譚仔雲南米線 (利都樓)

营业中

休息中

肚餓咁啱想食野，見大大個門口開住，咪入去食，遮遮話截單，ok即刻埋單，過左三分鐘就出菜。無睇時間，不嬲唔會問幾點閂門，食碗米線半個鐘九個字都好合理係咪？截單個下，完全無諗過，原來得10分鐘食！…9:43落單，9:55同我講收10點。喂我叫左過橋米線，最大個碗啊，碗湯仲熱到咩咁，你同我講要收鋪，但我都真係食唔切啊，跟住講完又講講完又再講收10點。你咪收工囉，我無阻住你啊。我比左錢坐低食我既米線，我仲食得好快，你收工唔駛話我知架。幾好食都無用，倒入口咁滯，最終10點都係食唔哂，浪費哂d食物，喂我黎食野唔係參加鬥快食比賽，我交番隻碗比個員工個時，碗湯仲出緊煙，檢討下啦！

終於見到有墨魚春卷米線，真係要一試！外賣盛賣$38，好彩有6條墨魚卷甘多，啖啖肉，又夠飽肚，又好好食！對於糧尾既打工仔一族真係恩物，又抵食，又慳到錢！當然可以配返杯凍檸茶，我都好鍾意飲，夏天必飲。

見以前只有青山道間分店有得賣嘅黑栢葉，依家全線譚仔都有得食，口痕就走左去買外賣返屋企開心share。叫咗佢新出個川風香辣黑柏葉小食😍，黑柏葉冇漂過爽口彈牙🐂，配埋川風香辣汁，又麻又辣🔥，開胃得黎又惹味。另外仲叫咗茉莉花清茶配糖圓子🍵同柚子利賓納🍇兩款新特飲解辣。茉莉花清茶超清新，仲有煙煙韌韌嘅嘅糖圓子，消暑解辣。黑加侖子味利賓納配搭柚子蜜，滋潤解渴。同場加映土匪雞翼。🐔依然好食。。譚仔。。

前幾日同個朋友讚碗米線好食，然後佢問我係邊度，我同佢講：譚仔！然後，佢妖左我一聲。嗰種仇恨嘅態度就如正常人見到李小姐坐係個主席位就話自己係主席一樣。當然可能佢見我平時好鍾意食米線，平時讚好嘅米線店如數家珍，以為我會推介一啲小店或者係穩世新店，可惜令佢失望左，唔好意思。因為跟住落嚟我竟然係介紹譚仔嘅米線，可能你會即刻想轉台。不過，我又覺得幾特別，咪寫下介紹下，都有gimmick 。嚟緊呢個星期日係母親節，好多餐廳都推出左唔同嘅promotion ，嗰種熱鬧前所未見，撞正限聚令又解封，人人忍唔住都要出街食飯。基本上每條大街小巷，餐廳大大細細，禮拜六日都高朋滿座，有幾耐冇聽到自助餐分兩個時段都會爆到不行，相信呢個對飲食業來講係一個好消息吧。有好多唔錯嘅餐廳promotion可以講，不過先講過幾特別嘅譚仔母親節呈獻。呢個新攪作，就係蟲草花雞湯米線。見到個樣，好似真係好吸引，而且擺喺你面前呢碗個樣同個廣告都算好似，幾滿意，唔同麥當勞，常常真實情況同廣告相差甚遠，就好似嗰啲網上騙案嘅美女一樣。不過如果你想來吃辣嘅話，呢個湯就未必啱你，因為係飲雞湯嘅為主，冇得點一二三四五六七八小辣。先飲一口雞湯，感

今日lunch周圍行都唔知食咩好，最終都係去左譚仔買個外賣返公司食，係疫程嘅影響下，多左人叫外賣，所以都等咗一陣仔，不過都可以接受。酸菜豬潤麻辣米線－一打開個外賣碗放埋d米線落湯，機乎搵唔到d豬潤嘅蹤影，d豬潤切到又細、分量又少。即刻心諗就算豬貴都唔會俾咁少，再講一碗米線宜家一d都唔平。頓時扣哂分👎🏻👎🏻巴蜀爽脆生腸－呢味餸之前停左一段時間，所以今次見到都即叫。再之前水準一樣，個汁幾好味夠辣，而且個生腸唔會有一陣梳打粉味。幾好，可以一試

呢一間餐廳係專係食粉麵，佢最值得推介嘅係酸辣湯底又唔會太辣又唔會太淡味。佢最值得推介嘅係酸菜，豆腐卜、魚腐、炸醬同魚片頭。佢最好的就是可以選擇多米線或小米線really yummy

譚仔米線 ，由細食到大，基本上… 唔使睇過menu ，一坐低 ，阿姐行埋嚟就即刻可以落得單 。個招牌雞翼 ，更加唔洗講 ，唔嗌你就輸啦 但係自從譚仔畀人收購咗之後，我都冇再去食，今日係佢收購之後，我第一次去食。 我食開腩肉麻辣十小 ，唔知係咪因為太耐冇食…好似食唔返以前會上癮嘅感覺 你話係咪唔好食…又唔係，但係總之就係差緊啲嘢土匪雞翼當然冇得輸 另外有進步嘅，係佢哋嘅服務好咗，有禮貌咗重點係，上菜時間快咗好多基本上呢頭落單，嗰頭就上菜啦 。所以，返工放工lunch 譚仔依然都係 「平靚正快 」嘅選擇

晏晝唔知食乜好，於是走咗去穩穩陣陣嘅譚仔雲南米線。對比起飯，猴子鍾意食麵多啲，即使都係由米製成嘅米線，猴子都覺得好食過飯。猴子叫咗個過小橋米線，個名叫「小橋」，但其實份量都唔少，睇過menu，有魚蛋、牛丸、墨丸、豬膶、牛肉、雞肉、豬肉、火腿、芽菜、韮菜、腐皮，仲有豆卜。老實講，猴子冇逐樣數下齊唔齊，不過食到好飽就係真嘅。猴子叫嘅係清湯底，有啲人話去譚仔食米線唔辣係唔好食，但猴子想食嘅係食材真正嘅味道，唔係嚟食辣椒油，所以清湯先係猴子嘅首選。講到材料，唔單止豐富，而且濃淡配搭得宜，一個價錢就可以食到多種味道，亦唔會咁易食厭。呢間喺北角嘅譚仔雲南米線，地方舒適又就腳，價錢唔貴，啲嘢食又好少會中伏，猴子唔想煩食乜嗰陣就會諗起佢。

一個朋友和我中午的時候在炮臺山附近簡簡單單吃個飯，就選擇了譚仔雲南米線了，這家分店在中午的時候非常旺，我們提前用了手機叫號，不過到達后還是要等接近30分鐘。我們進去之後，我叫了一份雞肉米線，重慶二小辣，少米線（剛剛喝了東西，不是非常餓）。朋友叫了腩肉米線麻辣5小辣，也是少米線。等了大概15分鐘，米線來了。 我的那碗色澤非常好，吃起來也很香，而雞肉沒有連在一起，不錯朋友的腩肉米線也是正常發揮。 譚仔一直都是我們簡簡單單吃飯的一個好選擇哦～

之前聽說這家很好吃，剛好今天下班找完人之後經過，看到很多客人這家店走進去就沒錯啦。一開始看不太懂菜單，也因此就看到了個套餐，就給他點了下去，我現在記得我吃了貢丸、火腿、豆皮、青菜，一堆肉品跟豬肝。很像台灣的海鮮麵，然後我還點了湖南口味的湯頭，酸酸辣辣的口味，吃起來真過癮。只是因為沒有太多人來吃不然就會點更多小菜來配了。看到對面的皮蛋很想吃一口，然後湯頭部分還有重慶口味偏辣還有原味的。下次我要再來試看看重慶的三個辣椒口味。很久沒有吃到這麼地道的米線了。實實在在的給讚！

一段時間無食米線，今日經過炮台山，咁啱見到譚仔，呢間舖坐得都算舒服，唔太迫...職員話2:30pm後有下午茶，三十幾蚊一碗米線+小食同飲品，好抵食呀👍🏻湯底比以前更多咗選擇，今次試咗麻辣味，如果可以再辣d同辣d會更好👍🏻

趕住返公司做嘢, 求其係對面的譚仔買左碗豬肝加豆卜清湯米線食.米線好講求湯底好唔好味, 所以一開始, 我試左啖湯, 但比我平時食開三哥的淡, 唔鮮甜之中偏咸, 感覺上好似加左好多水再加鹽去加味.至於米線, 我覺得係正常, 同平時食開的差唔多, 配菜同豬肝都不少, 但好可借我叫左豆卜, 豆卜將湯底的淡味索晒入去, 正常如果係好味的湯底加豆卜係最佳組合, 因為可以把湯的精華吸晒入去, 但好可惜今次個湯底......不過好彩有加辣油, 加左辣油去調味, 感覺上好味好多..但外賣等得偏耐, 眼見後過我入去的客人也有米線, 但我等了10-15分鐘至出單... 有點兒慢呢.

放學後有點餓，晚上要去party room，所以選擇先填一填肚子那譚仔就是個不錯而且方便快捷的選擇了。 跟2個同學去炮台山地鐵站斜對面的那家譚仔米線（北角店）。我這次叫了雞肉重慶三小辣 少米線（減一塊錢哦）也吃得飽，另外再加了一份蒜泥白肉（小）一起分。服務員很有效率，可能客人還不是太多吧（6點45左右），下單到米線端上來也10分鐘內就好了這家的重慶三小辣略淡一點點，不過味道還是足的，加上蒜泥白肉也很好吃雞肉份量正常，不過部分雞肉連在一起成為挺大的一塊，弄開有一點麻煩

今晚要上堂。放工後，我乘車到炮台山。在英皇道，見有間「譚仔雲南米線」就入去坐下叫餐。餐館內的環境及格調優雅，光線柔和。侍應態度尚算有禮。整個餐上枱需時八分鐘。我點了墨丸，魚腐米線及凍奶茶。咬開墨丸，看到有少許墨魚粒。食落質地較爽口，口感就一般，墨丸味就不覺有。魚腐的質感軟綿綿，味道較談，口感也好。芽菜和韮菜一起嚼起來，又幾爽口彈牙。米線掛上濃郁的湯底，又可以享受到米線的爽滑的口感，味道認真一流。吃完後，就連剩下的濃湯也喝清光。再品嚐凍奶茶，茶味濃香和奶味醇香，口感香滑。冰塊適中，美味又提神。

吃完都幾失望的，兩三年前在這裡點過口水雞，現在只剩下口水雞翅了，我想著應該也挺好吃的。結果原來是白切雞翅扔到調味料中，所以，就靠這個調味料了。而調味料呢，怎麼說，像是衹是辣醬而已，連一點醋都沒有加。一份衹是把三個雞翅切開，切成六塊。而雞亦果d肉係'冧啤啤'。失望蒜泥白肉比口水雞好點，但相當的金貴，26塊錢祇有七片肉。調味料同樣的也是少了醋。檸檬茶跟小食係七蚊，外賣仲要加一蚊，好飲嘅話加一蚊就一蚊啦，結果呢個檸檬茶，好似係用出邊雀巢檸檬茶粉沖出來嘅茶底，再加幾片檸檬。作為一間上座率咁高嘅餐廳，呢個檸檬茶認真失禮。btw,我嗌呢啲現成嘅小食喺門口等外賣等咗15分鐘+。應該唔會返轉頭。