譚仔三哥米線 (葵涌廣場)

营业中

休息中

前排黎食 企喺門口等佢安排位個男員工 望左兩眼企返去收銀檯唔show人最後直接走左 冇食到試問呢啲係做服務業嘅態度？炒左佢啦唔該 做壞曬個招牌以後唔會再去呢間食😅嬲到hihi

今日lunch難得唔使出街可以同同事一齊去食飯，所以我哋揀咗譚仔三哥仲叫咗一個大土匪一齊share嚟食三哥基本上係香港人嘅飯堂諗唔到食咩嘅時候基本上就一定會去三哥或者係譚仔

今日下午三時左右係呢間葵涌廣場譚仔食個素過橋米線。今日唔係星期三，而個餐牌明明寫住免費轉菜底，咁我就問其中一位職員係咪免費轉菜底，職員話冇，仲話就算星期三來都係冇，我好奇怪，咁即係話根本係冇呢個優惠？個餐牌係呃人？但明明寫得好清楚同埋係寫埋一齊的。後來佢交左俾店長答，店長過來回答都係話冇免費轉菜底，就算星期三來都係冇，答案一樣。老實說三蚊雞我唔介意俾，亦都俾左，因為無謂浪費時間爭拗，Post上來係因為是非問題。另外更重要的是，食食下發覺有好大粒石同沙夾雜係個菜底度，粒石仲好硬，真係好污糟。譚仔係葵芳最少都有三間，感覺興芳路個間仲乾淨啲，實在唔建議幫襯呢間葵涌廣場分店。

每個星期例牌都會幫襯一次，其中一個原因係呢度既姐姐態度好親切，同埋都會認得我幾時黎過，有時諗唔到想食咩佢都會介紹呢排有咩新材料新湯底叫我試吓，真係好有親切感，大讚

今日放假，所以去咗食譚仔三哥米線度食晏晝飯。嚟到譚仔三哥米線，一定係食佢哋嘅麻辣米線。今次我就係叫咗一個餸啫，就係叫咗麻辣米線配牛肉。麻辣米線嘅湯底我叫咗二小辣，譚仔三哥米線嘅二小辣味道適中，唔會太辣唔會食到成身汗。不過，呢間譚仔三哥米線嘅牛肉嘅份量，的確真係好少。不過，好在米線都會飽肚，所以如果以一個中午嘅餐嚟計，譚仔三哥米線嘅一餸米線，佢哋嘅份量都可以尚算接受，最後我叫咗杯凍檸茶，味道尚算不錯。

其實呢你哋外賣個蓋可唔可以冚實啲？個結打好佢？我頭先搭車，跟住啲湯全部流晒出嚟個膠袋度，後來發現個蓋根本就冇冚實到！個膠袋結又打得唔好成袋歪左一邊d湯流晒出嚟，甚至d湯係個膠袋d好細嘅個d窿窿罅罅流出來，好彩流得唔多，如果唔係我成腳都係，然後我馬上攞紙巾抹返乾淨張凳，搞到我要喺個巴士度抹凳，搭lift人地同我講話“哇流晒出嚟喎”我真係多謝你全家

Tamjai Samjor is a popular rice noodle restaurant known for its customizable bowls of noodles. The concept is simple yet brilliant - you get to choose your favorite ingredients to create a personalized dish. Among the options, my go-to choices are beef and meatballs, which add a delightful combination of flavors to the noodles.The restaurant offers a range of soup choices, each with its own distinct characteristics. My personal preference is the tomato soup, which has a mild level of spiciness.

垃圾 係 app 叫左外賣自取 等勁耐先黎取消我張單 明明唔多堂食客 我問點解 就話太多訂單 唔想做一開始取消啦 仲要等左勁耐先黎取消 正一垃圾 👎👎👎一肚氣 😤😤😤

又到左每逢母親節都一定會出嘅滋補養生湯 ‘ 最滋你心 ’ ，同🤴🏻順便試埋個新酸菜湯底 ‘ 一戰酸鯛‘ 先！😁😁～～～滋補螺片滑雞白木耳米線🍜～～～母親節限定，有螺片鮮甜及少少酒香嘅湯底，螺片有兩大塊，滑雞亦都唔 ‘ 鞋 ’ ，飲完個湯會幾舒服！☺️☺️～～～三哥酸菜脆鯛魚米線🍜～～～另一款三哥新菜式，呢款係酸菜嘅酸味唔同佢其他普通嘅酸味，我就一般但一試無妨😃😃，鯛魚都幾新鮮建議可以納入可選菜式😊😊～～～椰香奶蓋咖啡～～～呢杯係帶酸味嘅咖啡，撈勻之後都淨係飲到酸咖啡味，完全冇椰奶香味！😕😕～～～香烤火辣辣豬柳～～～之前好似食過唔辣嗰款，今次加辣款我就覺得麻麻乾咗啲！😗😗

心算來潮好想食米線自己一條友通常唔洗等位食埋拿拿林去開工🏃🏻🏃🏻🏃🏻🛎 $35 炸醬酸辣一直食開譚仔炸醬，但食過一次三哥既炸醬之後返唔到轉頭😳🙏🏻真係好食好多真係食到有肉色水都有光澤好多🤤酸辣湯底就冇咩特色～～～🛎 +$10 凍奶茶叫左少冰少甜，真係有少到👍🏻合格～🌐 環境/服務我矮🤣坐高台位唔太就手不過好易有位，唔係坐好耐所以冇問題！

又嚟到食三哥既moment 身為米線之鬼既我，食米線又點可以唔食三哥，三哥已經成為我既飯堂之一，晚飯嚟到葵涌廣場三哥分店，呢間分店較大，座位上都幾寬敞，今次叫左雞肉麻辣2小辣米線，再加多左份尖椒皮蛋。雞肉麻辣2小辣米線 （少米）個人覺得呢間2小辣辣啲，係其他分店食開2小辣都無咁辣，麻辣湯唔會好油，同佢既米線煮埋一齊，簡直係prefect match ，米線煙煙韌韌，超級好味😋。尖椒皮蛋再配埋尖椒皮蛋既尖椒，又係另一番風味。

今日又嚟到葵涌廣場，本來打算掃街。但又好唔爭氣地行左入三哥😂😂😂呢間三哥地方比較大。即使係午市嘅時候都可以唔洗坐得咁迫。仲可以拎多張椅放個袋。咁就唔洗攬住大包細包去食野啦。今日點左魚腐竹笙麻辣大辣。再加個蒜泥白肉。本來叫左走芽菜，但落單個姐姐漏左🥲我一路都覺得食米線係食佢嘅淋pat pat。無啦啦有啲爽口嘅芽菜係非常之唔夾。蒜泥白肉勁多蒜。岩晒我呢個好蒜之人。食飽之後又可以繼續shopping喇😂

無煮飯，就落街食譚仔三哥！🤗有選擇困難症嘅我揀咩餸真係好X煩，過橋米線出現就最啱我，唔洗煩諗食咩，哈哈！😂😂😂煳辣湯底過橋米線大辣$55（6/10）後悔咗，以後都係叫酸辣好啦！酸辣湯底過橋米線大辣$57（8/10）幫工人姐姐叫，走豬肉走唔清，或者可能無走到，最後都係我食埋！🤣🤣🤣土匪雞翼5隻$31（7/10）熱奶茶$10可樂$82人總共價錢$161@tamjai_samgor地址：葵芳葵富路7-11號葵涌廣場1樓93號舖#譚仔三哥 #米線 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

過開黎葵涌廣場 本身有啲腸胃不適 所以諗住叫個清湯米線食下 呢碗米線相 係我未食之前影嘅相黎 我叫左兩個餸 腩肉同埋魚腐 清湯走狗芽 姐姐一送到黎都嚇咗我一跳 啲餸少到呢...... 啲腩肉又薄又少 總結 呢間3哥 我只會食一次唔會再回頭 差評 葵廣咁多野食我都簡你 估唔到咁失望🤗🤗🤗😓

係呀，我又食譚仔喇😂😂話說譚仔同三哥都不約而同咁出咁出左新嘢食。譚仔就出左泡菜芝士豬柳撈米線。聽到個名都覺得一定好漏。而三哥就出左蒜香/蒜辣雞翼尖。咁我就試左後者，蒜辣雞翼尖。蒜味好出。食完成個口都係蒜味。直情隔住個口罩都聞到個隻😂雞翼尖份量都唔少，以$15嚟講都算多，而且隻隻雞翼尖都算大隻。不過唔知係咪蒜炒得有啲過左，初初食落口個陣蒜味偏苦。米線就點左木耳魚腐麻辣大辣，而家嘅大辣好似無以前咁辣。曾經有一排因為個胃唔好而戒左食大辣。記得以前食大辣一定會流晒鼻水。反而今日無。凍啡，終於用返以前嘅咖啡粉。前個陣飲仲係偏苦。今日終於飲返以前個隻味。蒜辣雞翼尖整體都叫好食嘅。下次有機會試埋蒜香雞尖先。