讚記廚房

营业中

休息中

黎到尖沙咀同朋友各點左下午茶我叫左炸雞髀沙律朋友叫左個沙嗲牛肉出前一丁餐朋友一食碗麵已經講真係出前一丁黎架..但滑蛋係唔錯既我個炸雞🍗真係...得個乾炸粉多過肉咬完幾啖我頂唔順...係杯奶茶好飲啲...

第一次去讚記廚房食完個早餐發覺幾吾錯E餐 沙嗲牛肉面，炒蛋+牛角包 $43 連凍飲雖然43蚊食一個早餐係有一點偏貴，不過我覺得對於其他相同價格的餐廳，這餐廳的食物算對得起呢個價錢。首先，牛角包並唔係酥脆的，反而係軟熟，不過可能因為係現成，所以外層有點乾。不過佢哋會將麵包加熱的抵讚，因為外面有很多餐廳都唔會做到呢一步，就甘比一個冷冰冰既包。所以有加分。其次，個炒蛋火候控制得好好，食落口唔會好老，仲有少許蛋汁，做到嫩滑既感覺，不過平時少去，未知可唔可以維持水準。不過，沙嗲牛肉麵就有點普通，因為我食落都係似出面果啲沙嗲牛肉加一個出前一丁，所以我覺得其他人去個時可以試吓其他野或者佢個肉燥。

#茶記 #茶餐 #茶餐廳 #特餐 #特餐b $50 份量足#龍蝦湯煙鴨胸意粉 #煙鴨胸意粉 轉通粉，煙燻鴨胸有5件，龍蝦湯較結身，味道不錯，有點像蕃茄湯～#火腿奄列 不會太熟，入面算滑，不錯#牛角包 #🥐 都香包熱飲+$3 凍飲ᶘ ᵒᴥᵒᶅ個人口味評分：6.5/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #

#下午茶茶記 #茶餐 #炸雞脾 #鹽酥炸雞脾#炸雞脾拼薯條 #🍗 #炸薯條 #薯條 $42大大隻～新鮮即炸，熱騰騰，雞皮脆卜卜，像薯片似的。椒鹽粗薯條都幾香，但唔太脆，凍左會硬。提供蕃茄醬～+$3 凍飲#芥末魚柳包 $43 #魚柳包 幾好吃，魚柳香脆薄身，偏濃味。青BB芥辣醬重芥辣味幾過癮，不會很辣。麵包皮像豬柳蛋漢堡的麵包，偏乾身ᶘ ᵒᴥᵒᶅ個人口味評分：7/10#food #hkfood #hkfoodstagram

第一次試讚記廚房，見午市套餐價錢合理諗住試下，點知中曬伏。。。同屋企人分別叫左xo醬牛肉茄子飯同埋上海回鍋肉飯。一堆茄子冇過過油鋪係牛肉上面係咩玩法，估計係煮好左一兜之後裝入黎。唯一值得贊嘅係肉有還多塊（差唔多8-9塊）。好啦，到回鍋肉。。。真係我由細到大食過最難食嘅回鍋肉！睇落有汁有辣椒，但係擺落口一啲味都冇。。。真係一啲都冇！我懷疑自己味覺失靈叫左幾個人黎試都話冇味。真係好失望。。。依兜飯少肉過茄子個豆好多。。。成兜都係菜，豆乾得三分之一塊？！真係好後悔入左依間舖。以後都唔會再試，希望大家謹慎選擇。

今日3點幾行到尖沙咀想咬野，到咗寶勒巷見到讚記就入去試吓，入去睇下餐牌，我叫咗沙嗲牛肉河粉，等咗10分鐘到河粉到咗，一睇冇煙既，食一啖完全唔熱既，再試吓D牛肉完全冇味，我唔會再幫襯呢間讚記

今天入科學館前，先和小米在附近午餐。路過寶勒巷，看到店門午餐餐牌，我倆就在此午餐。就坐後，左諗左諗，點了二個粉麵套餐。卡邦尼火腿奄列：煎蛋反曬光，油膩感超勁。總覺得是以人造植物牛油煎出來的煎蛋。蜜糖方包：甜的牛油方包。牛角包：感覺很油膩的。沙嗲牛肉米粉     嗲牛：片片牛肉紋理清晰，不似加左野／啤水。  肉質纖維實在，但喜歡這實在的口感。   沙嗲汁跟米粉一起享用，幼細米粉易掛汁，好好味！   嗲牛丁　配少量生菜   嗲牛本是小米喜歡的款式，但碗內餘下大半的嗲牛。小米表示，牛肉有點硬，唔想咬！   熱奶茶    來一杯熱奶茶，作為完美的句號。  然後向科學館出發。                          

今日咁嘅環境啊都唔好餐餐食好嘢，今日諗住平平哋喺寶勒巷cheap cheap地，溝下唔好食咁貴。咁就嚟咗呢間讚記廚房，講真我一開始睇Menu好吸引，應該都幾有heart 。咁我就試咗嗰個滑蛋先蝦仁炒河，加杯凍檸茶lunch啦！唔係講笑，凍檸茶好飲。炒河嚟到賣相一流！但好可惜一樣野，佢太重味～ 重鹽重師傅！食完成口乾晒，好彩杯凍檸茶都幾好飲！算啦！有時要求唔好咁高。$55交出晒所有水準，但呢間野真係長食唔得，地方好就腳，餐廳本身都大，唔會覺得好迫，侍應就一般茶餐廳水平冇乜特別好或者特別差。報告完畢又一Day

今日又要返學，依然唔知食乜好，今日唔知做乜事電話上網有問題，應該就嚟爆data，load極都load唔到, 所以要搵一個地方有Wi-Fi嘅食飯，行到去寶勒巷就見到讚記廚房，有Wi-Fi可以俾我用，平時都係去銅鑼灣嗰間，水準嘅保證，一定唔會中伏，但係尖沙咀嗰間好多人排隊，但係出入人流比較快，所以都排一陣，排左唔夠5分鐘就已經入得，入到去我都唔使諗，叫咗個午餐S 蒜蓉豉汁蒸白鱔飯，$60呢個價錢來講係街市買半條鱔返去自己整都唔止呢個價錢，所以我每次都會係叫呢樣。

今日lunch 周圍搵野食， 👭同朋友兩人誤打誤撞入左去讚記， lunch 時段， 客人坐得滿滿的， 一坐低都慣性周圍望下其他人叫咩野食先， 嘩。。。點知望到個個都唔同， 好多賣相都係唔錯添， 再睇下餐牌， 超多選擇， 選擇困難症嘅我地， 真係好難揀囉。最後叫左個特餐A, 平時特餐都係跟火腿奄列，or 腸仔煎蛋咁啦， 而呢度係跟卡邦尼火腿奄列再加埋牛角包嘅，主食係沙嗲牛肉湯米， 而朋友就叫左個特餐 C, 日式叉燒湯烏冬 配 泰式辣雞鎚芝麻醬沙律菜， 好豐富囉。食物味道不錯⭐️⭐️⭐️, 但唔太好坐， 因為係木板凳加左個套，坐嗰陣時會成個人坐低咗， 唔夠高， haha....

衛生一般，啲桌椅冇清潔好，入座個陣仲有啲上一手食完嘅骨同飯粒係張櫈到朋友叫左個蠔仔粥，上菜個陣個侍應手指公第一指節插左落碗粥到已經冇咩胃口仲要兩杯凍奶茶都有啲異物（類似細細粒膠片）食完就開始搞肚痛唔舒服🤢之前食兩次兩次都有唔舒服以後都唔會再黎食...

朋友約食飯喺尖沙咀嘅讚記廚房食小菜，之前都想黎試下，今次老友安排好，我準時到就可以了！家常小菜，滑蛋蝦仁，玻璃蝦球真係十分爽口彈牙， 炒蛋十分嫩滑，煮功顯功力！炒牛柳粒配上多款顏色嘅蔬菜，好入味！清蒸海上鮮，鮮魚非常嫩滑，剛剛熟，好好味！

😓外賣讚記早餐⋯⋯送今日同同事一齊叫讚記廚房外賣早餐。0930落單，0946送到，都有效率。開開心心食返個港式早餐！叫左3個早餐A（$30），火腿煎蛋腸仔牛角包，2個轉丁面（各+$3），1個早餐G（$36），雞扒炒蛋腸仔牛角包。我食早餐G，雞扒都大塊，煎得吾會太老，醬汁多左小小。沙津吾多，不過菜同番茄仔都係新鮮既，有俾d日式麻醬。牛角包吾錯，一層層都鬆化，都幾好食。最鐘意係呢個滑蛋，有蛋汁有奶炒，吾會老得濟。腸仔同熱檸水都係正常茶記野。最入戲肉係，其中一個早餐A，同事食食下發現丁面有野送！牛角包係好食，但面有野送真係冇乜引，打晒折頭眼不見為乾淨，下次有機會再食要小心啦！

👍🏻讚記廚房早餐的確讚昨天食完佳記早餐，今日食佳記對面的讚記廚房早餐。9點，人都算多，坐一半到。叫返個早餐E，沙嗲牛肉出前一丁(+$3)，炒蛋，牛角包🥐，飲奶茶(茶走)。上得快，0903落單，0908野上台！感覺安排都吾錯！沙嗲牛丁有小小生菜送，個湯例牌啦，中規中矩。沙嗲牛肉6-7塊，肉味爭d，汁多左小小，但吾算太咸既。出前一丁，面質有保證，加上咁快上，當然未淋，可以慢慢食都吾驚淋晒。牛角包同炒蛋有驚喜，係好食既。牛角包🥐鬆軟，吾會油淋淋，比起普通茶記既餐包，豬仔包好食啦！炒蛋香滑，係有加奶炒既，自己撈d牛油仲正！奶茶(茶走)☕️係我喜歡的，茶走改用煉奶，又甜又有茶味～整體而言，呢個早餐五粒星，有埋腸仔性價比會再高D囉！佢都有個抵食之選，早餐A$30，火腿通，腸條，煎蛋，牛角包連熱飲。會再返兜，相對地，讚記好食過對面茶記，對面間茶記可以休息下吾食住😂

星期日要開工，大淸早到達尖沙咀區水靜鵝飛，天氣涼涼地，最好嘅決定就係食番個熱辣辣湯粉麵早餐再加杯港式絲襪奶茶啦。～ 雙拼出前一丁食爽（厚切午餐肉+太陽蛋）相信出前一丁麵係陪著每個香港人長大嘅童年回憶之一，師傅煮麵同上枱時間夾得非常好。不過真心㗕，一D都睇唔出件標榜厚切嘅午餐肉有”厚切”到，基本上同平時茶記普通切片午餐肉完全沒有分別，呢個係老板慳料嘅問題！非戰之罪。。。煎太陽蛋有焦邊合格。港式絲襪奶茶合格。