譚仔三哥米線 (大窩口商場)

营业中

休息中

譚仔從來都唔係我會寫食評嘅選擇，因為這類連鎖店一般不會太難食，但又不會有驚喜。不過今次見過套餐又算幾抵食，又即管寫下～個餐包咗兩款主食，兩款小食和兩杯嘢飲。每種都可以有唔同選擇。第一碗主食係米線，有四種指定食材，可以揀唔同湯底，我揀咗酸辣湯底。冇乜特別，保持水準。第二碗主食係食，可以揀蒜香白肉飯或者乍醬午餐肉飯。我揀咗最愛嘅午餐肉，都夠厚，可惜只得三小塊。另外小食我揀咗口水雞翼和麻辣雲耳，而放棄咗香烤豬頸肉和清湯浸生菜。小食都係平時水準。一個餐百鬆啲蚊，包以上幾樣再加兩杯嘢飲，算幾抵食～

應該都成年，冇食過三哥喇有一日突然間食晏好想食就同班同事一齊去咗試話說我係第一次係食晏嘅時候走去食三哥而家咩都貴都明白三個都係要家家，但我冇諗過大窩口呢一間，凍檸茶居然係要加10蚊可能我真係太耐冇食三哥叫咗腩肉腐竹小辣，小米線再叫多個細土匪呢一間就算叫兩個餸呢都算多餸既小辣呢亦都係正常發揮不過我真係好希望佢哋唔好再用嗰隻紙飲筒真係督兩督已經廢咗最後係要就咁埋口飲因為三哥又係平時唔會擺辣椒油喺枱但而家佢哋嘅做法係如果你想要那之後佢又會成樽俾你嘅辣椒油都冇遲到質素其實鬼呢唔緊要嘅加價都係正常大家都淨係想食返一貫質素嘅餐廳姐譚仔三哥做得到👍🏻

每次去食譚仔一定叫佢個過橋米線，貪佢入面好多料好多唔同餸，不過最近越嚟越覺得佢啲份量比以前少好多，但係都冇咗我叫過橋米線嘅諗法，今次食下酸辣，下次又食下清湯，最多都係轉下湯底。

今日嚟到譚仔三哥就想試吓佢哋新推出嘅湯底 - 煳麻湯魚爽肚米線。我知道呢個湯底係煳辣同麻辣湯兩種湯底調配而成，而呢一個套餐仲會配有芥末魚籽鱈魚滑豆卜，另外我自己都叫多咗個墨丸！再叫多一個土匪雞翼同佢哋新出嘅蜜桃乳酸！首先講一講佢哋嘅湯底，個湯底好有新鮮感，有少少胡椒嘅香味同埋花椒嘅麻辣味，而湯底都非常之濃郁，後段有少少嗆口。佢哋嘅芥末魚籽鱈魚滑豆卜都好好食，中間加入左山葵提煉嘅芥辣油，食落去有另一種辛辣嘅滋味。魚肚採用比較薄身嘅品種，口感爽滑細嫩！土匪雞翼就唔需要多講啦，係佢哋譚仔三哥必叫嘅小食，炸到好香脆，雞翼都醃製得好入味，有少少辣！而佢哋新推出嘅蜜桃乳酸都好好飲，入面有少少蜜桃果肉，用嚟解辣就一流

三哥出咗酸菜魚米線，$39 一碗，好吸引終於搵到機會試食。 熱騰騰上到黎， 急不可待食左件魚，唔錯，口感新鮮彈牙$39 ，有咁嘅份量， 唔錯唔錯！ 另加一份魚腐，$5 ， 味道正常，不過不失米線的口感有驚喜， 煙韌有口感。酸菜就是普通的酸菜， 無咩特別湯底好味， 酸酸辣辣， 仲有豬骨魚湯味感覺上湯底係有調配到香港人嘅口味， 入口味道剛剛好， 酸辣適中！ 整體來講，$44 食到咁嘅質素，已經相當唔錯。 湯底、湯料都配合到， 肉嘅份量又唔少，下次會再食

三哥出左酸辣魚米線作為米線既愛好者緊係要去試下啦本身以為湯底會同酸茶魚一樣原來只是酸辣+魚片+酸菜如果同我一樣以為係酸菜魚味道既米線，應該會有小小失望本身我都成日嗌酸辣米線，依家配搭魚片，味道不錯。魚片好脆，冇咩骨，都幾好味魚片份量都唔少，都幾抵食見到菠蘿特飲做推廣，我都嗌左杯黎試下果茶配搭菠蘿味啫喱，感覺都幾清新食完麵食埋舊菠蘿，好似飯後甜品咁，哈哈緊係有嗌土匪雞翼 同燒茄子土匪好食就係人都知啦燒茄子都真係唔錯落左好多炸蒜同調味炸，好惹味

其實我唔鍾意食米線，不過氹仔都有幾多野係好食嘅！例如土匪雞翼$30/5隻，口水汁皮蛋$20，呢兩個小食都係我每次必點！米線方面我依家鍾意揀蕃茄湯底因為我唔食辣，蕃茄味都幾香，食材方面我會揀炸醬，食譚仔必須要有炸醬，否則係冇靈魂嘅，墨魚丸我都鍾意，幾十蚊來講冇咩好投訴。

我一直都係三哥fans次次去必食雞肉 腐皮 豆卜 麻辣10小 利間分店我食過兩三次外賣次次d米線都硬到呢好似未煮熟禁用熱湯淋佢浸佢都無用今次堂食 我醒水叫廚房要煮淋d終於食到正常既軟硬度😂今次試埋佢地新野飲吾錯！酸梅加檸檬加七喜酸酸地 好開胃

防疫期間真係好少出街。 今日出去有嘢做is就忍唔住去咗食譚仔， 中午時間人數都唔算多。 都仲可以好衝動咁自己坐開一個。 員工們全部都有戴口罩。 好耐冇聽譚仔話啦。 今日食咗一個 雞肉腩肉十小 米線， 再加多個細土匪， 加杯凍飲。 原來價錢已經要去到70蚊。

其實我都好鍾意食米線㗎今日路過見到譚仔三哥有新野喎，決定試吓佢！出街食得多其實有時都想食多啲蔬菜補充營養又幫助消化！平時鍾意食麻辣，想有營少少時會揀蕃茄湯底～好多蕃茄呀！嗌左兩個餸～豬肉同魚腐～😋 ，配料絕對充足，芽菜韭菜腐皮～譚仔三哥米線不斷創新，又推出左新菜式啦！新推出嘅口水三素，真係啱晒鍾意辣又鍾意食素菜人士，矛盾共同體冇問題！　口水三素有豆卜、雲耳、鮮冬菇絲，去配埋三哥特色口水辣辣汁，有味覺刺激，又有素菜營養～不可不試！仲可以食花生😆白薄荷雙檸梳打，有檸檬青檸啦，兩款檸檬配埋梳打～飲落好relax～😎米線酸酸少甜、口水三素辣口、白薄荷雙檸梳打解渴解辣，多重滋味多重口感、多重享受😎

好耐冇去譚仔三哥食野，今日中午行過大窩口，見唔使等位，所以入去食印象中，譚仔三哥除米線外，係有薯粉選擇，但宜家好似只有米線供應叫左個腩肉魚腐10小麻辣米線，湯底幾清，入口有少許辣，跟少許配菜，腩肉幾爽口，魚腐吸左湯汁，好淋好入味

今日去左大窩口...唔知食咩好...於是去左食譚仔。諗返起，我都好耐無食譚仔....以前我食譚仔時係長沙灣，當時仲未有咁多分店，梗加唔好話三唔三哥嘅分別，后來分店越黎越多，再演變到譚仔與譚仔三哥。我以前好鐘意食譚仔，到佢出現譚仔三哥，我就轉左食三哥。有一次我食三哥時無間意發現一個小插曲…原來三哥係創辦人，后來開多左分店揾家人幫手，點知最后意見分歧。所以三哥自己開設左譚仔三哥，繼續佢對食物堅持，醉心研究新口味。當時我鐘意食三哥煳辣口味，由於我唔太食得辣，呢個口味，啱晒﹗味香濃得黎唔辣，當中仲帶點點燶味，好特別！不過后來口味比較鐘意清淡，所以變為鐘意蕃茄味湯底。今次我叫左蕃茄味過橋米線餐。如果有2個人，我就一定會叫過橋米線餐，因為佢樣樣餸都有啲，貪心嘅我就係想樣樣都試🤪款式多就最啱我😆出面餐廳嘅蕃茄湯底一般只會用茄膏加茄醬，但三哥真係有蕃茄㗎👍🏻但今次令我好失望😣😣湯底好似溝左水咁，無咩味...如果講味道除左咸味都只係徥咸味，啲啲蕃茄味都無😑😑另外仲加左碟重慶口水味豬脷。呢碟就無失手，依然係咁好味👍🏻雖然睇見好多紅色嘅辣椒油，但唔算好辣，而且仲好惹味😋😋😋

去完旅行返到香港，好掛住譚仔三哥。一於去食番碗麻辣三小辣！😋兩個人如果唔係好揀餸食，叫過橋米線套餐就最抵。咩餸都有啲，唔洗煩😊份量絕對夠兩個人share，好食！

見譚仔三哥出左兩款小食幾吸引，所以就走左去試下🤤😋😚-☆ 煙燻溏心蛋 HKD$10估唔到依家三哥都有溏心蛋，仲聽講溏心蛋係以普洱茶葉及赤砂糖煙燻，配譚仔三哥秘製辣椒醬，味道創新仲好惹味添🤩🤩-☆ 辛烤素菜卷 HKD$18由於即叫即製，皮整得好脆，餡料亦好豐富，可以揀麻辣涼拌汁或重慶口水汁，用嚟配米線食就最夾啦🤤另外仲叫左碗清湯淨米線，兩個重口味既小食，令原本既清湯吸哂味😋 食完兩個小食加一碗米線，捧住個大肚dum好滿足😊😊

尋日經過荃灣又肚餓，就去左食堂食飯，不過今次係去譚仔三哥，而非譚仔！我點左凍檸茶走甜一片檸檬、加豬潤腩肉米線走「九」菜雖然間間三哥啲味道都差不多，但呢間分店啲上菜效率一流，下午一點去食（飯市），七、八成滿，我等左5分鐘都唔夠，我點嘅野已經上齊👍🏻