譚仔雲南米線 (港灣豪庭廣場)

营业中

休息中

估唔到譚仔早餐性價比咁高，30零蚊有個早餐，加九蚊仲可以多塊雞扒，西式嘅人可能兩個都夠食！沙爹牛夠味，雞扒又唔會醃到爛曬，係我叫太陽蛋佢畀錯反蛋，不過譚仔阿姐態度非常好，算啦一樣都係咁食！奶茶都幾出色好過好多大家樂！

真係好嬲，原來呢間餐廳係拒絕推bb車進入用膳，話bb車阻路，其實已經係泊一邊，根本唔阻人出入，係職員要求我哋推入佢指定位置，當時我哋解釋因為該位置冷氣好凍，會冷親bb，佢無視我哋問題，加上bb車泊一邊，出入係完全冇問題，不停話我哋阻路，逼我哋轉位，其實不是第一次，今次再繼續係咁，真係好嬲好嬲好嬲，服務態度極差，好掃興，直接推車走人，以後唔會再幫襯👎👎👎如果係唔歡迎bb車進入，請係門口貼紙告知！！！

港灣呢間譚仔唔多人，所以入左去食下午茶。譚仔下午茶set幾抵食，有一碗兩餸米線，然后自己可以揀2個或者3個小食，包熱飲，凍飲就要加$3。因為肚餓，所以揀左兩個小食。當然仲有其他set可以揀嘅。姐姐服務態度都好好，因為差少少先到2:30，佢畀我入去舖頭等。而且下午茶要人手入單，姐姐都好有耐性。味道就不過不失，同其他譚仔差唔多。對於女仔黎講，份量夠食。因為小食可以揀3款唔同嘅雞翼，所以男仔嘅話份量應該都會夠。

今日見到譚仔有個新菜式系潮州韭菜豬紅，于是入去試下，超好味，好熱 韭菜豬紅好腍 唔會好辣，有啲沙嗲醬嘅味道，沙爹醬好好味，花枝丸好彈牙，里邊咬到墨魚嘅，雞腳筋都好好味加埋啲云耳一齊食，經過的話可以一試

有一日假期經過突然想食米線🍜相信住得香港都一定食過🤣 一間就咁叫譚仔，一間叫譚仔三哥，今次食既係譚仔🤓 譚仔通常都係食麻辣，普通麻辣就唔洗點講啦🤨 今次我特別d食呢個 重慶酸辣湯底~辣既味道適中，以這價格來說份量算剛好，今次既送叫左魚腐同炸醬🤤🤤🤤譚仔既炸醬算係比較出色，每啖都可以撈米線，真係算係我既飯堂必食之選！🍴重慶酸辣米線：$50📌譚仔雲南米線🍽️大角咀福利街8號港灣豪庭廣場地下G37-38號舖

喺呢個商場已經無乜餐廳可選擇，譚仔早餐叫做比較有水準，土匪炸醬多士同餐蛋丁都好食，早餐時段未至於有太多客，而且舖面大，多數都不用等位，但人手嚴重不足，無人執枱，落單要等，比錢要等，食完哂成個早餐都未上飲品，催左兩次，個收銀都算反應快，自己入去水吧沖飲品出黎……又試過早餐坐左7-8成客，但樓面得一個員工，落單又佢，執枱又佢，傳菜又佢，接外賣係佢，收銀又係佢，但角落位有個staff 喺度嘆早餐，如入無人之境，雖然人地間餐廳點樣管理唔關我事，但係咪可以安排多啲人手，好多人食完早餐都要趕返工趕返學，所以速度快都好緊要，希望貴公司能夠跟進下呢間分店既情況。🙏🏻

今天下午 ，我走了過去港灣豪庭 商場 地下的雲南米線。 我入到餐廳 ，大約是下午 2時30分 ；可能過了午飯時間， 都很容易找到位置 坐下。 餐廳剛剛開始下午茶。 我叫了一客 上湯米線 ，配上青瓜、木耳 及一杯熱飲， 大約40元。 味道唔錯。

今天晚上， 不想食飯 ，想換一換口味， 走咗過去港灣豪庭地下的 譚仔雲南米線 ，叫了過橋米線： 包括魚蛋、牛丸、墨丸 、牛肉 、豬肉、火腿、 竹笙、 腐皮等等， 很多種類， 58元 ，飲品另計 。過咗十分鐘， 過橋米線被送到枱上， 十分美味。

行落幾步樓下就是譚仔，十分方便。早上時間人流多但尚算有位坐不用等候，上餐都快！個人喜歡該店的通粉，其湯底濃郁，份量夠大，再加上雞扒皮脆肉嫩，味道剛剛好！奶茶都茶香奶滑☺️

位置喺大角咀海富商場係街坊經常幫襯嘅一間米線專門店今日就試咗快靚正早餐C 都係37$即有牛油厚多士餐肉腸仔煎熟蛋熱奶茶家鄉爆米通粉牛油厚多士是一種非常受歡迎的早餐選擇。這種多士外層酥脆，內部柔軟，加上濃郁的牛油味，一口咬下去，嘴裡充滿了又香又軟的口感。配上一杯熱奶茶，更是絕配。餐肉腸仔煎熟蛋是這個早餐的一大亮點。餐肉腸仔經過煎熟後，外層微微焦香，內部軟嫩，搭配上煎熟的蛋，口感豐富。這道菜除了美味，還能提供足夠的蛋白質和能量，讓你一天都充滿活力。熱奶茶是這個早餐的必備飲品。經典的香濃奶茶，喝起來溫暖又濃郁，給人一種舒適的感覺。它也可以提供一些能量，讓你在早晨有更好的開始。家鄉爆米通粉是一種傳統的早餐選擇。這道菜使用了大米通粉，經過泡軟後炒熟，配上豐富的肉片和蔬菜，味道鮮美。這道菜營養豐富，是一個很好的早餐選擇。

譚仔相信住得香港都一定食過🤣 一間就咁叫譚仔，一間叫譚仔三哥，今次食既係譚仔🤓 譚仔通常都係食麻辣，普通麻辣就唔洗點講啦🤨 今次我特別d食呢個泡椒酸菜魚湯底既4小辣過橋米線😛（$61） 呢個湯底就犀利，要+$4，平時普通麻辣只需+$1，佢個湯真係好似去食酸菜魚果種湯，辣得好爽，但係我覺得辣度係比想像中辣😵 即係我雖然食緊4小辣，但食落個感覺係2小辣咁刺激😵‍💫 過橋米線就好多唔同配料啦，依家佢地做緊優惠+$18可以有一人份量既小食同飲品，仲要凍飲都唔洗加錢👍🏻👍🏻 小食我就揀左豬耳，好食爽脆😋 另外再叫多個大土匪雞翼（$33）非常豐富😆如果你係譚仔會員仲可以自己app點餐，因為譚仔一般都好多人，叫餐方便左，仲可以用payme埋單，有時佢地有payme優惠券搶，就可以慳多幾蚊🤪

大角咀都有好多小店同好多好野食，今日突然想食譚仔, 都有好一排無食過。記得之前食過一次都要等好耐, 佢鋪面好大，但入面得兩三個員工。今次我就醒啦, 打定電話去落單先再係附近行下，個商場都多鋪頭，隔多10分鐘先再去拎返公司食。但今日無腩肉，嗌左竹笙同魚片頭+清湯湯底依然同樣既味道, 但米線有小小生, 某d有d硬。餸就無乜特別唔知你地平時係嗌開咩餸同湯底呢download 返譚仔個app 仲可以儲分，換現金劵，凍熱飲，小食都得。

我都係過咗嚟呢度食半年左右開頭覺得d味道都ok但最近幾次食D湯底越嚟越淡 好似水咁開頭以為係一款湯底差但係最近果次發現 原來其他都差完全唔似食緊譚仔之前都唔係咁 真心失望

做完運動食個米線環境好大乾淨，坐得都舒服落單20分鐘都未到催佐職員都當冇到效率有待改善職員做野懶懶行米線過硬，食完有啲消化不良🤦🏻‍♀️但整體材料同湯底不錯（叫佐雞肉豬潤酸辣湯）下次未必會再去🤦🏻‍♀️

有一日假期經過突然想食米線🍜，因為疫情嘅關係，就叫咗最唔伏嘅譚仔外賣醫飽個肚今次叫咗土匪雞翼三隻、一碗過橋米線蕃茄濃湯未🍅、麻辣凍豬耳同埋杯凍飲品，雖然叫完之後已經10分鐘之內食，但啲雞翼一啲都唔熱好似整咗好耐咁😞，味道都幾鹹，好啱一啲鍾意重口味嘅朋友，而最核突同令人難以接受嘅係碗過橋米線入面有兩條頭髮，即使可能係唔小心跌咗落去，但係比食客嘅感覺仍然係超級差同核突😰，都好嘔心下，個人認為食物入面冇其他外來物件或昆蟲係基本，咁大個集團唔應該返呢啲小錯誤而個麻辣豬耳就正常發揮，辣味都幾足夠，口感爽爽地淨係呢個唔錯！總括嚟講冇諗過譚仔都會做到令我咁失望，因為不嬲譚仔嘅外賣都做到分湯同冷熱分明、好似唔錯，可能係呢一間分店嘅問題同埋太多食客搞到啲單亂晒，下次再幫襯都唔會試呢間分店一定揀其他