譚仔三哥米線 (灣仔道)

营业中

休息中

每日lunch唔知食咩好 我嘅first choice都會係譚仔三哥😋十次有九次我都會嗌番茄湯底 仲有唔同嘅辣度以供選擇 湯底濃郁 酸酸甜甜嘅番茄口味 食落好開胃 米線好爽口😍尖椒皮蛋my favourite 每次必點 唔會太辣 對於我嚟講啱啱好

尋日開一開個譚仔三哥app就見到呢個新登場嘅‘獨門三酸撈薯粉’🤪配香辣單骨雞翼同彈滑燕餃😯本身唔想食辣,不過最後都order咗黎試吓🤣單骨雞翼幾好,易食又幾入味,味道幾好,有4隻單骨,燕餃都係有4粒,都嫩嘅,外賣酱汁已倒入薯粉中,返去自己又撈吓撈吓,同薯粉係幾夾嘅,食食下都其實幾辣,佢有埋啲脆片喺度中和吓都ok,佢default係十小辣咋🤪但係幾惹味嘅,用app仲有青瓜小食同野飲送,都幾抵食嘅😆最後飲返熱檸蜜解吓辣😜

今日見到個app出咗母親節快閃限定‘’花膠嫩雞竹笙‘’滋補米線套餐就試吓佢做午餐，寫住酒香藥膳湯底，聞咗都幾重藥材味，應該未必人人受到花膠就比較爽硬,無骨嫩雞就比較鞋,竹笙就吸晒啲湯有幾粒杞子同一粒紅棗襯托住自己再額外加了生菜多啲纖維結論係個人還是比較喜歡馬祖台灣養生湯麵館的藥膳湯底的甘甜（可能多紅棗）最近外賣都做得很準時,15分鐘內已可以去拎比以前改善咗好很多！

相關食物：香辣回鍋肉蝦仁炆線米線最近見譚仔三哥有新款回鍋肉蝦仁炆線米線，宣傳poster張相似係比較濃味幾吸引，啱晒一向都鐘意上海回鍋肉嘅我，點知中伏！實物同圖片差天共地，無味，無汁，啲米線因為無汁痴住晒，好似平時外賣分湯好耐而未加湯前嘅款，我要拎屋企人另一碗酸辣米線嘅湯先食到！😵‍💫回鍋肉&蝦仁👎🏻完全唔係平時我喺其他餐廳食到嘅回鍋肉味！只係平時譚仔用開嘅腩肉加少少辣醬汁，顏色唔夠，唔吸引，蝦仁更加唔得，無味，雪藏蝦又唔落調味料（或者落太少），份量亦唔多，整體餸少又唔好味。✨建議：1. 唔使試 2. 要試就去試第二間，呢間嗰碗唔得 3. 試咗堂食先，堂食估計比外賣較好

本身以為譚仔三哥服務係數一數二嘅好，點知呢間三哥真係令我大跌眼鏡，因為我地今日去到現場嘅時候只係見到一個樓面喺度做野，而呢位員工要喺人滿為患嘅午餐時間同時兼顧收銀、落單、執枱、安排客人入座嘅工作，本來應該要3個人嘅工作量，而家全部落哂喺佢身上，鄧佢慘之餘，亦覺得呢間餐廳嘅服務水平十分一般，最後我地等左大約15分鐘先入到座，入座之後仲要再等佢得手埋嚟落單，又等左10分鐘。最離譜嘅係，我見到有一位員工B匿喺廚房入面un un 腳咁，外面咁忙亂嘅情況之下佢仲咁得閒，居然唔出嚟樓面幫手(我肯定佢係侍應，唔係廚房員工，所以可以排除佢唔會做樓面工作呢個部分)，到另一個侍應員工C走出嚟嘅時候，態度同動作都係懶洋洋咁，完全係hea住做，做又36，唔做又36咁嘅款，有啲咁嘅同事，真係鄧果位一腳踢同事感到深深不忿！奉勸咁多位想食譚仔三哥嘅朋友，千祈唔好嚟灣仔道呢一間，因為你預左嚟到之後要等大概30分鐘或以上先可以食到野。

本身都食開譚仔好多年，一向都好滿意，大中小辣都試過曬，平時食咁多次都冇問題，點知今日外賣叫左麻辣中辣過橋米線。圖1一打開已經同平時唔一樣，辣左好多同好鬼咸，成碗湯都係紅色，一食落去辣到唔舒服圖2我去走左好多紅油之後，員工真係重手左喎 真係好咸 飲左好多水圖3去完好多紅油之後，先似返平時叫既中辣另外一碗係麻辣小辣 朋友都話又係好辣 食到好痛苦 辣度不符合平日標準

啲人成日話三x同譚x有乜分別，其實冇分別。嗰米缐都係同一牌子，食落去唔滑嘅米缐我只係呢兩間食過，嗰煳辣湯就好似搵支豬x湯開嘅水一樣，勁鹹，加啲白胡椒粉。哈哈。很不愉快的感覺。其他啲人寫到贊到無得頂，你地係咪冇食過咩叫米缐？又痴又硬，香港平民餐廳質素越來越差。絕對係中伏米缐，身為廚師的我只有嘆一口氣。唔該啲食評唔好亂咁寫，你地係咪冇味雷係有贊唔係又贊，醬汁醬料又唔可以自助攞，不如參效一下內地餐廳質素做得非常好了。

試新產品，香烤芝脆豆腐餅 $15，友人說在另一間分店食過好好食，叫我一定要試。但係叫完好失望因為呢間水準麻麻地。豆腐餅太濕，一夾起就散，像食糊仔的質感底部的芝士是微脆的，幾好食，但整體實在太濕友人說他之前吃的好吃得多，可能是這間分店問題吧。現在自選餸新加了鯇魚片，雖然有點細片，不過吃起來幾嫩，還好。至於份量就真是每間分店都不同，不能作准，這間的份量不選多。土匪雞翼 $32 就是一貫地好吃。

自「煳麻湯魚爽肚」米線推出後成為人氣食品，搞到我心思思要試吓😝 入到餐廳坐低就叫咗呢碗米線，再加呢個配料 「芥末魚籽鱈魚滑豆卜」，都係全新推出㗎！店員將我碗米線送上嘅時候已經聞到陣陣嘅煳麻味。除咗口罩後嗰陣香味更加強烈😆😆 譚仔三哥獨創煳麻湯底，將煳麻及麻辣特色湯底結合埋一齊而成。辛香麻辣集於一身，令麻辣味道更加有層次感。魚爽肚口感滑溜又爽口，配埋湯底一齊食堅惹味。「芥末魚籽鱈魚滑豆卜」將芥末魚籽鱈魚滑釀入豆卜之中，每粒都漲卜卜😍放入湯底後索晒啲湯底先食，越食越上癮😋供應期有限，想食就要快啲喇😀 如果唔食煳麻湯嘅話可以轉其他湯底㗎。

識食一定係食過橋🤭 十幾種餸都只係50幾，就咁嗌四個餸都差唔多🤣 原本以為星期五夜晚會好多人，估唔到呢間還好，可能因為附近有好多餐廳？其實我就唔係好食得出譚仔同譚仔三哥嘅分別，兩個都好好食😂譚仔真係每隔幾個禮拜就會好掛住嘅食物❤️

窮遊香港-譚仔新湯麻辣鴨血米線 見到好多朋友仔係ig話正 譚仔有新湯 梗係去試試 到底伏唔伏呢？.直接講結論啦 我覺得其實伏到喊下面簡單講下點解⭐️水煮湯鴨血米線$39🥰一上台真係好香 勁重麻辣香味👌🏻望落賣相都ok 有4舊鴨血 4舊豆卜👍🏻鴨血 算厚身 都滑同入味👍🏻豆卜 因為湯底夠香濃 吸汁都好好食.但問題黎啦 碗湯叫5小辣🤮最伏既係湯面既果層厚厚既油（大概變左中辣）🤮鐘意飲湯既朋友可能會食到一口油🤮可以想像下係淨飲辣油落肚 ok👌🏻咁我唔飲湯🤦🏻‍♀️🤮食米線 但由於辣油太多 同樣每條都爆辣油🤮一野𠽌入喉嚨 辣油入肺 咳左🤦🏻‍♀️（即刻望吓左右有冇人歧視我😂）.整體叫返三哥酸辣 會好好多望番網上廣告圖 有6舊鴨血 3舊豆卜湯底油量都冇咁多 或者可能係我黑仔啦.#hkfunfoodrecord窮遊香港#hkfunfoodrecord以身試伏. #譚仔 #譚仔三哥地址：灣仔分店想挑戰 自己研究啦.⭐️評分：味道：1.5/5環境：3/5服務：3/5抵食：3.5/5.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食

大食妹近排俾譚仔三哥嘅水煮湯鴨血米線燒到星期五收工就同朋友去試一試聽講三哥係水煮湯底係好堅嫁用咗15款香料同醬料提味, 再加入磨成泥茸嘅花椒、八角同鮮辣椒, 造就左呢個令人一試難忘, 食慾大增嘅香濃辛辣湯底<三哥水煮湯鴨血米線(加雞肉)>三哥嘅水煮湯係五小辣起跳嫁雖然大食妹唔係咁食得辣, 但係為咗試佢呢一個傳說中嘅鴨血, 大食妹一於去挑戰一下三哥嘅鴨血係以秘製濃湯同埋胡椒煨扣兩個鐘而成嘅, 鴨血水嫩水嫩, 入口即化, 食落啖啖都係濃湯精華水煮湯鴨血米線裏面仲有唔少豆卜豆卜吸左水煮湯後變得脹卜卜, 咀嚼期間每一啖都食到水煮湯嘅精華, 令人食唔停口大食妹仲加咗雞肉, 三哥嘅雞肉大大片, 食落都令人盡興

雞又酸又咸，食唔入口，同佢投訴雞有問題佢話可能落錯酸辣味，換返兩舊雞但雞肉凍，再換返兩件熟啲。叫左一碗外賣已同佢講唔要壞咗酸雞，佢話換咗，原來又係騙人！非常差！

員工態度極差，疫情下沒晚市堂食不願做。只有我一個人外賣，要我等10分鐘佢做埋野先幫我落單⋯⋯等咗15分鐘，我之後來的人已可以拿外賣，我問她為何我還未有，佢叫我入廚房睇吓，因為有張大單😡，有令外一個亞姐見我嬲話幫我睇，原來我的外賣已經做好，係佢唔包比我！！番到屋企碗花膠雞米缐，雞只有2件！我不會再光顧呢間店。

越做越垃圾, 今日12點05分左右係foodpanda落左單, 話12點25拎, 12點35到話未有得拎, 叫我地等，去到13:00真係頂唔順去問廚房先話冇我地張單, 途中問左幾次都淨叫我地等, 處理緊我地既問題又不停接單。最後嬲嬲地走左, 之後叫過幾次又係等外賣等好耐, 今次等到唔見埋張單