上唔係碟上，咁樣呃錢真係好痴線。我又加5蚊叫左油飯啦，佢出黎白飯我問出菜果個竟然話佢地係淡既油飯，嘩，咁你淡到落一滴油收我5蚊。我就食一啖問職員話呢個係白飯黎呀可，事件又重複，佢又係話係喎，白飯，之後佢走埋去同一個齊陰女經理又黎料，佢係會隔好遠大叫話係咁嫁油飯，跟住仲話佢地淡版油飯黎張單岩呀，我話張單岩你廚房係咪出錯呀，我仲叫佢筆幾啖試下。之後佢仲想話拎走我碗野轉白飯，我心諗你拎入去吐啲口水比我就話變左白飯咪仲衰。無人理你嫁，啲職員同經理離遠望住我，我果下已經想走，根本唔係我叫既野，卒之個經理見我啤住佢佢先行埋黎仲大我，話你而家想點，我咪叫佢係電腦改返點左白飯囉。一次又一次既機會，極差既態度，佢咁樣呃下呃下我都比佢呃左幾個牛腩麵

冇服務態度可言，入座後冇人理，問有冇點心紙當聽唔到。幾經艱辛拎到點心紙填完，交點心紙比職員，收到後一句好忙唔得閒入單就將點心紙拮響電腦隔離走開，一直唔入單視而不見。其實嚟呢度食嘢，咩都可以唔叫，受氣都受到飽哂！

平時早上、下午茶嚟多，今日收到已晚，仔女都食完飯，呢度唔洗排，就同長老、老婆一齊試下個晚市。呢度地方算寬敞，枱同枱之間有一定距離，有圓枱同卡位分，桌椅都係深啡色木，裝修格局有中國古典風。茄子肉碎炆伊麵茄子夠淋，肉粒大粒，加埋紅椒絲、青椒絲、芽菜炒，味道惹味，似魚香茄子，不過略咸。椒絲腐乳炒通菜通菜新鮮無渣，炒得有鑊氣，味道少少辣，夠腐乳味，正！燒鵝粒梅菜炒飯燒鵝粒不少，梅菜唔算多，飯質粒粒分明，加埋葱粒炒，個飯幾香，唔錯！薑蔥魚腩煲呢個煲正，魚腩夠大肉質實，加埋薑蔥煮，好入味，不過份量略少。