譽豚博多拉麵屋 (已結業)

大圍 - 譽豚博多拉麵屋 今日本身想食油麻地橫綱拉麵，但6點幾去到已經要等位，鑑於約左人係九龍塘交收，時間唔許可情況下都係放棄了。但係交收完之後都仲係心郁郁想食拉麵，咁就決定係大圍出閘搵拉麵食，希望睇下會唔會有D隱世拉麵食下行左陣就見到呢間鋪頭,咁見到佢主賣拉麵,附近有冇乜其他既選擇下,就入去試試,點知一試就...... 拉麵：豚雞骨魚介拉麵 麵：適中 湯：濃 要蔥 落單時間19：50，20：01分拉麵上枱,餐廳座位大約15位，當時在場人數6位 就襯等拉麵上枱既時間，就上openrice睇下呢間拉麵評價，原來一面倒負評，心諗今次中伏喇。 但係如果我只去幫襯個d出名既拉麵店，咁又違背自己想周圍試呢個拉麵呢個理念 湯：好夠熱，抵讚。味道方面似中式味精湯，超超超咸 麵：偏淋，味道無特別，平平無奇，坊間一般貨式 主菜：叉燒兩片，偏瘦同韌，都係好一般 埋單需要加一服務費，總數$89 咁既價錢咁既質素，個湯真係咸到飲唔到，評分40/100 ，算係咁了 唔推薦，唔會再幫襯

等位一小時入座等上菜再兩小時入座後一小時侍應問我地食完未之後我地話落左單 佢先彷然大悟比杯同碟我地極差的體驗拉面係即食面湯底面都係價錢要76一碗廚房在暗巷要拎食物穿過暗巷過黎極低cp值難以想像既服務態度一生不推既大伏無論服務態度味道都極差

What a shit placeTakes forever to wait for food. The cook sings along the f***ing radio so loud out of the kitchen.Takes the waiter 20 mins to tell us something is not available. WILL NEVER COME BACK AGAIN.

和朋友聊天直到晚上 打算在大圍附近找一間吃拉麵的 殊不知最後光顧了這一間所謂的日本居酒屋 (原本吃拉麵的餐廳原來已經停止營業 但位置亦舊掛着本身的招牌) 總言而之就是誤去了一間以前從來未光顧過的新餐廳我們被指示行上樓上 空間不大 但未算擠逼 當我們坐下時已經知道這其實是另一間新餐廳 但不打緊 因為本來就沒有要找好東西吃的意思 餐牌只有少量麵食 為了穩陣起見當時我打算點個鰻魚飯 朋友也正有此意 最後便點了兩個饅魚飯首先 不知道鰻魚飯上的蕃茄和檸檬是甚麼玩法 是廚師自己覺得這個會是不錯的配搭還是亂來? 而重點是 鰻魚的肉是霉爛的 這是絲毫沒有誇張的形容 鰻魚的肉和皮中間有許多理論上不應存在的水分 除了極難吃的鰻魚之外 就連基本的飯粒也一樣是霉霉爛爛的 口感極差 實在完全不能接受環境方面 因為我們是坐在樓上較靠近樓梯口的位置 員工上落樓梯的聲音非常騷擾 而且員工似乎沒有意識到要控制上落樓梯時的步速 很多時候是急步的上落 而且次數頗為頻繁雖然本來只是想隨便在附近吃個晚飯 但這和接受如此低質素的食物是完全不一樣的邏輯 這絕對是我吃過最差的鰻魚飯 很難想像如果點的是壽司刺身之類會是甚麼情況 大概是

大圍雖然多食肆，但係拉麵店就唔多，有沾麵嘅更加少！呢間係其中一間。味道正常。係公園隔離嘅呢間拉麵店前身係龍亭，本身都係賣拉麵。餐牌變化不大都係嗰幾樣。沾麵每日限量20碗，所以早d 嚟食好d，一般夜晚已經賣曬，之前6、7點行過想食沾麵，嚟到都已經冇得食。今次lunch嚟就食到沾麵。揀左「陰」，醬油豚骨沾麵$75另外加左$8 有半粒溏心蛋，溏心做得幾好。揀左面質硬、味道濃、有蔥醬油豚骨湯底都幾濃，入面有d 木耳同豬腩肉粒，而且有濃濃鰹魚味，但係鰹魚粉嘅粉粒比較粗糙，令湯底飲落有d 孩口。拉麵暖暖地，質感爽口煙韌，撈埋落湯度味道唔錯，可惜湯底偏鹹冇乜豬骨味，整體感覺一般般。

突然間好想食拉麵 行到呢頭就見到間日本野 就走左入去食拉 大圍遠近馳名既竹炭胡麻油拉麵 難食到一個點 又比佢伏到 睇個樣好似濃 但味道鹹到呢 而麵條亦不見得係熱辣辣 反而係微涷 咁難食既拉麵小編第一次食 sad呀

本來想食龍亭拉麵 但原來已經轉手但又一場來到 試下呢間好唔好食啦7pm來到要等一陣先有位 餐牌同之前好似無咩太大分別 風︰豚雞骨魚介拉麵 $83口味較清爽 麵選擇了普通但都偏淋叉燒有兩片但好薄身 唔算乾身但後期覺得個湯開始有點咸 林︰竹炭胡麻黑蒜油拉麵 $89湯底及香味較突出 蒜油味係唔錯 另各加︰味付半熟蛋<一隻> (博多產) $15隻蛋睇樣唔錯 而且有糖心效果 但食落就完全無味 連蛋香味都無 有點失望 吉列廣島蠔<四本> $48炸蠔唔算大隻 但都有蠔味 不過不失 整體來說真係好普通 但呢個價錢就太高同埋食完之後一直都口渴 飲了幾杯水仍然渴渴地可能真係太重口味 我諗都係食過就算了

周末就到友人黎個沙田大圍車公廟一日遊，出發前當然去小編每逢到大圍的必去拉麵小店小店裝修得好有日本拉麵居酒屋感覺，座位不多，大約容納到20人呢到既餐牌好得意，每個拉麵都會有一個代稱，幾特別而且醬油既濃淡味同拉麵既軟硬度都可以自己選擇，度身訂做屬於自己的拉麵豚骨湯底好濃郁，仲有黑醬油的鹹香和甘醇，飲落又唔會太鹹小編選擇軟硬適中拉麵，果然符合自己喜愛，食落幾彈牙，而且掛湯力一流，吸收哂湯底的精華而鰻魚肉質嫩口且肥美，而且醬汁亦入哂鰻魚內，十分濃郁份量亦好足料配料仲有半隻醬汁溏心蛋同大量木耳絲，溏心蛋做到半流心感，且醬汁味幾香濃呢到既沾麵又係本人必點之一沾麵最緊要係個湯底，一上枱已經聞到好大陣蒜香，黑漆漆既湯底飲落好大陣黑蒜味，加埋鰹魚醬油，濃香而不膩，食到最後仲可以叫員工加上豚骨清湯可以當湯飲湯底入邊仲會有少量豚肉，吸哂黑蒜同鰹魚既湯底麵質食落又咬口又彈牙，沾上黑蒜醬油，掛湯力高，十分惹味呢到仲好特別--提供既水唔係檸檬水而係黑碳水，好似食落幾健康餐單⬇⬇總括黎講:食物質素中上，同價錢絕對係成正比，值得支持下小店🍳🍴味道: 8/10👩👨服務: 7/10🏠💺環境: 7/10💰💸抵食: 8/10

唔會再幫襯，真係好難食！叫咗個辣嘅麵豉拉麵，燒鯖魚飯，同一個豚骨拉麵。店舖除了我們之外有四個客人，出餐要大概30分鐘，有點慢。兩個拉麵味道都好淡，淡到一個程度係唔合常理。湯底非常之薄，唔似食緊日本拉麵，配料好少，咁嘅價錢半隻蛋都冇，叉燒得一塊。味千拉麵都贏佢九條街！沒有誇張，試過你就知，雖然好肚餓，但係個麵真係食唔晒去對面茶餐廳食出前一丁好過！個燒鯖魚飯，真係得燒鯖魚同白飯。比兩片黃色蘿蔔或者蘿蔔蓉都冇咁肉酸啦。以前都幫襯過但一定冇咁差，可能轉左手。

是日卜了檯食飯 因為睇食評話鰻魚飯 及蟹皇丼好快售罄！故特意提早少少預留 先講鰻魚飯 味道是可以的 表面也有焦脆 不過有點過燶 至於蟹皇丼等左足足50分鐘 成個鰻魚飯食哂都未黎 其實中間都催過 但老闆娘話係要時間製作 我們都耐心等候 結果我見同我地差不多時間入黎既人都食飽飽走哂 我個蟹皇丼仲未到 最奇怪係本來係外面等位既人都坐底哂 仲要都係叫蟹皇丼 都食緊 我個碗仲未到 咁我唯有再催啦 佢先發現我未有 即刻整比我 叫我等多3分鐘 咁其實如果3分鐘都可以整到 點解要我等咁耐呢？🤔咁講返碗飯究竟好唔好食 首先碗飯我覺得好像叮出黎咁 個碗勁辣手 第二我覺得蟹膏份量的確好多既 不過真係有點過咸 咸到甚至變苦 我就唔多enjoy😓 總括黎講 鰻魚飯是可以的 但蟹皇丼就很麻麻 基於個飯等左好耐 無心機影 食完就急急腳走了最後想講 今次係睇左個youtuber既片推介 一心想支持小店而去的 不過失望而回

由於睇完sunny 條片推薦後，特登走黎試下。黎到果陣等左差不多一個鐘先入到去，入到去佢同我講話普通果隻鰻魚飯無得賣，之後我再落個鰻魚麵，佢又話無，佢話鰻魚類嘅都無得賣。我果下心都灰埋，等左咁耐都無得食想食個飯。之後就是但叫左個豚肉飯試下。然後第二枱人黎之後，佢特然又話最貴果款鰻魚飯有得賣，咁樣即係有材料，但唔整個飯我食，為左賺多d錢而咁做我覺得對d客人唔係好公平，本來仲以為無哂鰻魚，點知要高價先可以購買。都算啦，諗住個豚肉飯都唔會好差，點知一黎到塊豚肉鬼咁乾，完全無汁，成個飯整普通。重點佢間舖有加一，我唔覺得佢有點服務個我。總結：不太推薦大家食。

呢間經過好多次但從來冇諗過要入去食嘅小店經某Youtuber介紹之後竟然出然排隊嘅情況於是就想入去試一試啦,門口排隊等左半個鐘終於入得去啦,我地兩個人都係諗住試下個蟹黃飯嘅點知坐低想叫就話冇晒,咁唯有試下Youtuber所講未食過咁好食嘅鰻魚飯啦,落完單隔左5分鐘左右繼續有客入嚟啦,然後同我講冇蟹黃飯果個人竟然同佢地講仲有兩三個,唔知佢地係熟客定點啦之後都聽到佢地同其他客都係一時又話呢樣冇,轉頭第二台客入嚟又有兩三個咁啦咁都算啦,咪等個鰻魚飯囉,等了又等,問了又問,明明兩個佢又問係咪一個,結果等到同我地同一時間入去果台客埋單我地果兩個飯都未嚟,佢仲要話新鮮燒係耐啲,大佬阿成粒鐘喎最後個飯嚟左,雖然個飯係唔差,但冇驚喜囉,亦都唔值得花成個幾兩個鐘去等,又坐得唔舒服,價錢又唔平

聽講個蟹膏飯，超乎想像咁好食，而個鰻魚飯又十分出色，兩樣均是每日限量十份 。難得今日放假，就入一轉大圍試一試，早一個星期就打電話book位，12:30pm，及留定蟹膏飯及鰻魚飯，以免沽清。12:30準時到達，已經有不小人在門外排隊，慶幸已經book 了位。唔點知原來未開門。。。 營業時間係中午12點開始， 體諒自家小店，可能有時多嘢準備，未必準時開到。。。就等啦。。。1:00，仍未開門，有排隊人士敲門，打電話希望問一問情況，但都沒有回應。。好奇怪1:10，有應該係店主嘅朋友敲門， 有人應門 ，原來店內有人的。。。有排隊嘅食客立即詢問，點解仲未開門？裏面嘅負責人就話今日樓面無返工，所以唔開門。。成件事令人十分氣憤，一直有人敲門，一直有人打電話入去，唔應對唔接聽，當無嘢，但明知門外有人等候，點解會冇人出嚟解釋叫我哋唔好等啦？我哋只係等咗三十分鐘，但我唔知第一個排隊人等咗幾耐。。。絕對失望！ 我諗就算食物幾好都好。人嘅質素都會係一個重要元素。

寫明開12點，就12點去到諗住食個鰻魚飯，佢個員工12:05分到話今日遲左，叫我行個圈十五分左左右，點知一個鐘都未開，期間打電話唔通，拍門唔應，最後有個後到員工打電話call開門先開，仲要我地問佢先話今日唔開門，唔好意思。真係不知所謂！咁嘅服務態度，就算啲野幾好食都唔會幫襯！真係不x知所謂！！！

呢一間大圍拉麵店開係村屋既地下，十分低調，幾有日本既風味。而餐廳又有拉麵，又有沾麵，俾大家多一點的選擇。吉列廣島蠔廣島蠔炸完之後仍然有返咁上下大隻，金黃既表面十分吸引，蠔鮮味經炸過加溫後更加突出。竹炭胡麻黑蒜油拉麵黑蒜油既湯底加上少少竹炭粉，成碗湯既蒜香完全帶哂出來，加上兩片肥瘦均勻既叉燒，甘香無比。