譽居 (已結業)

中秋節，費事要阿媽煮飯，所以同佢去杏花村搵食。杏花新城好處就真係多野食㨂，人流唔多唔使等同迫餐死。老人家最後㨂左食中菜，7點黎到仲大把位。雖然係open area, 但坐得舒服。✨食物選擇都幾多，有粥，泡飯，燒味飯，小菜套餐等等。價錢都算親民，而且標榜少鹽少油。✨我地就主攻叫左好多特價菜：✨豉椒炒蜆（$33) :價錢算平，份量都ok。起碼唔係得d殼，味道都唔錯。✨乳鴿（$68): 特價左都$68，皮唔脆，乳鴿乾身無咩肉汁，唔抵食。✨迷你鮮沙巴躉兩味（$103) :有西蘭花同古法蒸兩種，碟頭比較細，不過魚都幾鮮味。✨西芹炒田雞：田雞煎香過，幾好味。✨南乳粗齋什菜煲（$65) :阿媽話唔抵食，不過我就最鍾意呢味😆。d 汁撈飯勁正，入邊有白菜，蓮藕，菇，茄子，粉絲等等好入味👍🏻✨陳醋骨（$75): 似豬扒多過骨，略嫌唔夠脆，醋味太酸。✨5 個人圍番起一百蚊鬆d, 都算抵食。如果唔煮飯叫下一人套散食就更加抵，食完番去起碼都無話好頸渴，而且味道都ok, 感覺唔會太油膩。

晚上同爸爸2個去杏花邨搵食，行黎行去，見好多間都要等位，見譽居唔洗等就入去試試2個人去食飯，唔洗等位仲有卡位坐，真是幾好 (平時晚飯時間，2個人係唔可能坐4人卡位)，雖然店內員工唔多，不過個個都好有禮貌，有笑容夠親切 睇一睇個餐牌，選擇多，有魚有肉有海鮮，令我咩都想試最後我們2父女揀左沙巴龍躉兩食及木耳百合炒藕片加一個白飯，2個人食啱啱好。 沙巴龍躉兩食，西蘭花炒魚柳及古法蒸，雖然係特價小菜，細細碟，唔腥，仲有6両魚夠哂我們2個食。 木耳百合炒藕係正價小菜，份量就多好多，好食夠鑊氣，炒得爽口 不過都係食唔哂要包走，問店員攞盒無收盒錢，仲笑笑咁攞俾我們，我覺得佢地既服務一流。決定下次同成家人黎食，多啲人食可以叫多幾個餸

杏花村譽居地方雖然不大，但是還算雅緻舒適。裝修別中國傳統風格。有一種大戶人家喝茶的感覺。如果茶具換上茶盅，就太配合得宜了。午市粉面套餐可配油菜。為配合環境，點了一個水餃瀨粉。瀨粉爽滑幼細，入口不會太硬。水餃餡料層次豐富，木耳爽口，豬肉不算太肥，還有一些筍絲。水餃皮不錯，皮薄軟滑。由於餡料充足，不會令水餃皮邊太多。至於，湯底一般，略嫌味精味太重。油菜煮得太軟，不夠爽口，油也略嫌多。食物本身不算太出色，勝在環境好。

杏花邨譽居裝潢設計不錯，座位也算舒適，有中國古典風格。食具乾淨，衛生環境不錯。茶水還算可以，茶葉質素尚可。正因為環境配套不錯，所以一碗平平淡淡的魚蛋麵你一般粉面舖貴一些。不過今日為了坐得舒服些，所以就選擇了它。午市有粥粉麵飯套餐，各有不同配搭。 麵套餐就油菜。可選一款或兩款餸，兩者相差＄4。湯底本身中規中矩，不算清香。麵也不突出，普普通通。魚蛋還算彈牙，常有魚味。油菜略嫌太油，也過了火候。如果為坐得舒適，才值得給這個價錢。

星期一lunch time, 因為想試下新的食肆和放鬆一下，所以去到杏花村用膳，沒想到杏花新城竟然人山人海，比星期五時還要多人，中午時間周圍都門庭若市，幸好找到一間既雅致而又舒適的餐廳。看了餐牌之後，想了很耐，因為一來不想食得太膩，二來太多選擇， 不知如何選擇，但最後我都有了決定，於是就點了炸醬牛腩麵。炸醬牛腩麵和湯是分開的，但我比較喜歡湯，這樣不會太糊， 湯是清湯，沒有特別，炸醬的味道與出面食到的不同，炸醬是甜的，以往食到的是辣的，唯獨有一次食台式炸醬麵是甜的，記得那種味道有點像花生醬味，這次食到的不太像花生醬味，外觀上似平日食到的炸醬，只是味道是甜的，而且這兒的炸醬是肉絲而非肉碎，肉絲口感與肉碎不同， 肉碎較入味，因為醬汁能夠更平均分布在肉碎之中，肉絲則稍遜，肉絲令炸醬的味道不夠突出，牛腩稔，麵亦夠爽滑， 可惜份量太少，僅僅夠飽。在這兒有茶飲，而且茶味亦香濃幼滑，是咖啡以外另一提神之選，這兒沒有茶位，雖然食物價錢合理，但由於設有加一，相對而言較其他餐廳貴，不過如果喜歡飲茶的話，又不想去酒樓的話，這兒會是不錯的選擇。

杏花新城底層原來咁多餐廳，大鄉里!下午茶選了譽居。其實睇唔清楚招牌寫咩!貪佢有茶飲，天時暑熱有湯飯食點了個皮蛋魚腩湯飯，味道可以，價錢唔算經濟，但勝在足料，一碗湯飯有6大件魚腩!飯依然是一粒粒，唔會煮到粥感!茶錢，加一，埋單$80

一直都聽說過這餐廳服務不好，不過剛好經過有位，其他餐廳都大排長龍，因有老有嫩同行唔想再等位，就入咗去座底。睇完餐牌叫侍應落單，叫咗4次先有人行埋嚟，當時餐廳只是一半滿，真係忙到咁？今次食物都算上得快，5分鐘就炒起2碟麵和飯，但是炒麵很咸和超級多油，吃完後整個碟也是油另外的飯吃不完打算拎走，咪問個侍應拎個盒，嘩！要收$2一個盒！！！好～如果個盒係價值$2，點解外賣又不另外加錢，只收餐牌上的價錢？堂食已經要收茶芥同加一服務費，外賣不另收錢，但拎個盒要俾$2係咩道理？我乾脆叫外賣好過，又唔洗受你哋氣，不過叫外賣就最好企喺收銀位置啦，因為試過坐咗喺餐廳提供嘅櫈  （門口左邊）等外賣，等咗成20分鐘發覺唔對路行入去問，見個飯放咗喺度，返到樓上食時個飯已經凍晒

之前搭車經過杏花迎城覺得現在愈來愈多餐廳可選擇。今天難得妹子兼職出糧請吃東西，就決定來吃下午茶了  橫行羔蟹砂窩粥($38) - 真是有一隻蟹在凳內的呢 *0* !而且蟹膏也滿滿  原價的要$45..現在優惠價也頗抵吃的。這裡的下午茶可以追加其他食物。吃粥當然要配炸油條 (+$6)很香脆，不會像放了很久油淋淋的樣子名人蝦子撈麵 ($22) - 同樣是價惠價~正價的話是$30蝦子沒有很吝嗇的只給很少，下午茶份量來說是頗不錯的了。鮮蝦水餃湯麵 ($26)水餃的內餡滿滿，可吃到不少蝦肉。但整體來說~調味很鹹 Orz (很後悔將多出來的蝦子也倒進湯內 因為想飲豆漿，所以就加錢了不過說想要凍時 .___. 侍應說只有熱飲 (+$6)試了一口 ... 甜得可怕....究竟是落了多少糖呢??? 看來只飲茶比較保險

係青衣城想食個寫意既中式下午茶，可以試下去譽居。係稻香隔離，但係排隊人數就唔多，價錢亦都唔貴筆者要左個叉燒瀨粉（＄２８）食落叉燒夠脆得黎又有甜甜的蜜汁味，而且唔會太咸，份量仲要唔少真係好抵。燒腩仔亦有香脆的外皮，脂肪部位有薄薄一層脂肪，非常香軟綿密，用黎送瀨粉啱哂

譽居就係杏花邨地鐵站嘅連接商場杏花新城地下，位置方便地鐵站行過去兩分鐘都唔洗。係下午茶時間經過，見到門口大大個餐牌寫住 下午茶餐$34蟹粥 當然即刻比佢吸引到啦！呢度嘅裝修非常特別，有一貫杏花新城餐廳嘅風格。開放式中帶點古色古香，配合中餐嘅格調。 環境總算清幽，同朋友言談間，蟹粥就到喇！係呢度簡直抵到爛，34蚊嘅蟹粥原煲奉上。而且，上菜嘅時候仲係熱辣辣，滾下滾下，蟹嘅香氣鮮味一湧而上。 你仲會見到蟹膏融入曬啲粥度，仲有原蟹係煲入面。粥底軟綿綿又鮮甜，34蚊有咁嘅質素真係超值啊!真係食過番尋味，以後下午茶除左high tea又有一個新選擇!

琴日同老公兩支公去杏花新城食晚飯, 經過譽居門口, 見出面海報o既特價羔蟹粥同蝦子撈麵好吸引, 就入去試下.  第一次幫櫬, 竟然有意想不到o既驚喜.  唯一要彈的就係侍應o既服務態度麻麻, 可能人手少, 所以有D悔氣, 叫3聲先應3一句, 如果呢點都改善埋就更perfect.

聽朋友講杏花新城幾好行, 因為地方大, 人流不多, 特別係去波波池玩, 小朋友玩得開心又乾淨玩樂過後, 又到醫肚時間, 於是就在隔離的譽居晚飯, 我叫左碗豬腰肉丸粥食, 先讚個粥底, 入口都幾滑, 仲有米香, 豬腰洗得乾淨, 無尿味, 另外牛筋腩麵味道都ok, 柱侯味道偏甜少少, 不過牛腩唔會太硬, 岩小朋友食除了粥同麵, 另外仲有小菜供應, 我地再食南乳炆豬手, 估唔到一間名不經傳的粥店都有這個水準, 豬手很軟熟, 這個是會令我再回頭之作再加一碟油菜, 埋單獨$16x, 以後再去波波池, 之後食飯都不作他選了

講真啲食肆推出會員制度,冇非想食客多些來幫襯,因為好多時入咗會,會員會有優為,但唔喺間間都咁諗,而呢間譽居就喺嘞,我入會時都要比幾十蚊呀,(不是現金卷),但以後食嘢免加一,仲有一疊優為卷送潻.今日行過譽居見仲喺早餐時間,於是幫襯,就叫了一碟蝦腸($24早餐價丶一碗雙丸粥(特價$26),醒起我有一張優為,叫正價粥有一條油炸鬼送,不過我都嘗試指注特價粥個牌問仲可唔可以用張卷,當時侍應話得,但到埋單時要比六十八蚊,我問點解?原本$50,宜家要$68,收銀亜姐話用優為卷碗粥要收正價喎,算數,咁都喺$62啫,收銀亞姐話用咗優為卷全單冇免一,嘩,有冇攪錯,好彩我唔喺晚市食九佰蚊啫,咪又要為你一條油炸鬼,比多九十蚊,我唸就算問返個侍應,佢都喺唔認呀啦,相信條油炸鬼喺我有生之年最貴嘅一條囉,間嘢咁做法幾好吃都喺假,更可况都是一般,冇乜特別

這個中午媽媽為準備當天的晚餐沒空煮午餐 二人便到到家樓下用膳去!媽媽提議到譽居，我沒異議，記得上次吃過這蜓千裡的粥是挺滿意的在杏花村要吃粥著實的沒太大選擇 即使譽居定價不低也沒辨法這裡星期一至日也有午市套餐供應，比單點的來得化算當中選擇也不少，亦欣賞她定時會作出不同的改變，不會令人'吃到悶'這天我和上次一樣叫了午市套餐A (自選雙拼粥+油條/炒麵) - 豬潤牛肉粥+炒麵[$40]在向店員可單時說了豬潤滑牛粥，記得上次也是這樣說的但奇惟這次店員竟回應我沒有滑牛只有牛肉我只好再問是牛肉片嗎? 而店員說是，那就沒問題了.約等了三分鐘，炒麵便先來了看見成品份量不多不少 唯當中的麵條每條也是'令立立'的 可見用油不少而麵條之間則夾雜了紅蘿白絲和椰菜絲 為粉麵帶來多一些爽口的嚼感我不是個愛吃粉麵的人 這個配粥的炒麵就給我的麵王媽媽清碟好了!我的豬潤牛肉粥跟接送上，一看就知當中的用料不少豬潤和牛肉也有好幾數塊 而碗亦算深 故粥的份量是很足夠的粥底雖沒甚麼米香但至少不會出水 吃罷亦沒有口喝的反應當中的豬潤是我喜歡的厚切而且沒有煮得過熟 咬下去是爽口的 很不錯而牛肉則是滑身的 但可能因被梳打過火 肉味全

經過上次嘅教訓，今次決定買外賣，費事受班黑面神氣😏今次買左淨豬手叉燒鮮蝦雲呑同埋蟹粥，豬手係阿爸嘅至愛，食落果然有道理👍豬手唸得嚟啱啱好又唔會散晒，D汁好香南乳味，一流!叉燒都幾好味，出面香口得嚟入面都仲保留到肉汁，唔錯!雲呑就更加唔使講啦my「飛佛」👍我地一家都一至認為比起好多名牌嘅雲呑面店好似池記或正斗咁，更為出色👏👏👏👏今次粥係第一次食，但聴街坊講都幾好，尤其係個蟹粥，好抵食!會員價三十幾蚊，唔係會員都係四十幾蚊，足一隻糕蟹仔，都ok大隻，好多糕!粥底好綿，唔知係咪蟹嘅關係，粥仲好鮮甜証名新鮮!今次係外面等外賣留意到上次班黑面神好似唔同左，希望下次可以舒服D落嚟食啦，起碼俾加一個心都會覺得值得吖😉